Яңалыклар

Бөтендөнья балет көне!

Бөтендөнья балет көне!

Бүген, 29 октябрь көнне, Бөтендөнья балет көне билгеләп утелә. Балет - аерым бер галәм. Серле, могҗизалы балет дөньясы берәүне дә битараф калдырмый. Ул узендә төрле жанрлар туплый: музыка, әдәбият, бию һәм сынлы сәнгать тулы бер композиция тудырып тамашачыны сихри сәнгать иленә алып китә. Итальян теленнән балет сүзе «биим» дигәнне  аңлата. Аның тарихы XV гасырга барып тоташа. 1581 елның 15 октябрендә Франциядә «Комедийный балет королевы» (яки «Цирцея») дип аталган беренче балет куела. Балет тарихында милләтебез вәкилләренең дә өлеше зур! Дөньякүләм киң танылган «Шүрәле» балеты - сәхнә тарихына кереп калган беренче татар балеты. Милли музыкабызның визит карточкасы булып торган cәнгать әсәре Г.Тукай әкиятләре нигезендә Фәрит Яруллин, Әхмәт Фәйзи һәм Л.В.Якобсон тарафыннан иҗат ителгән. Бүгенге көнгә кадәр ул Петербург Мария театрында һәм Татар академия дәүләт опера һәм балет театрында даими куелып тора. Бу урында ватандашыбыз, күренекле балет остасы Рудольф Нуриев турында әйтмичә мөмкин түгел. Татар дөньясында гына түгел, бөтендөнья сәнгатендә дә танылып, ул зур дәрәҗәләргә иреште. Ел саен Казанда үтүче  Халыкара классик балет фестивале дә бүгенге көндә аның исемен йөртә. Дуслар, сез дә, һичшиксез, бу гүзәл дөньяның кунагы булып кайтырга тишсез!      

29.10.2020
Халыкара ак барслар көне!

Халыкара ак барслар көне!

Бөтендөнья кыргый табигать фонды искәртүе буенча, бүген - Халыкара Ак Барслар көне! Хәзерге вакытта ак барслар (шулай ук аларны ирбислар дип тә атыйлар) югалу куркынычы янаган хайван төрләре исемлегенә, ягъни Кызыл китапка кертелгән. Республикабыз өчен исә ак барслар аеруча әһәмиятле. Татарстан гербның үзәк образы - канатлы барс. Ул да тугел, Казан шәhәренең киң танылган, җанатарларының яраткан дәртле хоккей командасы да "Ак барс" исемен йөртә.  Барс - борынгы тотемик образ. Борынгы Болгарларда канатлы ак барс уңыш символы һәм балаларны саклаучы тәңре булган. Татарстан Җөмһүрияте гербындагы Ак барс – җөмһүриятенең һәм анда яшәүче халыкның саклаучысы. Гербның авторлары – филология фәннәре докторы Назым Габдрахман улы Ханзафаров (идеясе) һәм рәссам-монументалист, Татарстан Рәссамнәр берлеге әгъзасы Риф Заһри улы Фәхретдинов (башкаручы).  Әйдәгез әле, гербта сурәтләнгән Ак Барска игътибар белән күз салыйк. Ә бит әлеге барс торышының символик мәгънәсен бөтен кеше дә белеп бетерми! Барсның күтәрелгән алгы уң тәпие— югары хакимиятнең бөеклегенә ассызыклаучы традицион геральдик ишарә. Ул, шулай ук, эшнең уң аяктан башланганын , Татарстанның яңарыш юлындагы адымнарының хәерлесен аңлата. Барсның очлы тешләре һәм тырнаклары аның үз-үзен һәм химая иткәннәрен дә яклый алуын белдерә, ә җиде каурые тирә-якка тәэсир итү көче җирдә дә, күктә дә булуын аңлата. Хәтта, барс коерыгының торышы да яхшы кәефне, дуслыкны белдерә.  Канатлы барслар хәйкәлен «Казан» гаилә үзәге янындагы мәйданда күрергә мөмкин.

23.10.2020
«ШАЯН Котлау»

«ШАЯН Котлау»

Дуслар, сезнең өчен шәп яңалык бар! Тиздән безнең каналда «ШАЯН Котлау» рубрикасы үз эшен башлап җибәрәчәк! Ә димәк, сезнең дусларыгызга, туганнарыгызга менә дигән сюрприз ясау мөмкинлеге булачак! Аларны «ШАЯН ТВ» каналы аша котлагыз һәм сөендерегез! Котлауларыгызны [email protected] почтасына җибәрегез.

22.10.2020
Prev. 1 ... 247 248 249 250 251 ... 375 Next
Главная Программа Видео Шортс Поиск