Яңалыклар

Данир Сабиров туры эфирда!

Бу артистны сез, һичшиксез, беләсез! Ә без исә сезгә аның белән якынанрак танышырга мөмкинлек тәкъдим итәбез. Данир Сабиров катнашындагы туры эфирны карагыз һәм сораулар биреп катнашыгыз! Очрашу вакыты: 14:00 Очрашу урыны: Инстаграм

25.11.2020

Тавыш бирү чарасы башланды!

Дуслаааааар! Тавыш бирү чарасы башланды! Тизрәк сылтама аша керегез һәм ошаган открыткага тавыш бирегез! 30 ноябрь көнне без җиңүчеләр исемен игълан итәрбез! Шуңа вакытны озакка сузмагыз, активрак булыгыз, дусларыгызны да чакырыгыз!

24.11.2020

Каршы алыгыз - М хәрефе!

Бүген дүшәмбе! Ә димәк, «Шаян хәрефләр» рубрикасында яңалыклар! Керегез һәм татар әлифбасын безнең белән өйрәнегез!

23.11.2020

Сезнең эшләрегезне көтәбез!

Дуслар, эшләр кабул итүнең санаулы сәгатьләре генә калып бара. Катнашырга өлгерегез! Бүген 00:00гә кадәр эшләрегезне почтабызга [email protected] җибәрегез! Көтәбез!

22.11.2020

Бөтендөнья телевидение көне!

21 ноябрь – Бөтендөнья телевидение көне. Ә димәк, бүген «ШАЯН ТВ» хезмәткәрләре һөнәри бәйрәмнәрен билгеләп үтә! Телеканал эшчәнлегендә көн-төн хезмәт куйган, креативлыкны, иҗади эшне җитди караш белән параллель алып барып, алтын урталык тапкан профессиональ хезмәткәрләребез ярдәмендә канал яңадан-яңа үрләргә менә. Рәхмәт сезгә! Бәйрәм белән, хөрмәтле коллегалар!

21.11.2020

«БӘЛЛҮР КАЛӘМ» – «ХРУСТАЛЬНОЕ ПЕРО» XXII

Бүген Казанда «БӘЛЛҮР КАЛӘМ» – «ХРУСТАЛЬНОЕ ПЕРО» XXII Бәйгесенең бүләкләү тантанасы узды. Әлеге чара – республикабыз журналистлары һәм массмедиа хезмәткәрләре өчен елның иң көтелгән вакыйгасы. Бирегә иң тәҗрибәле, профессиональ һәм танылган каләм осталары җыела. «ШАЯН ТВ»ның бу чарада катнашуы очраклы гына түгел. Канал үзе яшь буын журналистларны үстерү, белем алу һәм тәрбияләү мәйданы булып тора. Тантана кунаклары балалар каналының геройларын һәм алып баручыларын бик җылы кабул итте.

20.11.2020

«Белем җәүһәрләре – 2020»

Бүген «Пирамида» концертлар залында «Белем җәүһәрләре – 2020» XI Дөньякүләм интернет-проектлар бәйгесе җиңүчеләрен бүләкләү тантанасы узды. Бәйге татар телендә ясалган фән, мәгариф һәм мәдәният өлкәләре белән бәйле интернет-ресурсларны барлау, аларны дөньяга таныту, әлеге ресурс авторларына ярдәм күрсәтү максатыннан оештырыла. Безнең каналыбыз өчен әлеге чара аеруча әһәмиятле. Узган ел «ШАЯН ТВ» бәйгенең ике номинациясндә беренче урын яулады. Бу елны исә балалар каналы чараның Мәгълүмати партнеры вазифасын башкарды һәм бүләкләү тантанасына үз өлешен кертте. Гран-при яулаган катнашучыларны сәхнәдән каналыбызның башкарма директоры – баш мөхәррире Рамилә Әхмәтзакир кызы Сәхабетдинова котлады. Аеруча ул татар теленең үсешенә, популярлаштыруына юнәлгән интернет-проектларның мөһим ролен билгеләп үтте. Әйтергә кирәк, «ШАЯН ТВ» буш кул белән килмәде. Гран-при ияләренә махсус бүләкләрне балалар каналының төп герое ШАЯН үзе тапшырды.

20.11.2020