Яңалыклар

Сезнең эшләрегезне көтәбез!

Дуслар, эшләр кабул итүнең санаулы сәгатьләре генә калып бара. Катнашырга өлгерегез! Бүген 00:00гә кадәр эшләрегезне почтабызга [email protected] җибәрегез! Көтәбез!

22.11.2020

Бөтендөнья телевидение көне!

21 ноябрь – Бөтендөнья телевидение көне. Ә димәк, бүген «ШАЯН ТВ» хезмәткәрләре һөнәри бәйрәмнәрен билгеләп үтә! Телеканал эшчәнлегендә көн-төн хезмәт куйган, креативлыкны, иҗади эшне җитди караш белән параллель алып барып, алтын урталык тапкан профессиональ хезмәткәрләребез ярдәмендә канал яңадан-яңа үрләргә менә. Рәхмәт сезгә! Бәйрәм белән, хөрмәтле коллегалар!

21.11.2020

«БӘЛЛҮР КАЛӘМ» – «ХРУСТАЛЬНОЕ ПЕРО» XXII

Бүген Казанда «БӘЛЛҮР КАЛӘМ» – «ХРУСТАЛЬНОЕ ПЕРО» XXII Бәйгесенең бүләкләү тантанасы узды. Әлеге чара – республикабыз журналистлары һәм массмедиа хезмәткәрләре өчен елның иң көтелгән вакыйгасы. Бирегә иң тәҗрибәле, профессиональ һәм танылган каләм осталары җыела. «ШАЯН ТВ»ның бу чарада катнашуы очраклы гына түгел. Канал үзе яшь буын журналистларны үстерү, белем алу һәм тәрбияләү мәйданы булып тора. Тантана кунаклары балалар каналының геройларын һәм алып баручыларын бик җылы кабул итте.

20.11.2020

«Белем җәүһәрләре – 2020»

Бүген «Пирамида» концертлар залында «Белем җәүһәрләре – 2020» XI Дөньякүләм интернет-проектлар бәйгесе җиңүчеләрен бүләкләү тантанасы узды. Бәйге татар телендә ясалган фән, мәгариф һәм мәдәният өлкәләре белән бәйле интернет-ресурсларны барлау, аларны дөньяга таныту, әлеге ресурс авторларына ярдәм күрсәтү максатыннан оештырыла. Безнең каналыбыз өчен әлеге чара аеруча әһәмиятле. Узган ел «ШАЯН ТВ» бәйгенең ике номинациясндә беренче урын яулады. Бу елны исә балалар каналы чараның Мәгълүмати партнеры вазифасын башкарды һәм бүләкләү тантанасына үз өлешен кертте. Гран-при яулаган катнашучыларны сәхнәдән каналыбызның башкарма директоры – баш мөхәррире Рамилә Әхмәтзакир кызы Сәхабетдинова котлады. Аеруча ул татар теленең үсешенә, популярлаштыруына юнәлгән интернет-проектларның мөһим ролен билгеләп үтте. Әйтергә кирәк, «ШАЯН ТВ» буш кул белән килмәде. Гран-при ияләренә махсус бүләкләрне балалар каналының төп герое ШАЯН үзе тапшырды.

20.11.2020

Туры эфирга кушыл!

Дуслар, бүген 17:00 сәгатьтә безнең инстраграмда Филүс Каһиров катнашындагы туры эфирны карагыз! Кызык булачак! Сораулар әзерләргә онытмагыз.

19.11.2020

«ШАЯН ТВ» каналы шигъри флешмоб башлап җибәрә!

«ШАЯН ТВ» каналы #яратканшигырь флешмобын башлап җибәрә! Шигърият - ул үзе бер тылсым диләр. Шушы тылсымнан сез дә ләззәт алып, илһамланып, үзегезнең яраткан шигырыгез белән уртаклашыгыз. Татарстан Республикасы Дәүләт Советы Рәисе урынбасары, Татарстан Республикасы Президенты каршындагы Татар телен саклау һәм үстерү мәсьәләләре комиссиясе рәисе Марат Готыф улы Әхмәтов инде флешмобта катнышып өлгерде. Сез дә калышмагыз, дуслар! Иң шәп видеолар «ШАЯН ТВ» каналының эфирында чыгачак! Тулырак безнең инстаграмда.

17.11.2020

«Реальное время» өчен интервью.

«ШАЯН ТВ»ның туган көне уңаеннан «Реальное время» корреспонденты Тимур Рәхмәтуллин каналыбызның башкарма директоры - баш мөхәррире Рамилә Әхмәтзакир кызы Сәхабетдинова белән каналның тарихы, үткәне, бүгенгесе һәм киләчәге турында сөйләшеп алды. Әңгәмә бик кызыклы һәм эчтәлекле килеп чыкты. Үзегез укып, инана аласыз! Сылтама: https://m.realnoevremya.ru/articles/193844-ramilya-sahabutdinova-na-shayan-tv-deti-ne-rabotayut-za-z...

16.11.2020