Яңалыклар

ЯҢГЫРАШ. ӘЛФИЯ АВЗАЛОВА. ТЫНГЫСЫЗЛЫК.
Канал яңалыклары

ЯҢГЫРАШ. ӘЛФИЯ АВЗАЛОВА. ТЫНГЫСЫЗЛЫК.

Ә син «Яңгыраш» подкастының яңа чыгарылышын карарга өлгердеңме? Әгәр юк икән, тизрәк тәмлүшкәләр ал да, яңа чыгарылышны кара – рәхәт кич гарантияләнә! Әлеге чыгарылыш ТАССРның халык, РСФСРның атказанган артисты Әлфия Авзаловага багышланган. Аның кунаклары Татьяна Ефремова, Булат Хисмәт һәм яшь җырчы Әминә Әхмәтҗанова. Алып баручылары да бик текә: Руслан Закиров һәм Ислам Вәлиев (Малси Музыка). Әлеге чыгарылышта син иңсә селкетеп «Яр-яр» җырына кушылып җырларсың, Әлфия Авзалова балалары истәлекләрен ишетеп еларсың. Әлфия Авзалова пәрәмәчләре рецептының сере нәрсәдә? Кемнәргә ул «чуваки» дип эндәшкән? Ничек ул 1 айда13 телдә җырларга өйрәнергә? Ничек керәшен җырларын саклап калган? Эдита Пьеха Әлфия Авзалованы ничек илһамландырган? Әлеге һәм башка сорауларга җавапны сез безнең подкастта таба алачаксыз!

28.10.2026
🎬 Анимациянең туган көне: 1892 елның 28 октябре
Кызыклы фактлар

🎬 Анимациянең туган көне: 1892 елның 28 октябре

Бәйрәм тарихы француз рәссамы һәм уйлап табучысы Эмиль Рейнодан башлана. 1892 елның 28 октябрендә ул тамашачыларны Парижның Гревен музеена гадәти булмаган тамашага чакырган, аны ул «оптик театр» дип атаган. Үзенең аппараты – праксиноскоп – ярдәмендә Рейно публикага «якты пантомималар» күрсәткән: хәрәкәтләнүче рәсемнәр гаҗәпләнгән тамашачыларның күз алдында җанланган. Бу хәрәкәтләнүче сурәтләрнең беренче күрсәтелеше булган, һәм нәкъ шул датадан анимация тарихы башланып киткән. Ул хәтта кинематографиядән 3 елга иртәрәк барлыкка килгән икән!

28.10.2026
Көзге кәефне күтәрергә ярдәм итәчәк гади адымнар
Кызыклы фактлар

Көзге кәефне күтәрергә ярдәм итәчәк гади адымнар

Нәрсәне эшләгәнеңне билгеләп бар 😊 😴 Яхшылап йокла – кайчак күңелсезлек бары тик арудан гына була. 🚶 Ким дигәндә 15–20 минутка сәфәргә чык. 🎵 Яраткан күңелле җырыңны куш һәм кушылып җырла. 🧸 Сиңа кадерле кешене (яки яраткан уенчыгыңны) кочып ал. 📞 Дустыңа шалтырат яки аралашырга яраклы кешегә хат яз. 🎨 Яраткан эшең белән шөгыльлән: рәсем яса, сын яса, нәрсәдер эшлә, ашарга әзерлә. 💧 Су эч һәм тәмле һәм файдалы нәрсә аша. 🏃 Хәрәкәтлән: зарядка, бию, сикерү – күңелсезлек хәрәкәтне яратмый. 📖 Ниндидер изге һәм көлкеле нәрсә укы яки кара. 🐾 Өйдә хайван булса, аны сыйпа. 🌿 Саф һава сула, күккә һәм табигатькә кара. ✍️ Бүген рәхмәтле булган 3 нәрсәңне яз. 🧩 Кызыклы мәсьәләгә яки уенга күч. 😊 Кемгәдер ягымлылык эшлә – изге эш кәефне күтәрә. 🛁 Үзеңә кечкенә уңайлык тудыр: җылы душ, плед, яраткан мультфильм. Исеңдә тот: кайчак күңелсезләнү нормаль хәл. Әгәр күңелсезлек озакка сузылса – ышанычлы өлкән кеше белән мотлаҡ сөйләш. 💛

28.10.2026
Син «Лунтик» мультфильмыннан кем?
Кызыклы фактлар

Син «Лунтик» мультфильмыннан кем?

1. Буш вакытыңда нәрсә эшләргә яратасың? А. Яңа нәрсәләр өйрәнергә һәм сораулар бирергә. Б. Уйнарга, шаярырга һәм төрле хәйләләр уйлап табарга. В. Рәсем ясарга, җырларга яки матур әйберләр эшләргә. Г. Башкаларга ярдәм итәргә һәм файдалы эшләр башкарырга. 2. Сиңа нинди тәм-том ошый? А. Әле ашап карамаган, ят тәм-томнар. Б. Татлы әйберләр һәм чипсы. В. Җиләк-җимеш һәм матур десерт. Г. Файдалы ризык. 3. Кыенлык килеп чыкса, үзеңне ничек тотасың? А. Тыныч кына аңларга тырышам һәм чишелеш эзлим. Б. Башта көләм, аннары нидер уйлап табам. В. Күңелем төшә, әмма соңыннан дуслардан ярдәм сорыйм. Г. Шундук өлкәннәрне яки дусларны ярдәмгә чакырам. 4. Кем белән вакыт үткәрергә яратасың? А. Миңа яңа нәрсә өйрәтә алучы белән. Б. Шаярырга һәм күңел ачарга яратучы белән. В. Минем иҗади идеяләремне уртаклашучы белән. Г. Ышанычлы һәм һәрвакыт ярдәм итүче белән. 5. Синең төп сыйфатың нинди? А. Кызыксынучанлык. Б. Күңелле характер. В. Изгелек һәм назлылык. Г. Җаваплылык.  

27.10.2026
Башны эшләтеп алыйк!
Канал яңалыклары

Башны эшләтеп алыйк!

Әйдәгез авылдагы каникуллар турында мәсьәләләр чишәбез! 1. Шаян каникулларга Дәү Әтисенә авылга кайткан. Башта ул поездда 3 сәгать барган, аннары автобуста 1 сәгать юл узган, ә соңыннан тукталыштан бабасының йортына кадәр 20 минут җәяү атлаган. Кайткач, Дәү Әтисенә вокзалда 30 минут автобус көткәнен әйткән. Шаян Дәү Әтисе йортына күпме вакыт барган? 2. Дәү Әтинең ишегалдында 5 тавык йөри. Һәр тавыкның 4 чебие бар. Тагын анда 7 каз һәм 9 үрдәк бар. Биби ишегалдындагы барлык кошларны санаган. Ничә кош килеп чыккан? 3. Каникулда Шаян бабасы белән җиләк җыйган. Беренче көнне алар 24 җиләк тапкан, икенче көнне – беренче көннән 8 җиләккә күбрәк. Дәү Әни 12 җиләкне компотка тоткан. Ничә җиләк калган? 4. Дәү Әтинең өеннән елгага кадәр 600 метр. Шаян 200 метр үткәч, сөлгесен онытканын искә төшергән. Ул өйгә кайткан, сөлгесен алган һәм тагын елгага киткән. Шаян елгага җиткәнче барлыгы ничә метр үткән? 5. Сыер иртән 8 литр сөт бирә, ә кич – 6 литр. Шуның 4 литрыннан Дәү Әни эремчек ясаган. Дәү Әни эремчек ясаганнан соң ничә литр сөт калган? 6. Дәү Әни бакчасында 7 рәт кыяр һәм 5 рәт помидор үсә. Һәр кыяр рәтендә 6 кыяр үскән. Рәтләрдә барлыгы ничә кыяр үскән? 7. Авылдан урманга кадәр 4 километр. Шаян велосипедта 1 километр баргач, аның тәгәрмәче тишелгән һәм ул урманга кадәр калган юлны җәяү барган. Ул кире шул ук юлдан, ләкин ат арбасында кайткан. Бу көн эчендә ул күмпе юл узган? Җаваплар инде иртәгә!

27.10.2026
Prev. 1 2 3 4 5 ... 432 Next
Главная Программа Видео Шортс Поиск