Яңалыклар

«Сәйлән» фестиваленең ПРЕМЬЕРАСЫ зәңгәр экраннарда!

Дуслар, бүген! Барыбыз да көтеп алган мизгел! «ШАЯН ТВ» каналы бишенче тапкыр яраткан тамашачылары өчен татар музыкасы дөньясын ача! Бүген, 1 ОКТЯБРЬДӘ, 11:30 һәм 17:00 сәгатьләрдә «ШАЯН ТВ» каналында тамашачыларның күңелен яулаган «Сәйлән» балалар телевизион җыр фестиваленең юбилей сезонының премьерасы булачак! Җанлы тавыш! Сез яраткан башкаручылар! Татар эстрадасының танылган йолдызлары! Барысы да бер тапшыруда! Ел дәвамында республикабызның иң талантлы балалары телевизион этапка эләгү бәхете өчен көрәштеләр. Меңнәрчә гариза арасыннан барлыгы 16 катнашучы сайлап алынды. Алда аларны кабат сайлап алу этаплары һәм татар балалар эстрадасының иң зур телевизион сәхнәсендә онытылмаслык минутлар көтә! Бүген исә ярымфинал этабында катнашучыларны яраткан җырчыларыбыз Алсу Әбелханова, Эльмир Низамов һәм Илгиз Шәйхразиев бәяләячәк. Финалга 8 катнашучы узачак һәм «Сәйлән» статуэткасын алу өчен көч сынашачак! Финалистларның кемнәр икәнен БҮГЕН «ШАЯН ТВ» каналында күрерсез! 1 ОКТЯБРЬДӘН һәр якшәмбе зәңгәр экраннарда грандиоз «Сәйлән» проектының яңа чыгарылышларын карагыз, үзегезгә ошаган яшь җырчы өчен җан атыгыз! Ялларны җырлап уздырыйк!

01.10.2023

«СӘЙЛӘН»! YOUTUBE КАНАЛДА ПРЕМЬЕРА!

Бүген «ШАЯН ТВ»ның YouTube каналында «Сәйлән» телевизион җыр фестиваленең БИШЕНЧЕ ЮБИЛЕЙ СЕЗОНЫНЫҢ беренче чыгарылышы дөнья күрәчәк! Иң грандиоз фестивальнең премьерасын карамый калмагыз! Җанлы тавыш! Талантлы башкаручылар! Татар эстрадасы йолдызлары! Барысы да бер тапшыруда! Яшь йолдызларга үз бәяләрен Татарстанның атказанган артисты Алсу Әбелханова, Татарстанның атказанган сәнгать эшлеклесе Эльмир Низамов һәм популяр җырчы Илгиз Шәйхразиев бирәчәк. Грандиоз шоуны карамый калмагыз! 18:00! YOUTUBE КАНАЛ! КЫЗУ БУЛАЧАК! Телевизион премьераны исә 1 ОКТЯБРЬ, якшәмбе көнне «ШАЯН ТВ» каналында 11:30 һәм 17:00 сәгатьләрдә карагыз! Ялларны «ШАЯН ТВ» белән җырлап уздырыйк!

29.09.2023

«ТАТАР СҮЗЕ»нә гаризалар кабул ителә!

Дуслар, исегезгә төшерәбез, «ТАТАР СҮЗЕ» дүртенче Халыкара нәфис сүз телевизион бәйгесенә гаризалар кабул ителә! Эшләрегезне җибәрегез! Премиаль фонд саллы - 1500 000 сум. Үзегезгә туры килгән номинацияне сайлагыз һәм чыгышыгызны видеога төшереп, анкета белән бергә [email protected] рәсми почтасына юллагыз. Сораулар буенча 8(917)391-07-87 WhatsApp номерына яза аласыз. Гаризалар 2023 елның 30 ноябренә кадәр кабул ителә. Тулырак мәгълүмат shayantv.ru һәм tnv.ru сайтларында.

29.09.2023

Казанның 184 гимназиясендә «Балачак җыры» концерты узды!

«ШАЯН ТВ» каналы үзенең сәләтле балалары белән берлектә нәни дусларының күңелен яулавын дәвам итә һәм балалар өчен өр-яңа җырлар белән сөендерә! Бүген исә чираттагы «Балачак җыры» концерты Казанның М.И. Мәхмүтова исемендәге 184 гимназиясендә узды. Гадәттәгечә, тамашачыларыбыз бик җылы итеп каршы алдылар һәм кайнар алкышларга күмделәр. Концертны карарга башкаланың мәктәп-гимназия укучылары җыелды. «Сәйлән» фестивале йолдызлары исә «Балачак җыры» бәйгесенең популяр хитларын башкарып, тамашачыларның күңелен күрделәр. «ШАЯН ТВ» каналының төп геройлары да балаларны сөендерде: шаярдылар, көлделәр, фотога төштеләр, иң активларга бүләкләр өләштеләр. Бер сулышта узды әлеге бәйрәм! Күтәренке кәеф, шаяру-көлүләр белән югары масштабта үтте! Тамашачыларыбыз да канәгать калды! Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.

28.09.2023

«Яраткан шигырь» теле-радиопроектының яңа чыгарылышларын карарга чакырабыз!

30 сентябрь, шимбә көнне «ШАЯН ТВ» каналында сез яратып өлгергән «Яраткан шигырь» теле-радиопроектының яңа чыгарылышлары эфирга чыгачак! Без сезне гаиләгез белән экраннар каршына, гаҗәеп серле шигърият дөньясына чакырабыз! Көн дәвамында «ШАЯН ТВ» каналында карамый калмагыз!

28.09.2023

Гөлназ Шәрипҗанова белән Аслан яңа уен күрсәтәләр!

27.09.2023

Тәрбиячеләрне бәйрәм белән котлыйбыз!

Бүген тәрбияче һәм мәктәпкәчә яшьтәге балаларга белем бирүче укытучылар көне! Баланың якын дусты, сердәшчесе, тормышка беренче адымнарын ясарга ярдәм итүче мөгаллимнәр аерым игътибарга лаек! Бала өчен тәрбияче әти-әни, яшәгән өй шикелле якын булганда гына бала теләп бакчага бара. Хөрмәтле тәрбиячеләр! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек, гаиләгездә җан тынычлыгы, тормышыгызда ак бәхетләр һәм ныклы сәламәтлек телибез! Барлык балаларыгыз да тәүфыйклы, акыллы булсыннар!

27.09.2023

«ШАЯН ТВ» каналы «ТЭФИ-KIDS 2023» финалында!

Дуслар, шатлыклы хәбәребез бар! «ШАЯН ТВ» каналы «Балалар өчен иң яхшы телеканал» номинациясендә Россиянең телевизион «ТЭФИ-KIDS 2023» милли премиясенең финалына чыкты! Бәйгедә каналыбыз Мәскәүнең «Мульт» һәм «Лёва» телеканаллары белән көч сынашачак. Конкурста катнашуга барлыгы 203 эш җибәрелгән. Биш ел уздырылган премия тарихында бу рекордлы күренеш. Җиңүчеләрне бүләкләү тантанасы исә октябрь аенда Мәскәүнең «Et Cetera» бинасында узачак. «ШАЯН ТВ» каналын җиңүе белән ихлас котлыйбыз! Бу – зур команданың зур хезмәте! Алга таба бөек үрләр һәм финалда уңышлар телибез!

26.09.2023

1 ... 120 121 122 123 124 ... 376

Яңа сайт!