«Серле Санта» – кышның иң популяр уены | Яңа ел уеннары

Дуслар, ниһаять, урамда кар ява һәм Яңа ел тылсымы сизелә башлады! Димәк, могҗиза, бүләкләр һәм күңелле уеннар вакыты килеп җитте. Дусларыгыз белән яки сыйныфта уйный ала торган иң кызыклы кышкы уеннарның берсе – «Серле Санта» уены. Бу уенда һәр катнашучы серле бүләк бирүче булып тора: сез бер кешегә бүләк бирәсез, әмма кем икәнегезне әйтмисез.

«ШАЯН ТВ» iPad бүләк итә!

Шартлар бик гади! «Мин «ШАЯН ТВ» карыйм» темасына фото яса. «Катнашырга» бүлегенә күч. «Гаризаны бирергә» дигән төймә буенча анкета тутыр һәм фотоңны беркет. Бу гади шартларны үтә һәм Apple iPad Планшетын оту мөмкинлеген кулыңнан ычкындырма!

«ШАЯН ТВ»га 7 яшь!

Кадерле дусларыбыз, хөрмәтле тамашачыларыбыз! Бүген безнең өчен зур бәйрәм - «ШАЯН ТВ»каналына 7 ел! Шушы еллар дәвамында без сезнең белән бергә көлдек, уйнадык, өйрәндек һәм яңа дуслар таптык! Сезнең мәхәббәтегез, ышанычыгыз һәм игътибарыгыз – безнең өчен иң зур бүләк! Рәхмәт сезгә һәр көнне безне карап, безнең белән шатлык бүлешкән өчен! Һәр ел саен без үсәбез, сезне яңа кызыклы программалар, проектлар белән сөендерәбез! Алдагы көннәрдә дә сезне тагын да күңелле, файдалы һәм мавыктыргыч тапшырулар көтә! Бергә булыйк, ШАЯН дусларыбыз!

«МИНЕМ КӨЗГЕ КАНИКУЛЛАРЫМ» бәйгесенең финалистлары билгеле

«ШАЯН ТВ» «Включайся-2025» Рәсәй фестивалендә җиңү яулады!

Безнең телеканалның яңа проекты – «КРАШ ТЕСТ» – «Включайся-2025» яшьләр медиа фестивалендә җиңүгә иреште! «КРАШ ТЕСТ» – йолдызлы кунакларны «ныклыкка» тикшерә торган үзенчәлекле проект. Һәр чыгарылыш берничә этаптан тора: классик әңгәмә, интернетта киң таралган челленджлар һәм заманча трендлар. Максат – йолдызлар белән ихлас әңгәмә оештырып, аларны яңа яктан күрсәтү. Тапшыруда канал блогерлары Кәрим, Алимә, Ислам, Зәйнәп һәм Ассель катнаша. Алар кунакларны төрле сынаулар аша үткәреп, тамашачылар өчен мавыктыргыч тамаша тудыра. Беренче чыгарылышта популяр җырчы, актриса һәм блогер-миллионник Тая Скоморохова кунак булды. Тапшыруны әлеге сылтама аша кереп карарга мөмкин. «КРАШ ТЕСТ» проекты – ул яңа буын өчен кызыклы формат. Җиңүебез – безнең иҗади команда өчен зур бәя һәм милли медиаконтент үсешенең күрсәткече булып тора. «ШАЯН ТВ»  командасын әлеге зур җиңү белән котлыйбыз!

Казанда «Яңа дулкын» фестивале башланып китте

Бүген Казанда «Яңа дулкын»(«Новая волна»)  фестивале башлана. Алты көн дәвамында шәһәр музыка үзәгенә әвереләчәк, ә төп мәйданчык итеп Яңа Савин районы сайланган. Шул уңайдан 21-26 август көннәрендә районның кайбер урамнары ябылачак. Чикләүләр көн саен 16:00 дән төнге сәгать 00:00 гә кадәр гамәлдә булачак. Мэрия шәһәр халкына маршрутларны алдан планлаштырырга һәм чикләүләрне исәпкә алырга киңәш итә. Казан халкы һәм кунаклары өчен уңайлык тудыру максатыннан, 21-26 август көннәрендә җәмәгать транспорты гадәттәгегә караганда озаграк – төнге 00:00 гә кадәр эшләячәк. Озайтылган режим №10, 10а, 18, 33, 35, 35а, 36, 45, 46, 55, 60, 74, 75 автобуслар, №5, 5а, 6, 7 трамвайлар һәм №1, 2, 13 троллейбуслары маршрутларына кагыла. Юлларда булган вакытлыча уңайсызлыкларга карамастан, фестиваль шәһәр халкына бәйрәм атмосферасы һәм популяр артистлар чыгышлары бүләк итәргә вәгъдә итә!

Каникул даталары билгеле!

Мәктәп каникуллары кайчан була? Чирекләп укучы мәктәпләр өчен каникуллар түбәндәгечә билгеләнде: көзге: 25 октябрь – 2 ноябрь кышкы: 31 декабрь – 11 гыйнвар язгы: 28 март – 5 апрель җәйге: 27 май – 31 август

КАСТИНГНЫҢ икенче туры узды

Бүген «ШАЯН ТВ» студиясендә КАСТИНГНЫҢ икенче туры узды Булачак яшь хәбәрчеләр барысы да бик сәләтле! Курыкмыйча камера алданда үзләрен күрсәттеләр, төрле иҗади биремнәрне үтәделәр. Алар өчен бу көн – журналистика һәм телевидение дөньясына зур адым! Уңышлар теләп калабыз!