Яңалыклар

Горурлыгыбыз!

Горурлыгыбыз!

Нәтиҗәләр көне!  «ШАЯН ТВ» каналының мөхәррирләр бүлеге җитәкчесе Резеда Хәсәнова  "Татарстанның атказанган мәдәният хезмәткәре" мактаулы исеменә лаек булды! Бүләкләү тантанасы «Татмедиа» республика матбугат һәм массакүләм коммуникацияләр агентлыгының йомгаклау  коллегиясе кысаларында үтте! Коллегабызны чын күңелдән котлыйбыз, куанычын, бәрәкәтен күрергә, тагын да югарырак үрләргә менәргә язсын! Афәрин!

03.02.2021
Медиа вәкилләре өчен мөһим көн!

Медиа вәкилләре өчен мөһим көн!

Бүген Милли катапхәнә бинасында «Татмедиа» республика матбугат һәм массакүләм коммуникацияләр агентлыгы коллегиясенең йомгаклау утырышы үтте. Китапханә фойесында кунаклар өчен массакүләм мәгълүмат чаралары вәкилләре тарафыннан күргәзмә оештырылды. Үз презентациясен беренче татар балалар телеканалы да тәкъдим итте. «ШАЯН ТВ» алып баручылары музыкаль интерактив форматында кунакларга канал эшчәнлеге, аның уңышлары һәм казанышлары турында сөйләде. Чын профессионаллар буларак, яшь журналистлар интервью алу мөмкинлеген кулдан ычкындыра алмады һәм кызыклы сораулар әзерләде. Чара кунакларын сәламләргә «ШАЯН ТВ» каналында татар теленә тәрҗемә ителгән «Маша белән Аю» мультсериалы геройлары да килде. Маша образын дубляж студиясе яшь артисты Зәлия Зиннурова башкарды.

03.02.2021
«Сәяхәтче Випо» мультсериалын карагыз!

«Сәяхәтче Випо» мультсериалын карагыз!

Шаяннар, алда без барыбыз да зарыгып көткән яллар! Сез аларны һичшиксез күңелле үткәрергә телисез һәм нишләргә дип баш ватасыз! «ШАЯН ТВ» сезгә ярдәмгә ашыга һәм шәп мультсериаллар әзерли! Шимбә һәм якшәмбе 6:00 һәм 14:00 сәгатьтә «Сәяхәтче Випо» мультсериалын карагыз!

29.01.2021
«Сәйлән» фестиваленең 3 сезоны!

«Сәйлән» фестиваленең 3 сезоны!

«ШАЯН ТВ» каналы «Сәйлән» фестиваленең 3 сезонын башлап җибәрә! Әлеге проект каналыбызның йөзек кашына әверелде. Ел саен ул меңләгән баланы үзенә җәлеп итә. Балаларның кызыксынуы да үз нәтиҗәләрен күрә: бу проект катнашучыларга киң мөмкинлекләр бирә, зур сәхнәгә юл ача! Проектның төп максаты - татар халык, классик, эстрада җырларын башкаручы балаларны барлау; алар өчен иҗади үсеш мөмкинлеге булдыру. Алдагы сезон җиңүчеләре инде чын йолдызлар! Алар танылган артистлар беләр берлектә чыгыш ясый, татар лейблларының иң-иңнәре белән хезмәттәшлек итә, клипларда төшә, зәңгәр экраннарда балкый! Республика күләмендә узучы чараларда да, «Сәйлән» җиңүчеләре көтеп алынган кунаклар, аларны таныйлар һәм алар белән сокланалар! Сез дә шулай телисезме? Алайса җырны яздырып, анкетаны тутырып, аны [email protected] адресына юллагыз! Гаризалар 30 июньгә кадәр кабул ителә.  Катнаш, үзеңне күрсәт һәм «ШАЯН ТВ» йолдызы бул! Нигезләмә Катнашучы гаризасы

27.01.2021
«Елның медиа остасы»!

«Елның медиа остасы»!

Кичә Казанда, «Пирамида» мәдәни-күңел ачу комплексында, «Татарстан Республикасы Ел Студенты - 2020» премиясе финалы узды.  Быел әлеге бәйге 16 тапкыр үтте.  Иң яхшы студентларны 18 номинациядә бүләкләделәр. Сәхнәдән безнең коллегабыз исеме дә яңгырады!  «ШАЯН ТВ» каналы алып баручысы Талия Төхвәтуллина  «Елның медиа остасы» номинациясендә җиңү яулады. Котлыйбыз һәм горурланабыз!

26.01.2021
Prev. 1 ... 236 237 238 239 240 ... 375 Next
Главная Программа Видео Шортс Поиск