Яңалыклар

Казан зоопаркында туган як бозавына БРИКС дип исем биргәннәр
Популяр яңалыклар

Казан зоопаркында туган як бозавына БРИКС дип исем биргәннәр

Күптән түгел Казан зооботаника бакчасында туган якка БРИКС саммиты хөрмәтенә БРИКС дип исем кушканнар. Аклы-каралы бозау 9 августта дөньяга килгән. Аның әти-әнисе исә 14 яшьлек Бати һәм 21 яшьлек Кармэн. Бу хәл зоопарк хезмәткәрләре өчен, чыннан да, шок булган, чөнки бу яшьтә инде як әби булып санала. 9 сентябрьдә зоопаркның битендә бозау өчен иң яхшы исемгә бәйге игълан ителгән иде. Катнашучылар тәкъдим иткән исемнәр арасында - Яшма, Гаврюша, Мультик, Крепыш, Забияка, Трамп исемнәре бар. Бер ай эчендә бозау сизелерлек үскән һәм ныгыган. Хәзер ул үзен бик актив тота: җитез йөгерә һәм абыйсы белән уйнарга ярата. Әнисе бозауның һәр адымын игътибар белән күзәтеп тора: әгәр малай ераккарак качса, Кармэн борчыла башлый, янына килә яки тавыш белән чакыра. Хәзерге вакытта ул әнисенең сөте, үлән, ботаклар һәм кыяклы катнашмалар белән туклана.

24.09.2024
«ТАТАР СҮЗЕ» җиңүчеләре тамашачыларны бәйгедә катнашырга чакыра
Канал яңалыклары

«ТАТАР СҮЗЕ» җиңүчеләре тамашачыларны бәйгедә катнашырга чакыра

«ТАТАР СҮЗЕ» бәйгесенең бишенче юбилей сезонына гаризалар кабул итү дәвам итә. Катнашырга ашыгыгыз! Бәйгенең узган сезоны җиңүчеләре Балтачтан Мәрдәновлар гаиләсе «Татарстан-Яңа Гасыр» каналында «Манзара» тапшыруында кунакта булып кайтты. Алар әңгәмәдә бәйгенең өстенлекләре хакында сөйләде һәм тамашачыларны да катнашырга чакырды. Уллары Раил белән Раян исә студияне гармун моңына күмде. Дуслар, халкыбызның иң мөһим мәдәни ел вакыйгасыннан сез дә читтә калмагыз. Әдәбият сөючеләрдән видеолар көтәбез. Премиаль фонд - 2 000 000 сум! Сылтама буенча узыгыз һәм бәйгенең кагыйдәләре белән танышыгыз.

24.09.2024
Сөмбелә: көн белән төн тигезләште
Популяр яңалыклар

Сөмбелә: көн белән төн тигезләште

22-23 сентябрь - көзге көн белән төн тигезләшкән вакыт. Елның сихри фасылында, нәкъ менә көн белән төн тигезләшкән мәлдә, татар халкы Сөмбелә бәйрәмен үткәргән. Европалылар өчен бераз моңсу вакыт, чөнки көз-патшабикә хакимлек итәргә тулы хокук ала. Ел фасылы алышынганда көн кыскара, төн озая. Көн озынлыгы нәкъ ярты тәүлек - 12 сәгать булганлыктан, кояш 6да чыга, 18:00 сәгатьтә бата. Мондый очрак ел әйләнәсендә ике тапкыр кабатлана. Сөмбелә - уңыш бәйрәме. Җитен чәчле, зәңгәр күзле, зифа буйлы, сүзгә тапкыр, эшкә уңган кызны Сөмбелә дигәннәр. Нәүрүз бәйрәме язның башы булса, Сөмбелә көзне түгәрәкләү ае. Татарларда Юлиан календаренә кадәр зодиак календарь кулланылган һәм сигезенче ай «Сөмбелә» дип йөртелгән. Бу күренеш мәкальләрдә яхшы сакланган: * Сөмбелә туса, су суыныр. * Сөмбеләдә урып ал, арышыңны чәчеп кал. Борынгы Русиядә элек-электән көн белән төн тигезләшкәндә төрле йолалар башкарганнар, бәйрәм иткәннәр. Келәтләр уңыш белән тулы, өстәлләр яшелчә-җимештән сыгылып торган мизгел дә бит әле бу. Шунлыктан кешеләр шатланып, күңел ачкан. Бай көзге табынны күпереп пешкән икмәк, кәбестә, мүк җиләгеннән пироглар бизәгән. Ә кызыл миләш тәлгәшләрен, чир-чордан, күз тиюдән сакласын дип, тәрәзә төбенә тезгәннәр. Ә менә планетаның көньяк ярымшарында яшәүчеләр бу вакытта язны каршылый икән.      

23.09.2024
«Тарифлар балалар күзлегеннән» бәйгесенә гаризалар кабул ителә
Популяр яңалыклар

«Тарифлар балалар күзлегеннән» бәйгесенә гаризалар кабул ителә

Тарифлар буенча Татарстан Республикасы Дәүләт комитеты балалар һәм яшүсмерләр өчен «Тарифлар балалар күзлегеннән» бәйгесенә гаризалар кабул итүне озайта. Үткәрү вакыты: 2024 елның 22 апреленнән 2024 елның 1 ноябренә кадәр. Җиңүчеләр Дәүләт комитетының Telegram каналында 2024 елның 1 декабренә кадәр ачык тавыш бирү юлы белән билгеләнәчәк. Конкурс укучыларны Дәүләт комитетының тарифларны дәүләт тарафыннан җайга салу өлкәсендәге эшчәнлеге белән таныштыруга, балаларның күзаллауларын киңәйтүгә һәм яңаны белергә омтылыш булдыруга юнәлдерелгән. Бәйгедә Татарстан Республикасының 1-11 сыйныф укучылары катнаша ала. Тулырак мәгълүмат сылтама буенча.

23.09.2024
Казанның 107 «Ачыш» гимназиясендә «Балачак җыры» концерты узды
Канал яңалыклары

Казанның 107 «Ачыш» гимназиясендә «Балачак җыры» концерты узды

«ШАЯН ТВ» каналы үзенең сәләтле балалары белән берлектә нәни дусларының күңелен яулавын дәвам итә һәм балалар өчен өр-яңа җырлар белән сөендерә! Бүген исә чираттагы «Балачак җыры» концерты Казанның 107 нче «Ачыш» гимназиясендә узды. Гадәттәгечә, тамашачыларыбыз бик җылы итеп каршы алдылар һәм кайнар алкышларга күмделәр. Концертны карарга башкаланың мәктәп-гимназия укучылары җыелды. «Сәйлән» фестивале йолдызлары исә «Балачак җыры» бәйгесенең популяр хитларын башкарып, тамашачыларның күңелен күрделәр. «ШАЯН ТВ» каналының төп геройлары да балаларны сөендерде: шаярдылар, көлделәр, фотога төштеләр, иң активларга бүләкләр өләштеләр. Бер сулышта узды әлеге бәйрәм! Күтәренке кәеф, шаяру-көлүләр белән югары масштабта үтте! Тамашачыларыбыз да канәгать калды! Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.

20.09.2024
Казан мәктәпләрендә көзге каникул иртәрәк башлана
Популяр яңалыклар

Казан мәктәпләрендә көзге каникул иртәрәк башлана

22-24 октябрь көннәрендә БРИКС саммиты узу сәбәпле, Казан мәктәпләрендә көзге каникул вакытын үзгәрттеләр. Укучылар 21-28 октябрьдә ял итәчәк. Татарстанның район мәктәпләрдә көзге каникул 28 октябрьдән 6 ноябрьгә кадәр планлаштырылган. Кышкы каникулны 30 декабрьдән 8 гыйнварга кадәр, язгысын исә 22-31 мартта уздырырга киңәш итәләр. Җәйге каникулның 27 майда башлануы көтелә.  

19.09.2024
ИҢ ФАЙДАЛЫ 5 СОК
Кызыклы фактлар

ИҢ ФАЙДАЛЫ 5 СОК

Бакчада уңышның мул чагы. Димәк, яшелчә соклары белән организмны ныгытып алырга менә дигән вакыт. 1. Кишер согы – менә дигән энергия чыганагы. Нерв системасын саклый, күз күремен, ашкайнату процессын һәм тирене яхшырта, организмның инфекцияләргә, вирусларга каршы торучанлыгын арттыра. Эчәр алдыннан бераз каймак өстәсәң, ул ул организмда тизрәк үзләштерелә. 2. Кызыл чөгендер белән кишер согы нерв системасын ныгыта. Әмма кызыл чөгендер согын эчәр алдыннан бераз суыткычта тотарга кирәк. Югыйсә, ул ашказанын ярсытырга сәләтле. 3. Брюссель кәбестәсе, кишер, яшел салат яфраклары, ногыт борчагы сокларын бергә кушып эчсәң, организмга кирәкле матдәләр керүдән тыш, ашказаны асты бизенең эшчәнлеге яхшыра. 4. Помидор согына сельдерей согы кушып ясалган эчемлек исә организмның тонусын арттыра, кәефне күтәрә һәм ашкайнатуны көйли. 5. Кишер, чөгендер, миләш, лимон һәм шуңа бал кушып ясалган сок – организма көч өсти торган чын энергетик.

19.09.2024
Яңа мультсериал: яшь тамашачыларны Аждаһаленд иленә чакырабыз
Канал яңалыклары

Яңа мультсериал: яшь тамашачыларны Аждаһаленд иленә чакырабыз

«ШАЯН ТВ»да яңа мультсериал! Иртәгәдән яшь тамашачыларны «Аждаһаленд» премьерасын карарга чакырабыз. Аждаһаленд иле һәм анда яшәүчеләр – магик сәләтләргә ия соклангыч аждаһалар турында тылсымлы мультсериал. Ерактагы болытлар артында Аждаһалендның гаҗәеп иле яшеренә. Аның халкы – тылсымга ия аждаһалар. Һәр герой билгеле бер осталыкка ия, бу аларга көндәлек кыенлыкларны җиңәргә ярдәм итә. Бу күңелле дуслар проблемаларны бергә хәл итәләр, уңышларын исә шатлыклы бәйрәм кебек билгеләп үтәләр. Мультсериалны дүшәмбедән алып, җомгага кадәр 08:10 һәм 16:10 сәгатьләрдә «ШАЯН ТВ» каналында карагыз.

18.09.2024
Prev. 1 ... 116 117 118 119 120 ... 432 Next
Главная Программа Видео Шортс Поиск