Яңалыклар

Йөрәк көненә йөрәк сәламәт булсын өчен берничә гади ризык
Кызыклы фактлар

Йөрәк көненә йөрәк сәламәт булсын өчен берничә гади ризык

29 сентябрь - Бөтендөнья йөрәк көне билгеләп үтелде! Йөрәк сәламәт, нык булсын өчен ниләр ашарга? Кул астында булган, җайлы ризыклар белән танышып китик! 1. Иртәнге аш ашарга; 2. Туклану рационы төзергә; 3. Көн саен бер үк вакытта ашарга; 4.​ Физик күнегүләр ясарга, йоклар алдыннан саф һавада йорергә; 5. Витаминнарга бай булган ризыклар ашарга; 6. Үлән чәйләре эчәргә. Организмга керергә тиешле иң кирәкле минераллар - калий, магний һәм йод. Калий организмда су балансы өчен җавап бирә. Ул түбәндәге ризыкларда бар: * Яшелчә: кыяр, кәбестә, петрушка, бәрәңге, кавын, карбыз; * Җиләк-җимеш: әфлисун, банан, мандарин, виноград, алма, абрикос, җир җиләге, гөлҗимеш, карлыган; * Кара ипи; * Чикләвек; * Солы, тары ярмалары. Магний исә мышцаларны йомшарта, артериаль басымны нормальләштерә. Ул түбәндәге ризыкларда очрый: * Кәбестә; * Лимон, грейпфрут, алма, абрикос, банан; * Балык, креветка; * Борчак, фасоль; *Сөт, эремчек. Йод түбәндәге азык-төлектә бар: * Йомырка; *​ Яшелчә: кишер, әче торма, шпинат, томат, бәрәңге, кәбестә; * Җиләк: кара карлыган, каен җиләге, виноград. *​ Диңгез ризыклары: креветка, устрица, диңгез кәбестәсе, краб, диңгез балыгы. Әгәр йөрәгегез борчып тора икән, кичекмәстән табибка мөрәҗәгать итегез. Юкка гына: «Йөрәк кешенен яшәү моторы», - дип әйтмиләр!                                                  

30.09.2024
Рәзил Камалов гаилә тормышындагы серләре белән уртаклашты
Популяр яңалыклар

Рәзил Камалов гаилә тормышындагы серләре белән уртаклашты

«ШАЯН ТВ»ның YouTube каналында «Килде-Китте ШОУ» проектының яңа чыгарылышы чыкты! Студия кунагы – популяр баянчы Рәзил Камалов. Танылган артист Ришат Төхвәтуллин төркемендә эшләве һәм гаилә тормышы хакында сөйли. Кызу әңгәмәне сылтама буенча узып карарга мөмкин.

30.09.2024
«ТАТАР СҮЗЕ» җиңүчеләре белән таныштыруны дәвам итәбез
Канал яңалыклары

«ТАТАР СҮЗЕ» җиңүчеләре белән таныштыруны дәвам итәбез

«ТАТАР СҮЗЕ» бәйгесенең бишенче юбилей сезонына гаризалар кабул итү дәвам итә. Катнашырга ашыгыгыз! Бәйгенең узган сезонының махсус бүләк иясе Алисә Гыймадиева «Татарстан-Яңа Гасыр» каналында «Манзара» тапшыруында кунакта булып кайтты. Гыймадиевлар гаиләсе бәйгенең дүртенче сезонында «Иҗади гаилә» номинациясендә Татарстан Язучылар берлегеннән бүләккә лаек булдылар.   Кадерле дуслар, халкыбызның иң мөһим мәдәни ел вакыйгасыннан сез дә читтә калмагыз. Әдәбият сөючеләрдән видеолар көтәбез. Премиаль фонд - 2 000 000 сум! Сылтама буенча узыгыз һәм бәйгенең кагыйдәләре белән танышыгыз.

30.09.2024
«ШАЯН ТВ»дан «көзге» киңәшләр
Кызыклы фактлар

«ШАЯН ТВ»дан «көзге» киңәшләр

Кояшлы, кызу җәйдән соң көзгә кереп китү - күпләргә авыр бирелә. Кәеф төшә, күңел төшенкелегенә бирелергә дә күп сорамый. Салкын көзге көннәрдә ниләр белән шөгылләнеп, кәефне күтәреп була икән? Бездән сезгә берничә киңәш: * Үзеңә чәй яса, уңайлы итеп утыр һәм рәхәтләнеп җәйге хатирәләрне барла. * Дуслар, туганнарың белән ешрак күреше, аралаш. Җылы очрашулар, күңелле сөйләшүләр теләсә-нинди төшенкелектән арындырырга сәләтле. * Көзге кичләр - тәмле әйберләр белән сыйлану өчен менә дигән вакыт. * Җылы юрганга төренеп, фильмнар карау – күңелеңне җылытыр. * Үзеңә берәр кызыклы шөгыль тап. Йога, чит тел үзләштерү, яңа хобби һәм сезнең өчен мөһим булган башка шөгыльләргә керешү өчен көз иң кулай вакыт. * Берәр матур җылы, йомшак кием сатып ал. Бу киңәш кызлар күңеленә бигрәк тә хуш килер. * Саф һавада булу бик мөһим. Кояшлы көннәрдә өйдә ятма, паркларга чыгып кер. * Негатив уйлардан, яңалыклардан, зарланучы кешеләрдән ерак булырга тырыш. Күңелеңә хуш килгән, позитив кешеләр белән аралаш. * Көз - мәдәни тормыш гөрли башлаган яңа сезоннар вакыты. Театр, концерт, күргәзмәләргә барып, вакытны күңелле дә, файдалы да итеп уздырырга мөмкин. * Күбрәк йокла. Салкыннар башлангач, озаграк йокларга тырыш, чөнки организм бездән шуны таләп итә. * Синең кәефең - бары синең кулда. Үзеңне кулга ал, артык борчылма һәм күбрәк елмай! Һәр чорның үз матурлыгы һәм үз мәшәкате. Алда санап үткән киңәшләрне истә тотып, елның яңгырларга бай чорына елап түгел, җырлап керик!      

27.09.2024
​«Сәйлән» телевизион музыкаль фестивален төшерү дәвам итә
Канал яңалыклары

​«Сәйлән» телевизион музыкаль фестивален төшерү дәвам итә

«ШАЯН ТВ» каналында «Сәйлән» телевизион җыр проекты үз эшен дәвам итә. Бүген аның ярымфинал чыгарылышы төшерелә. Кабат сынаулар, зур сәхнә,«йолдызлы» жюридан кабатланмас киңәшләр! Бу атнада балаларны Татарстанның халык артистлары Зәйнәб Фәрхетдинова, Рөстәм Асаев һәм Татарстанның атказанган сәнгать эшлеклесе, композитор Эльмир Низамов бәяли. Сезоннар ярышының иң кызган чагы! Катнашучыларның барысы да «Сәйлән» сынын алу өчен көч сынаша! «Сәйлән» җыр фестиваленең алтынчы сезонының премьерасын 6 ОКТЯБРЬДӘН башлап, һәр якшәмбе «ШАЯН ТВ» каналында карарга мөмкин!

26.09.2024
«ШАЯН ТВ» кунаклар кабул итте
Канал яңалыклары

«ШАЯН ТВ» кунаклар кабул итте

«ШАЯН ТВ» каналы үзенең дусларын кабул итте. 25 сентябрь көнне студиягә кунакка  Филология һәм мәдәниятара багланышлар институтында «ТЕЛЕЖУРНАЛИСТИКА» курсын узучы балалар килде! «ШАЯН ТВ» каналы буйлап экскурсия уздырылды. Балалар телевидение дөньясының эчке тормышы белән танышты. Үзләрен кызыксындырган сорауларга җаваплар тапты. Очрашуның икенче өлешендә Видеоблогинг буенча остаханә узды. Гомумән алганда, очрашу күңелле дә, файдалы да узды.

26.09.2024
Хыялларны тормышка ашыруның 5 ысулы
Кызыклы фактлар

Хыялларны тормышка ашыруның 5 ысулы

25 сентябрь - хыял көне. Әлеге рәсми булмаган көнне барлык кешеләр дә бәйрәм итәргә хокуклы, чөнки һәрберебезнең күңелендә нинди дә булса хыял яши. Аны тормышка ничек ашырырга соң? 1. Әгәр дә сез теге яки бу хыялның тормышка ашуын телисез икән, әлеге бик теләгән әйберне күз алдына китерү, визуальләштерү мөһим. Янәсе, хыялыгыз инде сезнең кулда, чынбарлыкта. 2. Шуннан соң аны чынга ашыруга тотынсагыз да була. Бу очракта алга таба нинди адымнар ясарга кирәклеге турында уйлану җиңелрәк булачак. 3. Адымнарыгызның планын төзегез, зур этапларны берничәгә бүлеп эш итегез. 4. Ахыргы момент - план төзегәч, максатка ирешә башлау. Озакка сузмыйча, җитезлекне эшкә җигегез. 5. Әгәр теләгән нәрсәгә ирешә алмасагыз, юлыгызда барлыкка килгән киртәләрне анализларга кирәк. Уңышка комачаулаучы проблемаларны вакытында күреп, алар өстендә эшләү шулай үк бик мөһим. Хыялланырга курыкмагыз! Зуррак максат куйган саен, нәтиҗәгез дә югарырак булыр. Теләкләрегез чынга ашсын!

25.09.2024
Әбиләр чуагының икенче дулкыны көтелә
Популяр яңалыклар

Әбиләр чуагының икенче дулкыны көтелә

Салкыннар килүгә карамастан, көз җылы булырга вәгъдә итә. Сентябрь ахырында илнең үзәк өлешендә һава температурасының бераз түбәнәюе көтелә. Ләкин бу салкыннар озакка бармаячак. Айның соңгы биш көнлегендә синоптиклар зур булмаган явым-төшемнәр фаразлый, әмма һава температурасы + 15 градустан югары сакланачак. Тик җылы яратучылар өчен куанычлы яңалык та бар. Әбиләр чуагының икенче дулкыны көтелә. Дөрес, ул бераз тоткарланачак һәм октябрьдә киләчәк. Октябрь ае шактый җылы булырга вәгъдә итә. Метеорологларның фаразлары буенча, көзнең икенче аенда температураның нормадан 1,5-2 градуска югары булуы көтелә. Әмма шулай да көзнең үз хокукларына керешәчәген дә онытмаска кирәк. Октябрьдә безне салкын көннәр дә, озакка сузылган яңгырлар да көтә. Шуңа күрә, әбиләр чуагының җылы көннәреннән ләззәт алып, чын көзге һава торышына әзерләнергә онытмагыз.

25.09.2024
Prev. 1 ... 115 116 117 118 119 ... 432 Next
Главная Программа Видео Шортс Поиск