Яңалыклар

Елмаю гомерне озайта

Елмаю гомерне озайта

«Уяндыңмы, елмай - Көнне башла шулай!» - диясе килә бүген. Чөнки бүген - Бөтендөнья елмаю көне! Көненә, кимендә бер генә тапкыр булса да, елмаегыз. Көлү йөрәк тибешен көйли һәм сулыш алуны ешайта. Шулай итеп, организмга кислород күбрәк керә. * Елмаю - йогышлы әйбер. Әгәр дә сез әңгәмәдәшегезгә елмайсагыз, күпчелек очракта ул да сезгә җавап итеп елмаячак. Бу «хамелеон эффекты», ягъни кеше уйламыйча башкаларның үз-үзен тотышын үзенә күчергәндә яки елмаю белән бергә әңгәмәдәшнең кәефен кабул иткәндә барлыкка килә. * Чын күңелдән елмая торган кеше еш кына бер үк вакытта күзләрен дә кыса икән. * Ихлас елмаю һәм ялган елмаю өчен баш миенең төрле өлкәләре җавап бирә. * Ихлас елмаю уртача 4 секунд дәвам итә. * Әгәр сезнең кәефегез булмаса, елмаегыз. Бу очракта баш мие кире процессны башлап җибәрәчәк, кандагы эндорфин күләме артачак һәм сезгә җиңелрәк булачак. * Еш елмая торган һәм көлә торган кешеләр озын гомерле була, чөнки елмаю кислород әйләнешен һәм кан басымын яхшырта. * Елмаю иммунитетны ныгыта, сәламәтлекне яхшырта. Елмайганда сезнең тәнегез җиңеләя һәм бу иммун системасына ярдәм итә. * Елмаю вакытында 5тән алып - 53 мускулга кадәр кулланылырга мөмкин. Бары тик елмаю гына берьюлы 53 мускулга кадәр хәрәкәтләндерә ала.

04.10.2024
«ШАЯН ТВ» каналы «ТЭФИ-KIDS 2024» финалында

«ШАЯН ТВ» каналы «ТЭФИ-KIDS 2024» финалында

Дуслар, шатлыклы хәбәребез бар! «ШАЯН ТВ» каналы Россиянең телевизион «ТЭФИ-KIDS 2024» милли премиясенең финалына чыкты! Каналның алып баручысы Ислам Хәбибуллин «Иң яхшы балалар өчен тапшырулар алып баручы» номинациясендә финалист булды. Бәйгедә ул Мәскәүнең «Россия К» һәм «СОЛНЦЕ» телеканаллары алып баручылары белән көч сынашачак. Конкурста катнашуга барлыгы 215 эш җибәрелгән. Алты ел уздырылган премия тарихында бу рекордлы күренеш. Җиңүчеләрне бүләкләү тантанасы исә октябрь аенда Мәскәүнең «Et Cetera» бинасында узачак. «ШАЯН ТВ» каналын җиңүе белән ихлас котлыйбыз! Бөек үрләр һәм финалда уңышлар телибез!

03.10.2024
Россия халкын 6 көнлек эш атнасы көтә

Россия халкын 6 көнлек эш атнасы көтә

Россиядә 28 октябрьдән 2 ноябрьгә кадәр алты көнлек эш атнасы булачак. Шимбә, 2 ноябрьдәге ял 30 апрельгә күчерелә, шуңа күрә бу көнне эшкә чыгарга туры киләчәк. Ә 4 ноябрьдә Халыклар бердәмлеге көне билгеләп үтелә. Ял көне алдыннан исә эш көне бер сәгатькә кыскара. 2 ноябрь, шимбә көнне дә россиялеләрне кыска эш көне көтә. Искәртеп узыйк, Татарстан халкын соңыннан өч көнлек эш атнасы көтә, 6 ноябрьдә Татарстан Конституциясе көне билгеләп үтелә.

02.10.2024
Көз көне нәрсә ашау файдалы?

Көз көне нәрсә ашау файдалы?

Көзен туклануга аеруча игътибарлы булырга кирәк. Кояш нурлары, җылы көннәр кимегән мәлдә кешенең кәефе дә көйсезләнә башлый. Көз килде, дип моңсуланмас өчен, белгечләр менә нәрсәләр ашарга киңәш итә. 1. Банан. Кайчакта баллы ашыйсы килә, менә шул вакытта банан ашап куегыз. Анда глюкоза, фруктоза һәм сахароза бар. Көзге депрессия белән көрәшүче калий, триптофан һәм В төркеменә караган витаминнар да күп. 2. Чикләвекләр. Көзен кешегә калориягә бай ризыклар аеруча кирәк, чөнки организм кыш өчен энергия туплый. Чикләвектә омега-3 май кислотасы бар, ул исә йөрәк эшчәнлеген көйли. 3. Груша. Бу җимешнең әллә нинди төрләре бар. Барысын да ашагыз. Грушада пектин күп. Ул исә организмны чистарта. Анда стресс белән көрәшүче фруктоза да җитәрлек күләмдә. 4. Кызыл һәм кишер сары төстәге җиләк-җимешләр. Кишер, кабак, борыч, чөгендер – галимнәр фикеренчә, шушы яшелчәләр кеше организмында эндорфин гормонын күтәрергә сәләтле. Ә эндорфинның “бәхет гормоны” икәнен беләсездер. 5. Кәбестә. Брюссельныкы, төслесеме, брокколимы… Болар барысы да сезнең көзге туклану рационына керергә тиеш. 6. Суган. Йөткерә, төчкерә башлагач кына аның турында искә алабыз шул. Әмма суганны күпкә иртәрәк куллана башласак, хәерлерәк. Ул антисептик һәм бактерицид үзлекләргә ия, вирусларны үтерә.

02.10.2024
Җылы октябрь - салкын кышка

Җылы октябрь - салкын кышка

Быел көз җылы, матур көннәре белән сөендерде. Шулай булуга карамастан, көннәрнең кыскаруы, кичләрен һавада салкын исе килүе – җиһанда чын көз хакимлек итүе хакында сөйли. «Октябрь аенда төшкә кадәр - көз, ә төштән соң - кыш», - диләр. Алга таба көннәр ничек торыр? Октябрь аена булган халык сынамышлары алга таба һава торышының нинди булачагын, кышын ни көтәргә кирәклеген фаразларга ярдәм итәр. * Җылы октябрь - салкын кышка. * Көчле һәм дәвамлы салкыннар - кышкы салкыннарга. * Октябрь аенда күк күкрәү карсыз, кыска һәм җылы кышны ишарә. * Октябрь аенда салкыннар нинди көннәрдә башланса, киләсе елның апрелендә шундый ук көннәрдән җылыта башлаячак. * Октябрь аенда кайсы саннардан кар явачак, шул саннардан апрель аенда яз башланачак. * Әгәр октябрьдә кар яуса, язын кырларда ул озак ятачак. * Яфраклар тиз коелса - кыш суык булачак, ә яфраклар яшел булып калса һәм агачларда озак сакланса - кыш кыска булачак. * Октябрьдә кошлар җиргә түбән очса - иртә һәм салкын кышка. * Әгәр кыр казлары һәм торналар туган якларыннан китәргә ашыкмасалар, суыклар тиз генә булмаячак, кыш җылы һәм кыска булачак, әгәр алар ашыкмыйча югары очсалар - матур көз көтелә. * Октябрь башында каенга карагыз - яфраклар әле коелмаган булса, кар соң ятачак. * Октябрь аенда түгәрәк ай - киләсе җәйнең коры булуына.      

01.10.2024
Йөрәк көненә йөрәк сәламәт булсын өчен берничә гади ризык

Йөрәк көненә йөрәк сәламәт булсын өчен берничә гади ризык

29 сентябрь - Бөтендөнья йөрәк көне билгеләп үтелде! Йөрәк сәламәт, нык булсын өчен ниләр ашарга? Кул астында булган, җайлы ризыклар белән танышып китик! 1. Иртәнге аш ашарга; 2. Туклану рационы төзергә; 3. Көн саен бер үк вакытта ашарга; 4.​ Физик күнегүләр ясарга, йоклар алдыннан саф һавада йорергә; 5. Витаминнарга бай булган ризыклар ашарга; 6. Үлән чәйләре эчәргә. Организмга керергә тиешле иң кирәкле минераллар - калий, магний һәм йод. Калий организмда су балансы өчен җавап бирә. Ул түбәндәге ризыкларда бар: * Яшелчә: кыяр, кәбестә, петрушка, бәрәңге, кавын, карбыз; * Җиләк-җимеш: әфлисун, банан, мандарин, виноград, алма, абрикос, җир җиләге, гөлҗимеш, карлыган; * Кара ипи; * Чикләвек; * Солы, тары ярмалары. Магний исә мышцаларны йомшарта, артериаль басымны нормальләштерә. Ул түбәндәге ризыкларда очрый: * Кәбестә; * Лимон, грейпфрут, алма, абрикос, банан; * Балык, креветка; * Борчак, фасоль; *Сөт, эремчек. Йод түбәндәге азык-төлектә бар: * Йомырка; *​ Яшелчә: кишер, әче торма, шпинат, томат, бәрәңге, кәбестә; * Җиләк: кара карлыган, каен җиләге, виноград. *​ Диңгез ризыклары: креветка, устрица, диңгез кәбестәсе, краб, диңгез балыгы. Әгәр йөрәгегез борчып тора икән, кичекмәстән табибка мөрәҗәгать итегез. Юкка гына: «Йөрәк кешенен яшәү моторы», - дип әйтмиләр!                                                  

30.09.2024
Prev. 1 ... 56 57 58 59 60 ... 376 Next
Главная Программа Видео Шортс Поиск