❤️ Тән генә түгел, рух та сәламәт булсын

1. Кочаклашулар һәм комплиментлар дару кебек.
Без кочаклашканда, баш миендә окситоцин – «тынычлык гормоны» барлыкка килә. Ул борчылуны киметә, йөрәк тибешен тигезли, хәтта иммунитетны ныгыта. Көненә нибары дүрт кочаклашу — һәм сез үзегезне ышанычлырак тоясыз. Ә комплиментлар кан тамырларын киңәйтә һәм кәефне күтәрә. Иң кызыгы: комплиментлар әйтү алудан да файдалырак. Сез башка кешедә ниндидер яхшы сыйфат күреп, аның турында әйткәндә, организм сезне шатлык гормоннары белән бүләкли.

 2. Башкаларга ярдәм итү – үзең өчен энергия.
Урынны биреп тору, бутерброд белән уртаклашу, моңсу булган кешенең кәефен күтәреп җибәрүгә җавап итеп баш мие дофамин һәм серотонин чыгара, алар ару һәм салкын тию белән көрәшә. Яхшы кешеләр сирәгрәк авырый. Моның барысы «психосоматика» дигән гади сүз белән аңлатыла: безнең уйлар һәм хисләр тәнгә турыдан-туры тәэсир итә. Ачулансаң — башың авырырга мөмкин. Курыксаң – йөрәк тибеше ешлая. Ә күңелең рәхәт һәм тыныч булганда, тән сәгать кебек эшли.

3. Сәламәтлек турында кайгырту – шулай ук игелек.
Шуңа күрә кул юу һәм гимнастика ясау гына түгел, ә дуслашу, ярашу, изге сүзләр әйтү, рәнҗеләрне җыеп йөрмәү дә кирәк. 
Бүген якыннарыгызны кочаклагыз, чын күңелдән комплимент әйтегез, сорау көтмичә ярдәм тәкъдим итегез. Бу йөрәгегез өчен иң яхшы зарядка булачак.
Тән һәм җан белән сәламәт булыгыз! 💚