Яңалыклар

Казанда Россия көне уңаеннан бәйрәм концерты
Популяр яңалыклар

Казанда Россия көне уңаеннан бәйрәм концерты

12 июнь көнне Казан Россия көнен шәһәрнең иң танылган урыннарының берсендә – «Казан» гаилә үзәге янында зур концерт белән билгеләп үтәчәк. Бәйрәм программасы 15:30 сәгатьтә башланачак һәм шәһәрнең төрле почмакларыннан кунакларны җыячак. Бу көнне сәхнәдә популяр музыкаль төркемнәрдән чыгышлар көтелә: «Каспий» төркеме «Марсель» «Отпетые мошенники» Чара гаилә бәйрәме форматында үтәчәк. Бу – саф һавада вакыт үткәрү, тере музыкадан ләззәт алу һәм бердәмлек атмосферасын тою өчен менә дигән мөмкинлек. Бәйрәмнең кульминациясе булып 22:00 сәгатьтә Казансу өстендә салют булачак.  Кайда: «Казан» гаилә үзәге  Кайчан: 12 июнь, башлана 15:30  Салют: 22:00 сәгатьтә Казансу өстендә

09.06.2025
«Бишек җырлары» тапшыруының яңа чыгаралышы ВКонтакте төркемендә!
Канал яңалыклары

«Бишек җырлары» тапшыруының яңа чыгаралышы ВКонтакте төркемендә!

«ШАЯН ТВ» телеканалы «Бишек җырлары» проекты дәвам итә Проектның иң зур кыйммәте – баланы татар телендә язылган бишек җырлары аша туган телнең, милли мәдәниятнең нурлы дөньясына алып керү. Әлеге җырлар ана белән бала арасында җылылык, аңлашу, мәхәббәт уяна. Видеоматериаллар заманча технологияләр – ясалма интеллект ярдәмендә эшләнә, җырларны исә Татарстанның күренекле артистлары башкара. Яңа чыгарылышта Татарстанның халык артисты Римма Ибраһимова башкаруында бишек җырын тыңларга мөмкин булачак. Әлеге җырның сүзләре – бөек шагыйребез Габдулла Тукайныкы, музыка – татар халык көе, аранжировкасы – Вадим Усмановтан. Әлеге чыгарылышны безнең ВКонтакте төркемендә карагыз!

08.06.2025
Нейрочелтәр ярдәмендә җанланган «Бишек җырлары»
Канал яңалыклары

Нейрочелтәр ярдәмендә җанланган «Бишек җырлары»

Ясалма интеллект ярдәмендә эшләнгән «Бишек җырлары» исемле махсус проект яңа чыгарлышлары белән сөендерүен дәвам итә!  Ул Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән тормышка ашырыла. Видеоматериаллар заманча технологияләр – ясалма интеллект ярдәмендә эшләнә, җырларны исә Татарстанның күренекле артистлары башкара. Яңа чыгарылышта – Татарстанның атказанган артисты Илсөя Бәдретдинова башкаруында нәфис бишек җыры яңгырый. Җырның сүзләрен Вәсимә Хәйруллина язган, көй авторы – Илсөя Бәдретдинова үзе. Әлеге чыгарылышны ВКонтакте төркемендә сылтама аша кереп карарга мөмкин

07.06.2025
6 июнь – Рус теле көне
Кызыклы фактлар

6 июнь – Рус теле көне

Бүген бөтен дөньяда Рус теле көне билгеләп үтелә. Бу көн очраклы гына сайланмаган – нәкъ менә бүген бөек рус шагыйре Александр Сергеевич Пушкин туган. Пушкин – рус әдәбиятының нигез ташларын салган, шигырьләр һәм әкиятләр остасы. Аның «Балыкчы һәм алтын балык турында әкиятен», «Руслан һәм Людмила» әсәрләре күпләргә таныш. Ул язган әсәрләрне балалар гына түгел, олылар да яратып укый. Рус телен белү безгә нәрсәләр бирә? Дөньядагы күп кенә китапларны аңлап укырга мөмкинлек тудыра Кызыклы фильмнарны, мультфильмнарны оригиналда карап була Башка төбәкләрдәге һәм илләрдәге балалар белән дуслашу җиңеләя Бүгенге балалар күп тел белә: татарча да, русча да, хәтта инглизчә дә сөйләшәләр. Бу – зур байлык. Ике телне белгән бала ике дөньяны күрә ала: үз халкының гореф-гадәтләрен дә онытмый, башка халыкларның мәдәниятен дә өйрәнә. 6 июнь – әле ул Пушкин көне дә. Аны еш кына «рус поэзиясенең кояшы» дип атыйлар. Пушкин әсәрләре аша рус теле матур яңгырый, күңелгә үтеп керә. Бүген, Рус теле көнендә, әйдәгез, китаплар укыйк, яраткан әкиятләрне искә төшерик. Телләрне өйрәнү – ул күңелле һәм файдалы шөгыль!

06.06.2025
«Яраткан шигырь» проектының ЯҢА сезоны!
Канал яңалыклары

«Яраткан шигырь» проектының ЯҢА сезоны!

«ШАЯНТВ» каналында «Яраткан шигырь» проектының яңа сезоны башлана! Беренче чыгарылыш – «Рәхмәт, мәктәбем», шигырь  авторы - Эльмира Шәрифуллина  Проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясеярдәме белән «ШАЯН ТВ» – тәүлек әйләнәсе татар телендә эшләүче беренче балалар каналы тарафыннан тормышка ашырыла. «Яраткан шигырь» татар шигърияте аша туган җиргә мәхәббәт уяту, әхлак тәрбиясе бирүдә зур әһәмияткә ия. Ул нәфис сүз аша балаларда татар мәдәниятенә хөрмәт тәрбияли, татар язучыларының иҗаты белән таныштыра. Проект һәр шигырьне тулаем ача, җанландырып халыккаҗиткерә. Һәр әсәр клип итеп тәкъдим ителә, лирик герой һәм образларның гаҗәеп серле дөньясына алып керә. Шуның белән бергә, туган илебезнең бөтен матурлыгы,без белмәгән искиткеч күренешләре ачыла.Тапшырның аудиториясе исә чикләнмәгән, аны төрле яшьтәге балаларга, шулисәптән, гаилә белән дә карарга була. Беренче чыгарылышны сылтама аша кереп карарга мөмкин.

05.06.2025
Сезне балалар Сабан туенда көтеп калабыз!
Канал яңалыклары

Сезне балалар Сабан туенда көтеп калабыз!

5 нче июнь көнне 15:00 сәгатьтә «Шәрык клубы» территориясендә балалар Сабантуе узачак!  Кызыклы уеннар, шәп бүләкләр, җырлы-моңлы программа, аквагрим, ачык микрофон (балалар җырлый, шигырь сөйли, бии ала) һәм «ШАЯН ТВ»ның яраткан геройлары белән очрашу!  Әлеге сылтама аша теркәлергә мөмкин. Килегез! Күңелле булачак! 

04.06.2025
«Цветняшки. Татарча» мультсериалының ЯҢА сезоны башланды!
Канал яңалыклары

«Цветняшки. Татарча» мультсериалының ЯҢА сезоны башланды!

4 нче июньнән башлап, кечкенә тамашачыларны татар телендә сөйли торган яраткан геройларның өр-яңа маҗаралары көтә. «Цветняшки. Татарча» дуслык, яхшылык һәм гүзәллек дөньясын ачарга ярдәм итә. Һәр көнне сәгать 7:55 һәм 15:55 тә карагыз. Яңа сезонны карамый калма!

04.06.2025
Ни өчен велосипедта йөрү файдалы
Кызыклы фактлар

Ни өчен велосипедта йөрү файдалы

Һәр елны 3 июньдә бөтен дөньяда Велосипед көне билгеләп үтелә. Велосипед – ул гади транспорт кына түгел, ул – чын дус: сәяхәтләр, уеннар һәм спорт өчен! Велосипедка инде 200 елдан артык. Элек аның педальләре дә булмаган – кешеләр үзләре җирдән этеп барганнар. Хәзер исә бездә төрле велосипедлар бар: таулы, спорт, балалар өчен, хәтта моторлы велосипедлар да бар! Ни өчен велосипед шәп? Ул төтен чыгармый, табигатьне саклый – табигать рәхмәт әйтә! Ул тәнне ныгыта, җитезлек, чыдамлык бирә – аяклар ныгый, кәеф күтәрелә! Ул сине машиналар үтеп керә алмаган урыннарга илтә – паркка, су буена, сукмакка. Велосипедта ярышларда катнашырга, дуслар белән йөрергә, кызыклы фигуралар ясарга яисә җил белән ярыша-ярыша чабарга мөмкин. Бу көнне күп илләрдә велосипед йөрешләре, бәйрәмнәр, мастер-класслар уза. Син дә бу бәйрәмне билгеләп үтә аласың: велосипедыңны ал, дусларыңны чакыр, бәлки, пикник ясарсыз, яисә күңелле эстафета уйлап табарсыз! Велосипед көне белән! Һәр педаль әйләнеше шатлык китерсен!

03.06.2025
Prev. 1 ... 51 52 53 54 55 ... 411 Next
Главная Программа Видео Шортс Поиск