Яңалыклар

РОЗЫГРЫШ финалистлары билгеле!

«ШАЯНТ ТВ» телеканалы тарафыннан уздырылган Телевизор РОЗЫГРЫШЫНДА иң күп лайклар жыйган 5 топ финалист билгеләнде! Ә тагын бер финалистны каналабыз редакциясе сайлап алды! Димәк, рызыгрыш финалистлары исемлеге: 1. Гульназ Добрая 2. Миляуша Абдуллина 3. Лейсан Садыкова 4. Лилия Закирова 5. Bulat Talipov 6. Рузиля Галимова Котлыйбыз! Сез киләсе турга үтәсез! Шушы сылтама аркылы үтегез: анда сезнең исемнәр һәм фотосүрәтләр белән опрос. Димәк, Җиңүчене «ШАЯНТ ТВ» ВКонтакте төркеме язылучылары үзләре билгели! Кем күбрәк тавыш җыя, шуңа ЯҢА ТЕЛЕВИЗОР! Дусларыңны синең өчен тавыш бирергә чакыр һәм алар белән бергә «ШАЯНТ ТВ» карагыз! Уңышлар!

07.02.2025

«МАРШРУТка» кунагы — Тәбрис Яруллин

Дуслар, «МАРШРУТка»ның яңа кунагы - Тәбрис Яруллин! Аның белән яңа Мәскәү базары, карьера һәм гаилә турында җылы әңгәмә килеп чыкты. Тапшыруны ВКонтакте һәм Youtube каналында карый аласыз! «ШАЯН ТВ» белән бергә булыгыз!

06.02.2025

«Простоквашино» мультфильмы - яңа серия

Дуслар, бездән сезгә шәп яңалык! «ШАЯН ТВ» ВКонтакте төркемендә барыбыз көтеп алган «ПРОСТОКВАШИНО» мультфильмының татар телендә 1 нче сериясе чыкты! Федор абый һәм аның ышанычлы дуслары бу юлы безне ни белән шаккатырыр? Тизрәк карарга ашык!

05.02.2025

Кышкы витаминлы бум!

Соңгы вакытта һава торышы бик үзгәрүчән: кайвакыт салкын, кайвакыт җылы. Шуңа күрә салкын тию бик тиз тарала һәм һәркем авырырга мөмкин. Тик бер дә борчылмагыз! Бу чорда сәламәтлекне сакларга ярдәм итәчәк бер сер бар - ул цитрус җимешләре! Мандарин, апельсин, грейпфрут һәм лимоннар тәмле генә түгел, ә искиткеч файдалы да. Әйдәгез, ни өчен нәкъ менә бу җимешләрне безнең кышкы туклану рационына кертергә кирәклеген белеп китик. 1. Цитрус җимешләре С витаминының югары булуы белән билгеле, бу иммунитетны ныгытырга ярдәм итә. Бу витамин вируслар һәм бактерияләр белән актив көрәшә. Бер апельсин гына C витаминының көндәлек нормасын тәэмин итә ала! 2. Кыш көне без еш кына арабыз һәм хәлсез йөрибез. Цитрус җимешләрендә табигый шикәр һәм углеводлар бар, ә алардан энергия тиз җыела. Мандарин яки бер стакан яңа сыгылган апельсин согы - көнне башлап җибәрергә менә дигән идея! 3. Цитрус җимешләре сәламәтлек өчен файдалы гына түгел, алар кәефне дә күтәрә ала! Җимешләрнең якты төсләре һәм хуш исе бәхет гормоны серотонин җитештерүгә ярдәм итә. Шулай ук бу җиләк-җимештән салат ясау - тәмле генә түгел, ә күңелле дә! 4. Цитрус җимешләре җепселләргә бай, бу ашказаны-эчәк тракты эшен нормалаштыруга ярдәм итә. Бу безнең өчен аеруча мөһим, чөнки дөрес ашкайнату барлык кирәкле витаминнарны һәм минералларны тиз үзләштерергә ярдәм итә. 5. Кышын яңа җимешләр җәй көне кебек күп түгел, ләкин цитрус җимешләрен сез һәркайда таба аласыз! Аларны чи килеш ашарга, салатларга өстәргә, соклар ясарга яки пешерүдә кулланырга мөмкин. Цитрус җимешләре - чын кышкы геройлар! Кышыгыз якты төсләргә бай һәм тәмле булсын!

04.02.2025

«Пингвин баласы Пороро» маҗаралары дәвам итә!

Барыбыз яраткан «Пингвин баласы Пороро» мультсериалын «ШАЯН ТВ» сайтында карарга мөмкин! Кар һәм боз илендә яши торган кечкенә, әмма бик кызыксынучан пингвин баласын бу юлы нинди маҗаралар көтә икән? Әлеге сылтама аша кереп, тизрәк карарга ашык!

03.02.2025

Гөлназ Шәрипҗанова белән кызу әңгәмә

Дуслар, «ШАЯН ТВ»ның ВКонтакте төркемендә һәм YouTube каналында «Килде-Китте ШОУ»ның яңа чыгарылышы чыкты! Безнең кунагыбыз - татар эстрадасы җырчысы Гөлназ Шәрипҗанова. Ул безгә эштә килеп чыккан казуслар, аның өчен уңышлы узган 2024 нче ел һәм кешеләрдә нәрсә ошамаганы турында сөйләде. Сылтама аша узып, әлеге кызу чыгарылышны син дә карамый калма!

31.01.2025

«Татмедиа» коллегиясе утырышы

Бүген IT-паркта «Татмедиа» республика матбугат һәм массакүләм коммуникацияләр агентлыгының утырышы үтте. Коллегия утырышы эшендә «ТНВ» медиахолдингы Республикада беренче булган үз виртуаль студиясен тәкъдим итте. Чара төп кунаклар - Татарстан Дәүләт Советы Рәисе Фәрит Хәйрулла улы Мөхәммәтшин,Татарстан Республикасы Рәисе Аппараты Җитәкчесе Әсгать Әхмәт улы Сәфәров һәм Татарстан Фәннәр академиясе президенты Рифкать Нургали улы Миңнеханов катнашында узды. Фотолар «Татар-информ» сайтыннан алынды.

30.01.2025

Иртәнге ашыгыз файдалы булсын!

Иртәнге аш - иң файдалы туклану вакыты булырга тиеш. Шуңа күрә сезгә 5 иң яхшы вариант тәкъдим итәбез. 1. Ботка. Карабодай, солы ярмасы һәм кукуруз кебек төрле боткалар витаминнар һәм минералларга бик бай. Манный боткасында клетчатка күләме аз булу сәбәпле, бу ботка бик файдалы дип саналмый. 2. Май һәм сыр белән бутерброд. Сыер мае - диеталарда тәкъдим ителгән бердәнбер хайван майы, ул A, E һәм D витаминнары белән баетылган. 3. Эремчектән ясалган ризыклар. Боткаларны эремчекле иртәнге ашлар белән алмаштырыгыз: сырниклар, запеканкалар яки җиләк-җимеш белән эремчекле смузи. 4. Йомырка һәм омлет. Йомырканы атнасына 2- 3 тапкыр пешерергә мөмкин. Яшелчәләр яки җиңел ит белән омлет тагын да файдалы. Шулай ук пешерелгән йомырка белән тулы бөртекле икмәктән бутерброд ясау - бик яхшы вариант булыр. 5. Коймаклар. Солы боткасы яки кара бодай оны белән ясалган коймаклар (шулай ук кабак, алма, банан) - тәмле генә түгел, файдалы да. Иртәнге ашларыгыз тәмле булсын!

30.01.2025

1 ... 39 40 41 42 43 ... 375

Яңа сайт!