Яңалыклар

185 нче лицейда ике концерт гөрләп узды

185 нче лицейда ике концерт гөрләп узды

«ШАЯН ТВ» каналының «Балачак җыры» концертлары тамашачыларның күңелен яулавын дәвам итә. Бүгенге концерт исә Казанның 185 нче күппрофильле лицеенда узды. Нәни дусларыбызга бер көндә ике концерт тәкъдим ителде. Концерт буена берсеннән-берсе матур клиплар, гаҗәеп эчтәлекле җырлар яңгырады, җанлы атмосфера хөкем сөрде. «Сәйлән» музыкаль фестиваленең сәләтле артистларының онытылмас чыгышлары, беренче татар балалар каналының яраткан персонажлары белән аралашу шатлыгы, истәлекле бүләкләр – барысы да балаларның күңеленә хуш килде. Тамашачыларыбыз белән бергәләшеп вакытны бик күңелле үткәрдек!

18.10.2024
«ШАЯН ТВ» каналында яңа мультсериал

«ШАЯН ТВ» каналында яңа мультсериал

«ШАЯН ТВ» каналында яңа мультсериал! Тылсымлы йөк машиналарының яңа маҗараларын карарга чакырабыз! «Робот поездлар. Караңгы энергия» мультфильмы ял көннәрендә эфирда чыга! Мастер Икс һәм ул уйлап тапкан – караңгы энергия - булачак Поездлар иленә яный. Поездларның көрәштәше Дюк Дозорларга ярдәмгә килә һәм алар ягына күчә. Дозорларның командасы элекке дошманы Дюкка ышана алырмы? Мастер Икс аларның сәләтләрен киметкәннән бирле башка сайлау мөмкинлеге юк. Джинни белән Дюк караңгы энергиягә каршы торырга сәләтле көч тудырачаклар. Яңартылган Мастер Икска каршы көрәш якынлаша. Макси белән Кей караңгы энергияне үзләре генә җиңә алырлармы? Шимбә 10:45, 18:40 сәгатьләрдә, якшәмбе 10:45 һәм 18:30 сәгатьләрдә «ШАЯН ТВ» каналында «Робот поездлар. Караңгы энергия» мультсериалын карагыз. Ял көннәрен бергә уздырыйк! Фото: Яндекс  

18.10.2024
Казанда беренче карның кайчан явачагы билгеле

Казанда беренче карның кайчан явачагы билгеле

Казанда беренче кар 20 октябрьдән 25 октябрьгә кадәр көтелә. Бу Казанда 22-24 октябрь көннәрендә узачак БРИКС саммиты белән туры килә. ТР гидрометүзәге фаразлавынча, 2024 елның 11 октябреннән 20 октябренә кадәр һаваның уртача температурасы климат нормасыннан 3 градуска түбәнрәк булачак. Бу вакыт өчен норма Татарстан буенча +5,4 градус, Казан буенча - +5,8, дип аңлата синоптиклар. Ә нәкъ менә 0,5 сантиметр биеклектәге кар катламы җиргә шактый соңрак ятачак. Бу быелгы җылы көз белән аңлатыла. 17 ноябрьдә исә Казанда даими кар ятуы көтелә. Әлеге көннәрдә һава температурасы 5 градустан түбән төшәчәк.  

17.10.2024
«Сәйлән»нең яңа чыгарылышын карамый калучылар өчен яңа мөмкинлек

«Сәйлән»нең яңа чыгарылышын карамый калучылар өчен яңа мөмкинлек

Дуслар, «ШАЯН ТВ»ның YouTube каналында «Сәйлән» проектының алтынчы сезонының яңа чыгарылышы чыкты. Зәңгәр экраннардан күрми калган булсагыз, үзегезгә уңайлы вакытта карарга тагын бер мөмкинлек! Яшь йолдызларны Татарстанның халык артисты Эльмира Кәлимуллина, Татарстанның атказанган артисты Элвин Грей һәм популяр җырчы Илгиз Шәйхразиев бәяләячәк. Без сезне YouTube каналда көтәбез! Сылтама буенча кер һәм кушыл, һәрвакыттагыча КЫЗУ БУЛАЧАК!

17.10.2024
«Томандагы керпе» акчалы булды

«Томандагы керпе» акчалы булды

Россиянең Үзәк банкы «Томандагы керпе» («Ежик в тумане») мультфильмына багышланган истәлек тәңкәләр чыгарды. Алар барлыгы өч төрле: көмеш өслекле – 3 сум, никель – 25 сум, бакыр-никель – 25 сум номиналларда. Бу акча әйләнештә йөриячәк, әмма ул, гадәттә, коллекционерлардан артмый. Гомуми тиражы – 7 000 данә. «Ежик в тумане» мультфильмы 1975 елда, Сергей Козлов әкиятенә нигезләнеп, «Союзмультфильм» студиясендә төшерелгән. Тиздән аңа 50 ел була. Әлеге мультфильм 35 Халыкара бүләккә ия, 2003 елда исә Токиода узган мультипликация фестивалендә тарихта иң яхшы мультфильм исеменә лаек була. Фото: Яндекс

16.10.2024
Керпегә кул белән тимәгез

Керпегә кул белән тимәгез

Керпеләр бакчада, өй тирәсендә еш күренә. Аларны ашатырга, кулга ияләштерергә тырышучылар да бар. Бу җәнлекнең бакчага, үсемлекләргә зыяны юк, ул кимерүчеләрне күпләп тотуы белән ярдәм дә итә. Әмма керпегә якын килмәсәгез, яхшырак. Кул белән тимәгез, аны өйгә алып кермәгез, ул бик күп чир таратырга мөмкин. Алар арасында иң җитдие - котыру чире. Авыру тешләү генә түгел, энәсенә тырналу аша да йога ала. Инкубация чоры - 12-100 көн. Талпан энцефалиты, боррелиоз, эрлихиоз йоктыру куркынычы бар. Керпе үлән арасында йөри, аңа талпан еш кадала. Лишайны хәтта энәсе белән тырналудан да ияртергә мөмкин. Геморрагик бизгәк тизәк аша йога, җирдә эшләгәннән соң, пычрак кул белән ашарга ярамый. Кулда тырналган урыннар булса, куркыныч тагын да арта. Керпедән эләгә ала торган лептоспироз чире күзгә, бөерләргә зыян сала. Аның тизәге җиргә, суга эләгергә мөмкин. Бакчада перчаткасыз эшләмәгез. 4-14 нче көнне калтырата, баш авырта башлый, күзләр кызарырга мөмкин. Керпе тешләсә, җәрәхәтне антибактериаль сабын яисә кер сабыны белән юарга яки антисептик белән эшкәртергә һәм табибка күренергә кирәк.  

16.10.2024
Телевизор караучылар игътибарына

Телевизор караучылар игътибарына

Чәршәмбе, 16 октябрь көнне «ШАЯН ТВ» каналында профилактика чаралары үткәрелә. 02:00дән 10:00 сәгатъкә кадәр тапшырулар трансляцияләнми. Тик бу һич кенә дә борчылырга сәбәп түгел! Сез үзегезнең яраткан мультсериалларыгызны һәм тапшыруларыгызны безнең сайтта һәм YouTube каналда карый аласыз!

15.10.2024
Prev. 1 ... 52 53 54 55 56 ... 375 Next
Главная Программа Видео Шортс Поиск