Яңалыклар

Республика көне!

Республика көне!

Бүген Республика көне кысаларында башкалабыз үзәгендә традицион рәвештә «Tat Cult Fest» фестивале узды. Бәйрәм кунакларын каналыбызның төп герое Шаян каршы алды, истәлекле фотоларга төште. «ШАЯН ТВ» мәйданчыгында исә бик зур шоу-программа әзерләнгән иде. Биредә каналыбыз алып баручылары төрле остаханәләр, күңелле флешмоблар һәм уеннар оештырды. «Сәйлән» проекты җиңүчеләре һәм финалисталры да дусларына бүләк әзерләде – бәйрәм концерты тәкъдим иттеләр! Кыскасы, бәйрәм бик шәп узды!  

30.08.2021
Республика көне «ШАЯН ТВ» белән бергә!

Республика көне «ШАЯН ТВ» белән бергә!

«ШАЯН ТВ» каналы Республика көнен бергә бәйрәм итәргә чакыра! 30 август көнне 14:00 – 18:00гә Казан Кремле территориясендә «ШАЯН ТВ» мәйданчыгын табыгыз! Һәрвакыттагыча биредә сезне искиткеч программа көтә: ·         Кызыклы уеннар; ·         Үзенчәлекле остаханәләр; ·         Музыкаль флешмоб; ·         Яраткан геройлар белән очрашу; ·         Һәм «Сәйлән» фестивале йолдызларыннан КОНЦЕРТ! Иң актив, позитив һәм җитезләргә «ШАЯН ТВ» бүләкләр әзерләде! ОЧРАШКАНГА КАДӘР!    

28.08.2021
Туган көнең белән, «ТНВ»!

Туган көнең белән, «ТНВ»!

Бүген Татарстандагы иң зур массакүләм мәгълүмат чарасы – «Яңа гасыр» телерадиокомпаниясенең туган көне.  «Яңа гасыр» медиахолдингы тамашачыларны, тыңлаучыларны актуаль яңалыклар белән таныштыра, танылган шәхесләр турында сөйли, буыннар чылбырын берләштерүдә, татар мәдәниятен саклауда зур роль уйный.  «Яңа гасыр»ның киң канаты астында беренче «ШАЯН ТВ» татар балалар каналы эшли. «Болгар радиосында» иң матур җырлар яңгырый.  «Яңа гасыр» телерадиокомпаниясе киләчәктә дә яраткан тамашачысы белән һәрвакыт иҗади үсештә булып, традицияләрне саклап гел алга барсын!  Туган көнең белән, «ТНВ»! Бәйрәм белән, хөрмәтле хезмәттәшләр!

26.08.2021
«Әдәби алан»

«Әдәби алан»

«Ямьле Саба» яр буенда, Район үзәк китапханәсе “Ямьле җәй – китаплы җәй” дип исемләнгән “Җәйге китапханә – 2021” дә катнашучыларны тәбрикләү тантанасын уздырды. Әлеге бәйге “Әдәби алан” проекты кысаларында эшләп килә. “Җәйге китапханә – 2021” дә катнашучыларны Саба муниципаль районы башлыгы урынбасары Расих Рәхимҗан улы Закирҗанов, Саба муниципаль районы башкарма комитетының мәдәният бүлеге начальнигы Рөстәм Фидәил улы Заһидуллин, язучы Гөлсинә Наил кызы Галимуллина, «ШАЯН ТВ» балалар телеканалы SMM - белгече, алып баручы Руслан Илшат улы Хафизов, Саба ҮКСы директоры Ләйсән Рәкыйп кызы Билалова тәбрикләделәр. “Ижади алан” һәм “Оста куллар аланы” – мастер классларда, «ШАЯН ТВ» балалар телеканалы оештырган уеннар да балалар бик актив катнаштылар.

24.08.2021
«ШАЯН ТВ» «Тик Ток» фабрикасы!

«ШАЯН ТВ» «Тик Ток» фабрикасы!

Бүген Актанышта «Адымнар — Актаныш» күп телле гимназия–интернат ачылышы кысаларында «ШАЯН ТВ» каналы беренче «Тик Ток» Фабрикасының презентациясен үткәрде! 2021 елның 1 августында Татарстан Республикасы Президенты Рөстәм Нургали улы Миңнеханов ярдәме белән "ШАЯН ТВ" телеканалында "ШАЯН ТВ" "Тик Ток" фабрикасы үз эшен башлап җибәрде. «ШАЯН ТВ» «Тик Ток» фабрикасы – нәрсә ул? «ШАЯН ТВ» «Тик Ток» фабрикасы — ул контентны бергә туплаучы яшь блогерларның иҗат берләшмәсе. Контентны исә 5 тематик юнәлеш тәшкил итә: -       Татар телен өйрәнү; -       Күңел ачу контенты; -       Төп геройлар белән аралашу; -       Юмористик контент; -       Халык иҗаты Фабриканың эшчәнлеге бөтен дөнья татар балалары өчен махсус контент ярдәмендә татар телен һәм мәдәниятын өйрәнер өчен мөмкинлек тудыра. Аның төп максаты да - татар телен популярлаштыру, татар балаларын берләштерү. Сорауларыгыз калдымы? Алайса сылтама аша узыгыз!

20.08.2021
Prev. 1 ... 221 222 223 224 225 ... 378 Next
Главная Программа Видео Шортс Поиск