Яңалыклар

Бәйрәм уңаеннан махсус чыгарылыш!

Бәйрәм уңаеннан махсус чыгарылыш!

Дуслар! «ШАЯН ТВ»каналы бәйрәм уңаеннан сезгә буләк әзерләде! Иртәгә экраннарда«Тукай оныклары» программасының махсус чыгарылышын карый аласыз! Ул күркәм бәйрәм — Халыкара хатын-кызлар көненә багышланган! Бу чыгарылыш чын мәгънәсендә иҗат һәм илһам бәйрәме булыр: талантлы яшь катнашучыларыбыз үзләренең йөрәккә үтеп керерлек һәм ихлас шигырьләре белән шатландырачак. Бу күркәм иҗади чыгышларны 8 нче март көнне 11:20 һәм 19:20 сәгатьтә карамый калмагыз!

07.03.2025
«Янутлар» мультсериалының яңа серияләрен карарга онытмагыз!

«Янутлар» мультсериалының яңа серияләрен карарга онытмагыз!

Дуслар, сез яратып өлгергән «Янутлар» мультсериалының «ШАЯН ТВ» Вконтакте төркемендә 22 нче сериясе чыкты! Әлеге геройларның һәрберсе музыкаль ноталарның берсен гәүдәләндерә, аларның һәркайсының үзенчәлеге бар. Янутлар безгә бик күп музыкаль номерлар күрсәтәләр һәм әйләнә-тирәнең төрле күренешләре турында сөйлиләр. Барлык серияләрне дә «ШАЯН ТВ» Вконтакте төркемендә карарга ашык!

06.03.2025
Иван Остроумов белән җылы әңгәмә

Иван Остроумов белән җылы әңгәмә

Иң кызыклы тапшыруларның берсе — «МАРШРУТка»да  яңа кунак! Ул да булса гаҗәеп алып баручы Иван Остроумов! Ул телевидениеда узган балачагы, туе һәм әнисен югалтуы турында сөйләде. Әлеге эчкерсез һәм җылы әңгәмәне сылтама буенча узып карарга мөмкин. Әле алай гына да түгел!«МАРШРУТка» тапшыруы бүләкләр белән сөендерүен дәвам итә! Кунагыбыз Иван Остроумов махсус сезнең өчен бүләк әзерләде. Аның кайда урнашканын белер өчен, YouTube һәм ВКонакте төркемендә чыгарылышны карарга ашыгыгыз! 

06.03.2025
Мәскәүдә температура +12°C ка кадәр күтәреләчәк

Мәскәүдә температура +12°C ка кадәр күтәреләчәк

Соңгы фаразлар буенча, киләсе атнаның башында Мәскәүдә һава температурасы +10…+12 °C га җитәргә мөмкин. Бу хакта метеоролог һәм «Фобос» һава торышы үзәге белгече Евгений Тишковец үзенең Телеграм-каналында хәбәр итте. Ул атнаның башында термометр 10 градус чиген узар дип билгеләп үтте. Шулай ук мәскәүлеләрне яңгырлар, карның эри башлавы һәм температураның акрынлап күтәрелүе көтелә. Синоптиклар якын арада һава торышының үзгәрүчән булуын кисәтәләр, ләкин бик тиздән башкалада яшәүчеләр җылы климаттан ләззәт алачак. Казаныбызда да җылытачак. 6 март, пәнҗешәмбе көнне, көндезге температура якынча 0 °C булыр дип көтелә, ә якшәмбедә температура +2 °C ка кадәр күтәреләчәк. Ләкин Казанда да кар һәм кечкенә яңгырлар булачагын онытмаска кирәк. Шуңа күрә җылырак киенергә һәм һава торышының үзгәрүчәнлегенә әзер булырга тәкъдим ителә.

05.03.2025
«Ум белән Хрум» — яңа серияләр!

«Ум белән Хрум» — яңа серияләр!

Дуслар, «ШАЯН ТВ» каналында «Ум белән Хрум» мультсериалының яңа серияләре чыкты! Ум белән Хрум иң татлы һәм баллы планетада яшиләр! Ум бик акыллы булса, Хрум гел яңа маҗара эзләп йөри! Алар белән көнең файдалы да, күңелле дә утәр! «Ум белән Хрум» мультсериалын  «ШАЯН ТВ»каналында карамый калма! Дүшәмбе-җомга 8:10 һәм 16:10  сәгатьтә.

05.03.2025
Кеше сусыз ничә көн тора ала?

Кеше сусыз ничә көн тора ала?

Кеше организмының суга мохтаҗлыгы турында күпләр белә, ләкин күпме вакыт сусыз яшәү мөмкин икәнен белүчеләр аз. Су — безнең организм өчен иң кирәкле элементларның берсе. Ул безнең тәнебезнең 60-70%ын тәшкил итә. Су безнең организмда күп функцияләрне башкара: ул температураны контрольдә тота, токсиннарны чыгара, туклыклы матдәләрне йөртә. Шуңа күрә, су җитмәгәндә, безнең тәнебездә төрле проблемалар башланырга мөмкин. Сусыз тору организмны зәгыйфьләндерә һәм сәламәтлеккә зыян китерә. Ничә көн? Гадәттә, кеше сусыз 3-7 көнгә кадәр тора ала. Бу вакыт индивидуаль үзенчәлекләргә, климатка, физик активлыкка һәм сәламәтлек халәтенә бәйле. Мәсәлән, кайбер кешеләр сусыз 3 көннән артык яши алмый, ә башкалары 7 көнгә кадәр чыдый ала. Ләкин бу вакыт узгач, организмда җитди проблемаларга китерергә мөмкин. Сусызлыкның билгеләре Сусызлык башлангач, безнең организмда беренче билгеләр күренә. Алар арасында: Тәндә су җитмәгәндә, авыз корый.  Су җитмәү баш авыртуларына китерергә мөмкин.  Сусызлык энергияне киметә.  Су җитмәү кан басымының түбән булуына китерә. Су — безнең сәламәтлегебез өчен бик мөһим. Шуңа күрә, көн дәвамында җитәрлек күләмдә су эчәргә кирәк. Эшләгәндә, җылы климатта булганда, спорт белән шөгыльләнгәндә суның күләмен арттырырга онытмагыз. Сәламәт булыйк!

05.03.2025
Премьера — «ВИП петс» мультсериалы

Премьера — «ВИП петс» мультсериалы

«ШАЯН ТВ» каналында өр-яңа мультсериал — «ВИП петс»! Бу этләр сөйләшә һәм бер-берсе белән аралаша белгән үзенчәлекле дөнья турында кызыклы мультсериал. Кешеләр аларны белмиләр һәм аңламыйлар. Бу дөньяда 6 бик зәвыклы һәм мода артыннан калышмый торган VIP-этләр яши. Аларның һәрберсенең үз шәхси холыгы һәм хоббилары бар, ләкин барысын да чәчкә һәм матур прическаларга мәхәббәт берләштерә. Алар белән сөйләшә алган бердәнбер кешеләр — Фабио һәм Фабия. Фабио — шәһәрдә иң текә стилист, аның кешеләр өчен үз чәчтарашханәсе бар, ләкин арткы бүлмәдә бик үзенчәлекле клиентлары бар: VIP-этләр. Фабия — кечкенәдән парикмахер булырга теләгән, ә хәзер үзенең абыйсы Фабиога бик тә ярдәм итә. Бу зәвыклы мультсериалны «ШАЯН ТВ»каналында карамый калма! 5 нче марттан 11:00 һәм 19:00  сәгатьтә.

04.03.2025
Prev. 1 ... 32 33 34 35 36 ... 375 Next
Главная Программа Видео Шортс Поиск