Яңалыклар

2026 елгы БДИ рекордлары
Популяр яңалыклар

2026 елгы БДИ рекордлары

2026 елда Россиядә Бердәм дәүләт имтиханында (БДИ) 70 һәм аннан да күбрәк балл җыйган чыгарылыш сыйныф укучылары саны рекордлы күрсәткечкә җитте. Россия мәгариф министры Сергей Кравцов хәбәр иткәнчә, мондый нәтиҗәгә 330 мең укучы ирешкән. Бу узган ел белән чагыштырганда 52 меңгә күбрәк. Күпчелек фәннәр буенча уртача нәтиҗәләрнең үсүе күзәтелә. Иң зур уңай динамика табигый-фәнни юнәлешләрдә теркәлгән. Профильле математика буенча уртача балл 4,3 баллга, физика буенча 4,7 баллга, биология буенча 3,5 баллга арткан.  2026 елгы БДИ кампаниясе тагын бер тарихи нәтиҗә белән истә калды. Мәскәүдән бер чыгарылыш сыйныф укучысы мөмкин булган 500 баллның барысын да җыйган. Моннан тыш, сигез укучы 400 балл, 23 төбәктән 76 кеше 300 балл, ә 77 төбәктән 933 чыгарылыш сыйныф укучысы 200 балл җыйган.

10.07.2026
«Бала-чага түгел бит мин сезгә»: Вилли иҗади кризисы һәм шәхси тормышы турында сөйләде
Канал яңалыклары

«Бала-чага түгел бит мин сезгә»: Вилли иҗади кризисы һәм шәхси тормышы турында сөйләде

Популяр җырчы Вилли кабат «Килде-Китте» шоу кунагы булды. Яңа чыгарылышта ул беренче чыгарылыштан соң тормышында булган үзгәрешләр турында сөйләде, озакка сузылган иҗади кризисын искә алды һәм Гөлназ Асаева белән аерылышуы турында таралган имеш-мимешләргә җавап бирде. Болар һәм тагын бик күп кызыклы темалар турында — инде хәзер үк ВКонтакте төркемебездә карагыз!

09.07.2026
Бүген — Җир җиләге көне: җәйнең иң хуш исле урман җиләгенә багышланган бәйрәм
Кызыклы фактлар

Бүген — Җир җиләге көне: җәйнең иң хуш исле урман җиләгенә багышланган бәйрәм

Ел саен 9 июль көнне табигатьне һәм урман җиләкләрен яратучылар Җир җиләге көнен билгеләп үтә. Бу рәсми булмаган бәйрәм җәйнең иң хуш исле һәм тәмле урман җиләгенә багышланган. Җир җиләге үзенең искиткеч тәме генә түгел, файдалы үзенчәлекләре белән дә билгеле. Аның составында С витамины, В төркеме витаминнары, фолий кислотасы, калий, магний һәм антиоксидантлар бар. Алар иммунитетны ныгытырга, йөрәк эшчәнлегенә ярдәм итәргә һәм организмга эссе көннәрне җиңелрәк кичерергә булыша. Күпләр бакча җиләге белән җир җиләген бутый. Әмма җир җиләгенең җимешләре кечерәк булса да, аның хуш исе дә, тәме дә күпкә баерак. Шуңа күрә ул күпләр өчен чын җәй символы булып санала. Җир җиләген иртән, чык кипкәннән соң, кояш кыздырганчы җыю яхшырак. Җир җиләгенең яфракларыннан да хуш исле чәй пешерәләр. Җир җиләге көне — гаилә белән табигатькә чыгып ял итү, урманда саф һава сулау һәм җәйнең иң тәмле бүләкләренең берсе белән сыйлану өчен менә дигән мөмкинлек. 

09.07.2026
Казанда тагын 11 чакрым озынлыктагы велосипед юллары барлыкка киләчәк
Популяр яңалыклар

Казанда тагын 11 чакрым озынлыктагы велосипед юллары барлыкка киләчәк

Казанда велосипед инфраструктурасын үстерү дәвам итә. 2026 ел ахырына кадәр шәһәрдә тагын 11 чакрым озынлыктагы велосипед юллары төзеләчәк. Бу хакта Казан мэриясе хәбәр итә.  Яңа велосипед юллары Мавлютов, Габишев, Дубравная урамы һәм Себер тракты буйлап салыначак. Эшләр тәмамланганнан соң, көзгә Казандагы велосипед юлларының гомуми озынлыгы 63,3 чакрымнан 74,3 чакрымга җитәчәк. Бүген велосипед юллары шәһәр транспорт системасының мөһим өлешенә әверелә. Яңа маршрутлар велосипедчылар һәм шәхси хәрәкәт чараларын кулланучылар өчен уңайлырак һәм куркынычсызрак шартлар тудыра, шулай ук шәһәрнең төрле өлешләрендәге велосипед юлларын бердәм челтәргә берләштерергә ярдәм итә.

09.07.2026
Татарстан вузларында максатчан укыту: абитуриентлар өчен 1,8 меңнән артык тәкъдим әзерләнгән
Популяр яңалыклар

Татарстан вузларында максатчан укыту: абитуриентлар өчен 1,8 меңнән артык тәкъдим әзерләнгән

Татарстанда югары уку йортларына кабул итү кампаниясе дәвам итә. Абитуриентлар өчен иң популяр мөмкинлекләрнең берсе булып максатчан укыту кала. 2026 елда максатчан кабул итү кагыйдәләре үзгәрде. Хәзер урыннар саны процентларда түгел, ә һәр әзерлек юнәлеше буенча төгәл сан белән билгеләнә.

09.07.2026
Җәйге лагерьга үзең белән нәрсә алырга: тулы исемлек
Балалар редколлегиясе

Җәйге лагерьга үзең белән нәрсә алырга: тулы исемлек

Җәйге лагерьга сәяхәт — ул яңа дуслар, кызыклы чаралар һәм онытылмаслык хатирәләр дигән сүз. Ял күңелле һәм уңайлы узсын өчен, сумканы алдан ук исемлек буенча җыярга киңәш итәбез. Шулай иткәндә кирәкле әйберләрне оныту яки артык әйбер алу куркынычы да кимиячәк. Менә «ШАЯН ТВ» блогерларыннан иң кирәкле әйберләр исемлеге.

08.07.2026
Мәктәп укучылары кайчан ял итәчәк?
Популяр яңалыклар

Мәктәп укучылары кайчан ял итәчәк?

Россия Мәгариф министрлыгы төбәкләргә 2026–2027 уку елына мәктәп каникулларын оештыру буенча тәкъдимнәр юллады.  Министрлык тәкъдим иткәнчә, дүрт чирекле уку системасы буенча эшләүче мәктәпләрдә каникуллар түбәндәге вакытта үткәрелергә мөмкин: • көзге каникуллар — 2026 елның 26 октябреннән 3 ноябренә кадәр; • кышкы каникуллар — 2026 елның 31 декабреннән 2027 елның 10 гыйнварына кадәр; • язгы каникуллар — 2027 елның 27 мартыннан 4 апреленә кадәр; • җәйге каникуллар — 2027 елның 27 маеннан 31 августына кадәр. Беренче сыйныф укучылары өчен февраль аенда өстәмә каникуллар үткәрү дә тәкъдим ителә. Алар балаларга мәктәп тормышына җайлашу чорын җиңелрәк узарга һәм уку йөкләнешен киметергә ярдәм итәчәк. Россия Мәгариф министрлыгында билгеләп үткәнчә, әлеге график тәкъдим итү характерын йортә. Шуңа күрә каникулларның төгәл башлану һәм тәмамлану көннәрен һәр мәктәп мөстәкыйль рәвештә раслый.

08.07.2026
Татарстанда 3 меңнән артык чыгарылыш укучысы нәтиҗәләрен яхшырту өчен БДИны яңадан тапшыра
Популяр яңалыклар

Татарстанда 3 меңнән артык чыгарылыш укучысы нәтиҗәләрен яхшырту өчен БДИны яңадан тапшыра

8–9 июль көннәрендә Россия буенча Бердәм дәүләт имтиханын (БДИ) яңадан тапшыру уза. Имтиханны кабат тапшыру мөмкинлеген аерым фәннәр буенча нәтиҗәләрен яхшыртырга теләгән чыгарылыш сыйныф укучылары файдалана. Шуны истә тотарга кирәк: имтиханны яңадан тапшырганда элекке нәтиҗә гамәлдән чыгарыла. Исәпкә бары тик кабат тапшырганнан соң алынган баллар гына алыначак. Рособрнадзор мәгълүматларына караганда, быел БДИны яңадан тапшырырга теләүчеләр саны арткан. Имтиханны кабат тапшыру өчен якынча 149 мең кеше гариза биргән. Татарстанда БДИны 3 меңнән артык кеше яңадан тапшыра. Бу хакта Татарстан Республикасы Мәгариф һәм фән министрлыгының рәсми сайтында хәбәр ителә.

08.07.2026
Prev. 1 ... 5 6 7 8 9 ... 426 Next
Главная Программа Видео Шортс Поиск