Яңалыклар

Үзең уйлап тапкан бәйрәм көне!

Бүген рәсми булмаган рәвештә Үзең уйлап тапкан бәйрәм көне билгеләп үтелә! Димәк, фантазияне эшкә җигеп, бәйрәм итү өчен сәбәп уйлап табырга һәм бу көнне онытылмаслык итәргә генә кала!

26.03.2021

Мәдәният хезмәткәре көне!

Мәдәният хезмәткәрләрен һөнәри бәйрәмнәре белән котлыйбыз! «ШАЯН ТВ» каналы хезмәткәрләре арасында зур казанышларга ирешүчеләр бар! "ШАЯН ТВ" каналы башкарма директоры-баш мөхәррире Рамилә Әхмәтзакир кызы Сәхабетдинова һәм редакторлар бүлеге җитәкчесе Резеда Мансур кызы Хәсәнова Татарстан Республикасы атказанган мәдәният хезмәткәре исемен йөртәләр. Җитәкчеләребезне чын күңелдән котлыйбыз!

25.03.2021

«ШАЯН КОНЦЕРТ»

«ШАЯН ТВ» каналы бүген 177 лицей укучылары өчен бүләк әзерләде. Биредә «Сәйлән» фестивале йолдызлары катнашында концерт узды! Концерт барышында кунаклар балалар каналының эшчәнлеге, актуаль проеклар һәм бәйгеләр турында да мәгълүмат алды. Кыскасы, концерт күңелле узды! Тулырак «ШАЯН ТВ» тапшыруларында, «ТНВ» каналының «Хәбәрләр» һәм «Новости» чыгарылышларында.

24.03.2021

Яңа мультсериал!

Баданаму кадетлары һәрчак ярдәмгә ашыга! Герой-хайваннарның тату командасы могҗизалы дөньяда тынычлыкны һәм тәртипне саклый! Кечкенә коткаручыларның зур маҗараларына кушылыгыз! Дүшәмбедән җомгага кадәр 11:00 һәм 19:00 сәгатьтә «ШАЯН ТВ» каналында «Баданаму хикәятләре» мультсериалын карагыз!

22.03.2021

Нәүрүз!

Посмотреть эту публикацию в Instagram Публикация от Детский канал "ШАЯН ТВ" (@shaiantv)

21.03.2021

«Таттелеком»нан экскурсия!

Бүген «ШАЯН ТВ» алып баручылары өчен файдалы һәм продуктив көн булды! «Таттелеком» компаниясе балалар өчен кызыклы программа оештырды. «ШАЯН»нар Элемтә тарихы музеенда экскурсидә булды, яңа технологияләр һәм компания эшчәнлеге белән танышты. Балалар экспонатларне зур кызыксыну белән карады, кайберләре белән хәтта якынанрак танышу мөмкинлеге дә булды! Кыскасы, каникуллар шәп башланды! «Таттелеком» АҖ җитәкчелегенә һәм хезмәткәрләренә кунакчыл каршы алу һәм бүләкләр өчен ЗУР РӘХМӘТ!

19.03.2021

Бөтендөнья Йокы көне!

Бүген, 19 март көнне, Бөтендөнья Йокы көнен билгеләп үтәләр. Чара Бөтендөнья сәламәтлек оешмасы башлангычы белән уздырыла. Бу көнне билгеләүнең максаты – йокының сәламәтлеккә йогынтысына игътибар юнәлтү. Ә ул, чыннан да, бик мөһим! Төнге йокы - кеше организмы өчен иң файдалы ял. Бөек классигыбыз Шекспир исә йокыны иң тәмле ризыкклар белән чагыштырган. Әлеге гадәти күеренеш турында кызыклы фактлар да бик күп. Шуларның кайберләрен сезгә тәкъдим итәбез: 1. Һәр кеше үз гомеренең өчтән берен төшендә үткәрә. 2. Уртача йокы озынлыгы 8 сәгатьне тәшкил итә. 3. Йокы процессларын өйрәнүче фән – сомнология дип атала. 4. Коала тәүлегенә 22 сәгать йоклый. 5. Иң озак йокламаган кеше - Ренди Гарднер. Ул 11 тәүлек йокламый Гиннесслар китабына кертелгән. Соңгысына бәйле, сезгә киңәш: Ренди Гарднер тәҗрибәсен кабатламагыз! Киресенчә, каникуллар вакытында Коаланың гадати көн тәртибе белән яшәп карарга шәп мөмкинлек бар! Тәмле төшләр!

19.03.2021