Яңалыклар

Каникулдан җиңел генә чыгу өчен чек-лист

Каникулдан җиңел генә чыгу өчен чек-лист

Яңа елның беренче уку көне белән, дуслар! Бүгеннән 2024 елның беренче эш көнен башлыйбыз! Ял итеп туеп беткәнсездер инде. Әйдәгез, җиңнәрне сызганып, яңа көчләр белән кабат укырга керешик! Һәр эшегез уң булып, елның һәр көне уңыш алып килсен! Ә кышкы матурлык күңелләрегезне күтәрсен! Каникулдан җиңел генә чыгу өчен чек-лист: 1. Көннең режимын җайга салырга. 2. Сәламәт туклануга күчәргә. 3. Белемнәрне яңартырга. 4. Уку максатларын билгеләргә. 5. Үзеңнең кәефеңне күтәрергә. 6. Уку һәм ял балансын сакларга. 7. Үзеңә ял өчен вакыт бирергә.  

09.01.2025
Салкыннан качсаң, кышны хәйләләп була

Салкыннан качсаң, кышны хәйләләп була

Ә сез качышлы уйнарга яратасызмы? Бүген кышын качышлы уйнау көне билгеләп үтелә. Бәйрәмнең тарихы ерак тарихка барып тоташа. Элек качышлы уйнау көнен зурлап билгеләп үткәннәр. Борынгы заманда кешеләр салкыннан качсаң,   кышны хәйләләп була дип уйлаганнар. Аларның ышануына караганда, кыш җиңелчә киенгән кешеләрне   күрсә, тиз китә, үзенең урынын язга бирә, имеш. Шуңа күрә бабаларыбыз 9 гыйнварда толыпларын салып, юка киемнәрдән генә калганнар, бер-берсенә кунакка йөргәннәр, ягъни кышны аптырашка калдырырга теләгәннәр. Качышлы уенын балалар да, олылар да яратып уйнаган. Бәйрәмгә алдан әзерләнә башлаганнар. Таулар ясаганнар, өйләрне җыештырганнар, кояш символларын файдаланып, йортларны бизәгәннәр. Әлеге йолалар барысы да - вакыт барышын үзгәртергә һәм җәйне якынайтырга ярдәм итә дип саналган. Кышкы каникуллар тәмамлануга карамастан, дәресләрдән соң кышкы һавага чыгып, качышлы уйнарга бүген менә дигән вакыт!    

09.01.2025
«ШАЯН ТВ» премьера тәкъдим итә!

«ШАЯН ТВ» премьера тәкъдим итә!

«ШАЯН ТВ» каналында өр-яңа мультсериал - «Цветняшки». Гади генә түгел, ә кечкенә мультмәктәп, чөнки һәр дәрес кызыклы маҗарага әйләнә!  Шаян укытучылар белән яшь тамашачылар белем дөньясына чумар. Чебеш Пи пирамида җыярга һәм төсле кубиклардан манара төзергә өйрәтәчәк. Мур исемле песикәй музыкаль мәсьәләләр бирер: тавыш буенча инструментны ачыкларга һәм аның ничек аталаганын әйтергә. Ә бүрекәй океанда бертөрле китларны ничек табарга икәнен күрсәтер. Куянкай һәм Айяяй исемле төлке кызыклы тизәйтемнәргә өйрәтәчәкләр! «Цветняшки»да һәр эпизод материалы уен формасында тәкъдим ителә. Бу нәни тамашачыларга уку вакытында күңелсезләнмәскә һәм дөньяны сөенеп өйрәнергә ярдәм итә. Аның белән фантазия, хәтер һәм фикерләүне үстерергә мөмкин! Мультсериалны эш көннәрендә 07:55 һәм 15:55 сәгатьләрдә «ШАЯН ТВ» каналында карагыз.

30.12.2024
Республика Яңа ел чыршысы эфирда

Республика Яңа ел чыршысы эфирда

Күрми калма! 29 декабрь, ял көне «ШАЯН ТВ» каналында Республика Яңа ел чыршысы күрсәтеләчәк! 12:20 сәгатьтә кышның иң матур һәм әкияти чарасын карарга онытма! Яраткан персонажлар, зарыгып көткән Кыш бабай белән Кар кызы белән очрашу бик күңелле узар. Салкын кышкы көннәрдә «ШАЯН ТВ» белән бергә бул!

27.12.2024
Елан елыннан ниләр көтәргә?

Елан елыннан ниләр көтәргә?

2025 ел - яшел агач елан елы! Ул безне ниләр белән гаҗәпләндерер? Кытай мәдәниятендә зирәк һәм хәйләкәр елан еш кына тылсымлы ярдәмче һәм серләрне саклаучы ролен уйный: авырлыкларны җиңәргә ярдәм итә һәм дөрес юл күрсәтә. Елан - тыныч хайван, ләкин үзен яклый белә, шуңа күрә аны ачуландырмау яхшырак. “Агачлылык” уңыш һәм үсеш вәгъдә итә, ә яшел төс сыгылмалылык, тынычлык һәм, иминлекне югалтмыйча, шартларга җайлашу сәләте турында сөйли. Күрүегезчә, алдагы елның билгеләре начар түгел. Елан елыннан нәрсә көтәргә? Беренчедән, Еланны тыныч, акыллы хайван дип атыйлар. Икенчедән - Елан вакытының еш кына дөньяга драматик вакыйгалар китерүе билгеле. Ничек кенә булмасын, тынычлыкка, үсешкә һәм проблемаларның хәл ителүенә өметләник! Фото: Яндекс  

26.12.2024
«ШАЯН ТВ» Республика Яңа ел чыршысында!

«ШАЯН ТВ» Республика Яңа ел чыршысында!

25 декабрь көнне - мәркәзебез Казанда Республика Яңа ел чыршысы узды. Бу елны «Татнефть-Арена» боз сараенда ел дәвамында үзләрен төрле яктан актив күрсәткән балалар җыелды. Татарстан Республикасы Рәисе Рөстәм Нургали улы Миңнеханов яшь тамашачыларга үзенең котлау сүзләрен җиткерде. «ШАЯН ТВ»каналы да әлеге бәйрәмдә актив катнашты. Балаларга кызыклы анимацион программа, матур фотозона, аквагрим буенча остаханәләр оештырылды. Ә соңыннан нәни дусларыбызга истәлеккә үзенчәлекле буләкләр дә уйнатылды. Шулай ук «ШАЯН ТВ» каналының актив һәм сәләтле балалары Рөстәм Нургали улы Миңнеханов өчен иҗади перфоманс форматындагы каршы алу да оештырдылар.Чарада каналның яшь йолдызлары катнашты: «ШАЯН ТВ»ның «Сәйлән» телевизион фестивале җиңүчесе, «Голос.Дети» проектының суперфиналисты – Сәид Галиуллин, «ТЭФИ KIDS - 2024» бәйгесе җиңүчесе – Ислам Хәбибуллин, блогерыбыз – Ассэль Сәләхова, «Татар сүзе» Халыкара нәфис сүз телевизион бәйгесе җиңүчесе, Россия һәм Халыкара фестивальләр лауреаты – Рөстәм Хөсәенов һәм каналның алып баручылары.Чыгыш «ЕжеВикА» АРТ-фолк группасы башкаруындагы җыр белән тәмамланды! Шулай ук чара кысаларында сәләтле балалар белән түгәрәк өстәл оештырылды. Биредә Сәид Галиуллин Республикабыз Рәисе белән аралашты, казанышлары, хыяллары белән уртаклашты, яраткан җырын да башкаррды! Афәрин, безнең «ШАЯН»нарыбыз!

26.12.2024
«Серле Санта» - кышның иң популяр уены!

«Серле Санта» - кышның иң популяр уены!

Дуслар, ниһаять, урамда кар һәм Яңа ел тылсымы да сизелә башлады! Димәк, могҗиза, бүләкләр һәм күңелле уеннар вакыты килеп җитте! Дусларыгыз белән яки сафта уйный ала торган иң кызыклы уеннарның берсе - «Серле санта» уены. Бу уенда һәр катнашучы «серле» бүләк бирүче булып тора. Ягъни сез бер кешегә бүләк бирәсез, әмма кем икәнегезне әйтмисез дигәнне аңлата! «Серле санта» уенына чек-лист: 1. Дусларыгызны чакырып, 5-20 кешедән торган төркем җыегыз. Кеше күбрәк булса, күңеллерәк! 2. Бүләкнең бәясе буенча килешегез, һәр кеше үзенчәлекле һәм алырга мөмкин булган әйберләр сайласын. 3. Һәр катнашучы үз исемен кәгазьгә яза. Аннары барлык кәгазьләр тартмага салына. Чират буенча һәр уйнаучы үзенә кәгазь тартып ала.Бу сезнең бүләк бирәчәк кешегез булачак! Шулай ук махсус онлайн сервислар белән дә куллана аласыз. 5. Алга таба дустыгыз өчен бүләк сайлау вакыты! Аның кызыксынуларын исәпкә алырга тырышыгыз. 6. Билгеләнгән көндә җыелып, бүләкләрне ачыгыз. «Серле Санта» уены - дуслар белән вакыт уздыру һәм онытылмас хәтирәләр тудыру өчен бик шәп мөмкинлек! Яңа елыгыз күңелле мизгелләр белән тулы булсын!

19.12.2024
Prev. 1 ... 42 43 44 45 46 ... 375 Next
Главная Программа Видео Шортс Поиск