Яңалыклар

Мәскәүдә температура +12°C ка кадәр күтәреләчәк

Соңгы фаразлар буенча, киләсе атнаның башында Мәскәүдә һава температурасы +10…+12 °C га җитәргә мөмкин. Бу хакта метеоролог һәм «Фобос» һава торышы үзәге белгече Евгений Тишковец үзенең Телеграм-каналында хәбәр итте. Ул атнаның башында термометр 10 градус чиген узар дип билгеләп үтте. Шулай ук мәскәүлеләрне яңгырлар, карның эри башлавы һәм температураның акрынлап күтәрелүе көтелә. Синоптиклар якын арада һава торышының үзгәрүчән булуын кисәтәләр, ләкин бик тиздән башкалада яшәүчеләр җылы климаттан ләззәт алачак. Казаныбызда да җылытачак. 6 март, пәнҗешәмбе көнне, көндезге температура якынча 0 °C булыр дип көтелә, ә якшәмбедә температура +2 °C ка кадәр күтәреләчәк. Ләкин Казанда да кар һәм кечкенә яңгырлар булачагын онытмаска кирәк. Шуңа күрә җылырак киенергә һәм һава торышының үзгәрүчәнлегенә әзер булырга тәкъдим ителә.

05.03.2025

«Ум белән Хрум» — яңа серияләр!

Дуслар, «ШАЯН ТВ» каналында «Ум белән Хрум» мультсериалының яңа серияләре чыкты! Ум белән Хрум иң татлы һәм баллы планетада яшиләр! Ум бик акыллы булса, Хрум гел яңа маҗара эзләп йөри! Алар белән көнең файдалы да, күңелле дә утәр! «Ум белән Хрум» мультсериалын «ШАЯН ТВ»каналында карамый калма! Дүшәмбе-җомга 8:10 һәм 16:10 сәгатьтә.

05.03.2025

Кеше сусыз ничә көн тора ала?

Кеше организмының суга мохтаҗлыгы турында күпләр белә, ләкин күпме вакыт сусыз яшәү мөмкин икәнен белүчеләр аз. Су — безнең организм өчен иң кирәкле элементларның берсе. Ул безнең тәнебезнең 60-70%ын тәшкил итә. Су безнең организмда күп функцияләрне башкара: ул температураны контрольдә тота, токсиннарны чыгара, туклыклы матдәләрне йөртә. Шуңа күрә, су җитмәгәндә, безнең тәнебездә төрле проблемалар башланырга мөмкин. Сусыз тору организмны зәгыйфьләндерә һәм сәламәтлеккә зыян китерә. Ничә көн? Гадәттә, кеше сусыз 3-7 көнгә кадәр тора ала. Бу вакыт индивидуаль үзенчәлекләргә, климатка, физик активлыкка һәм сәламәтлек халәтенә бәйле. Мәсәлән, кайбер кешеләр сусыз 3 көннән артык яши алмый, ә башкалары 7 көнгә кадәр чыдый ала. Ләкин бу вакыт узгач, организмда җитди проблемаларга китерергә мөмкин. Сусызлыкның билгеләре Сусызлык башлангач, безнең организмда беренче билгеләр күренә. Алар арасында: Тәндә су җитмәгәндә, авыз корый. Су җитмәү баш авыртуларына китерергә мөмкин. Сусызлык энергияне киметә. Су җитмәү кан басымының түбән булуына китерә. Су — безнең сәламәтлегебез өчен бик мөһим. Шуңа күрә, көн дәвамында җитәрлек күләмдә су эчәргә кирәк. Эшләгәндә, җылы климатта булганда, спорт белән шөгыльләнгәндә суның күләмен арттырырга онытмагыз. Сәламәт булыйк!

05.03.2025

Премьера — «ВИП петс» мультсериалы

«ШАЯН ТВ» каналында өр-яңа мультсериал — «ВИП петс»! Бу этләр сөйләшә һәм бер-берсе белән аралаша белгән үзенчәлекле дөнья турында кызыклы мультсериал. Кешеләр аларны белмиләр һәм аңламыйлар. Бу дөньяда 6 бик зәвыклы һәм мода артыннан калышмый торган VIP-этләр яши. Аларның һәрберсенең үз шәхси холыгы һәм хоббилары бар, ләкин барысын да чәчкә һәм матур прическаларга мәхәббәт берләштерә. Алар белән сөйләшә алган бердәнбер кешеләр — Фабио һәм Фабия. Фабио — шәһәрдә иң текә стилист, аның кешеләр өчен үз чәчтарашханәсе бар, ләкин арткы бүлмәдә бик үзенчәлекле клиентлары бар: VIP-этләр. Фабия — кечкенәдән парикмахер булырга теләгән, ә хәзер үзенең абыйсы Фабиога бик тә ярдәм итә. Бу зәвыклы мультсериалны «ШАЯН ТВ»каналында карамый калма! 5 нче марттан 11:00 һәм 19:00 сәгатьтә.

04.03.2025

Филләр нинди хисләр тоя алалар?

Бүген без планетабызның иң зур һәм эмоциональ хайваннары — филләр дөньясына гаҗәеп сәяхәткә эләгәбез! Бу гигантлар үзләренең зурлыклары белән генә түгел, акыллары һәм хисләре белән дә безне гаҗәпләндерәләр. Филләрне нәрсә шулай уникаль итә? Филләр — зур имезүчеләр генә түгел. Алар чын эмоция осталары! Кешеләр кебек үк, филләр дә шатлык, моңсу, курку һәм шәфкатьлелек хисләрен тоя ала. 1. Филләр гаиләләре белән көтү булып яшиләр. Һәр көтүдә бик күп филләр бар — әниләр, әтиләр, абый-апалар. Алар бер-берсен бик кайгырта һәм һәрвакыт ярдәмгә килергә әзер. Әгәр бер фил авырлыкка эләксә, калган филләр тизрәк ярдәмгә ашыга! 2. Филләр - искиткеч әниләр! Фил балалары 100 килограммга якын авырлыкта туа, һәм аларның әниләре аларга зур мәхәббәт белән карый. Алар үз балаларын хортумнары белән кочаклыйлар һәм аларны куркынычтан саклыйлар. Фил баласы үсеп җиткәч тә әнисе һәм башка гаилә әгъзалары янында кала. Фото: Яндекс 3. Филләр якыннарын югалтканда нык кайгыралар. Алар үзләренең кайгы-хәсрәтләрен үзенчәлекле итеп белдерәләр: озак бер урында басып торалар, хортумнары белән дусларының калдыкларына кагылалар, хәтта моңсу тавышлар чыгара алалар. Бу аларның туганнарын никадәр яратуларын һәм аларга бу хушлашу авыр булуын күрсәтә. 4. Ләкин филләр гел моңсу гына түгел! Алар шулай ук күңел ача һәм уйный белә! Филләр су,юеш пычрак һәм бер-берсе белән уйнарга яраталар. Алар күңелле булганда, борыннарын күтәрә һәм шатлыклы тавышлар чыгара алалар. 5. Филләр шулай ук башка хайваннарга да шәфкатьлелек күрсәтә. Әгәр алар яраланган хайванны күрсәләр, аңа килеп ярдәм итәргә тырышалар. Бу филләрнең акыллы гына түгел, ә бик игелекле җан ияләре булуын раслый! Менә шундый гаҗәеп һәм хисле хайваннар — филләр! Алар безгә якыннарыбыз турында кайгырту, хисләребезне белдерү һәм авыр вакытларда бер-беребезгә булышу никадәр мөһим икәнен күрсәтә. Исегездә тотыгыз: иң зур гигантлар да бик хисле булырга мөмкин!

04.03.2025

Март аенда Җирне көчле магнит давылы каплый

Галимнәр бәяләве буенча, киләсе атна метеопатлар өчен киеренке узачак. Берничә магнит давылы барлыкка килүе ихтимал. Бүген К-индекс 3 баллдан артмаячак, бу магнит давылы дип саналмый. Иң көчле геоударлар көннең беренче яртысында көтелә. Калган вакытта әлеге күрсәткеч 1–2 баллга кадәр кими. Бу күренешне галимнәр тыныч магнитосфера дип атый. Шулай да атна уртасында берничә көн магнит давыллары булу мөмкин. 4 март, сишәмбе көнне, кояш активлыгы кисәк артачак һәм кичкә таба 4 баллга җитәчәк. Кояш активлыгы лабораториясе фаразлары буенча, шундый ук көчтәге геоатака 5 март, чәршәмбе көнне көтелә. Аннан ял көннәрендә дә магнитосферада сизелерлек тирбәлешләр булуы көтелә. Кояшның шартлау активлыгы индексы сары (минималь) дәрәҗәдә. Узган тәүлектә астрофизиклар Кояшта 10 шартлау теркәде, аларның барысына да C баллы бирелде. Кояш активлыгы чорын җиңелрәк үткәрү өчен гомум сәламәт тормыш рәвеше принципларын тоту ярдәм итәчәк: еачар гадәтләрдән баш тарту, баланслы туклану, даими физик активлык һәм җитәрлек күләмдә су эчү.

03.03.2025

«Простоквашино»да күңелле ял итәләр!

Шаяннар, атна башын шәп яңалыклардан башлыйк! «ШАЯН ТВ» телеканалының ВКонтакте төркемендә «ПРОСТОКВАШИНО» мультфильмының 27 нче сериясе чыкты! Федор абый һәм аның якыннары нинди эшләр белән мәшгуль икән? Тизрәк бөтен серияләрне дә карарга ашык!

03.03.2025

«ШАЯН ТВ»да кызыклы экскурсияләр!

«ШАЯН ТВ» дусларын кунакта кабул итте. Алар телевидение дөньясының эчке тормышы белән таныштылар, кызыксындырган сорауларга җаваплар таптылар. Шулай ук без кечкенә дусларыбызга «ШАЯН ТВ»дан истәлекле бүләкләр дә бирдек! Гомумән алганда, очрашу күңелле һәм файдалы узды. «ШАЯН ТВ» телеканалы кунакларга гел шат!

03.03.2025

1 ... 34 35 36 37 38 ... 376

Яңа сайт!