20 август көнне балаларны реабилитацияләү үзәге «АВА-центр «Новая планета» Горки-Әмәт урманында үзенең туган көне уңаеннан зур бәйрәм үткәрде. Иҗади чыгышлар, балалар рәсемнәреннән күргәзмәләр, мастер-класслар оештырылды. Әлеге чарага «ШАЯН ТВ» каналы да үз өлешен кертте. «Сәйлән» телевизион җыр фестивале җиңүчеләре «Композитор чыпчыклар» җырын башкарып, үз чыгышлары белән бәйрәмгә тагын да ямь өстәделәр.