Яңалыклар

«Сәйлән» фестивален төшерү дәвам итә!

«Сәйлән» фестивален төшерү дәвам итә!

«ШАЯН ТВ» каналында «Сәйлән» телевизион җыр проекты үз эшен дәвам итә. Бүген аның яңа чыгарылышлары төшерелде. Кабат сынаулар, зур сәхнә,  «йолдызлы» жюридан кабатланмас киңәшләр! Бу атнада балаларны Татарстанның халык артистлары Зәйнәп Фәрхетдинова, Филүс Каһиров, Зөлфия Вәлиева һәм яраткан җырчыларыбыз Марат Галимов, Ильвина бәяләде. Әлеге этапта катнашучылар татар халык җырларын һәм Әлфия Авзалова репертуарыннан ретро җырлар башкардылар. Аларның барысы да «Сәйлән» статуэткасын алу өчен көч сынашты! «Сәйлән» музыкаль фестиваленең бишенче юбилей сезонының премьерасын 1 ОКТЯБРЬДӘН башлап, һәр якшәмбе «ШАЯН ТВ» каналында карарга мөмкин!

24.09.2023
Сөмбелә: бүген көн белән төн тигезләшә!

Сөмбелә: бүген көн белән төн тигезләшә!

22-23 сентябрь - көзге көн белән төн тигезләшкән вакыт. Елның сихри фасылында, нәкъ менә көн белән төн тигезләшкән мәлдә, татар халкы Сөмбелә бәйрәмен үткәргән. Европалылар өчен бераз моңсу вакыт, чөнки көз-патшабикә хакимлек итәргә тулы хокук ала. Ел фасылы алышынганда көн кыскара, төн озая. Көн озынлыгы нәкъ ярты тәүлек - 12 сәгать булганлыктан, кояш 6 да чыга, 18 сәгатьтә бата. Мондый очрак ел әйләнәсендә ике тапкыр кабатлана. Сөмбелә - башак дигән сүз.Ул – көзге бәйрәм, уңыш бәйрәме. Җитен чәчле, зәңгәр күзле, зифа буйлы, сүзгә тапкыр, эшкә уңган кызны Сөмбелә дигәннәр. Нәүрүз бәйрәме язның башы булса, Сөмбелә көзне түгәрәкләү ае, чөнки бу вакытта урып-җыю эшләре төгәлләнә, ашлык сугылып келәт-амбарларга тутырыла. Татарларда Юлиан календаренә кадәр зодиак календарь кулланылган һәм сигезенче ай «Сөмбелә» дип йөртелгән. Бу күренеш мәкальләрдә яхшы сакланган: * Сөмбелә туса, су суыныр. * Сөмбеләдә урып ал, арышыңны чәчеп кал. Борынгы Русиядә элек-электән көн белән төн тигезләшкәндә төрле йолалар башкарганнар, бәйрәм иткәннәр. Келәтләр уңыш белән тулы, өстәлләр яшелчә-җимештән сыгылып торган мизгел дә бит әле бу. Шунлыктан кешеләр шатланып, күңел ачкан. Бай көзге табынны күпереп пешкән икмәк, кәбестә, мүк җиләгеннән пироглар бизәгән. Ә кызыл миләш тәлгәшләрен, чир-чордан, күз тиюдән сакласын дип, тәрәзә төбенә тезгәннәр. Ә менә планетаның көньяк ярымшарында яшәүчеләр бу вакытта язны каршылый икән.      

22.09.2023
«Әкияти патруль»нең яңа сезоны эфирда!

«Әкияти патруль»нең яңа сезоны эфирда!

«ШАЯН ТВ» каналы яраткан мультсериалларыгызның яңа сезоннары белән сөендерүен дәвам итә! «Әкияти патруль»нең яңа сезоны эфирда! Биредә дүрт тылсымчы кыз дус булырга да, бер-берсенә ярдәм итәргә һәм үз эшләре өчен җавап бирергә дә өйрәнәләр. Әкиятләр тыюлыгын саклау өчен, кызларга сынаулар аша үтеп, бердәм командага әверелергә кирәк! Мультсериалны һәр эш көнендә 07:05 һәм 15:05 сәгатьләрдә «ШАЯН ТВ» каналында карагыз!    

22.09.2023
«Килде-китте шоу»! 2 ЧЫГАРЫЛЫШ!

«Килде-китте шоу»! 2 ЧЫГАРЫЛЫШ!

Дуслар, бүген «ШАЯН ТВ»ның YouTube каналына 18:00 сәгатьтә өр-яңа «Килде-китте шоу» проектының 2 чыгарылышы чыгачак! Тапшыруының кунагы - татар эстрадасының иң чибәр, талантлы җырчыларының берсе, автор-башкаручы – Илмира Нәгыймова. Премьераны бары тик «ШАЯН ТВ»ның YouTube каналында гына карарга мөмкин. Сылтама буенча узыгыз.

21.09.2023
«ШАЯН ТВ»ны туган көне белән котла һәм үзеңне телевизор экраннарында күр!

«ШАЯН ТВ»ны туган көне белән котла һәм үзеңне телевизор экраннарында күр!

«ШАЯН ТВ»ны туган көне белән котла һәм үзеңне телевизор экраннарында күр! «ШАЯН ТВ» каналы үзенең 5 еллык туган көне уңаеннан флешмоб игълан итә! Изге теләкләреңне җиткереп, видеокотлау төшер һәм [email protected] почтасына юлла. Видеога таләпләр: 1) Котлау 15 секундтан артмаска тиеш; 2) 9:16 форматында, вертикаль рәвештә төшерергә; 3) Видео белән бергә ата-аналар (законлы вәкилләр) почтага түбәндәге текстны язарга тиеш: «Мин, ФИО (ата-ана / законлы вәкил) балигъ булмаган баланың ФИОсы «ШАЯН ТВ» каналында шәхси мәгълүматларын эшкәртүгә һәм видеоны трансляцияләүгә ризалык бирәм». 4) Әгәр балага 18 яшь булган очракта, ул үзе язарга тиеш: «Мин, ФИО, «ШАЯН ТВ» каналында шәхси мәгълүматларымны эшкәртүгә һәм видеоны трансляцияләүгә ризалык бирәм». Без синнән котлаулар көтәбез!

21.09.2023
«ШАЯН ТВ» каналы «Балачак җыры» концертлар циклы белән көзге сәфәргә чыга!

«ШАЯН ТВ» каналы «Балачак җыры» концертлар циклы белән көзге сәфәргә чыга!

«ШАЯН ТВ» каналы «Балачак җыры» концертлар циклы белән көзге сәфәргә чыга! Чираттагы концерт та шау-гөр килеп узып китте. Бүген исә тамаша Казанның 186 нче күппрофильле лицее укучылары өчен куелды. Бер көндә 2 концерт! Бәйрәм шаяру-көлүләр, җанлы аралашу, күңелле уен һәм викториналар һәм, әлбәттә, «ШАЯН ТВ» беренче татар балалар каналыннан истәлекле бүләкләр белән үрелеп барды. Сәхнәне «Сәйлән» музыкаль фестиваленең сәләтле артистларының чыгышлары бизәде. Гадәттәгечә, укучылар белән очрашудан курчакларыбыз - Шаян белән Мияу да калмады! Алар кунакларны каршы алды, фотога төште һәм үзләренең шәп кәефләре белән уртаклашты! Тамашачылар талантлы балаларның күңелле музыкаль чыгышларыннан күтәренке рух алдылар һәм үзләренең рәхмәт сүзләрен җиткерделәр! Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.

19.09.2023
Prev. 1 ... 120 121 122 123 124 ... 375 Next
Главная Программа Видео Шортс Поиск