Тавыш бирү!

 «ШАЯН ТВ» каналы тамашачылары «МИЛЛИ МУЛЬТFEST» Республика балалар кинофестиваленең «Тамашачы мәхәббәте» номинациясе җиңүчесен ачыклаячак! Һәр тамашачыбыз үзен «МИЛЛИ МУЛЬТFEST» Республика балалар кинофестиваленең жюри әгъзасе итеп хис итә алачак! Нәкъ сезнең тавыш җиңүче исемен ачыкларга ярдәм итәчәк! Сайлап алу этабының һәр турында «Яңа гасыр» телерадиокомпаниясе һәм «ШАЯН ТВ» балалар каналы кинофестивальгә даими мәгълүмати ярдәм күрсәтте. Бүген исә  shayantv.ru сайтында онлайн тавыш бирү чарасын башлап җибәрәбез! Тавыш бирү 15 апрельдән 19 апрельгә кадәр дәвам итәчәк. Ул ике номинациядә узачак: «Иң яхшы мультфильм» һәм «Иң яхшы кыска метражлы фильм». Финалга 16 эш сайлап алыначак. «Тамашачы мәхәббәте»нә лаек булган 2 җиңүченең исеме 2021 елның 21 апрелендә shayantv.ru сайтында туры эфирда игълан ителәчәк.

Алабугада кунакта!

Бүген «ШАЯН ТВ» хезмәткәрләре Алабуга Балалар йортында булып кайттылар. Очрашу кысаларарында балалар безнең канал эшчәнлеге белән танышты һәм пластилин ярдәмендә үз куллары белән анимацион фильмнар булдыру процессын күрсәтте. Очрашу мизгелләрен «ШАЯН ТВ» тапшыруларында карагыз!

Игътибар!!!

Телевизор караучылар игътибарына! Чәршәмбе, 14 апрель "ШАЯН ТВ" телеканалында профилактика чаралары үткәрү сәбәпле, 2 сәгатътән 10 сәгатъкә кадәр тапшырулар трансляцияләнми!    Рәхим итегез безнең YouTube каналга!  

Изге Рамазан ае белән!

Космонавтика көне!

Посмотреть эту публикацию в Instagram Публикация от Детский канал "ШАЯН ТВ" (@shaiantv) 12 апрель - Космонавтика көне!   1961 елның 12 апрелендә Язгы иртәдә җир йөзенең беренче космонавты – Советлар Союзы гражданины Юрий Гагарин «Восток -1» галәм корабында җир тирәли орбитага чыгарылды. Беренче космик очыш 108 минут дәвам итте.  Быел аеруча истәлекле ел: Космоска менүгә 60 ел.      

Бер дулкында...

«Бер дулкында» проекты нигезендә Түбән Каманың «Апуш» балалар үзәк китапханәсендә һәр шимбә-якшәмбе көннәрендә мәктәпкәчә яшьтәге балалар һәм аларның әти-әниләре өчен төрле темага нәниләрнең рухи үсешен үстерү шөгыльләре уздырыла. Бүген Г. Тукайга багышланган «И туган тел, и матур тел...» исемле чарага «ШАЯН ТВ» каналы төркеме һәм төп герое кунакка килде. Чара барышында алып баручы әңгәмә, уеннар, табышмаклар әйтү, җыр-биюләр, шигырьләр аша Тукайның иҗаты белән таныштырды. Мондый чаралар балаларның белемнәрен киңәйтә, күңелләренә уңай тәэсир итә, зәвыкләрен үстерә, гаилә ялын кызыклы һәм файдалы оештыруга ярдәм итә. Ә тулырак тиздән безнең тапшыруларда!  

Маша әкиятләр сөйли!

Махсус балалар өчен «Маша белән аю» мультсериалы герое Маша рус халык әкиятләрен үз сүзләре белән сөйләп бирде! Дүшәмбедән алар «ШАЯН ТВ» каналында! «Маша әкиятләре» мультсериалын дүшәмбедән җомгага кадәр 11:30да һәм 19:30 да карагыз!

«СалаваТік»ларда кунакта!

2021 елның 8 апрелендә 13.00 сәгатьтә Татар дәүләт “Әкият”курчак театрында, “Салават күпере” журналының YouTube каналы проектлары презентациясе үткәрелде. Бәйрәмнең рәсми өлеше мәртәбәле кунаклар – ТР Дәүләт советы рәисе урынбасары, Татарстан Республикасы Президенты каршындагы Татар телен саклау һәм үстерү мәсьәләләре комиссиясе рәисе Марат Әхмәтов, «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев, «ТАТМЕДИА» АҖ генераль директоры Шамил Садыйков, Фән һәм Мәгариф министрлыгыннан кунаклар катнашында үтте. Беренче татар балалар каналы «ШАЯН ТВ» да дусларыбыз үткәргән күркәм чараны игътибарсыз калдыра алмады. Каналыбызның төп герое хезмәттәшләребезне котларга килде, балалар белән күңел ачты, бүләкләр дә алып килде! Искәртеп үтик: “ТАТМЕДИА” АҖ 2020 елдан, Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән, «Татмедиа JUNIOR» («Яшь Татмедиа») проектын тормышка ашыра. Проект кысаларында балалар өчен YouTube каналда татар телендә тематикасы ягыннан төрле булган, төрле яшьтәге аудитория өчен видеолар әзерләнә.