Яңалыклар

Табигать серләрен ачуны дәвам итәбез

.video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

21.05.2020

Бабама хат...

Әнием ягыннан бабам, Хадиев Насыйбулла Хадиулла улы, 1905нче елның 16нчы гыйнварында Спасс районы Чәчәкле авылында дөньяга килә.Тормыш корып, рәхәтләнеп гаиләдә яшәгән вакытта, сугыш башланып, авылдан ир-егетләрне илебезне сакларга алып китәләр. Ленинград блокадасында катнашып, исән-имин әйләнеп кайтты. Туган җирендә 5 бала үстереп , 1979 елның декабрь аенда вафат булды. Иптәшем ягыннан бабабыз Нотфуллин Ильяс Нотфулла улы 1906нчы елның август аенда туган һәм шулай ук, башка ир-егетләр кебек, илебезне сакларга китә. Дорожный батальонның 220 отделениясендә хезмәт итә, аннары 14 отделениясендә дәвам итә. Сугыш беткәннән соң, исән-сау әйләнеп кайта, 1950 елда авырып вафат була. Кадерле бабамнар, безнең хәзерге аяз күгебездә, тыныч тормышыбызда яшәтер өчен барыгызның да өлешләре күп керде. Без Сезгә бик тә рәхмәтле. Үзебез дә, балаларыбыз да сугыш авырлыкларын күрмичә, ачлыкларны кичермичә гомер уздырсак иде. Без Сезнең белән горурланып яшибез. Буыннан-буынга сөйләп, Сезгә карата булган хөрмәтебез артканнан-арта гына бара. Сугыш кырларында ятып калган, исан-имин әйләнеп кайткан батырларыбызга багышлап шигырь дә язган идем. Хатирәләр мәңге саклана Авыр сугыш еллары, Дөньяны тетрәндерде. Күп югалту газаплары Халкым түзде, бирешмәде. Ятим үсте балалар, Аналарга сыенып. Киттеләр ир-егетләр, Өйләрен буш калдырып. Батырларча сугыштылар Үлем тырнагына кадәр. Бирешмәделәр, чигенмәделәр, Дошман чигенә кадәр. Бәхетле балачак алар, Бүләк иттеләр безгә. Батырлыклар, хатирәләр Кереп калды күңелгә. Һәйкәлләрдә уелып язылган Һәркайсының исеме. Еллар түгел, гасырлар да, Оныттырмас хисләрне. Зур хөрмәт белән Нотфуллиннар гаиләсе.

20.05.2020

Бүләккә - концерт!

19 май көнне, Татарстан матбугаты көне уңаеннан, Казан кооператив институты белән берлектә «ШАЯН ТВ» каналы онлайн концерт уздырды. Чараны «ШАЯН ТВ» алып баручысы Ваня Остроумов алып барды, концерт ачылышында Шаян үзе дә катнашты. Тамашачыларны «Сәйлән» татар балалар җыры телевизион фестивале җиңүчеләре дәртле чыгышлар белән сөендерде. Шулай ук татар эстрадасының танылган җырчылары Айсылу Габдинова, Илгиз Шәйхразиев, Алинә Шәрипҗанова, Сәйдә Мөхәммәтҗанова да матур җырларын бүләк итте. Шушы катлаулы чорда медицина, полиция хезмәткәрләре, волонтерлар белән алгы сафларда булган матбугат хезмәткәрләренең һөнәри бәйрәменә беренче «ШАЯН ТВ» татар балалар каналы зур бүләк ясады. Концертны онлайн форматта булса да, бик күп кеше карады. Аны әле бер тәүлек дәвамында безнең инстаграм аккаунтка кереп карый аласыз. Шулай ук YouTube каналда да чыгачак.

19.05.2020

Татарстан матбугаты көне белән!

Хөрмәтле коллегалар, журналистлар, мөхәррирләр, матбугат өлкәсендә эшләүче барлык хезмәткәрләр! Сезнең һәрбарчагызны һөнәри бәйрәмебез белән чын күңелдән котлыйм! Май ае – журналистлар өчен бәйрәмнәргә бай ай. 5 майда Совет матбугаты көнен билгеләдек. 7 май көнне радиожурналистларыбызга котлаулар юлладык. 9 майда, Бөек Җиңү көнендә, кулларына каләм белән мылтык тотып, Җиңү көнен якынайткан фронтовик журналистларыбызны искә алдык. Ә 19 май Татарстан матбугат хезмәткәрләре өчен бигрәк тә үзенчәлекле. Без аны 22нче тапкыр бәйрәм итәбез. Хәзерге көндә җөмһүриятебезнең газета-журналларында, радиотелевидение өлкәсендә меңнәрчә журналист эшли, һәрберсе үз урынында һөнәри бурычын югары дәрәҗәдә осталык белән үти. Бу ел журналистлар өчен бигрәк тә катлаулы. Короновируска каршы көрәш алып бару чорында, Президентыбыз Рөстәм Миңнеханов әйткәнчә, журналистлар медицина хезмәткәрләре кебек алгы сафта бара. Объектив мәгълүматны халыкка җиткерү өчен, тормышларын куркыныч астына куеп, кызыл зоналарга кереп эшлиләр. Бик зур рәхмәт сезгә, кадерле каләмдәшләр! Исән-имин булыгыз! Тагын бер кат бәйрәм белән! «Яңа гасыр» телерадиокомпаниясе генераль директоры, Татарстан Журналистлар берлеге рәисе Илшат Юныс улы Әминов

19.05.2020

Бәйрәм концертына рәхим итегез!

Бүген! Барыгызны да 18:00 сәгатьтә онлайн концертта көтеп калабыз! Җырлы-моңлы кичне бергә үткәрик!а .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

19.05.2020

18 май - Халыкара музейлар көне.

18 май - Халыкара музейлар көне. Бүген без музейларга бәйле һәркемне бәйрәм белән котлыйбыз! Музейлар көне бөтен дөньяда уздырыла. Алар булганга, без мәдәни һәм материаль кыйммәтләр белән таныша алабыз. Сынлы сәнгать әсәрләрен, археологик табылмалар, уникаль әйберләрне карап сокланабыз, үткәнгә кайтабыз, тарихны өйрәнәбез. Музей хезмәткәрләренә уңышлар, залларның тулып торуын телибез. Ә сезгә дусларыбыз, музей йөрү рәхәтлек кенә китерсен!

18.05.2020

Ә сез безнең беләнме?

18.05.2020

Бәйрәмгә - онлайн концерт!

19 майда 18:00 сәгатьтә Татарстан матбугаты көне уңаеннан, Казан кооператив институты «ШАЯН ТВ» каналы белән онлайн концерт уздыра. Чарада «ШАЯН ТВ» алып баручылары, каналның төп геройлары катнашачак. Тамашачыларны танылган артистларыбыз белән беррәттән «Сәйлән» татар балалар җыры телевизион фестивале җиңүчеләре дәртле чыгышлары белән сөендерәчәк. Халыкара бәйгеләр лауреатлары: Айсылу Габдинова, Илгиз Шәйхразиев, Алинә Шарипҗанова матур җырларын бүләк итәчәк. Шушы катлаулы чорда медицина, полиция хезмәткәрләре, волонтерлар белән алгы сафларда булган матбугат хезмәткәрләренең һөнәри бәйрәмен котлап барыгызны да онлайн концертына чакырабыз. Сезне Казан кооператив институтының ruc_kazan һәм «ШАЯН ТВ»ның https://www.instagram.com/shaiantv/ көтеп калабыз.

18.05.2020

1 ... 275 276 277 278 279 ... 376

Яңа сайт!