Яңа ел - яңа премьералар!

Каникуллар тәмамлана, ә безнең каналда премьералар дәвам итә! 11 гыйнвардан, дүшәмбедән җомгага кадәр 11:00 һәм 19:00 сәгатьтә «Капитан Кракен һәм аның командасы» мультсериалын карагыз!

Хәрефләр өйрәнәбез!

Каршы алыгыз - Ү хәрефе!

Каникулларда да «Шаян хәрефләр» рубрикасы уз эшен туктатмый!

Чыршы бәйрәмнәре дәвам итә!

Чыршы бәйрәмнәре дәвам итә! Бүген дә "Татнефть-арена" боз сараенда гаҗәеп Яңа ел тамашасы узды. «ШАЯН ТВ» каналының төп геройлары Шаян һәм Мияу балалар белән күңел ачты, истәлеккә фотога төште. Кышкы каникуллар күңелле уза!

«Сәйлән» фестивале марафоны!

Музыка сөючеләр өчен шәп яңалык! 4 гыйнвардан 7 гыйнварга кадәр «ШАЯН ТВ» каналында «Сәйлән» фестивале марафоны узачак! Димәк, иң матур җырлар, гаҗәеп сәләтле катнашучылар һәм онытылмаслык чыгышлар кабат зәңгәр экраннарда. 16:00 сәгатьтә телевизорлар каршына җыелыгыз һәм сыйфатлы музыкадан ләззәт алыгыз!

Шаяннан котлау!

«Эшлисе эш әле шундый күп!»

Бу көннәрдә җир шарының һәр почмагыннан "Эшлисе эш әле шундый күп!", - дигән сүзләр яңгырый. Ә эшлисе эшләр, чыннан да, күп.  Нәкъ бу көннәрдә без ел нәтиҗәләре ясыйбыз, башланганны тәмамларга тырышабыз. Аннан тыш Яңа ел мәшәкатьләре дә шактый: чыршы бизәү, бүләкләр әзерләү, бәйрәм образын уйлау һәм яңа ел кәефен татып карарга өлгерү.  Шуңа да, дөньяның һәр кешесе яңа ел алдыннан бераз тын ала алсын өчен, символик рәвештә әлеге бәйрәмне билгеләп үтәләр.  Сез дә бераз ял итеп алыгыз, «ШАЯН ТВ» каналына кушып, тылсымлы бәйрәм атмосферасы белән ләззәтләнегез!

Халыкара кино көне!

Бүген, 28 нче декабрь, бөтен дөнья Халыкара кино көнен билгеләп үтә. Нәкъ шушы көндә бертуган Люмьерлар тарафыннан беренче синематография сеансы үткәрелде. 1895 нче елның 28 нче декабрендә Парижда Люмьерлар киң җәмәгатьчелеккә дөньядагы беренче кыска метражлы фильмны тәкъдим итәләр. Фильм «Прибытие поезда на вокзал Ла Сьота» дип атала. Шул ук елда аларга «Синематограф» аппараты хокуклары тапшырыла. Беренче Рәсәй фильмы премьерасы 1908 нче елның 15 нче октябрендә уза. Тамашачылар режиссер Владимир Ромашковның 7 минутлык «Понизовая вольница» сүзсез сурәтен күрәләр. Ул Стенька Разинның «Из-за острова на стрежень» җырына нигезләнеп төшерелгән була.