Яңалыклар

Татарстанда салкын һава торышы һәм томан көтелә

Татарстанда төнлә салкынча һәм томанлы булачак Бүген төнлә Татарстанда һава салкынча булачак – температура 11 градуска кадәр төшәр. Бу җәй көне өчен гадәти түгел, шуңа күрә җылырак киенергә кирәк. Шулай ук төнлә һәм иртән томан көтелә – күрү авырлаша. Әле бераз яңгыр явачак, шуңа күрә кулчатыр алып чыгу киңәш ителә. Юлда йөргәндә сак булыгыз, үзегезне саклагыз! Һава торышын күзәтеп барыгыз һәм үзегезне саклагыз!

12.08.2025

Яшьләр – ул киләчәк

Яшьләр дип үсмерләрдән алып 25 яшькә кадәр булган егет-кызларны атыйлар. Бу чорда энергия дә, кыюлык та, хыяллар да, дөньяны үзгәртергә теләк тә бар. Һәркем үзенә ошаган шөгыль белән кызыксына: спорт, музыка, уеннар, иҗат, сәяхәт... Ә беләсезме? 12 август – Халыкара яшьләр көне! Бу – дуслар белән җыелып, күңелле итеп вакыт үткәрергә менә дигән сәбәп. Яшьләр – ул киләчәк. Ә киләчәк бүгеннән башлана!

12.08.2025

«ТАТАР СҮЗЕ» ГАЛА-КОНЦЕРТЫН КҮРМИ КАЛМА

ЕЛНЫҢ ИҢ ЗУР МӘДӘНИ БӘЙРӘМЕ ЯКЫНЛАША! «ТАТАР СҮЗЕ» ГАЛА-КОНЦЕРТЫ – КҮРМИ КАЛМА! 4500дән артык сәләтле кеше арасыннан иң-иңнәре – сәхнәдә! Үзешчән кешеләрдән алып, танылган театр артистларына кадәр – барысы да бер сәхнәдә! Җиңүчеләрне көтә – АКЧАЛАТА ПРЕМИЯЛӘР, ИСЕМЛЕ ТАНЫКЛЫКЛАР ҺӘМ МАКТАУЛЫ БҮЛӘКЛӘР! ЗУР ЙОЛДЫЗЛАРдан матур чыгышлар! «Голос. Дети» финалисты Сәид Галиуллин, халыкара конкурслар лауреаты Рөстәм Хөсәенов, Татарстанның халык артисты Зәйнәп Фәрхетдинова – алар барысы да бу кичне онытылмас итәчәк! ҺӘМ ЯШЕРЕН КУНАК! Аның исеме – зур сер! Ә син килергә әзерме? БИЛЕТЛАР САТУДА! Кулдан ычкындырма – бәйрәмгә эләгү мөмкинлеге чикләнгән! Сатып ал: BiletOn tatfil.ru Казан филармониясе кассалары 25 сентябрь, Казан филармониясе. Килми калма!

11.08.2025

«Яраткан шигырь» – яңа чыгарылыш

«Яраткан шигырь» тапшыруының яңа чыгарылышы ВКонтакте төркемендә! Яңа чыгарылыш – «Сөембикә манарасы», шигырь авторы - Лена Шагырьҗан Проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» – тәүлек әйләнәсе татар телендә эшләүче беренче балалар каналы тарафыннан тормышка ашырыла. Әлеге проект һәр шигырьне тулаем ача, җанландырып халыкка җиткерә. Һәр әсәр клип итеп тәкъдим ителә, лирик герой һәм образларның гаҗәеп серле дөньясына алып керә.

11.08.2025

«Килде-Китте ШОУ»да ЭЛЬВИРА ХАН

«ШАЯН ТВ» «Килде-Китте ШОУ» программасында көтелгән популяр кунак – блогер Эльвира Хан! Ничек ул берничә ай эчендә 100 мең язылучы җыя алган? Татар блогерлары белән нинди мөнәсәбәттә? «Язылучылар түгел, дусларым диясе килә», – ди ул. Шулай ук Эльвира шәхси тормышы һәм реклама турында булган уйлары белән дә уртаклашты. Бик җанлы һәм кызу чыгарылыш бу! Сылтамалар аша ВКонтакте төркемендә һәм Rutubeта карамый калмагыз!

08.08.2025

Мәчеләр көне белән!

Бүген бар дөньяда мәчеләр көне билгеләп үтелә! Мәчеләр – безнең йортларыбызның иң яраткан һәм шук дуслары. Аларның йомшак, җылы йоныннан күңелгә рәхәт блуып китә. Мәчеләр турында кызыклы фактлар беләсезме? Алар зур арага сикерә һәм җиңел генә биеклеккә менә алучы, безнең белән күз белән сөйләшә белүче хайваннар. Мәчеләрнең һәрберсе үзенә генә хас матур сыйфатларга ия. Бүген нишләргә була? Мәчеләр турында матур рәсем ясап карагыз, алар турында шигырь яки хикәя уйлап табыгыз, яки өйдәге мәчегезгә игътибарлырак булыгыз. Әгәр дә сезнең өйдә мәче юк икән, якындагы урамдагы яки йорт янына килгән мәчеләргә игътибар бирергә мөмкин. Мәчеләрне яратыйк һәм аларга яхшылык кылыйк!

08.08.2025

«ТАТАР СҮЗЕ» ГАЛА-КОНЦЕРТЫ – билетлар сатуда!

07.08.2025

«Күчтәнәч» тапшыруында нәни йолдыз

Кечкенәдән үк барыбыз да караган «Күчтәнәч» тапшыруында кунакта нәни йолдызыбыз - Асель Ахунова - 2 яшьтә телевидениядә беренче адым ясый! Кем белә, бәлки бу Асельның иҗади юлына беренче адымнары булыр! Чыгарылышны әлеге сылтама аша кереп карарга мөмкин

06.08.2025

1 2 3 4 5 ... 375

Яңа сайт!