Яңалыклар

Бөтендөнья фотография көне
Популяр яңалыклар

Бөтендөнья фотография көне

Бу көн – фотога төшерергә яратучылар һәм дөнья матурлыгын объектив аша күрә белгәннәр өчен аеруча мөһим бәйрәм! Ләкин фотография – ул  селфи һәм социаль челтәрләрдәге фильтрлар гына түгел. Беренче фото 1826 елда француз Жозеф Ньепс тарафыннан төшерелә, һәм моның өчен якынча 8 сәгать вакыт кирәк була! Дуслар белән бер мизгелне «тоту» ничек кыен булганын күз алдына гына китерегез! Аннан соң Луи Дагер дагерротип дигән тизрәк блуган ысул уйлап таба, һәм фотография дөньяга бик тиз тарала. Фото аша кешеләр хис-кичерешләрен күрсәтә, сәяхәтләре белән бүлешә, маҗаралары турында сөйли һәм хәтта гаделлек өчен көрәшә ала. Менә сезне гаҗәпләндерә торган берничә факт: Дөньяда иң кыйммәтле фото «Rhein II» дип атала һәм аның бәясе якынча 7 миллион доллар Иң иске сакланган фотода кеше 1838 елда төшерелгән. Ул кеше бик хәрәкәтләнмәгән, чөнки экспозиция бик озак ясала торган булган Фотолар хәтта кешеләрнең гомерен дә коткара ала: камералар галимнәргә хайваннарны күзәтергә, фаҗигаларны булдырмаска һәм космосны өйрәнергә ярдәм итә Селфи – яңа күренеш түгел! Иң иске селфи 1839 елда төшерелгән. Беренче төсле фото 1861 елда ясалган, әмма ул төс хәзерге кебек түгел, бөтенләй башкача күренгән. Бүгенге көндә телефонда камера һәркемдә диярлек бар. Видео төшерергә, эффектлар кулланырга, кызыклы сторислар ясарга һәм без оештырган күп кенә бәйгеләрдә дә катнашырга мөмкин. 19 июнь – камераны кулга алып, гадәти булмаган нәрсәләрне төшереп карарга шәп мөмкинлек: күләгәләрне, шәһәр детальләрен фотога төшерергә яки дуслар белән фотопроект оештырырга була. Кайчак гадәти фото фильтрсыз да иң матуры була, һәм бәлки нәкъ менә сезнең кадр киләчәктә дөньяга танылыр һәм башкаларны илһамландырыр!

19.08.2025
Иң якын дустыңны котларга онытма!
Популяр яңалыклар

Иң якын дустыңны котларга онытма!

Дуслар – безнең тормышны яктырак, күңеллерәк һәм җылырак итә торган кешеләр. Алар авыр мизгелләрдә безне яклый, бәхетле көннәрдә белән шатлана һәм һәрвакыт тыңларга әзер. Нәкъ менә бүген бөтендөньяда Иң якын дуслар көне билгеләп үтелә! Бу көн безгә чын дуслыкның кадерен белергә кирәклеген искә төшерә. Әллә ни зур нәрсәләр эшләргә кирәкми: дустыңа «рәхмәт» әйтү, җылы хәбәр җибәрү яки бергә вакыт уздыру да җитә. Кайчак кечкенә гамәлләр иң зур мәгънәгә ия була. Иң якын дуслар – көлеп еларга, серләр белән бүлешергә һәм үзең булып калырга мөмкин булган кешеләр. Алар безгә үсәргә ярдәм итә, яңа идеяләргә рухландыра. Шулай итеп, 18 июнь – үзеңнең иң якын дусларыңны искә алу, җылы сүзләр әйтү һәм бәлки кечкенә дуслык бәйрәме оештыру өчен менә дигән мизгел. Чын якын дуслар – алтын байлык ул.

18.08.2025
Кура җиләгеннән тәмле варенье
Популяр яңалыклар

Кура җиләгеннән тәмле варенье

Август – җәйнең соңгы ае, һәм бу вакытта бакчаларда кура җиләге өлгерә. Әлеге тәмле җиләкләрдән ясалган варенье – җәйнең чын тәме, аны һәркем ярата! Кура җиләге вареньесы ничек ясала? Кура җиләге җыелып, чистартылып, шикәр белән кайнатылып, тәмле варенье әзерләнә. Бу процесс балалар өчен дә кызыклы һәм файдалы шөгыль була ала. Әти-әниләр белән бергәләп, кура җиләге вареньесын әзерләү – җәйге ялларның күңелле вакыты. Кура җиләге вареньесы белән нәрсәләр әзерләргә була? Иртәнге ашка ипи өстенә Кура җиләге вареньесын сылап, тәмле һәм туклыклы ризык әзерләргә була. Йогуртка яки сөт ризыкларына кура җиләге вареньесын өстәп, тәмле десертлар ясарга мөмкин. Пироглар һәм бәлешләр: кура җиләге вареньесы белән пироглар яки бәлешләр пешереп була. Кура җиләге вареньесы нәрсә өчен файдалы? Кура җиләге витаминнарга бай, иммунитетны ныгыта, салкын тиюләрдән саклый. Тәмле җәйге җимешләрне ашап калыгыз! Тиздән көз....

17.08.2025
«ДилиНали» белән йорт хайваннарын өйрәнәбез
Канал яңалыклары

«ДилиНали» белән йорт хайваннарын өйрәнәбез

«ДилиНали» тапшыруының яңа чыгарылышы дөнья күрде! Бу юлы без сезнең белән йорт хайваннары дөньясына мавыктыргыч сәяхәт кылачакбыз. Хайваннарның исемнәрен һәм тышкы кыяфәтләрен өйрәнәбез, ә күңелле көйләр бу барысын тагын да кызыклырак итәчәк. Музыкаль формада йорт хайваннары белән танышу мөмкинлеген кулдан ычкындырмагыз – барысы да яңа чыгарылышта! Безнең ВКонтакте төркемендә карарга мөмкин.

16.08.2025
КАСТИНГ: икенче этапка узучылар билгеле!
Канал яңалыклары

КАСТИНГ: икенче этапка узучылар билгеле!

«ШАЯН ТВ» балалар хәбәрчеләре кастингының икенче этабына узучылар билгеле булды! «ШАЯН ТВ» каналы яңалыклар өчен яңа йөзләр эзләүне дәвам итә! Республикабызның төрле почмакларыннан дистәләгән видеогаризалар килде, һәм жюри икенче турга узучылар исемлеген әзерләде. Икенче этапка үтүчеләр: Әхмәтова Диана Рөстәм кызы (Казан) Вәлиева Сәминә Инсаф кызы (Казан) Вәлиева Алимә Таһир кызы (Казан) Веденина Юлиана (Яшел Үзән) Гәрәева Әминә Илмир кызы (Казан) Галиев Кәрим Раушан улы (Казан) Гаффаров Алмаз Альфред улы (Казан) Гыйззәтуллина Сәрбиназ Радил кызы (Казан) Җаппаров Бәхтияр Булат улы (Казан) Җаппарова Мәрьям Булат кызы (Казан) Зиннурова Зәлия Зөлфәт кызы (Казан) Зәйнетдинов Әсхәт Алмаз улы (Казан) Исрафилов Әмир (Казан) Кәримова Айсылу Зөлфәт кызы (Казан) Коротышкин Ярослав Дмитрий улы (Казан) Мәрданова Раида Рушан кызы (Балтач районы) Мәрданов Раил Рушан улы (Балтач районы) Миргаязов Аслан Алмаз улы (Казан) Нотфуллина Зәрина Алмаз кызы (Яшел Үзән) Сәләхова Ассэль Илнар кызы (Казан) Сираҗиев Ирхан Искәндәр улы (Биектау) Славина Наилә Тимур кызы (Казан) Сорокина Евгения Эдуард кызы (Казан) Скворцов Никита (Яшел Үзән) Сәләхов Нариман Марат улы (Арча) Табаков Владимир Родион улы (Лаеш) Таһиров Юныс Сухроб улы (Казан) Төхвәтуллина Наилә Румил кызы (Казан) Улуташ Әмирә Ибраһим кызы (Казан) Хәбибуллин Ислам Илнур улы (Казан) Хәйдәрова Сәидә Илдар кызы (Казан) Чихирина Леонтия (Яшел Үзән) Шәрәпова Сылу Риназ кызы (Казан) Юнысов Әмирхан Әнүзәр улы (Казан)  Икенче этап Казандагы «ШАЯН ТВ» студиясендә узачак.  Җиңүче канал яңалыкларының яңа йөзе булып, Татарстан тамашачыларына көн вакыйгалары турында сөйли алачак!

15.08.2025
Казанда театр яратучылар өчен зур яңалык
Популяр яңалыклар

Казанда театр яратучылар өчен зур яңалык

Кәрим Тинчурин исемендәге театр Камал театрының иске бинасына күчәчәк – Кабан күле буендагы матур бинага. Хәзер әзерлек эшләре бара, ә инде октябрь аенда биредә беренче спектакль күрсәтеләчәк. Бу – яңа, шул ук вакытта тарихи йорттагы Тинчурин театрыннан беренче премьера булачак. Камал театры бинасы бик матур һәм тарихи. Анда зур сәхнә һәм күп тамашачы урыннары бар. Театрга яңадан килеп, яңа спектакльләр карарга мөмкин булачак. Ә без исә беренче спектакльне һәм сезон башын зарыгып көтәбез.

14.08.2025
Сулагай булу – бик кызыклы үзенчәлек
Кызыклы фактлар

Сулагай булу – бик кызыклы үзенчәлек

Кайбер кешеләр яза, рәсем ясый яки тупны сул кул белән ыргыта. Мондый кешеләрне «сулагайлар» дип атыйлар. Алар Җир шарында күп түгел – барлык кешеләрнең нибары 10 проценты гына. Уртача алганда, егерме биш укучы булган сыйныфта ике-өч кеше генә сулагай була. Галимнәр фикеренчә, сул куллылык кешенең мие ничек эшләвенә бәйле. Сулагайларның миенең уң ягы активрак эшли, ә ул хыял, иҗади фикерләү һәм дөньяга гадәти булмаган караш өчен җавап бирә. Шуңа күрә алар арасында рәссамнар, музыкантлар һәм уйлап табучылар күп. Бөек Леонардо да Винчи, җырчы Пол Маккартни һәм актриса Анджелина Джоли да сул куллы булган. Спортта да сул куллылар еш кына уңайлы көндәш булмый. Аларның хәрәкәтләренә уң куллылар гадәтләнмәгән, һәм бу аларга тенниста, бокста яки фехтованиеда җиңәргә ярдәм итә. Сул куллылар еш кына тиз арада оригиналь чишелеш таба, яңа ысуллар уйлап чыгара һәм көтелмәгән алымнар куллана. Хәтта махсус бәйрәм дә бар – Халыкара сулагайлар көне, ул ел саен 13 августта билгеләп үтелә. Бу көнне уң куллыларга барлык эшләрне сул кул белән башкарырга тәкъдим итәләр, һәм күпләр моның никадәр авыр икәненә гаҗәпләнә. Сез дә шулай эшләп карагыз: каләм тотып сул кул белән языгыз яки тешләрегезне уң кул урынына сул кул белән чистартыгыз. Шунда сез дә сулагайларның кечкенә генә «супер көчен» тоеп карарсыз!

13.08.2025
Prev. 1 ... 54 55 56 57 58 ... 425 Next
Главная Программа Видео Шортс Поиск