Яңалыклар

Иң рәхәт чак!

Иң рәхәт чак!

Җәйне көтәбез Кайчан җитә, дип.  Җиткәч куркабыз Үтеп китә, дип. Җәй үзе шуны Сизгән шикелле Кыскарта төнне, Озайта көнне. Кояш соң бата, Төннән таң ата; Айга эш тә юк. Ял итеп ята. Кояшка эш күп: Ул таңнан тора. Иген уңдыра, Безне кыздыра. Безгә миләшләр, Җиләкләр пешерә, Яхшылык кына Эшли кешегә.                  Бари Рәхмәт

11.06.2020
Туңдырма, авызымны туңдырма!

Туңдырма, авызымны туңдырма!

И яратабыз инде туңдырма ашарга! Үзе салкын, үзе баллы. Ашаган саен ашыйсы гына килеп тора үзен. Әле шоколады да булса! Сез дә туңдырма сезонын ачып җибәргәнсездер, дуслар. Туңырма көнендә бер тәмле һәм җиңел генә рецепт сезгә! Кирәк булачак:  * куертылган сөт (сгущенка) - 300-400 г. * каймак -  500 мл. Каймакны якынча 5-7 минут  куе булганчы миксер белән күпертәбез. Аннары шунда ук куертылган сөт салып болгатабыз. Әзер катнашманы махсус савытларга яки контейнерга салырга һәм 10 сәгатькә суыткычка алып куярга.  Туңдырма әзер! Җиләк-җимешләр, шоколад яки чикләвекләр белән дә бизәргә мөмкин! Тәмле булсын!

10.06.2020
Истә калырлык җәй булсын!

Истә калырлык җәй булсын!

Җәй үткәнен дә сизми кала күрмә, дускай! Иң рәхәт вакытны тагын да файдалы итү өчен, «Җәй айларында башкарыласы эшләр» исемлеген төзедек. Дусларың белән дә уртаклаш! 1. Һәр айда бер тәүлек булса да телефонсыз яшәргә! 2. Яланаяк яңгыр астында йөрергә! 3. Йөгереп килеп, суга чумарга! 4. Велосипедта йөрергә! 5. Кыр чәчәкләреннән бәйләм ясарга! 6. Күлдәге үрдәкләрне ашатырга! 7. Пикник оештырырга! 8. Җиләк-җимешләрдән салат ясарга! 9. Табигатьтә 3 яңа китап укырга (ким дигәндә!!!)! 10. Җәй турында шигырь язарга һәм безгә җибәрергә! 11. Дуслар белән саф һавада йөрергә! 12. Җәйге ял паркында аттракционнарда йөрергә! 13. Һава еланын очыртырга! 14. Учакта бәрәңге пешерергә! 15. Җәйге аш: окрошка яки гаспачо әзерләргә! 16. Күктәге йолдызларны күзәтергә! 17. Үлән чәе эчәргә! 18. Җиләк җыеп, аннан тәмле чәй бәлеше пешерергә! 19. Төрле әйберләргә, хайваннарга охшаган болтыларны эзләргә! 20. Йолдыз атылганда теләк теләргә! 21. «Минем җәй» дигән видео төшерергә һәм безгә җибәрергә!

10.06.2020
Дуслар көне белән!

Дуслар көне белән!

   Иң яхшы дуслар кемнеке? Әлбәттә, Шаянныкы! Иң ышанычлы дуслар кемнеке? Әлбәттә, Шаянныкы? Иң тугры дуслар кемнеке? Әлбәттә, Шаянныкы! Иң шук, иң шат күңелле дуслар кемнеке? Әлбәттә, Шаянныкы!      Бәйрәм белән, кадерле дусларыбыз! Сез шундый күп! Без шуңа бик сөенәбез! Сезнең өчен шатланып эшлибез! Бергә булыйк, дуслар!

09.06.2020
Әбиме? Бабаймы?

Әбиме? Бабаймы?

     Быелгы җәйне тузганаклы җәй, дисәк дөрес булыр, шулай бит, дуслар? Сез инде кояш кебек сары чәчәкләрдән тәкыя үреп тә, кулга беләзек ясап та, әниләрегезгә "бал" ясау өчен аны җыеп өлгергәнсездер, дип ышанабыз? Менә шундый  файдалы да, матур да ул. Хәзер исә, басу-кырларны ак мамыкка күмеп утыра тузганак! Шулар арасыннан йөгереп узасы килә. Ә менә без бер кызык уенны исегезгә төшерергә телибез. Дусларыгызга өйрәтегез әле, шаккатсыннар!      Акрын өзеп алыгыз да, "Әбиме-бабаймы?" дип сорагыз. Итәшегез җавап биргәч, өреп җибәрегез. Әгәр берничә мамык калса, әби була, очып бетсә - бабай! Менә шундый кызык уен сезгә, дуслар!

07.06.2020
Prev. 1 ... 327 328 329 330 331 ... 432 Next
Главная Программа Видео Шортс Поиск