Яңалыклар

Киләсе елның үзенчәлеге нәрсәдә?

Киләсе елның үзенчәлеге нәрсәдә?

Йомшак Куян белән хушлашып, Аҗдаһаны каршы алабыз. Хуҗасы Яшел Аҗдаһа булган 2024 ел - кәбисә елы. Ләкин куркырга ашыкмагыз. Яңа елга кергәндә позитив карашта булу бик мөһим. Кәбисә елы елмаеп торучы оптимистларны ярата. Ә һәрвакыт кашлары җыерылганнарны өнәп бетерми. Шулай да кайбер кисәтүләргә игътибар итәргә кирәк. Мондый елда ниндидер зур эшләргә тотынырга, үзгәрешләргә керешергә ярамый. Алдагы ел тотрыклылык ярата. Быел башланган эшләрне җайлап кына дәвам итәргә кирәк. Мифологик зат бик шәфкатьле, шуңа аның килүен алдан билгеләвегезгә һич ачуланмас. Аҗдаһа - көчле зат, ул максатчан кешеләргә уңыш алып килә. Ел хуҗасы бик зирәк тә. Ул конфликтларга кермәскә киңәш итә. Ә менә бурычлардан котылырга тырышыгыз. Ул “артык койрыклар”ны яратмый. Көнчыгыш календаренда Яңа ел һәрвакыт төрле даталарда башлана. Бу юлы Аҗдаһа патшалыкны 10 февральдә алачак. Ә алдагы елның 28 гыйнварында аның хакимлек вакыты тәмамланачак.  

26.12.2023
Ни өчен чыршы Яңа ел символы?

Ни өчен чыршы Яңа ел символы?

Ни өчен Яңа ел бәйрәменә чыршы бизиләр? Кыш бабай каян барлыкка килгән? Боларның барысына да җавапны киләсе язмада белерсез! * Чыршы астына бүләк кую гадәтен алманнар уйлап тапкан. Россиягә әле ул гадәт XIX гасырның икенче яртысында гына килеп җиткән. * Элек Яңа елны 1 сентябрьдә билгеләп үтә торган булганнар. 1699 елның 20 декабрендә Петр I яңа вакыт санау системасына күчә һәм Яңа елны бәйрәм итү 1 гыйнварга күчерелә. Шулай ук Яңа ел төнендә утлар яндыру, шәһәрне ылыслы агачлар белән бизәү дә Петр I боерыгы белән эшләнә. * Яңа елда чыршы кую гадәтен шулай ук Петр Беренче Европа илләреннән Рәсәйгә алып килгән. Бу яңалыкны халык яратмаган, чөнки электән аларда чыршы бик яхшы агач булып саналмаган. Петр заманында чыршыларны бизәмәгәннәр – ул үзе бизәк булган. * Россиядә Яңа ел бәйрәменә куела торган беренче чыршыларны алма, конфетлар белән бизәп сата торган булганнар. * Кытайда Яңа елны ике тапкыр бәйрәм итәләр. Берсе – 31 декабрь төнендә, икенчесен Кытай календаре буенча. * Яңа елны ничек каршыласаң, шулай елың узачак, дигән фикерне борынгы Рим халкы формалаштырган. * Россиядә Яңа елны курант тавышлары астында каршы алабыз. Бу музыканы махсус чүкеч ярдәмендә хәрәкәткә килгән 11 кыңгырау тудыра.  * Исландиядә Кыш бабай урынына – Йоуласвейн исемле 13 тролль йөри. Алар һәр өйгә берәмләп килә һәм бүләк калдырып китә икән. * Яшел ылыслы агачлар электән үк үлемсезлек билгесе булып саналган. Менә шуңа күрә Яңа ел символы итеп тә чыршы, нарат агачлары сайланган. * Япониядә Яңа ел алдыннан барлык таныш-белешкә бәйрәм открыткасы җибәрү гадәте яши. Почта хезмәткәрләренең эше авыр – өстәлдә кайчак бер метр биеклегендәге открытка өеме барлыкка килә икән. * Иң фантастик Яңа ел киче Берлинда уза. Фейерверклар гына да анда сәгатьләр буе тынмый икән! * Күбебез Кар кызын Кыш Бабайның оныгы дип саный. Әмма ул алай түгел, бераз тирәнрәк казып карасак ул аңа әби. Шулай итеп Кыш Бабайның “оныгы” үзеннән олырак булып чыга. Яңа еллар күңелле узсын! Шатлык-куанычлы хәбәрләр килеп торсын!                                                   

26.12.2023
Аҗдаһа елыннан нәрсә өмет итәргә?

Аҗдаһа елыннан нәрсә өмет итәргә?

Киләсе 2024 ел - яшел агач Аҗдаһа елы. Ә яшел төс барлык дөнья мәдәниятендә тынычлык, яңару, үсеш белән ассоциацияләнә. Димәк, яңа елда безне кызыклы һәм яхшы вакыйгалар көтә. Кемнедер - карьера үсеше, икенче берәүне – гаилә бәхете, өченчеләрне икътисади үсеш һәм башкалар. Аҗдаһа безгә уңыш, алга китеш, “чәчәк ату” алып килергә тиеш, дип ышандыра астрология белгечләре. Ләкин Аҗдаһаның куркыныч булырга да мөмкин икәнен онытмагыз. Аны ачуландырырга тырышмагыз. Астрологлар билгеләвенчә, агач Аҗдаһа тынычлык яратучы зат икән. Ул яңалыкларга җайлашырга һәм борчуларны урап узарга ярдәм итәргә тиеш. Рәсем Яндекстан алынды Яңа елны ничек каршыласаң, киләсе ел нәкъ шулай үтәчәк, диләр. Аҗдаһа елын каршылаганда ничек киенергә, нинди ризыклар әзерләргә һәм нинди бүләкләр сайларга? НӘРСӘ КИЯРГӘ? Кытайда йолдызнамә белгечләре Аждаһа елын алтынсу, көмешсыман, аксыл соры төсләрдә каршылау уңышлы, дип ышаналар. Әлбәттә, яшел агач Аждаһа елында яшел төс - төсләр патшасы. Ләкин үзләре Аждаһа елында туганнарга бу төс киңәш ителми. Ул уңыш китермәскә мөмкин. Аждаһа кызыл төсне дә бик ярата, шуны онытмагыз. Тик аның яратмаган төсләре дә бар икән. Алар - зәңгәр һәм коңгырт. Аждаһа елын каршылаганда бу төсле киемнәр кимәскә тырышыгыз. Гомумән, мөмкинлеккә карап, Аждаһа елын зәвыклы киенеп каршыларга кирәк. Ул бай күренгәнне, балкыганны ярата. НИНДИ РИЗЫКЛАР ӘЗЕРЛӘРГӘ? Быел сыйлар бик тәмле һәм юмарт булырга тиеш. Кытайларда аҗдаһа - императорларга якын зат. Аны лаеклы каршыларга кирәк. Өстәлдә кимендә унике төрле ризык булырга тиеш. Аш, дөгеле ризыклар, яшел чәй, әфлисун, мандарин, хөрмә кебек “алтын төсле” җимешләр булса яхшы Аҗдаһа - ит тә, балык та, үсемлекләр дә ярата. Шуңа күрә нәрсә әзерләсәгез дә ел хуҗасы шат булыр. Иң мөһиме - сыйларыгыз бик тәмле, матур итеп куелган булсын. НӘРСӘ БҮЛӘК ИТӘРГӘ? Аҗдаһа елын каршылаганда якыннарга ниләр бүләк итәргә, дисезме? Монда фантазия кирәк булыр. Аҗдаһа гаҗәпләндергәнне ярата. Якын кешегезгә ниндидер спорт залына, бассейнга абонемент яисә һава шарында очарга юллама алып бирә алсагыз, бик яхшы. Бизәнгеч, матур кием, өйне бизәүче бүләкләр дә хуплана.                            

25.12.2023
Журналистлар берлегендә Яңа ел бәйрәме узды

Журналистлар берлегендә Яңа ел бәйрәме узды

Бүген Татарстан Республикасы Журналистлар берлегендә Яңа ел бәйрәме узды. Әлеге чарада Татарстан Республикасының төрле районнарында һәм шәһәрләрендә эшләүче журналистларны Кыш бабай белән Кар кызы котлады. Бәйрәмне тагын да ямләндереп «ШАЯН ТВ» каналы йолдызлары үзләренең шат җырларын бүләк иттеләр. Рәсми рәвештә Мактау кәгазьләре тапшырылды. Бәйрәм бик матур һәм эчтәлекле узды! Барыгызны да якынлашып килүче Яңа ел белән!

22.12.2023
Чыршы бизәү серләре

Чыршы бизәү серләре

Декабрь җитте исә күңел Яңа елны көтеп яши башлый. Кыш бабай, Кар кызы, чыршы – бәйрәмнең күрке. Яңа ел чыршысын бизәү гадәте ерак тарихка барып тоташа. Беренче чыршы уенчыклары фигуралап ясалган прәннек, печенье яки конфетлар булса, аннары аларны ялтыравык сипкән чыршы күркәләре, кәгазьдән, мамыктан ясалган чәчәкләр алыштыра. Бераздан картоннан ясалган уенчыклар, челтәрләр белән бизәлгән курчаклар, клоуннар барлыкка килә. Ә чыршыны шарлар белән бизәү гадәте каян килгән соң? Риваятьләргә караганда, Германиядә чыршыны алмалар белән бизәргә яратканнар, ә бер елны алман илендә алма уңышы аз була. Һәм кешеләр пыяла алмалар ясатырга пыялачыларга мөрәҗәгать итәләр. Шуннан бирле чыршыларны шарлар белән бизәү гадәте яшәп килә. Бүгенге көндә инде уенчыкларның ниндиләре генә юк! Кибеткә чыгып җаның теләгәнен сайлыйсың да урман гүзәлен күз явын алырлык итеп бизәп тә куясың. Бу эшне никадәр иртәрәк башкарсаң, шулкадәр озаграк бәйрәм хисе тоярсың, ди белгечләр. Куян яисә Мәче елында чыршыны барлык салават күпере төсләре белән дә бизәргә мөмкин. Артык караңгы гаммаларны кертмәскә киңәш итәләр. 2023 елга чыршыны ничек һәм нәрсә белән бизәргә? 1. Чыршы бизәргә җыенгансыз икән – һәр уенчыкны, һәр шарны кулыгызда озаграк тотыгыз. Һәр яңа ел уенчыгында тылсым яшерелгән! 2. Яңа елга чыршыны матур итеп бизәр өчен, аңа дөрес урын сайларга кирәк. Купшы чыршыны кечкенә бүлмәгә куймагыз, ә кечкенәләрне зур бүлмәгә урнаштыру дөрес булмас. 3. Гирлянданы иң башта элеп куегыз. Аннан соң эленгән уенчыклар матур итеп балкып торыр. 4. Зур чыршы өчен зур уенчыклар сайлагыз. 5. Охшаш уенчыкларны бер тирәгә элү шулай ук матур булмас. 6. Чыршының иң күренә торган урынына бу елның символын – Куян фигурасын элеп куйсагыз да була. Яисә аны Кыш бабай һәм Кар кызы урынына чыршы астына да куйсагыз була. 7. Йомгаклау этабы булып, мишура һәм ялтыравыклар тора. 8. Чыршы төбенә матур итеп төрелгән бүләкләр тезеп куйсагыз да була.      

22.12.2023
Елның иң кыска көне

Елның иң кыска көне

21 декабрь - кышкы кояш торгынлыгы көне. Бүген елның иң кыска көне һәм иң озын төне билгеләнә. Нәкъ менә бу көнне кояш көндезге якта горизонтка карата минималь биеклектә була. Көн озынлыгы нибары 7 сәгать тәшкил итә. 23 декабрьдән соң көн озынлыгы арта башлый, 31 декабрьгә көн 6 минутка озая. Ә язга таба кояш ике-өч сәгатькә озаграк карый башлый. Борынгы кешеләр моны - яктылыкның караңгылыкны җиңүе дип кабул иткән. Көннәр озыная бара, димәк, язга да ерак калмый дигән сүз. Кешеләр көн озынлыгы үзгәрүен шунда ук сизә, кәеф тә күтәрелә. Кояш кешегә уңай йогынты ясый. Бу көннән астрономик кыш башлана. Кышкы кояш торгынлыгын борынгы халыклар кояшның “үлеп кабат терелүе” яки “яңадан тууы” рәвешендә күзаллаганнар һәм аны ел саен бик зурлап тантаналы төстә билгеләп үткәннәр. Мондый календарь бәйрәм татарларда “нардуган” дип йөртелгән. Аның атамасы монголча “нар” (кояш) һәм татарча “туу” сүзләреннән ясалган дип аңлату бар. Кышкы кояш торгынлыгына карап булачак уңыш хакында киңәш-табыш корганнар. Кояшлы аяз көннәр салкын җилләр, карлы бураннар белән чиратлаша. Кышның бу төп өлеше, зур песнәк сайравына кадәр дәвам ителә. Ә менә песнәк сайрап җибәрсә, белеп тор: кышның соңгы чоры башлана да инде. Ләкин кыш әле бирешми. Зәһәр суыклар да, көчле бураннар да буласы бар әле. Кышның соңгы чоры март урталарына кадәр дәвам итә.

21.12.2023
Казанның төп Яңа ел чыршысын ачу көне билгеле

Казанның төп Яңа ел чыршысын ачу көне билгеле

«Казан» Казан гаилә үзәге янында урнашкан шәһәрнең төп чыршысы 23 декабрь 16:30 сәгатьтә ачылачак. 35 метрлы чыршы Казанның төп Яңа ел символы булачак. Ул 10:00 сәгатьтән 22:00 сәгатькә кадәр, ә Яңа ел төнендә - иртәнге өчкә кадәр эшләячәк. Чыршы ачылышында шәһәр халкына һәм кунакларга чын бәйрәм оештырылачак. Чыршы ачылышында җырчы Лейна, актриса Анастасия Макарова һәм Казан шәһәр филармониясе солистлары катнашачак. Тамашачылар 2024 ел символы – Аҗдаһаның кара көчләр белән көрәшүен дә күрә алачак. Кышкы уеннар һәм, матур гадәт буенча, сәүдә рәтләре оештырылуы көтелә. 31 декабрьдән 1 гыйнварга каршы төндә исә үзәк чыршы янында Һәм «Черек күл» паркындагы шугалакта зур бәйрәм чарасы үтәчәк.

20.12.2023
Prev. 1 ... 117 118 119 120 121 ... 386 Next
Главная Программа Видео Шортс Поиск