Яңалыклар

ШАЯН ТВ һәм БАРСИКТАН розыгрыш!

Дуслар, бездә шәп яңалыклар! Халыкара Балаларны яклау көненә MYSTERY BOX бүләк итәбез! Шартлар бик гади: Барсик һәм ШАЯН ТВ каналларына языл Телеграмдагы бу постка үзеңә ошаган реакция куй Телеграмда «катнашырга» төймәсенә басыгыз Җиңүче очраклы рәвештә сайланачак. Уенга нәтиҗәләрне 1 июнь көнне ШАЯН ТВ Телеграм каналында ясыйбыз! ШАЯН ТВ һәм Барсиктан бик шәп бүләкләр җыелмасын отуны кулдан ычкындырма!

26.05.2025

Кар барсы көне

Һәр елның 26 маенда Кар барсы көне билгеләп үтелә. Бу көн – җир йөзендәге иң сирәк һәм иң гүзәл хайваннарның берсе булган кар барсын саклауга багышланган. Ул гына да түгел, кар барсы – табигатьнең, көч һәм горурлык символы булып тора. Кар барысы, яки ирбис, биек тауларда, карлар эреми торган салкын урыннарда яши. Ул бик сак хайван, аны хәтта тәҗрибәле галимнәр дә сирәк күрә. Кызганыч, браконьерлар аркасында һәм аның яшәү мохите таркалуы сәбәпле, бу хайванның саны елдан-ел кими бара. Бүген ул Кызыл китапка кертелгән. Кар барысы – ул гади хайван гына түгел, ул – безнең символ. Татарстан Республикасының гербында да барс сурәтләнгән. Ул көчне, батырлыкны һәм үз халкыңны, туган җиреңне саклауны аңлата. Шуңа күрә Татарстанда кар барысын саклау, аны өйрәнүгә юнәлтелгән проектларга зур игътибар бирелә, алар актив рәвештә хуплана. Бу юнәлештә Республикабыз Рәисе Рөстәм Нургали улы Миңнехановның роле аеруча зур. Ул кар барысы белән бәйле барлык эшләргә, табигатьне саклау проектларына олы хөрмәт һәм җаваплылык белән карый. Аның ярдәме белән экологларны, галимнәрне һәм битараф булмаган кешеләрне берләштерә торган мөһим эшләр тормышка ашырыла. Кар барсы көне безгә табигатьне саклауның никадәр мөһим булуын искәртә. Барсны саклау – ул безнең мәдәниятне, матурлыгыбызны һәм киләчәгебезне саклау дигән сүз.

26.05.2025

«Балачак җыры» бәйгесенә гариза җибәрергә вакыт!

Исегезгә төшерәбез, «Балачак җыры» конкурсының алтынчы сезонына гаризалар кабул итү дәвам итә! Без сезнең оригиналь текстларыгызны һәм кызыклы ритмнарыгызны түземсезлек белән көтәбез! Җиңүчеләрне акчалата бүләкләр, профессиональ җыр яздыру һәм клип төшерү көтә! Эшләрегезне рәсми почтага [email protected] адресы буенча җибәрегез. Гаризалар 7 июльгә кадәр кабул ителә. Тулырак мәгълүматны сылтама буенча табарга була.

25.05.2025

«Әти һәм мин» тапшыруының ЯҢА СЕЗОНЫ старт ала

Популяр тапшыру – «Әти һәм мин» янәдән эфирда! Яңа сезонның беренче чыгарылышы инде бүген 18:50 сәгатьтә күрсәтеләчәк. Тапшыруның алып баручылары – күренекле иҗади гаилә: Зөлфәт һәм Зәлия Зиннуровлар. Алар эфирда үзләренең күңелле аралашулары, эчтәлекле сораулары һәм кунакларга булган җылы мөнәсәбәтләре белән тамашачыларны җәлеп итәчәк. Беренче тапшыруның кунаклары – музыкант һәм баянчы Рәзил Камалов һәм аның улы Сөләйман. Әти белән улның тормышка карашлары, уртак мавыгулары, истәлекле вакыйгалары – барысы да әлеге чыгарылышта! 24 нче май, 18:50 – карамый калма!

24.05.2025

Татарстанда җәй аномаль эссе һәм коры булачак

Синоптиклар кисәтә: быелгы җәй аеруча эссе һәм коры булачак. Температураның югары күрсәткечләре Мәскәүдән алып Владивостокка кадәр көтелә, хәтта Арктикада да гадәттән тыш кояшлы көннәр фаразлана. Белгечләр фикеренчә, температура рекордлары куелырга мөмкин, ә яңгырлар бик аз булачак. Казанда җәй аеруча эссе булыр дип көтелә – инде киләсе атнада һава температурасы +27 градуска кадәр күтәреләчәк.

23.05.2025

Ташбакалар турында кызыклы фактлар

Бүген дөньяда Ташбакалар көне билгеләп үтелә – бу көннән файдаланып, без бу гаҗәеп хайваннар турында күбрәк белә алабыз! Ташбакалар бик борынгы, акыллы һәм үзенчәлекле җан ияләре. Әйдәгез, алар турында сөйләшеп алыйк! 1.Ташбакалар җир йөзендә 200 миллион ел элек барлыкка килгән! Алар динозаврлар яшәгән чорда ук булганнар һәм бүгенге көнгә кадәр сакланып калганнар. 2. Аларның «йорты» – алар белән бергә үсә. Ташбаканың кабырчык (панцирь) – ул аның тән өлеше. Ул төшеп тә калмый, алар аны алыштыра да алмый. Ул алар белән бергә үсә һәм аларны саклый. 3. Кайбер ташбакалар суда яши (диңгез черепахалары), кайберләре корыда. Аларның кайберләре кечкенә генә булса, икенчеләре – мотоцикл зурлыгында! 4. Күпчелек ташбакалар бик озак яши. Кайберләре 100 елдан да күбрәк гомер итә! Димәк, алар дөньядагы иң озын гомерле хайваннарның берсе. 5. Күп кеше черепахаларны тавышсыз дип уйлый. Ләкин алар төрле тавышлар чыгара ала: мыжгыйлар, сызгыралар, хәтта «җырлыйлар» да ди кайбер галимнәр! 6. Кызганыч, бүген күп төр ташбакалар юкка чыгу куркынычы астында. Аларны саклау өчен кешеләр пластикны киметә, тирә-якны пычратмаска тырыша. Дустым, син дә бу хайваннар турында сөйләп, китап укып, яисә аларны саклау проектларында катнашып, аларга булыша аласың! Ташбакалар акрын булса да, табигатьнең гаҗәеп серле һәм түземле җан ияләре. Әйдә, без дә алар кебек тыныч, акыллы һәм табигатькә игътибарлы булыйк!

23.05.2025

VK Fest 2025: Казан сәхнәсендә интернет йолдызлары

VK Fest оештыручылары Казанда үтәчәк фестивальгә киләчәк инфлюенсерлар исемлеген игълан итте. Блогерлар зонасында Валя Карнавал, Гурам Амарян, Аня Pokrov, Арсений Попов, ҖЕНЯ ЛИЗОГУБ, МИЛАНА НЕКРАСОВА, шулай ук UtopiaShow проекты авторлары катнашачак. Фестивальнең алып баручылары булып Олеся Иванченко һәм Дмитрий Журавлёв чыгыш ясаячак. Блогерлар VK Видео стендында автограф-сессиядә катнашачак. Кунаклар үз кумирлары белән аралашу һәм истәлеккә фотога төшү мөмкинлегенә ия булачак. VK Fest 2025 Казанда 29 июнь көнне узачак. Чара «Казан» гаилә үзәге янындагы мәйданда үтәчәк. Фестиваль сәхнәсендә Баста, «Три дня дождя», ZOLOTO, «Мәдәният бүлмәсе», ХЛЕБ, Юлия Савичева һәм Элвин Грей чыгыш ясаячак. VK Fest яңалыкларын рәсми җәмәгатьчелек битендә күзәтеп барырга мөмкин. Фестиваль VK һәм Татарстан Республикасы белән берлектә оештырыла.

22.05.2025

«Төймә» тапшыруының яңа чыгарылышы ВКонтакте төркемендә!

Музыкага мәхәббәт берләштергән катнашучылар «Төймә» проектының яңа чыгарылышында: бу юлы тапшыруда Фазлыевлар гаиләсе! Искиткеч дәртле, энергияләре ташып торган бу гаилә ике уллары белән 3 турда көч сынаша: җырлы биремнәр, кызу ярышлар һәм иң мөһиме – кем җиңү яулар? Яңа чыгарылышны карар өчен сылтама аша үтегез!

22.05.2025

1 ... 14 15 16 17 18 ... 375

Яңа сайт!