Яңалыклар

«Сәйлән»! Дүртенче финал!

«Сәйлән» музыкаль фестиваленең яңа чыгарылышын карарга чакырабыз! Бүген «ШАЯН ТВ»ның YouTube каналында дүртенче финал тапшыруы чыгачак! Соңгы финалны карамый калмагыз! Без сезне гадәти булмаган җырлар дөньясына чакырабыз! Бу юлы нәни йолдызларыбыз «Үзгәреш җиле» татар җыры фестиваленә язылган аранжировкалар белән альтернатив җырлар башкарып, көч сынашачаклар! Аларга һәрвакытагыча татар эстрадасының иң шәп артистлары үз бәяләрен бирәчәкләр. Татарстанның халык артисты Венера Ганиева, танылган җырчылар Илгиз Мөхетдинов һәм Артур Исламов балаларга төпле киңәшләрен биреп, тәҗрибәләре белән уртаклашачаклар! Кызу булачак! 18:00! YOUTUBE КАНАЛ! РӘХИТ ИТЕГЕЗ! Шулай ук якшәмбе көнне «ШАЯН ТВ» каналында 11:30 һәм 17:00 сәгатьләрдә «Сәйлән» проектының яңа чыгарылышын карагыз! Ялларны бергә уздырыйк!

03.11.2023

Әдәбият соючеләр, ашыгыгыз!

«ТАТАР СҮЗЕ» дүртенче Халыкара нәфис сүз телевизион бәйгесенә гаризалар кабул итү дәвам итә. Әдәбият соючеләр, ашыгыгыз! Бүләкләр саллы! Премиаль фонд 1500 000 сум. Быел чыгышлар проза, шигърият һәм махсус номинациядә бәяләнә. Яңа сезонның зур яңалыгы - махсус «Туган тел» номинациясе. Бирегә чуваш, мари, мордва, удмурт халыклары вәкилләре дә үз эшләрен җибәрә ала. Бәйге берничә яшь категориясе буенча үткәрелә: 7 яшькә кадәр булган катнашучылар, 8-13 яшькә кадәр, 14 яшьтән 17 яшькә кадәр, 18 һәм аннан өлкәнрәкләр өчен. Бәйгедә шулай ук профессионаллар, үз шигырен, әсәрен сөйләүчеләр, шулай ук иҗади гаиләләр дә катнаша ала. Халкыбызның иң мөһим мәдәни ел вакыйгасыннан читтә калмагыз! Үзегезгә туры килгән номинацияне сайлагыз һәм чыгышыгызны видеога төшереп, анкета белән бергә [email protected] рәсми почтасына юллагыз. Гаризалар 2023 елның 30 ноябренә кадәр кабул ителә. Сораулар буенча 8(917)391-07-87 WhatsApp номерына яза аласыз. Тулырак мәгълүмат сылтама буенча.

03.11.2023

«ШАЯН ТВ» геройлары тамашачыларын очрашуга җыйды!

Тиздән «ШАЯН ТВ» каналына 5 яшь тула! Шул уңайдан «ШАЯН ТВ»ның яраткан геройлары «Түбәтәй» ресторанында тамашачыларын очрашуга җыйды! Кунакларны «ШАЯН ТВ» персонажлары каршы алды һәм бүләкләр уйнатылды! «Сәйлән» фестивале җиңүчеләреннән шат җырлар яңгырады! Яхшы кәеф һәм күңелле атмосфера хөкем сөрде! Чын татар мохите һәм балаларның яраткан каналы белән якыннан аралашу чарага килгән берәүне дә битараф калдырмады!

03.11.2023

«ШАЯН ТВ» геройлары сезне очрашуга чакыра!

Тиздән «ШАЯН ТВ» каналына 5 яшь тула! Шул уңайдан «ШАЯН ТВ»ның яраткан геройлары сезне очрашуга чакыра! Барлык серләрне дә иртәгә ачарбыз! Без сезне 3 ноябрь 13:00 сәгатьтән алып, 15:00 сәгатькә кадәр Татарстан, 3/2 адресы буенча урнашкан «Түбәтәй» ресторанында көтеп калабыз! Килегез, күңелле булачак!

02.11.2023

«ШАЯН ТВ» каналы «Многоликая Россия» бәйгесенең бүләкләү тантанасында!

Бүген Бәшир Рәмиев исемендәге ИТ-паркта «Многоликая Россия» XIV Бөтенроссия журналистлар бәйгесе җиңүчеләрен бүләкләү тантанасы узды. Чарада Татарстан Республикасы Дәүләт Советы Рәисе Фәрит Мөхәммәтшин да катнашты. Бәйге Россия халыкларының тормышын, мәдәниятен, гореф-гадәтләрен күрсәткән иң әһәмиятле һәм талантлы журналист эшләрен ачыклау максатыннан үткәрелә. Катнашуга 38 төбәктән 820 эш җибәрелгән. Биредә «ШАЯН ТВ» каналы да катнашты. Ул каналның иң шәп проектларыннан торган күргәзмә тәкъдим итте. «ШАЯН ТВ»ның иң яхшы алып баручылары кунакларны «Балачак җыры», «Шаян рәссам», «Яраткан шигырь», «Шаян саннар» проектлары һәм «ТАТАР СҮЗЕ» бәйгесе белән таныштырды.

02.11.2023

«Койрыклы җырчылар»ның яңа чыгарылышы!

«Койрыклы җырчылар»ның яңа чыгарылышы безнең YouTube каналда!

01.11.2023

Ноябрь - бусагада кыш..

Ноябрь - бусагада кыш. Көз белән кыш тартыша да башлады. Күптән көтелгән беренче кар яуды. Табигать, әкренләп, кышкы йокыга әзерләнә, кояш та көннән-көн сирәгрәк елмая. Бу айдагы һава торышын күзәтеп, киләсе елны фаразларга була. Чөнки ноябрь нинди, яз шундый килә! Көзнең соңгы аенда безне ниләр көтә икән? * Ноябрьдә һава торышы нинди, апрель шундый. * Ноябрьдә болытсыз һава торышы - температураның тиз түбәнәюе билгесе. * Ноябрьдә озакка сузылган көчле салкыннар - кырыс кышка. * Ноябрь башында кар яуса - иртә язга. * Кар күп булса - бай икмәккә. * Ноябрьнең коры һәм аяз булуы - киләсе елның уңышы өчен начар. * Ноябрьдә иртәдән яңгыр явып, ә кичкә кар көртләре ятарга мөмкин. * Ноябрьдә агачлар яфракларын коеп бетермәгән булсалар - озын кышка. * Ноябрьдә черкиләр очса - җылы кыш көтелә. * Үрдәкләрнең күбесе кышларга калса - кыш җылы булачак. * Авылларга куяннар никадәр якынрак килсә, ноябрь дә шулкадәр салкынрак булачак. * Кырпак кар төшсә, чын кыш озак көттермәс.

01.11.2023

Көтеп алган каникуллар башланды!

Ура, көтеп алган көзге каникуллар башланды! Рәхәт тә инде: дәрес әзерлисе юк, иртә тормасаң да була! Шулай да, ялларны кызыклы һәм файдалы итеп уздырыгыз, дуслар! Көннәр яңгырлы торуга карамастан, моңаеп, өйдә утырмагыз! Һава торышына карап киенегез һәм саф һавада күбрәк йөрергә тырышыгыз! Яраткан эшләрегез белән шөгыльләнегез һәм «ШАЯН ТВ»ны карагыз! Чөнки иң шәп мультфильмнар һәм тапшырулар – безнең каналда! Безне зәңгәр экраннар аша гына түгел, «ШАЯН ТВ» сайтыннан һәм YouTube каналдан тәүлек буе карый аласыз! Ялларны бергә уздырыйк! Ә ШАЯНлыларның яллары шулайрак уза!

31.10.2023

1 ... 113 114 115 116 117 ... 375

Яңа сайт!