Яңалыклар

Китап укучыга берничә киңәш

Китап укучыга берничә киңәш

6 сентябрьдә китап уку көне билгеләп үтелә! «Китап – бакча ул, андагы язулар – шул бакчаның гөлләре», - дип язып калдырган танылган язучы, энциклопедист галим Каюм Насыйри. Бүген исә китап укучылар өчен берничә киңәш белән бүлешербез! * Укыйсы китапларыңның исемлеген булдыр. Аны һәрвакыт яңартып, тулыландырып тор. Болай эшләсәң, «Нинди китап укыйм икән?» – дип баш ватарга туры килмәс. * Мәҗбүри укырга кирәкле китаплар янында күңелең теләгәне дә булсын. Уку күңелгә рәхәтлек бирергә тиеш. * Көн саен укы. 20 минут кына укысаң да, аена 10 сәгать җыела. * Укый торган китабыңны һәрвакыт үзең белән йөрт. Җай чыккан саен 2-3 бит булса да, укып алырга мөмкин. Чиратта утырганда, дустыңны көткәндә китап вакытыңны файдалы уздырырга булышыр. * Әгәр сиңа китап ошамый икән, аны куеп тор, башкасын укып кара. Әлбәттә, ике бит укыганнан соң ук: «Бу китап кызык түгел!» – дияргә ашыкма. * Үзең кебек укырга яратучылар белән аралаш. Китап турында фикер алышыгыз, ярыша-ярыша укыгыз. Уку тизлегеңнең артуын үзең дә сизми калырсың!

06.09.2024
Көз көне авырмас өчен нишләргә?

Көз көне авырмас өчен нишләргә?

Белгечләр көзге салкын тиюдән саклану һәм сәламәтлекне ныгыту өчен нинди эчемлекләр эчәргә кирәген әйтте. 1. Әлеге исемлектә лимон, имбир, сырганак, балан һәм бал белән чәй бар. Шулай ук кара карлыган белән дарчин (корица) компоты, фейхоа компоты да көзен салкын тиюдән сакланырга ярдәм итәр. 2. Мүк җиләгеннән ясалган эчемлек тә чирләмәскә ярдәм итәр. Әлеге эчемлеккә алма, әфлисун, дарчин (корица) һәм имбирь тамыры да өстәргә кушалар. Боларның бөтенесен бергә кушып кайнатып чыгарырга, 10 минут чамасы сүрән утта тотарга. 3. Нарат җиләгеннән ясалган эчемлек тә файдалы булачак. Моның өчен шикәр комыннан сироп ясарга кирәк. Сиропка дарчин, кардамон, дәфнә яфрагы (лавр), берничә түгәрәк борыч салырга һәм кайнатырга кирәк. Аннан нарат җиләген изәргә һәм бөтенесен бергә кайнатырга кирәк. Ахырдан исә лимон һәм бал салырга. Сәламәт булыгыз.

06.09.2024
Бүген соңга калырга да ярый

Бүген соңга калырга да ярый

Безнең көндәлек графигыбыз катгый режимга буйсынган. Пунктуальлек – кешенең иң мөһим сыйфатларыннан берсе, чөнки кемне дә булса көттерү әдәпсезлек билгесе булып санала. Ләкин елга бер тапкыр нәкъ тә менә бүген, 5 сентябрь көнне сәгатьләр турында онытырга һәм гадәти графиктан бераз читкә тайпылырга рөхсәт ителә икән. Чөнки бүген соңга калу көне билгеләп үтелә! Дуслар, мөмкинлекне кулдан ычкындырмыйча, бер генә көнне булса да, вакыт чикләреннән чыгып, беркая ашыкмыйча уздырыйк әле! Бүген берничә минутка соңга калу да зыянлы булмас. Сәбәбе дә бар – соңга калу көне! Сүз уңаеннан, бу көннең килеп чыгышы турында берни дә билгеле түгел. Мөгаен, ул, мондый бәйрәмнәрнең күпчелеге кебек, АКШТА уйлап табылган һәм Интернет ярдәмендә дөньяга таралган булса кирәк.

05.09.2024
Яңа кагыйдәләр: 2024 елда укучыларны нинди үзгәрешләр көтә?

Яңа кагыйдәләр: 2024 елда укучыларны нинди үзгәрешләр көтә?

Яңа уку елына аяк бастык. 1 сентябрьдән укучыларны, ата-аналарны һәм укытучыларны белем учагында күп кенә үзгәрешләр каршы алды. Үзгәрешләрнең күбесе 1 сентябреннән үз көченә керде.  Хезмәт дәресе Расписаниедә яңадан «Хезмәт» предметы барлыкка килде. Ул гамәлдәге «Технология» предметын алыштыра. Бу балаларга уңышлы киләчәк өчен кирәкле социаль-көнкүреш күнекмәләрен үстерергә мөмкинлек бирәчәк. Укучыларны үз һөнәрләрен сайларга әзерләү – хезмәт дәресенең төп бурычларыннан берсе. Башлангыч мәктәптә хезмәт дәресләре атнага бер тапкыр үткәреләчәк. 5-9 сыйныфлар өчен хезмәттә укыту программасына мәҗбүри һәм вариатив модульләр кертеләчәк. Моннан тыш, укучылар өстәмә өч модуль сайлый алачак — «Автоматлаштырылган системалар», «Терлекчелек» һәм «Үсемлекчелек». Телефон Дәресләрдә, хәтта белем бирү максатларында да кәрәзле телефоннарны куллануны тыю мәктәпләрдә яңа уку елыннан кертелде. Закон мәктәпләрдә дәресләр вакытында кәрәзле телефоннардан файдалануны тыя. Тәнәфесләр вакытында телефоннан файдаланырга мөмкин, чөнки ул укучынының шәхси милке.  «Куркынычсызлык нигезләре» Яңа уку елында мәктәп расписаниесендә гадәти ОБЖ урынына «Иминлек нигезләре һәм Ватанны саклау» дигән яңа предмет барлыкка килде. Яңалыкның максаты – укучыларда Ватанны саклауга әзерлек һәм тормыш иминлеге культурасының база дәрәҗәсен формалаштыру. Предмет укучыларны хәрби хезмәткә әзерләнергә өйрәтәчәк. Әлеге предмет 8-11 сыйныфларда кертелә һәм атнага бер тапкыр үткәреләчәк.  ОГЭда калькулятор 2024 елдан 9 класс укучыларына математикадан имтихан тапшырганда программалаштырылмаган калькулятордан, белешмә мәгълүматсыз линейкалардан һәм контроль-үлчәү материаллары белән бергә бирелә торган белешмә материаллардан рәсми рәвештә файдаланырга рөхсәт ителәчәк. Калькулятор берничә таләпкә җавап бирергә тиеш: арифметик исәпләүләрне һәм тригонометрик функцияләрне исәпләүне тәэмин итәргә һәм бәйләнеш функцияләре булмаска мөмкинлек бирмәскә. Моннан тыш, унберенче сыйныф укучылары югары уку йортына кергәндә БДИ нәтиҗәләренә өстәмә баллар ала алачак. Сүз Олимпия, Паралимпия һәм Сурдлимпия уеннары программаларына кертелгән спорт төрләре буенча Россия чемпионнары һәм Россия Кубогы ияләре турында бара. Гаилә кыйммәтләре 2024/2025 уку елында 5-11 сыйныф укучылары өчен дәрестән тыш эшчәнлеккә яңа фән – «Гаилә белеме» кертеләчәк. Предметның төп максаты – яшүсмерләрне киләчәк гаилә тормышына һәм балалар тууга әзерләү, шулай ук гаилә кыйммәтләренә таянып яшүсмерләр бергәлеген формалаштыру.

05.09.2024
Сентябрь ае гадәттәгедән җылырак булачак

Сентябрь ае гадәттәгедән җылырак булачак

Татарстанда сентябрь гадәттәгедән җылырак булыр дип фаразлана. Гидрометеоүзәк мәгълүматлары буенча, көзнең беренче аенда һаваның уртача температурасы климат нормасыннан югары булачак. Республика өчен норма - +11 градус, ә Казан өчен - +12 градус. Быел сентябрьдә уртача температура +12,9 һәм +13,3 градуска җитәчәк. Явым-төшем күләме исә нормага якын булыр дип көтелә. Татарстан өчен норма 48 миллиметр, ә Казан өчен - 50 миллиметр санала.

04.09.2024
Әдәбият сөючеләрдән гаризалар көтәбез

Әдәбият сөючеләрдән гаризалар көтәбез

Халкыбызның иң мөһим мәдәни ел вакыйгасы - «ТАТАР СҮЗЕ» бишенче Халыкара нәфис сүз телевизион бәйгесенә гаризалар кабул ителү дәвам итә! Ашыгыгыз! Әдәбият сөючеләрдән видеолар көтәбез! Сылтама буенча узыгыз һәм бәйгенең кагыйдәләре белән танышыгыз!

04.09.2024
Prev. 1 ... 59 60 61 62 63 ... 375 Next
Главная Программа Видео Шортс Поиск