Яңалыклар

«Яраткан шигырь» проектын эфирда карагыз!
Канал яңалыклары

«Яраткан шигырь» проектын эфирда карагыз!

«Яраткан шигырь» проектының ЯҢА сезоны! Татар шигърияте аша туган җиргә мәхәббәт уяту, әхлак тәрбиясе бирүдә зур әһәмияткә ия. Ул нәфис сүз аша балаларда татар мәдәниятенә хөрмәт тәрбияли, татар язучыларының иҗаты белән таныштыра. Проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясеярдәме белән «ШАЯН ТВ» – тәүлек әйләнәсе татар телендә эшләүче беренче балалар каналы тарафыннан тормышка ашырыла. «Яраткан шигырь» проектын шимбә көнне сәгать 7:20 / 15:20 «ШАЯН ТВ» каналында карагыз!

25.06.2025
Җәйнең иң популяр эчемлеге
Кызыклы фактлар

Җәйнең иң популяр эчемлеге

25 июнь – Лимонад көне!  Җәйнең иң тәмле һәм күңелле бәйрәме! Кем лимонад яратмый икән? Ул – балалар да, олылар да ярата торган иң популяр җәйге эчемлек. Һәм ел саен 25 июнь көнне бөтен дөнья Лимонад көнен билгеләп үтә! Лимонад – лимон согы, су һәм шикәрдән торган салкынча эчемлек. Ул төрле була: – газлы (пышылдап тора)  – гадәти, табигый (гади су белән)  – бөтнек, җиләк-җимеш, апельсин яки хәтта кыяр белән дә ясыйлар!  Лимонадны кибеттән сатып алырга да, өйдә әти-әни белән бергә ясарга да була! Лимонад беренче тапкыр Италиядә якынча 800 ел элек ясалган, диләр. Соңрак ул Франция һәм Англиягә таралган. Америкада исә лимонад – җәй билгесе кебек: хәтта балалар урамга чыгып, лимонад сатыла торган өстәлләр куялар! Лимонад көнен ничек бәйрәм итәргә? Менә берничә кызыклы фикер: Үз лимонадыңны яса һәм дусларыңны сыйла Стакандагы лимонадның рәсемен яса һәм үз тәмеңне уйлап тап «ШАЯН ТВ»дан җәй турында мультфильм кара Иң мөһиме – елмай, ял ит һәм җәйне татып кал! 

25.06.2025
Блогерлардан яңа контент!
Канал яңалыклары

Блогерлардан яңа контент!

Блогерларыбыз җәйге каникулларны бер дә бушка үткәрмиләр, ә кызыклы трендлар төшерәләр! Димәк, без алардан яңа контент көтәбез! Яңа видеолар һәм постлар бик тиздән чыгачак. Яңалыкларны күзәтеп барыгыз – кызык булачак! Тизрәк сылтамалар буенча кереп, безнең ВКонтакте һәм Телеграм-каналыбызга языл!

24.06.2025
«Балачак җыры» бәйгесенә гариза җибәрергә ашык!
Канал яңалыклары

«Балачак җыры» бәйгесенә гариза җибәрергә ашык!

«Балачак җыры» конкурсы ЯҢА СЕЗОНГА гаризалар кабул итә!   Җиңүчеләрне акчалата бүләкләр, профессиональ җыр яздыру һәм клип төшерү көтә!  Эшләрегезне безнең рәсми почтага shayanmuzik@mail.ru адресы буенча  җибәрә аласыз. Гаризалар 7 июльгә кадәр кабул ителә. Бик әз көн калып бара! Тулырак мәгълүматны сылтама буенча табарга була. Узган елны «Балачак җыры» бәйгесендә җиңү яулаган җырга төшерелгән клипны карап китик: Ассэль Сәлахова - «Гөлләрем»

24.06.2025
Казанда Яшьләр көнендә зур бәйрәм көтелә
Популяр яңалыклар

Казанда Яшьләр көнендә зур бәйрәм көтелә

28 июнь көнне Казанда Яшьләр көне зурлап билгеләп үтеләчәк – чара ике мәйданчыкта узачак: «УРАМ» паркында һәм Горький паркында. Көн дәвамында кунаклар өчен төрле программа әзерләнгән: мастер-класслар актуаль темаларга лекцияләр җирле брендлар маркеты спорт уеннары һәм чемпионатлар шәһәр комьюнитиcыннан кызыклы активлыклар Кичен исә бәйрәмнең кульминациясе – зур концерт көтелә! Аның хедлайнеры – яшьләр яраткан танылган җырчы Дора булачак. Катнашу бушлай, әмма барлык яңалыклардан хәбәрдар булу һәм кайбер өстенлекләргә ия булу өчен деньмолодёжи.рф сайтында алдан теркәлү киңәш ителә. 28 июньне онытылмас итеп үткәр – Казан паркларында очрашканга кадәр!

23.06.2025
Балалайка һәм халык уен кораллары көне
Кызыклы фактлар

Балалайка һәм халык уен кораллары көне

Һәр елны 23 июнь көнне Россиядә һәм дөньяның күп кенә илләрендә Балалайка һәм Халыкара халык уен кораллары көне билгеләп үтелә. Бу – күңелле, җырлы-моңлы бәйрәм, халык көйләре яңгырый торган, милли традицияләрне искә төшерә торган үзенчәлекле көн. Балалайка – борынгы рус уен коралы. Аның өч кыллы, өчпочмаклы формалы гәүдәсе бар. Тавышы бик ачык, күңелле җыр кебек. Ул кызык биюләр дә, моңсу көйләр дә, хәтта сүзсез әкиятләр дә сөйли белә! Бу көнне шулай ук балалайка, баян, гармун, думбра, кыл, курай һәм башка халык уен коралларында уйнаучы музыкантларны котлыйлар. Аларның һәркайсы – милли моңны саклаучы, халкыбызның күңел байлыгын тапшыручы. Балалар куйган концертларда, музыка мәктәпләрендә, хәтта ишегалларында да бүген борынгы көйләр яңгырый. Һәр бала бүген үзен чын халык музыканты итеп тоя ала! Бәйрәм белән! Балалайка моңнары йөрәкләрне җылытсын, күңелләребез шат булсын!

23.06.2025
Без хәтерлибез сезне, Батырларыбыз!
Канал яңалыклары

Без хәтерлибез сезне, Батырларыбыз!

Бүген хәтер һәм кайгы көне - Бөек Ватан сугышы башланган көн. Без хәтерлибез сезне, Батырларыбыз! Бөек Җиңүнең 80 еллыгына һәм Ватанны саклаучылар елына багышланган «Батырларыбыз»дип аталган җырга клип тәкъдим итәбез!  Клипта Россия Федерациясе Герое Рәсим Рәшит улы Баксиков катнаша. Җырны 27 нче гимназия укучысы Асилә Кашапова башкара. Җыр сүзләре авторы – Эльвира Сафина, композитор – Әминә Галимова, аранжировка – Илмир Әзһәмов.  Клипны әлеге сылтама аша кереп карарга мөмкин.

22.06.2025
«Яраткан шигырь» ВКонтакте төркемендә
Канал яңалыклары

«Яраткан шигырь» ВКонтакте төркемендә

 «Яраткан шигырь» проектының яңа чыгарылышы чыкты! Икенче чыгарылыш – «Җиңү ул...», шигырь  авторы – Рүзәл Әхмәдиев Проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» – тәүлек әйләнәсе татар телендә эшләүче беренче балалар каналы тарафыннан тормышка ашырыла. «Яраткан шигырь» татар шигърияте аша туган җиргә мәхәббәт уяту, әхлак тәрбиясе бирүдә зур әһәмияткә ия. Ул нәфис сүз аша балаларда татар мәдәниятенә хөрмәт тәрбияли, татар язучыларының иҗаты белән таныштыра. Яңа сезонның икенче чыгарылышын сылтама аша кереп карарга мөмкин.

22.06.2025
Prev. 1 ... 62 63 64 65 66 ... 425 Next
Главная Программа Видео Шортс Поиск