Яңалыклар

Җимеш салаты – чын җәй тәме!
Кызыклы фактлар

Җимеш салаты – чын җәй тәме!

Җимеш салаты – җиңел һәм бик татлы ризык. Ул бик  тәмле була, чөнки җимешләр үзләре табигатьтән бик баллы. Аны әзерләү өчен төрле өлгергән җимешләр кирәк. Менә бер мисал: Банан Алма Груша Әфлисун Киви Виноград Җиләкләр (карлыган, кура җиләге) Җимешләрне яхшылап юарга, кирәк булса – кабыгын әрчергә, аннары вак кына кисәкләргә турарга. Барсын да бер савытка салып, йомшак кына болгатырга кирәк. Теләсәгез, өстенә әз генә табигый йогурт яки бер кашык бал да өстәргә мөмкин – алай тагын да тәмлерәк була! Җимеш салаты иртәнге ашка да, төшке аштан соң десерт итеп тә ашасак була. Ул организмга көч, файдалы витаминнар бирә һәм кәефне күтәрә.  Үзегез яраткан җимешләрдән салат ясап карагыз – һәрвакыт төрле һәм бик тәмле килеп чыгачак!

04.07.2025
Милана Хаметова һәм «Не одна дома 2» фильмы премьерасы
Популяр яңалыклар

Милана Хаметова һәм «Не одна дома 2» фильмы премьерасы

Без Милана Хаметова катнашындагы «Не одна дома 2» фильмы премьерасында булдык! Әле Милананың үзе белән аралашып та өлгердек! Блогер, җырчы, актриса – кайсысы Миланага якынрак? Фильм төшергәндә нинди кыенлыклар булган? Һәм Казан аңа ошыймы? Бу һәм башка кызыклы сорауларга җаваплар – LIKEEдагы аккаунтыбызда булыр! Кызыклы обзорны Телеграм-каналыбызда да карый аласыз! Шулай ук «Не одна дома 2» фильмының бүген барлык кинотеатрларда премьерасы булды! Билетлар алырга ашык!

03.07.2025
БДИ: Татарстанда 277 укучы 100 балл җыйды
Популяр яңалыклар

БДИ: Татарстанда 277 укучы 100 балл җыйды

2025 елда Татарстанда профильле математика, физика, химия һәм биология фәннәрен сайлаучы укучылар саны сизелерлек артты. Күпчелек егет-кызлар үз киләчәкләрен нәкъ менә бу юнәлешләрдә күрә һәм имтиханнарын да шулар буенча бирә. Бу үсешнең төп сәбәбе – вузлар инженерлык һәм фән өлкәсендә кирәкле белгечлекләргә керү өчен нәкъ менә әлеге фәннәрдән ЕГЭ нәтиҗәләрен кабул итүләре. Мәктәпләрдә дә профильле һәм алдан әзерләү курслары булдырылды, укучыларга үзләренә туры килгән юнәлешне сайлау мөмкинлеге тудырылды. Профильле дәрәҗәдә укыган укучылар югары баллар ала. Татарстан мәктәпләрендә профильле математикага ихтыяҗ зур – берничә мәктәптә укучыларның яртысыннан артыгы бу предметны сайласа, табигый фәннәрне – кимендә өчтән бер өлеше бирә. Шулай ук 277 укучы 100 балл җыйды, кайберләре бер үк вакытта ике фәннән дә югары нәтиҗәләргә иреште. Казан, Бөгелмә, Түбән Кама, Яр Чаллы кебек шәһәрләрдәге лицейлар, гимназияләр, махсус фәнни мәктәпләр бу юнәлештә алдынгылар рәтендә. Алар – тырыш һәм максатчан яшьләр өчен белем бирү үзәкләре. Төп максат – укучыларны илгә кирәкле белгечлекләргә юнәлтү һәм аларга шушы юнәлештә ныклы белем бирү. Татарстан моның өчен барлык шартларны тудыра.

02.07.2025
Эт – кешенең дусты
Кызыклы фактлар

Эт – кешенең дусты

2 июль – Этләр көне! Бүген бөтен дөньяда Этләр көне билгеләп үтелә – кешенең иң тугры, ягымлы һәм шаян дусларына багышланган бәйрәм. Этләр электән кешеләр янында яши. Алар өйне саклый, кешеләргә ярдәм итә, адашканнарны таба, күрмәүчеләрне озата, хәтта хастаханәләрдә авыруларның күңелен дә күтәрә ала. Әмма иң мөһиме – этләр чын күңелдән ярата һәм шатлык бүләк итә белә! Алар кайчан күңелсез икәнне сизә, янга килеп сырпалана, күзләренә карасаң – күңел җылынып китә... Дөньяда бик күп төрле этләр яши: бәләкәй генә чихуахуадан алып зур һәм йомшак сенбернарга кадәр. Әмма токымына карамыйча, һәр эт дус була ала. Алар төрле холыклы – берсе шаян, икенчесе тыныч, кайсыдыр бик уйнарга ярата, ә кайсыдыр кочаклашырга. Һәркайсы – кабатланмас, һәркайсы – кадерле. Әгәр синең этең бар икән – бүген аны кочаклап ал, тәмле әйбер белән сыйла һәм «рәхмәт, дустым» дип әйт. Ә әлегә этең юк икән – аның рәсемен яса, этләр турында безнең каналдан кызыклы мультфильм кара, яисә эте булган дуска кунакка бар! Әти-әниең белән бергә этләр өчен приютка булышу да яхшы гамәл булыр. Барлык койрыклы дусларыбызны чын күңелдән котлыйбыз!

02.07.2025
Татарстанда нинди һава торышы көтелә
Популяр яңалыклар

Татарстанда нинди һава торышы көтелә

Татарстанда алдагы көннәрдә һава торышы җылы булмас – моңа чираттагы циклонның атмосфера фронты сәбәпче. Бу хакта республиканың Гидрометцентры хәбәр итте. 3 июльдә күпчелек районнарда яңгырлар көтелә. Кайбер урыннарда яшенле яңгыр явып, җил тизлеге секундына 15-20 метрга кадәр җитәргә мөмкин. Шулай ук боз яву ихтималы да бар. Төнлә температура +9…+14 градус, ә көндез +17…+22 градус тирәсе булачак. Бу гадәттәгедән 3-4 градуска салкынрак. 4 һәм 5 июльдә дә һава торышы шулай ук болытлы, кыска вакытлы яңгырлар сакланачак. Көндез +18…+23 градуска кадәр җылы булачак. Ә менә 8 июльдән һава торышы җылытачак: көндез +25 градуска кадәр күтәрелү көтелә. Шулай да вак яңгырлар булырга мөмкин. Кызу кояшлы җәй, без сине бик сагындык!

01.07.2025
«МАРШРУТка» кунагы – Александр Далматов
Канал яңалыклары

«МАРШРУТка» кунагы – Александр Далматов

«МАРШРУТка» тапшыруының яңа чыгарылышы безнең ВКонтакте төркемендә! Бу юлы кунакта – кино режиссёры Александр Далматов. Татар киносы бүген нинди булырга тиеш? Кайсы темалар безне борчый? Бездә шул темаларны тирән итеп, үзенчәлекле итеп сурәтли алырлык профессионаллар бармы? Ачык сөйләшү, милли киноның бүгенгесе һәм киләчәге турында уйланулар... Яңа чыгарылышны сылтама аша кереп карагыз – кызык булачак!

01.07.2025
VK Fest 20 мең кеше җыйды!
Популяр яңалыклар

VK Fest 20 мең кеше җыйды!

Казанда узган VK Fest 20 мең кунак җыйды 29 июнь көнне Казанның «Казан» гаилә үзәге янында зур шәһәр фестивале – VK Fest узды. Чарага билетлар ике көн алдан ук сатылып бетте, фестивальдә 20 мең кеше катнашты. Төп сәхнәдә Баста, ZOLOTO, Элвин Грей, Юлия Савичева, «Комната культуры», «ХЛЕБ» һәм «Три дня дождя» чыгыш ясады. Быел беренче тапкыр читтә икенче сәхнә эшләде – анда Нурминский, GAUGA, ОММАЖ, Ilgiz & Malsi һәм башка популяр татар артистлары чыгыш ясады. VK Видео стендында ВАЛЯ КАРНАВАЛ, Антон Шастун, Аня Pokrov, Utopia Show һәм башка инфлюенсерлар белән автограф-сессияләр узды. Лекторийда гаилә гадәтләре, спорт һәм Казанның үсеше турында фикер алыштылар. Балалар өчен аниматорлар, мастер-класслар, уеннар оештырылды. Фестивальдә шулай ук безнең ТНВ үз мәйданчыгын тәкъдим итте – ул ТНВ, ШАЯН ТВ, Болгар Радиосы һәм Майдан брендларын берләштерде. Кызыклы диджей-сетлар, бәйгеләр, фотозоналар, ШАЯН ТВ геройлары белән очрашулар һәм төп бүләк – VK капсула уйнатылды.  VK Fest алга таба Санкт-Петербург һәм Мәскәүдә узачак. Билетларны vkfest.ru сайтында алырга мөмкин.

30.06.2025
«Әти һәм мин» тапшыруының ЯҢА ЧЫГАРЫЛЫШЫ
Канал яңалыклары

«Әти һәм мин» тапшыруының ЯҢА ЧЫГАРЫЛЫШЫ

Дуслар, «Әти һәм мин» тапшыруының яңа чыгарылышы безнең ВКонтакте төркемендә!  Алып баручылар – Зәлия, Зифа һәм Зөлфәт Зиннуровлар, ә әңгәмә кунаклары – музыкаль гаилә Илсур һәм Асылбикә Шәрипҗановлар. Сылтама аша кереп карарга мөмкин!

30.06.2025
Prev. 1 ... 12 13 14 15 16 ... 378 Next
Главная Программа Видео Шортс Поиск