Яңалыклар

Премьера! Җырлы-уенлы мультсериал
Канал яңалыклары

Премьера! Җырлы-уенлы мультсериал

«ШАЯН ТВ»да премьера! Иң нәни һәм кызыксынучан тамашачылар өчен җырлы-уенлы мультсериал! Гаҗәеп Тикабо дөньясына рәхим итегез! Яңа белем һәм якты тәэсирләр җыя торган кызыклы һәм сөйкемле җан ияләре белән дуслашырга вакыт җитте. Һәр сериядә тылсымлы геройлар үзләренең акыллы остазларыннан биремнәр ала. Бамс, Кафа, Том-Том, Мако һәм Гуди өйләрендә уртак билгеләр белән берләштерелгән төрле предметлар эзлиләр. Мәсәлән, геройлар йомшак яисә түгәрәк әйберләр коллекциясен җыялар; төрле төрдәге машина һәм паровозлар табалар. Алар белән бергә эзләүгә бару өчен, мавыктыргыч «Тикабо» мультсериалын карагыз. Эш көннәрендә 12:00 һәм 20:00 сәгатьләрдә телевизор экраннары каршына җыелыгыз.

19.08.2024
Бүген «супер Ай»ны күреп булачак
Популяр яңалыклар

Бүген «супер Ай»ны күреп булачак

Бүген Татарстанлылар 21:26 сәгатьтә гадәти булмаган күренеш - «супер Ай»ны күзәтә алачак. Супер Ай дип, тулы Ай Җиргә 362 мең километрдан да күбрәк якынлашуны атыйлар. Бүген Ай безнең планетага шактый якын булачак, шуңа күрә бик зур булып күренәчәк. Тулы Ай ярдәмендә Айның күренә торган ягындагы барлык объектларын да яхшы күреп булачак. Августтагы супер Ай быел булачак мондый дүрт күренешнең беренчесе булачак. Тагын бу могҗизаны 17 сентябрь, 17 октябрь һәм 15 ноябрь көннәрендә күзәтергә мөмкин. «Супер Ай» шәһәр читендә, караңгы урыннарда яхшырак күренәчәк.

19.08.2024
«Тикабо» мультсериалы татар телендә чыга
Канал яңалыклары

«Тикабо» мультсериалы татар телендә чыга

19 августта «ШАЯН ТВ» балалар телеканалы эфирында «ЯРКО» анимацион компаниясенең «Тикабо» сериалы старт ала. Премьера көнендә тамашачылар проектның беренче сериясен 12:00 сәгатьтә һәм 20:00, 04:00дә күрә алачак. Алга таба эпизодлар эш көннәрендә бер тапкыр эфирга чыгачак, шуннан соң проект кабатлап трансляцияләнәчәк. «Тикабо» музыкаль-танып белү мультсериалы белем алырга яратучылар дөньясыннан кызыклы затлар турында сөйли. Күңелле һәм кызыксынучан тикабо нәниләр кешеләрнең йортында булган бөтен нәрсәгә кызыксыну белдерәләр. Ә аларга яңа белемнәрне алырга тәрбияче Ня ярдәм итә, аның нәниләр белән аралашу буенча зур тәҗрибәсе бар. Алар бергә вакытны бик яхшы үткәрәләр - җырлыйлар, бииләр, күңел ачалар һәм, әлбәттә инде, яңа тематик коллекция җыялар. «Күптән түгел безнең "Шушумагия" сериалы осетин теленә трансляцияләнә башлады, ә бүген «Тикабо» татар телендә старт ала. Россия - бик зур күпмилләтле ил, анда төрле телләр яңгырый. Аларның кайберләре юкка чыгу чигендә, шуңа күрә безнең алда мөһим бурыч тора - төрле халыклар мәдәниятенең үзенчәлеген саклап калу. Без бу катлаулы эшкә үз өлешебезне кертүгә шат һәм анимация төрле буынны экраннарда берләштерергә сәләтле дип ышанабыз», - ди, «ЯРКО» анимацион компаниясе генераль директоры, генераль продюсер Альбина Мөхәммәтҗанова. «ШАЯН ТВ» телеканалы иң оста аудитория - балалар өчен иң якты һәм иң яхшы мультфильмнарны сайлый. «ЯРКО» компаниясенең мультсериаллары тәрбияви һәм укыту характерына ия, бу безнең өчен бик мөһим. Татар теленә тәрҗемә ителгән контент тагын да ачыграк буяулар белән байый һәм балаларның игътибарын Татарстан Республикасында гына түгел, аннан читтә дә җәлеп итә. Дубляж студиясе тарафыннан якынча 10 мең сериядәге төрле контент - анимацион фильмнар, мультсериаллар, балалар сериаллары, документаль һәм танып белү фильмнары тавышландырылды. Безнең девиз - «ШАЯН ТВ» кара – булырсың шәп бала» телеканалның максатын дөрес чагылдыра һәм, «ЯРКО» компаниясе эшчәнлеге белән аваздаш, - дип йомгаклады педагогика фәннәре кандидаты, «ШАЯН ТВ» телеканалының башкарма директоры-баш мөхәррир Рамилә Сәхабетдинова.

19.08.2024
«ШАЯН ТВ» каналы яңа анимацион проектлар белән сөендерүен дәвам итә
Канал яңалыклары

«ШАЯН ТВ» каналы яңа анимацион проектлар белән сөендерүен дәвам итә

«ШАЯН ТВ» каналы тамашачыларын өр-яңа анимацион проектлар белән сөендерүен дәвам итә! «ШАЯН Саннар», «Койрыклы җырчылар», «ШАЯН Төсләр», «ДоМиСоль», «Җавап тап», «ШАЯН Галим» программалары – барысы да нәниләрне уен форматында әйләнә-тирә белән таныштыра. Дөньяны безнең белән яңа форматта мавыктыргыч итеп өйрән!

16.08.2024
Велоэстафета 2024
Популяр яңалыклар

Велоэстафета 2024

Бүген «Болгар радиосы»ның чираттагы велоэстафетасы! Казан-Болгар маршрутын алар велосипедта узалар! Ул иртәнге сәгать 05:00дә Казан Кремле буенда Муса Җәлил һәйкәленә чәчәкләр салудан һәм «Туган тел»не җырлаудан башланып китте.  Чарадан «ШАЯН ТВ» каналы да читтә калмады. Хезмәткәрләр мәшһүр шагыйребезгә чәчәкләр куеп, озын юлга кузгалды.  Хәерле юллар телибез!

15.08.2024
«ШАЯН ТВ»дан ҖӘЙГЕ КОМБО ОТ
Канал яңалыклары

«ШАЯН ТВ»дан ҖӘЙГЕ КОМБО ОТ

Дуслар, «ШАЯН ТВ»ның Telegram каналында бәйге бара! Супер истәлекле бүләкләр – җиңүчегә «ШАЯН ТВ» каналынан ҖӘЙГЕ КОМБО! Җиңүче 3 комбо арасыннан үзенә ошаган берсен сайлап ала алачак! Бәйгенең кагыйдәләре бик гади! Катнашырга ашык! Җиңүче 16 август көнне билгеле булачак. Бәйгенең кагыйдәләре турында тулырак мәгълүмат сылтама буенча!

15.08.2024
Бал - табигать могҗизасы
Кызыклы фактлар

Бал - табигать могҗизасы

Якты, җылы кояшы, хуш исле чәчкәләре, җиләкләре, сайрар кошлары белән без көтеп алган җәйнең нибары ике атнасы гына калып бара! Август – җиләк-җимешкә, ризыкка бай елның иң мул ае. Бүген августның бер могҗизасы булган бал көне билгеләп үтелә. Уйлап карагыз әле, кечкенә генә җан ияләре чәчәктән чәчәккә кунып нинди затлы ризык жыя! Мең дә бер дәвалау үзлегенә ия булган балны миллион еллар өйрәнсәләр дә, ул әле дә серле булып кала бирә. Замана алга бара, бертуктаусыз фәнни ачышлар ясала, ә балны алыштырыр, аңа тиңләшер ризык дөньяда юк. Борынгы фикер ияләре балны озак яшәү мөмкинлеге бирүче һәм сәламәтлек эликсиры дип атаганнар. * Табигатьтә микроэлементларга балдан да бай продукт юк. * Балда кеше организмына кирәкле 30га якын матдә - глюкоза, минераль тозлар, ферментлар, витаминнар, антибиотиклар һ.б. матдәләр бар. * Иртән 1 стакан суга 1 кашык бал салып эчсәң, ул ашказаны эшчәнлеген яхшырта. * Тирән, яхшы итеп йоклау өчен, гадәттә, ятыр алдыннан 1 стакан суга 1 аш кашыгы бал салып эчәләр. * Сәламәт булу өчен олы яшьтәге кеше көнгә 100 г, балалар 30-50 г бал ашарга тиеш.  

14.08.2024
Prev. 1 ... 115 116 117 118 119 ... 425 Next
Главная Программа Видео Шортс Поиск