Яңалыклар

Тагын бер мөмкинлек!

Тагын бер мөмкинлек!

1. Ислам Минһаҗев 2. Наилә Славина 3. Артур Хәйруллин 4. Җәмил Хәбибрахманов 5. Җәмилә Әсәдуллина 6.  Әлфия Таһирова Бу исемнәр сезгә танышмы? Һичшиксез таныш, чөнки бу балалар «Сәйлән» фестиваленең икенче сезон ҖИҢҮЧЕЛӘРЕ!  Без сезгә аларның иҗатыннан кабат ләззәт алырга, сезонны искә төшерергә тагын бер мөмкинлек тәкъдим итәбез! Бүген 12:00 һәм 17:00 сәгатьтә телевизорларны кушып, «Сәйлән» проектының Гала-концертын карагыз! 

15.11.2020
«Чаллы икмәге»ннән «Сәйлән» фестиваленә бүләкләр!

«Чаллы икмәге»ннән «Сәйлән» фестиваленә бүләкләр!

Менә инде «Сәйлән» фестиваленең 2нче сезоны да үтте, ә без күңелле мизгелләр белән бүлешүне дәвам итәбез! «Сәйлән» фестиваленең генераль спонсоры «Чаллы икмәге» акционерлык җәмгыятенә катнашучы балаларга әзерләгән бүләкләре өчен зур рәхмәт!

13.11.2020
«ШАЯН ТВ» эфирда 2 ел» темасына багышланган матбугат очрашуы!

«ШАЯН ТВ» эфирда 2 ел» темасына багышланган матбугат очрашуы!

12 ноябрь – «ШАЯН ТВ» каналының әле кечкенә тарихында мөһим дата. Нәкъ 2 ел элек татар телендә беренче татар балалар телеканалы дөнья күрә һәм Татарстан гына түгел, Бөтенроссия һәм чит ил татар гаиләләрен берләштерүче мәйдан булдыра. Каналның туган көн иртәсе рәсми очрашу – «Татмедиа»да матбугат конференциясе белән башланып китте. Биредә каналның башкарма директоры – баш мөхәррире Рамилә Әхмәтзакир кызы Сәхабетдинова, татар балалар телевидениясенең “әнисе” буларак, 2 яшьлек кечкенә «ШАЯН»ның зур җиңүләре белән уртаклашты, яңа проектлары белән таныштырып узды, киләчәккә планнар белән бүлеште.       Әлбәттә, каналыбызның төп хуҗалары, алып баручы балалар да очрашуның көтелгән кунаклары арасында урын алды. Элдар Гыйниятов Республикабызның беренче Президенты Минтимер Шәрип улы Шәймиев белән танышуын искә алды, Зилә Хәбибуллина популярлык килүе турында бәян итте, ә Аяз Аглиуллин «Банка» эчендә нәрсә яшеренгәнен ачыклады. Журналистларның игътибары да нәкъ балаларга юнәлгән иде. Бигрәк тә аларны каналга эләгү мөмкинлеге, балалар катнашкан проектлар һәм телевидениедә эшләү серләре кызыксындырды. Хәтта яшь профессионалларның хезмәт хакы мәсьәләсе дә күтәрелде. Бу сорауга җавап булып яңгыраган сүзләр җыелган кунакларны гына түгел, канал хезмәткәрләрен дә таң калдырды. Чынлыкта, яңа буын журналистларны материаль яктан бигрәк, аларның телевидение дөньясында кайнавы, аның мөһим бер өлеше булу һәм шушы мөхиттән алынган эмоция, хис-кичерешләре кызыктыра. Конференция тагын да кызыклы сораулар белән дәвам итте, ә инде ахырда барлык кунаклар өчен музыкаль күчтәнәч – «Сәйлән» фестиваленең җиңүчесе Җәмилә Әсәдуллина башкаруында “Ай былбылым” халык җыры яңа форматта яңгырады. Очрашу бәйрәм рухында, җылы, дустанә атмосферада үтте, ә, иң мөһиме, ул нәтиҗәле һәм продуктив булды! Тулырак, безнең тапшыруларда һәм матбугат чараларында.

12.11.2020
«ШАЯН ТВ» 2 ел эфирда!

«ШАЯН ТВ» 2 ел эфирда!

 12 ноябрь – «ШАЯН ТВ» каналы өчен зур бәйрәм!  Нәкъ ике ел элек, 2018 елда, Татарстан Республикасы Президенты Рөстәм Нургали улы Миңнеханов хәер-фатыйхасы белән «ШАЯН ТВ» каналы тәүге тапкыр эфирга чыкты. Каналның төп максаты –төрле проектлар аша татар теленә карата кызыксыну уяту, балаларга милли, шул ук вакытта заманча дөрес тәрбия бирү. Хәзерге вакытта «ШАЯН ТВ»да танып-белүне, белем бирүне һәм фикерләүне үстерергә ярдәм итүче 20 дән артык оригиналь тапшыру эфирга чыга. Татар теленә 7000 якын кызыклы мультфильм, халыкара дәрәҗәдәге фәнни-популяр, документаль һәм әдәби жанрдагы тапшырулар тәрҗемә ителде. Канал балалар иҗатын таныту буенча даими эш алып бара, бәйге һәм фестивальләр оештыра. Быел беренче тапкыр «Балачак җыры» дип аталган балалар җыры бәйгесе үткәрелде. Аның максаты – балалар өчен татарча җырлар иҗат итү һәм аларны таныту. Иң яхшы 5 җырга аранжировка ясатып, клип төшерелде. Тамашачы мәхәббәтен яулаган «Сәйлән» фестиваленең быел 2нче сезоны гөрләп узды. 12 ноябрь, каналның туган көнендә, тамашачыларны эфирда фестивальнең Гала-концерты көтә. Кыска гына вакыт эчендә «ШАЯН ТВ» зур җиңүләр яулады. Узган ел «Карусель» телеканалы үткәргән “Главные герои – 2019” милли балалар премиясе бәйгесендә “Ел ачышы” номинациясендә җиңде. Ә быел «ТЭФИ-KIDS 2020» милли-телевизион премиясе финалисты дипломына лаек булды. «ШАЯН ТВ» ирешкән уңышлары белән генә туктап калырга җыенмый. Аның максаты - туган телебез сагында булып, дөньядагы бөтен татар балаларын берләштерү. Бергә булганда, бу максатка ирешү кыен булмас.

12.11.2020
«Сәйлән» фестивале Гала-концерты!

«Сәйлән» фестивале Гала-концерты!

Cез һәм без көтеп алган вакыйга - «Сәйлән» фестиваленең Гала-концерты! Фестиваль Гала-концерты беренче һәм икенче сезон катнашучыларын бер сәхнәдә җыячак. Сезнең игътибарыгызга икенче сезонда яңгыраган иң матур җырлар һәм шәп номерлар тәкъдим ителәчек. Иртәгә 12:00 һәм 20:00 сәгатьтә «ШАЯН ТВ» каналында карамый калма!

11.11.2020
Иртәгә «ШАЯН ТВ» белән бул!

Иртәгә «ШАЯН ТВ» белән бул!

Иртәгә, 12 ноябрь, «ШАЯН ТВ» каналы туган көнен билгеләп үтә! Шул уңайдан, без сезнең өчен шәп сюрпризлар әзерләдек! ШАЯН дулкыннарына кушыл һәм безнең белән бергә бәйрәм ит! Кыскача инструкция биредә: 1)    Иртәдән үк телевизорыңда «ШАЯН ТВ» каналын куш. Тәүлек буена без синең яхшы кәефең сагында торырбыз. Иң популяр мультсериаллар, тапшырулар һәм, әлбәттә, ПРЕМЬЕРАЛАР – боларның барысы бәйрәм эфирында! Нәкъ туган көнебездә өр-яңа проектыбыз «БАНКА» тапшыруының премьера чыгарылышы экраннарга чыгачак. Ә инде төп бүләгебез - «Сәйлән» фестивале Гала-концертының телевизион трансляциясе! Шуңа күрә, 12:00 һәм 17:00 сәгатьтә телевизор каршына җайлабрак утыр! 2)    Безнең инстаграм аккаунтыбыз аша йолдызлы дусларыбыздан видеокотлаулар флешмобын күзәтеп бар. Популяр блогерлар Даня Милохон, Артур Бабич, Аня Покровская һәм нәниләрнең иң яраткан дуслары Филя һәм Хрюша бу флешмобны инде башлап җибәрде. Ә бик тиздән безнең социаль челтәрләрдә «СТС Kids» каналы төркеменнән, танылган алып баручы Юлия Барановскаядан һәм татар эстрадасының иң якты йолдызларыннан котлаулар көтелә! 3)    «ШАЯН ТВ» каналыннан истәлекле бүләкләр от! Бәйрәм көнендә яраткан тамашачыбызны күчтәнәчсез калдыру мөмкин түгел. Безнең туры эфирларны карап үз бәхетеңне сынап кара, креатив котлауга игълан ителгән бәйге турында да онытма. Иң мөһиме актив бул һәм безнең белән кәефеңне күтәр. Бу безнең уртак бәйрәмебез!

11.11.2020
Prev. 1 ... 245 246 247 248 249 ... 375 Next
Главная Программа Видео Шортс Поиск