Яңалыклар

Иң җиңел көзге эшләнмәләр өчен 7 идея

Көз - якты төсләргә, матур бизәкләргә бай чор. Бу вакыт аралыгы балалар иҗаты өчен илһам чыганагы да. Бүген без сезгә моның өчен берничә идея тәкъдим итәбез. Эшләнмәләрнең төп элементы – көзге яфраклар булачак! Алар сезнең бүлмәгезне бизәргә ярдәм итәр. 1. Яфраклардан аппликация 2. Яфракларны гуашь белән буяу 3. Көзге яфраклардан таҗ 4. Яфракларны кәгазьгә беркетеп агач ясау 5. Табигый материалдан көзге агач 6. Көзге күңелле картиналар 7. Кабактан эшләнмә Барлык рәсемнәр дә Яндекстан алынды

16.09.2024

Көзге иң яхшы шөгыльләр исемлеге

Яфраклар шыгырдавы, җәйге ыгы-зыгы, шау-шу булмау, уңайлы җылы кичләр – әйтерсең лә, көз безгә вакытны күбрәк гаилә белән үткәрер өчен барлыкка килгән кебек. Көз көне нәрсә белән шөгыльләнергә? Мондый яңгырлы көннәрдә һич кенә дә моңаеп утырырга сәбәп юк. Уңайлы итеп утырырга һәм көзге кәеф тудырырга вакыт! Бүген без сезгә көзне ничек онытылмаслык, рәхәт итеп үткәреп булуы белән уртаклашырбыз! * Җылы юрганга төренеп, кызыклы китап укырга * Көзге иртәдә велосипедта йөрергә * Көзге урманда фотосессия уздырырга * Учак янында җылынырга * Яңа хобби табарга * Көне буе көнне өйдә үткәрергә * Яңгырлы көнне саф һавада йөреп керергә * Термостан җылы чәй эчәргә * Яңгырлы көндә йокы туйдырырга * Көзге яфракларны шыгырдатып йөрергә * Көзге плейлист төзергә * Яңа җылы свитер сатып алырга * Көнне интернетсыз уздырырга * Җылы якка китүче кошларны күзәтергә * Көзге фильмнар карарга * Яңа иҗат төрен үзләштерергә * Паркта кошларны ашатырга * Көзге урман буйлап йөрергә * Көзге паркта пикник ясарга * Яңа ел бәйрәмнәренә планнар төзергә * Яңа максатлар куярга һәм аларны язып барырга * Дусларны кунакка чакырырга һәм җылы очрашулар оештырырга * Һәм, әлбәттә, «ШАЯН ТВ» каналыннан иң яраткан мультсериалларыңны һәм тапшыруларны карарга.

13.09.2024

Руслан Кираметдинов фанатларына мөрәҗәгать итә

«ШАЯН ТВ»ның YouTube каналында «Килде-Китте ШОУ» проектының яңа чыгарылышы чыкты! Студия кунагы – татар эстрадасының популяр артисты – Руслан Кираметдинов. Җырчы фанатларына мөрәҗәгать белән чыга һәм идеаль хатын-кыз, яңа концерт программасы хакында сөйли. Кызу әңгәмәне сылтама буенча узып карарга мөмкин.

13.09.2024

«Сәйлән» телевизион җыр фестиваленең алтынчы сезонын төшерүгә старт бирелде

«ШАЯН ТВ» каналының иң көтелгән проекты - «Сәйлән» телевизион җыр фестиваленең алтынчы сезонын төшерүгә старт бирелә! Бу гади генә сезон түгел, ә сезоннар ярышы! Узган елларның җиңүчеләре үзара көч сынаша! Көрәш бик кызу бара! Тамашачыларны күп сюрпризлар, гаҗәеп талантлы башкаручылар һәм шәп җырлар көтә! 12 сентябрьдән «ШАЯН ТВ» студиясендә төшерү процессы башланды! Фестиваль татар халык, классик, эстрада җырларын башкаручы балаларны барлый; татар җырлары аша балалар һәм яшүсмерләр арасында татар телен популярлаштыруга зур өлеш кертә, яшь йолдызларга зур сәхнәгә юл ача. Мәртәбәле жюри биш сезонның 21 җиңүчесе арасыннан бары тик 16 катнашучыны гына чираттагы этапка сайлап алды. Тик моның белән генә бетми әле! Аларны кабат сайлап алу этаплары, танылган җырчылар һәм театр әһелләреннән төрле остаханәләр, файдалы киңәшләр һәм зур телевизион сәхнә көтә! Яшь башкаручыларыбызның барысы да якты йолдыз булып балкыячак! Конкурсның телевизион сайлап алу этабында (сайлап алу, ярымфинал һәм финал) яшь җырчыларны остазлар һәм «йолдыз»лы жюри бәяли. Алар составында танылган артистлар, композиторлар, шагыйрьләр, продюсерлар бар. Узган сезоннарда әлеге этапта балаларны Татарстанның халык артистлары Салават Фәтхетдинов, Филүс Каһиров, Винера Ганиева, Зәйнәб Фәрхетдинова, Татарстанның атказанган артистлары Ришат Төхвәтуллин, Алсу Әбелханова, Артур Исламов шулай ук Ильвина, Илгиз Мөхетдинов, Илгиз Шәйхразиев бәяләде. Быел да жюри башкару осталыгына, тавышның тембрына, репертуарның эчтәлегенә игътибар итә. 12 сентябрьдә исә, яңа сезонның беренче көнендә, «йолдыз»лы жюри составында Эльмира Кәлимуллина, Илгиз Шәйхразиев, Раяз Фасихов, Элвин Грей һәм Алсу Әбелханова урын алды. Финалда 8 катнашучы «Сәйлән» сынын алу өчен көч сынашачак! Җиңүчеләр Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясеннән бүләкләргә ия булачак. Шуны да әйтергә кирәк, быелгы сезонның иң зур яңалыгы – Гран-при! Финалистларның берсе әлеге исемгә лаек булачак! Җиңүчеләр арасыннан җиңүчене сайлап алу җиңел булмаячак! «Сәйлән» проектын сез 6 октябрьдән «ШАЯН ТВ» каналында күрә аласыз. Сез яраткан җырлар, гаҗәеп сәләтле яшь башкаручылар! Бик тиздән грандиоз «Сәйлән» проектының яңа чыгарылышларын карап, үзегезгә ошаган яшь җырчы өчен җан ата алырсыз! Яңалыкларны күзәтеп барыгыз!

12.09.2024

Көз соңга кала?!

Дуслар, сынамышларга игътибар иткәнегез бармы? Әллә соң быел көзнең соңга калуын да алдан белүчеләр булдымы икән? Сентябрь уртасына якынлашсак та, көннәр җәйгечә җылы тора. Табигать безне озакка сузылган «әбиләр чуагы» белән сөендерә. * Көз озын килсә, яз соң килер. * Имәндә чикләвек күп булса, кыш салкын килә. * Урманда чикләвек күп булса, кыш кырыс булачак. * Көз көне каен агачлары астан саргаеп, яфракларын астан коя башласалар – кыш җылы килә, ә өстән саргаеп, өстән яфрак коя башласалар – кыш салкын килә. * Кыр казлары иртә китсә, кыш иртә килә. * Әгәр көзен кырмыска оясы зурайса, кыш кырыс булыр. * Көз көне кошлар түбән очса, кыш - салкын, югары очса, кыш җылы килә. * Яфраклар коелырга ашыкмаса - алда зәмһәрир кыш көтә. * Торналар өстән очса, матур, җылы көз озак торыр.

11.09.2024

Хәтерне яхшырту буенча 10 КИҢӘШ

Әлеге киңәшләрне истә тотсагыз, хәтер белән проблемаларыгыз булмас. 1. Дөрес туклану. Омега 3 май кислоталары булган ризыклар: балык, чикләвек, көнбагыш ашарга тыршыгыз. Сөт ризыклары организмны фосфор һәм кальций белән баета. Калий, магнийга бай җиләк-җимеш, өрек, күрәгә дә файдалы. 2. Сәламәт яшәү рәвеше алып барыгыз, начар гадәтләрдән арыныгыз. 3. Хәрәкәт. Саф һавада күбрәк булыгыз, хәрәкәттә – бәрәкәт, дип юкка әйтмәгәннәр. 4. Тиешенчә йоклау. Йоклаган вакытта кешенең нерв системасы тыныч була. Йокы туймаганда кеше тиз онытучанга әйләнә, кеше көненә 7-8 сәгать йокларга тиеш. 5. Хәтерне яхшырта торган күнегүләрнең дә файдасы бар. 6. Китап уку хәтерне яхшырта. 14 яшькә кадәр балаларга кычкырып укырга киңәш ителә, ә олы кешеләргә китапны укыганда вакыйгаларны күз алдына китерергә кирәк. Бу хәтерне яхшыртырга булыша. 7. Уен коралларында уйнау файдалы. 8. Гадәтләрне үзгәртү. Ара-тирә уң кул белән эшләргә күнеккән гамәлләрне сул кул белән эшләп карагыз. Әйтик, теш чистартканда кулларны алыштырып эшләгез. 9. Төрле башваткычлар, кроссворд, шашка, шахмат, домино уеннары хәтерне ныгытырга ярдәм итә. 10. Күбрәк кеше арасында булыгыз, ялгыз калып үз эчегезгә бикләнмәгез.

11.09.2024

Кабак - дөньядагы иң зур җиләк

10 сентябрь – Кабак көне билгеләп үтелә! Әлеге яшелчә турында бу фактларны ишеткәнегез бар идеме? * Кабак якынча моннан 7 мең ел элек барлыкка килгән. * Әлеге яшелчәнең 800 гә якын төре бар. Ләкин шуларның 200 е генә ашарга яраклы. * Иң зур кабак 1190 килограмм авырлыкта булган. Аны 2016 елда Бельгиядә яшәүче фермер үстергән. * Чынлыкта, кабак исә - җиләк, әйтергә кирәк, дөньядагы иң эре җиләк. * Кабак 90% судан тора. * Африка илләрендә кабакны шлем буларак та файдаланалар. * Кабак согы йокысызлыктан котылырга булыша. * Бу яшелчәне өйрәнүче фән кукурбитология дип атала.

10.09.2024

«ШАЯН ТВ» каналы алып баручылары «Гаилә белән сайлыйбыз» телемарафонында катнашты

Кичә «ТНВ» телеканалында 13 сәгатьлек «Гаилә белән сайлыйбыз» телемарафоны узды. Туры эфир кунаклары Татарстан Республикасы халыкларының уникаль традицияләре турында сөйләүче гаиләләр һәм артистлар, шулай ук «ШАЯН ТВ» каналының яшь алып баручылары булдылар. Нәниләр көн дәвамында эфир йолдызларына әйләнделәр.

09.09.2024

1 ... 58 59 60 61 62 ... 375

Яңа сайт!