Яңалыклар

БӘЙГЕ - «Мин татар баласы»

БӘЙГЕ - «Мин татар баласы»

«Мин – татар баласы» Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «ШАЯН ТВ» каналы «Мин – татар баласы» республикакүләм иҗади эшләр бәйгесе игълан итә! Бәйгенең максаты – татар халкы тарихын, милли мәдәниятен өйрәнү, укучыларның иҗади эшчәнлеген арттыру, үсеп килүче буында милли үзаң тәрбияләү. Бәйгегә татар халык әкиятләренә, шулай ук татар халык мәкальләренә нигезләнеп иҗат ителгән рәсемнәр һәм кул эшләре, эшләнмәләр кабул ителә. Җиңүчеләр ике номинациядә билгеләнәчәк, һәр номинациядә ике яшь категориясе каралган. Номинацияләр: ·                   «Иң яхшы рәсем» (7-10 яшьлекләр) (11-15 яшьлекләр); ·                   «Иң яхшы кул эшләре яки агачтан,башка материаллардан эшләнгән әйберләр» (7-10 яшьлекләр) (11-15 яшьлекләр); Рәсем һәм эшләнмәләр 2021 елның 1 июленнән 22 сентябренә кадәр кабул ителә. Рәсем яки кул эшеңне сыйфатлы фотога төшереп, [email protected] / [email protected] электрон адресына җибәр! Җиңүчеләрне акчалата бүләкләр көтә! Катнаш! Нигезләмә Катнашучы гаризасы

01.07.2021
«ШАЯН ТВ» каналы тамашачыларын САБАНТУЙГА чакыра!

«ШАЯН ТВ» каналы тамашачыларын САБАНТУЙГА чакыра!

«ШАЯН ТВ» каналы тамашачыларын САБАНТУЙГА чакыра! Мәркәзебездә халкыбызның милли бәйрәме Сабантуй 26-нчы июнь көнне ике локациядә узачак! Һәм «ШАЯН ТВ» яшь дуслары өчен искиткеч программа әзерләде. 10:00 – 14:00гә кадәр Мирный бистәсендәге Каенлыкта «ШАЯН ТВ» мәйданчыгында балалар өчен кызыклы уеннар; үзенчәлекле остаханәләр; музыкаль флешмоб; яраткан геройлар белән очрашу һәм фотосессия оештырылачак! 17:00-20:00гә кадәр «Урам» экстрим-паркында «Яңа Сабантуй» беренче яшьләр фестивале узачак. Бәйрәм кысаларында балалар өчен күңелле уеннар һәм конкурслар белән «ШАЯН ТВ» зонасы эшләячәк. Иң актив, позитив һәм җитезләргә «ШАЯН ТВ» каналы бүләкләр әзерләде! ОЧРАШКАНГА КАДӘР!

25.06.2021
Тиздән!

Тиздән!

Сез көтеп алган ПРЕМЬЕРА! «ШАЯН ТВ» каналында өр-яңа проект – «Биюbattle» («Бию баттл») башлана! Бию баттл ул – заманча музыка, халык биюе һәм классик хореографиянең иң яхшы үрнәкләре! Биредә республикабызның иң көчле бию төркемнәре осталыкта ярыша! 3 ай дәвамында республикабыздан кала, чит төбәкләрдә яшәүче балалар коллективлары батлда катнашу өчен гаризалар юллады. Үзбәкстан, Пенза, Удмуртия, Ульян өлкәсенең, Татарстан Республикасының төрле районнарындагы сәләтле яшьләре безгә үзенчәлекле биюләрен күрсәтте. 34 бию коллективы, меңләгән бала йөзләгән репетиция сәгатьләре, дистәләгән йокламаган төннәр... Һәм ниһаять 6 төркем финалга чыкты. Финалга узучылар көндәше белән ярыша. Биредә алар җюри әгъзаларына 3 бию тәкъдим итә. ·                   Соло яисә дуэт ·                   Кече формадагы биюләр, аларны 6 кеше башкара ·                   Ансамбль белән башкарылган биюләр Катнашучыларны йолдызлы жюри бәяли: М.Җәлил исемендәге опар һәм балет театры артисты, Татарстанның атказанган артисты Олег Ивенко, "Казан" (KAZAN) муниципаль бию ансамбленың сәнгать җитәкчесе, Татарстанның халык артисты Чулпан Закирова, Татарстанның атказанган артисткасы Гөлназ Сәфәрова, Татарстанның атказанган артисты Данир Сабиров һәм башкалар. Барлык биюләрне караганнан соң, профессионаллар үз фикерләрен әйтә һәм җиңүчене ачыклый. Нигезләмә Катнашучы гаризасы

22.06.2021
«ТНВ» каналында!

«ТНВ» каналында!

Күптән түгел «ШАЯН ТВ» төркеме «Включайся» балалар фестивалендә булып кайтты! Бу турыда мөхәррирләр бүлеге җитәкчесе Резеда Хәсәнова һәм каналыбызның алып баручысы Азамат бүген «Здравствуйте» тапшыруында сөйләделәр! Җиңү хисләре, яңа тәҗрибәләр һәм шатлыклы хәбәрләр – иртәгә «ТНВ» каналында!

21.06.2021
Prev. 1 ... 222 223 224 225 226 ... 375 Next
Главная Программа Видео Шортс Поиск