Иртәгә карагыз!

Татарстан Республикасы Президенты Рөстәм Нургали улы Миңнеханов белән очрашуны «ШАЯН ТВ» каналында 20 нче февраль көнне 17:00 сәгатьтә карагыз!

Без Топ-25 канал арасында!

Сезнең белән шатлыклы хәбәребезне бүлешәсебез килә! Беренче татар балалар телеканалы «ШАЯН ТВ» караучылар саны буенча топ-25 региональ канал рейтингында 7 урын алды! Рейтинг «Лайм HD TV» онлайн сервисы мәгълүматлары буенча төзелде!   Рәхмәт сезгә! Без сезне бик яратабыз!

Яшь режиссерлар бәйгесе!

«Көмеш кыңгырау» газетасы «Кызык таптым - төшердем» яшь режиссерлар бәйгесендә катнашырга чакыра! Бәйгедә катнашу өчен Тикток форматында кызыклы видео төшереп, [email protected] почтасына «Видеобәйгегә» дип юлларга кирәк. Катнашучылар - мәктәп укучылары. Видео эчтәлеге (мәгънәле һәм үзенчәлекле булуы) һәм сыйфатына карап бәяләнәчәк. Темасы чикләнмәгән. Видеоның озынлыгы 3 минуттан артмавы хуплана. Җиңүчеләрне жюри билгеләячәк. Шулай ук социаль челтәрләрдә популярлыгы буенча да җиңүчеләр билгеләнер. Җиңүчеләргә дипломнар һәм бүләкләр, катнашучыларга дипломнар биреләчәк. Бәйге 2021 елның февраленә кадәр дәвам итә. Тулырак: http://chelny-rt.ru/contest/kyzyk-taptym-tsherdem

«ШАЯН ТВ» матбугат вәкилләре белән очрашты!

Быел 2021 елның февраль аенда “ШАЯН ТВ” каналы Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «Балачак җыры» бәйгесенең икенче сезонын башлап җибәрде.  Шул уңайдан, бүген «ТАТМЕДИА» АҖ бинасында махсус пресс-конференция узды.  Спикерлар буларак «ШАЯН ТВ» каналының башкарма директоры – баш мөхәррире Рамилә Әхметзакир кызы Сәхабетдинова; жюри рәисе, Татарстан Республикасының атказанган сәнгать эшлеклесе, профессор Сәгыйть Мулланур улы Хәбибуллин; балалар жюри әгъзасе, «ШАЯН ТВ» каналының алып баручысы Җәмил Хәбибрахманов һәм беренче сезон җиңүчесе Рәхимә Минвәли кызы Арсланова чакырылды! Очрашу кысаларында әңгәмә беренче бәйге нәтиҗәләре, яңа сезонга багышланган планнар турында барды. Сүз уңаеннан, Рамилә Әхмәтзакировна шагыйрьләрне һәм композиторларны кыюрак булырга һәм бәйгедә катнашырга өндәде.  “«ШАЯН ТВ» кулларына эләккән җыр һичшиксез хит булуга лаек” – дип билгеләп үтте балалар каналы җитәкчесе. Моның өчен оештыручылар бар көчен куя: җиңгән җырларның барысына да сыйфатлы аранжировкалар язылды, башкаручылар сайланды һәм клиплар төшерелде.  Аранжировкаларга килгәндә, Сәгыйт Мулланурович аларны профессиональ яктан бик югары бәяләде.   Матбугат конферециясе кунаклары үзләре дә моңа инанды. «Сәйлән» музыкаль фестивале катнашушысы Шамил Саврилов «Кирәкми миңа телефон» җырын башкарды! Узган ел әлеге җыр җиңүчеләр исемлегендә иде. 

Герой-шагыйрь - Муса Җәлил!

Бүген бөек шагыйребез, Советлар Союзы герое - Муса Җәлилнең тууына 115 ел. Муса Җәлил - чын мәгънәсендә, каһарманлык билгесе, Ватанга чиксез тугрылык һәм мәхәббәт символы! Аның исеме тарих битләрендә мәңгегә!

Инста-бәйге!

Посмотреть эту публикацию в Instagram Публикация от Детский канал "ШАЯН ТВ" (@shaiantv)

Р.Н. Миңнеханов өчен экскурсия!

«Дәвам итәбез» бәйгесе!

Дуслар, «Көмеш кыңгырау» газетасы традицион «Дәвам итәбез» бәйгесен игълан итә. Бәйгедә катнашу өчен, тәкъдим ителгән башламнарны дәвам итеп, язып бетерергә кирәк. Ел азагында укучылар язган хикәя, шигырь, әкиятләр арасыннан иң уңышлылары сайлап алыначак. Туган телләр һәм халыклар бердәмлеге елы уңаеннан башламнар арасында әлеге тематикага багышланганнары да булачак. «Иң шәп хикәя», «Иң шәп әкият», «Иң шәп шигырь» номинацияләре буенча җиңү яулаган эшләр «Көмеш кыңгырау» газетасының дипломнарына лаек булачак. Башламнар: 1. «Сүз дә юк: ашыккан ашка пешкән, диючеләр дөрес әйтә. Тик мин менә  «тимерне кызуында сугарга кирәк» дияргә җыенам...» 2. «Дустың булса, Булат кебек булсын ул! Нинди генә хәлдә калса да, югалып калмый ул...» 3. «Әфсен-төфсен, бу хәлләрне ишеткән – онытсын, күргән төш дип кенә белсен...» 4. «Сөяксез тел ни димәс...» 5. «Нинди генә геройлар юк Мин укыган китапта...» 6. «Үз телемдә сөйләшүнең Беләм ич мин тәмнәрен!» 7. «Исәнме» юк, «саумы» юк – Шаккатам бу Гатага!». Бәйгегә эшләрегезне [email protected] почтасына җибәрегез. Тулырак: http://chelny-rt.ru/news/bygelr/dvam-itbez-bygesen-achyk-dip-iglan-itbez