«ШАЯН ТВ»да бүген бәйрәм!🥳 Әлфинур апаның туган көне! 😍

Бүген туган көнен Татарстанның атказанган матбугат һәм массакүләм коммуникацияләр хезмәткәре, Г.Кариев исемендәге ТЮЗга нигез салучыларның берсе, «Күчтәнәч» тапшыруының режиссеры һәм алып баручысы, безнең телеканалыбызга беренче «ТЭФИ Регион» бүләген – «Бронза Орфей»ны алып килгән шәхес – Фатыхова Әлфинур Илһам кызы бәйрәм итә.

Сезнең Йомшак һәм Актәпи курчаклары күп еллар буе яшь тамашачыларны тәрбияли, ә осталыгыгыз һәм эшегезгә бирелгәнлегегез бөтен коллективка үрнәк булып тора.

Сезгә сәламәтлек, көч һәм яңа иҗади уңышлар телибез. Хезмәтегез өчен зур рәхмәт.

Хөрмәт белән,
«ШАЯН ТВ» коллективы