Яңалыклар

27 июньдә Татарстанда көчле яңгыр, яшен һәм көчле җил көтелә
Популяр яңалыклар

27 июньдә Татарстанда көчле яңгыр, яшен һәм көчле җил көтелә

Татарстан халкын һава шартларының начараюы турында кисәттеләр. Ашыгыч хезмәтләр хәбәр иткәнчә, 27 июньгә каршы төндә һәм көндез республика территориясендә урыны белән көчле яңгыр, яшенле яңгыр һәм секундына 15–17 метрга кадәр җиткән көчле җил көтелә.

26.06.2026
Казанда 9 һәм 11 нче сыйныф чыгарылыш укучылары өчен гомумшәһәр чыгарылыш кичәсе узды
Популяр яңалыклар

Казанда 9 һәм 11 нче сыйныф чыгарылыш укучылары өчен гомумшәһәр чыгарылыш кичәсе узды

Казанда ел саен үткәрелә торган гомумшәһәр чыгарылыш кичәсе быел шәһәрнең якынча 200 мәктәбеннән 9 һәм 11 нче сыйныф укучыларын берләштерде. Бәйрәм «Казан» гаилә үзәге янында ачык һавада узды һәм меңләгән чыгарылыш укучысын җыйды. Концерт программасында яшь башкаручылар белән беррәттән Республика һәм Россия күләмендә танылган артистлар да чыгыш ясады. Сәхнәдә rebless, «хопелес» һәм «Дожди июня» төркемнәре, ВАНФИ һәм ЙОЛО чыгыш ясады. Татар музыкасын сөючеләр өчен Beku, «Дышать» һәм DJ Сөләйман үз иҗатларын тәкъдим итте. Кичәнең төп вакыйгасы исә «Моя Мишель» төркеменең концерты булды. Музыкантлар тамашачыларга иң популяр җырларын һәм яңа композицияләрен бүләк итте. Гомумшәһәр чыгарылыш кичәсен Казан шәһәре мэриясе, Балалар һәм яшьләр эшләре комитеты һәм Мәгариф идарәсе оештырды. Блогерларыбыздан обзор бик тиздән социаль челтәрләрдә!

26.06.2026
«Татар кызы-2026» бәйгесенең җиңуче- Балтач районы кызы Динә Зарипова
Популяр яңалыклар

«Татар кызы-2026» бәйгесенең җиңуче- Балтач районы кызы Динә Зарипова

Әлмәт шәһәрендә «Татар кызы – 2026» республика бәйгесенең финалы узды. Финал этабында Татарстанның төрле шәһәр һәм районнарыннан килгән 11 кыз катнашты. Ике атна дәвамында катнашучылар белем бирү һәм мәдәни программа кысаларында татар халкының тарихы һәм гореф-гадәтләре белән таныштылар, үз проектларын тәкъдим иттеләр һәм финал чыгышына әзерләнделәр. Бәйгенең төп титулына Татарстан Республикасының Балтач районы гүзәле Динә Зарипова лаек булды. Аңа милли хәситә, калфак һәм 100 мең сумлык сертификат тапшырылды. Шулай ук Динә Зарипова Республикабызны бәйгенең Төркмәнстанда узачак Халыкара этабында тәкъдим итәчәк. Фото: https://vk.com/tatarkizi_official

24.06.2026
L’One концерты һәм дистәләгән активлыклар: Казанда Яшьләр көне узачак
Популяр яңалыклар

L’One концерты һәм дистәләгән активлыклар: Казанда Яшьләр көне узачак

27 июньдә Казанда Яшьләр көне уңаеннан зур фестиваль узачак. Чараның төп мәйданы булып «УРАМ» экстрим-паркы торачак. Биредә көн дәвамында белем бирү, спорт, иҗат һәм күңел ачу мәйданчыклары эшләячәк. Бу хакта Татарстан Республикасы Яшьләр эшләре министрлыгы матбугат хезмәте хәбәр итә.   

24.06.2026
Татарстанда математика һәм рус теле буенча имтиханнар нәтиҗәләре расланды
Популяр яңалыклар

Татарстанда математика һәм рус теле буенча имтиханнар нәтиҗәләре расланды

Татарстан мәктәпләрен тәмамлаучылар рус теле һәм математика буенча БДИ нәтиҗәләрен алды. Имтихан нәтиҗәләре 19 июньдә расланган алар белән рәсми сайтта танышырга мөмкин. Бу хакта Татарстан Республикасы Мәгариф һәм фән министрлыгы мәгълүмат  җиткерә.  Быел рус теленнән имтиханны 16 меңнән артык чыгарылыш сыйныф укучысы тапшырды. Уртача балл 66,66 тәшкил итте, бу узган ел күрсәткеченнән югарырак. Әлеге фән буенча 71 укучы 100 балл җыйды. Профильле математикадан БДИны якынча 9,6 мең укучы тапшырды. Уртача нәтиҗә 71,4 баллга җитте. Иң югары нәтиҗәгә — 100 баллга — 137 чыгарылыш сыйныф укучысы иреште.  Рус теле яки математика буенча нәтиҗәсен яхшыртырга теләүчеләр өчен өстәмә тапшыру көннәре 8 һәм 9 июльдә узачак. Әмма яңадан тапшырганда элекке нәтиҗә исәптән чыгарылачак. Куелган баллар белән килешмәүчеләр 23 һәм 24 июньдә апелляция бирә ала.

24.06.2026
Барбоскиннар «ШАЯН ТВ» сайтында
Канал яңалыклары

Барбоскиннар «ШАЯН ТВ» сайтында

Урамда яңгыр яуганда өйдә кызыклы шөгыль табу аеруча мөһим. Мондый көннәрдә гаилә белән бергә җыелып, яраткан мультфильмнарны карау күңелне күтәрергә ярдәм итә. «Барбоскиннар» мультсериалы күп кенә балаларның яраткан геройларына әверелде. Һәр сериядә кызыклы вакыйгалар, көлкеле хәлләр һәм көндәлек тормышта очрый торган маҗаралар урын алган.  shayantv.ru сайтында «Барбоскиннар» мультсериалының татарча серияләре тәкъдим ителә. Яңгырлы көндә саф һавада йөреп булмаган вакытта бу күңелле һәм файдалы ял итү мөмкинлеге булып тора.

23.06.2026
Месси яңадан тарих язды: футболдагы иң гаҗәеп рекордлар
Кызыклы фактлар

Месси яңадан тарих язды: футболдагы иң гаҗәеп рекордлар

Аргентина җыелма командасы лидеры Лионель Месси 2026 елгы дөнья чемпионатында тагын бер тарихи казанышка иреште. Аргентина - Австрия матчтында ике туп кертеп, ул дөнья чемпионатлары тарихындагы иң күп гол кертүче футболчыга әверелде. Хәзер аның активында мундиальләрдә 18 гол бар.

23.06.2026
Петрикор нәрсә ул һәм ни өчен яңгырдан сһавада хуш ис барлыкка килә?
Кызыклы фактлар

Петрикор нәрсә ул һәм ни өчен яңгырдан сһавада хуш ис барлыкка килә?

Җәйге яңгырдан соң һавада үзенчәлекле саф һәм рәхәт ис тарала. Бу хуш иснең хәтта үз исеме дә бар — петрикор. «Петрикор» сүзе грек теленнән алынган һәм «таш» белән «сыеклык» сүзләрен аңлата. Галимнәр шулай итеп яңгырдан соң коры җирдән күтәрелгән үзенчәлекле исне атый. Бу ис каян килә соң? Коры һава торышы вакытында үсемлекләр һәм туфрак төрле матдәләр бүлеп чыгара. Алар җир өстендә һәм ташларда җыелып кала. Яңгыр тамчылары төшкәч, әлеге матдәләрнең вак кисәкчекләре һавага күтәрелә. Без нәкъ менә шул вакытта петрикор исен сизәбез. Моннан тыш, туфрактагы кайбер бактерияләр дә геосмин дип аталган матдә бүлеп чыгара. Ул җиргә хас булган үзенчәлекле ис бирә. Кызыклы факт: кайбер кешеләр петрикор исен яңгыр башланганчы ук тоя ала. Чөнки җил дымлы һава һәм хуш исле кисәкчекләрне ерак араларга тарата. Шуңа күрә киләсе тапкыр яңгырдан соң саф һава исен сизсәгез, белеп торыгыз: бу — табигатьнең иң гаҗәеп хуш исләренең берсе булган петрикор.

23.06.2026
1 2 3 4 5 ... 419 Next
Главная Программа Видео Шортс Поиск