2024 елда бәйрәм көннәре: быел нинди яллар көтә?

2024 елда татарстанлыларны 118 өстәмә ял көне көтә. Алар ниндиләр? 23 февраль – Ватанны саклаучылар көне – 3 көн ял: 23, 24 һәм 25 февраль. 8 март – Халыкара хатын-кызлар көне - 3 көн ял: 8, 9 һәм 10 март. 10 апрель – Ураза бәйрәме. 1 май – Яз һәм хезмәт бәйрәме - 4 көн ял: 28, 29, 30 апрель һәм 1 май. 9 май – Җиңү көне - 4 көн ял: 9, 10, 11 һәм 12 май. 12 июнь – Россия көне. 16 июнь – Корбан бәйрәме. 30 август – Татарстан Республикасы көне - 3 көн ял: 30, 31 август һәм 1 сентябрь. 4 ноябрь – Халыклар бердәмлеге көне - 2 көн ял: 3, 4 ноябрь. 6 ноябрь – Татарстан Республикасы Конституциясе көне. Яңа ел каникуллары: 29, 30 һәм 31 декабрь – ял көннәре, аннары 2025 елның Яңа ел каникуллары башлана.

Татарстанда 41 градуска кадәр суыта

Гыйнвар - кышның уртасы, иң салкын ай. Бүген Татарстанда аномаль суыклар көтелә. Татарстан Республикасының кайбер районнарында төнлә һава температурасы -32, -37 градуска кадәр төшәчәк, урыны белән суыкларның -41 градуска кадәр җитүе фаразлана. Синоптиклар әйтүенчә, көндез термометр баганалары -25, -30 градусны күрсәтәчәк. Казанда көндез һаваның максималь температурасы -26, -28 градус булуы көтелә. Пәнҗешәмбегә каршы төндә Республикада төнге сәгатьләрдә -28 градуска кадәр суыта. Көндез Татарстанда һава температурасы -15 градус тәшкил итәчәк. Җылы сөяк сындырмый, салкын тәнне тындырмый, диләр. Шулай булгач, киенеп йөрегез, дуслар. Гыйнвар салкыннарын исән-имин үткәрик. Юлларда бозлавык, игътибарлы булыгыз!  

«ШАЯН ТВ»да өр-яңа фильм

«ШАЯН ТВ» каналында яңа документаль фильм! «Кешелек цивилизациясе барлыкка килүнең биш сәбәбе» сериалы сезне тарих белән таныштыра. Меңнәрчә еллар агач, җир, су, металл һәм ут безнең цивилизациянең нигезен тәшкил итәләр, һәм без аларны тиешенчә кабул итәргә күнеккәнбез. Әлеге сериалның авторлары борынгы тормыш рәвеше алып баручы кешеләрне эзләп дөнья тирәли сәяхәт итәләр һәм бу биш элементның кешелек җәмгыяте үсеше белән бәйләнешен ачыкларга тырышалар. Дүшәмбедән алып, җомгага кадәр 09:45 һәм 17:45 сәгатьләрдә телевизор экраннары каршына җыелыгыз.

Распаковка: ЯҢА ЧЫГАРЫЛЫШ

Lego Гарри Поттер распаковкасы! Тагын да күбрәк видеолар «ШАЯН ТВ»ның  каналында!

Удмурт халкының символы нинди?

“ШАЯН Рәссам”да удмуртларның символын ясыйбыз!

«ШАЯН»да «Үзгәреш җиле» юбилей концерты кабат эфирда!

Шәп яңалык! 7 гыйнвар, ял көне «ШАЯН ТВ» каналының туган көненә багышланган «ШАЯН»да «Үзгәреш җиле» балалар концерты эфирда күрсәтеләчәк! 17:30 сәгатьтә «ШАЯН ТВ» каналында карарга мөмкин булачак! Татар дөньясының уникаль заманча проектын «ШАЯН ТВ» балалары катнашында карамый калмагыз!  

«ШАЯН ТВ» каналы яраткан мультсериалларыгыз белән сөендерә!

Каникуллар дәвам итә! «ШАЯН ТВ» каналы сезне яратып өлгергән мультсериалларыгыз белән сөендерә! Көн саен 16:10 сәгатьтә «Лунтик һәм аның дуслары», «Барбоскиннар» һәм башка шәп мультфильмнарны карарга чакыра! Ялларны бергә күңелле үткәрик!  

Каникулларда нинди уеннар уйнарга мөмкин?