Яңалыклар

«Главные герои — 2019»

Быел Татарстан беренче тапкыр «Карусель» телеканалының «Главные герои — 2019» милли балалар премиясен кабул итә. Чара Казанда 30 августта - Республика көнендә узачак. «Главные герои - 2019» балалар фестивале көн дәвамында берьюлы дүрт мәйданда узачак. Гаҗәеп зур балалар бәйрәме көтелә: телеэкран аша таныш геройлар парады, костюмнар карнавалы булачак. «ШАЯН ТВ» каналы да балалар өчен кабатланмас күңел ачу программасы әзерли. Тулырак «Реальное Время» сайтында - https://m.realnoevremya.ru/articles/149268-glavnyh-geroev-nagradyat-v-kazani

27.08.2019

«Тормыш кирәк-яраклары»

Сез көндәлек тормышта куллана торган, һәрдаим юлыбызда очраган әйберләр, аяк астында булган нәрсәләр турында уйланасызмы? Тәрәзәгә күз салыгыз әле, пыяла аша урамны күрәсез, җиргә асфальт җәелгән, бетоннан йортлар төзелгән. Ә ашханәдә әниегез алюмин мискәдә аш пешерә, пластик савытта камыр баса, тимер табага май салып коймак кыздыра. Ел саен дөнья буйлап 400 тонна кәгазь чыгарылганын беләсезме соң? Кызык, шулай бит? Көнкүрештә гадәти тоелган әйберләрнең ничек барлыкка килгәнен, ясалганын уйлап та караган юк. Ләкин арагызда кызыксынучан тамашачылар барлыгын беләбез. Шуңа күрә, каналыбызда «Тормыш кирәк-яраклары» дигән өр-яңа документаль сериал күрсәтелә башлый. Тапшыруны карап, терекөмеш, корыч, тукыма, сера, табигый газ, керамика кебек бик күп төрле материалларның килеп чыгышы яки җитештерү юллары, аларның тормыштагы роле һәм файдасы, бәлки зыяны, иң мөһиме, дөрес файдалану һәм утильләштерү турында белерсез. Бөтен серләрне дә ачып бетермибез! Яңа сериалны карагыз! Аннары көн саен куллана торган материаллар белән файдалану тагын да кызыграк булыр!

26.08.2019

"Яңа Гасыр" телерадиокомпаниясенең туган көне!

Хәерле көн, дуслар! Бүген бездә зур бәйрәм! 26 август "Яңа Гасыр" телерадиокомпаниясенең туган көне! 17 ел эчендә ТНВ зур медиахолдингка әверелде. Илшат Юныс улы Әминов җитәкчелегендә коллектив зур уңышка иреште. Котлыйбыз! "Яңа гасыр" каналы. Заман белән бергә атлый, Һәр тапшыру кызыклы, Мәгълүматлы, файдалы. "Манзара" тапшыруыннан Башлана яңа иртә. ТНВны карасаң, Көннәр күңелле үтә. Иң соңгы яңалыкларны Тапшыра һәрбер йортка. Күпме кеше килде инде, "Башваткыч"ка кунакка. Бөтендөнья «Татарларын» ТНВ берләштерә. "Адәм&Һава" гаиләгә Лаеклы үрнәк бирә. "Халкым минем" - зур горурлык! Иң-иңнәр "Ватандаш"та! "Сәхнәдәш"нең йолдызлары Ярыша "Кайнар хит"та. Җәвит абый кәмитләре Җибәрә кәефләрне күтәреп, "Җырлыйк әле", рәхәт яшик, "Sиңа миннән sәлам" әйтеп. "Туган җир"ебез - Татарстан, Зур "Адымнар" белән алга бара. Мәгарифнең соңгы хәбәрләре "Белем дөньясы"нда урын ала. "Батырлар" да зәңгәр экранда, Татар ашлары да иң түрдә! "Таяну ноктасы"нда булган яшьләр Курыкмыйча менәр гел үргә! Киң канат астына алды "Шаян ТВ", "Мәйдан"ны. "Болгар радиосы" гөрләп эшли! Яшә, "Яңа гасыр"! Берләштереп бөтен татарны!

26.08.2019

Паркларда очрашырбыз!

Җәйне көттек-көттек тә, ничек узганын сизми калдык, дип уйланасызмы? Юкка кәефсезләнмәгез, дуслар. Әле алда алтын көз айлары, кояшлы әбиләр чуагы көтә! Һәр көнгә сөенеп яшик! Көннәрегез тагын да файдалырак узсын, дисәгез, тизрәк паркларга ашыгыгыз. Ә Казаныбызда 140ка якын парк һәм сквер барлыгын белә идегезме?! Димәк, моңсуланып утырырга вакыт юк! Өстәвенә паркларда «ШАЯН ТВ» каналы хезмәткәрләре белән дә очраша аласыз, чөнки без инде бик күп урыннарда булдык. Алга таба да планнар зурдан! Буш вакытларын файдалы һәм кызыклы итеп уздырырга килгән яшь тамашачыларыбыз, әти-әниләре белән очраштык. Бер-беребезне якыннан белү ничек рәхәт бит! Аралашу кәефне күтәрә. Ә инде «ШАЯН ТВ» каналында булган мультфильмнар-сериаллар, тапшырулар турында фикерләрегезне, киңәш-тәкъдимнәрегезне ишеткәч, тагын да сөенәбез. Әйткәнебезчә, Казанда парклар бик күп, кояшлы көннәр алда. Укудан тыш вакытны тагын шулай бергә үткәрик! «ШАЯН ТВ»ны карагыз, яңалыкларны күзәтеп барыгыз. Ә без, үз чиратыбызда, мавыктыргыч викториналар, кызыклы уеннар һәм истәлекле бүләкләр әзерләрбез.

23.08.2019

Чемпионатка – бушлай билет!

Бүгеннән Казан “Оста куллар” чемпионаты рухы белән яши башлаячак. Әгәр сез дә төрле илләрдән җыелган абый-апаларның нинди сәләтләргә ия икәнен, ничек итеп торт пешергәннәрен яки кирпеч салганнарын күрергә теләсәгез, һичшиксез, әти-әниегезне “Казан Экспо”га барырга күндерегез. Чемпионат кысаларындагы ярышларны бушлай карау мөмкинлеге бар икәнен алар бәлки белмидер дә әле. Бушлай билет алу өчен, әллә нинди авыр юллар аша узасы юк. WorldSkills 2019 чемпионаты сайтына https://worldskills2019.com/ru/ кереп, теркәлү узарга һәм теләгән көнгә билет алырга кирәк. «Бушка алынган билет белән чарага керү буенча чикләүләр юк. Бары тик күргәзмә үзәгенә килгәндә, анкетада ничә кеше булачагын искәртергә онытмагыз. Чемпионатка 12 яшькә кадәр балалар әти-әнисе белән генә керә ала, аларга аерым билет һәм теркәлү кирәкми», – дип хәбәр ителә чемпионат сайтында. Иң мөһиме, электрон билетны кәгазьгә бастырырга онытмагыз, чөнки телефон аша штрих-код укылмаска мөмкин. Озын җәйге ялларның соңгы көннәре дөньякүләм чемпионатка туры килде. Мондый мөмкинлекне кулдан ычкындырырга ярамый, дуслар! Кем белә, бәлки нәкъ менә сез дә, чемпионат барышында күргәннәрегезгә нәтиҗә ясап, киләчәктә дөрес һәм үзегезгә ошаган һөнәрне сайлый алырсыз!

23.08.2019

TAT CULT FEST 2019

Хәерле көн, дуслар! 30 август көнне Казанда "TAT CULT FEST 2019" фестивале узачак! Бу фестивальдә «ШАЯН ТВ» да катнаша һәм инде без сезнең өчен шәп программа әзерләдек! Әйдәгез, танышып китик! ⠀ ⠀Программа: ⠀ - Балалар өчен уеннар. ⠀ - «Ничек алып баручы булырга?» - мастер-класс. ⠀ - Слайм ясау буенча остаханә. ⠀ - Рәсем һәм «ШАЯН ТВ» билгесен буяу. ⠀ - «ШАЯН ТВ» каналыннан флешмоб. ⠀ - Кечкенә йолдызчыкларның иҗади чыгышы. ⠀ - Аниматорлар белән интерактив уеннар. ⠀ ⠀ ⠀ Фестивальдә очрашу урыны — «Кол-Шәриф» мәчете мәйданының өске катында!

22.08.2019

WorldSkills Kazan 2019! Рәхим ит!

WorldSkills Kazan 2019! Рәхим ит! 22 август – Россиядә 2019 елның тарихи көне! Башкалабыз Казан 45 нче тапкыр уза торган һөнәри осталык буенча WorldSkills Kazan 2019 дөнья чемпионатын каршы ала. Чемпионатның тантаналы ачылышы бүген 19:00 сәгатьтә «Казан Арена» стадионында узачак. 22-27 август көннәрендә чемпионатта 63 ил һәм төбәкләрдән 56 компетенция буенча 1300 оста катнашачак. Дөньякүләм чараны уздыру хокукын Казан WorldSkills International халыкара хәрәкәтенә кергән илләр тавыш бирү нәтиҗәсендә алды. Россиядә исә, WorldSkills Russia хәрәкәте 85 төбәкне үз колачы астына ала һәм кадрлар әзерләү буенча иң алдынгы проектларның берсе булып тора. Чемпионатка әзерлек белән бәйле берничә кызыклы фактка да тукталып үтәбез. Махсус шушы чара өчен, «Казан Экспо» халыкара күргәзмә үзәгендә якынча 76000 кв.м. конструкция җиткерелгән. Бу Мәскәүдәге Кызыл мәйдан кадәр урын, дигән сүз. WorldSkills дөнья чемпионаты заманадан артта калышмый. 2019 елда катнашучылар беренче тапкыр «Су технологияләре» һәм «Кунакханәдә администраторлык» компетентлыклары буенча ярышачак. Иң күп бер төрле материал «Матбугатта басма технологияләр» компетентлыгы өчен кирәк булачак: 150 000 кәгазь бите алынган. «Сантехника һәм җылыту» буенча ярышучыларга 30400 шөреп әзерләнгән. Ресторан сервисы белгечләре 1000 коктейль таякчыгыннан файдаланачак. Архитектор-ташчыларга 5 төрле таш кирәк булачак. Моннан тыш, WorldSkills Kazan 2019 чемпионатын оештыру өчен, махсус 24800 кирпеч, 1944 стакан, 450 кәгазь пешекче башлыгы, 24838 тере чәчәк, 2 вертолет, 35 000 м электр чыбыгы алынган. Чемпионатта катнашучылар WorldSkills авылында яшәячәк. Әлеге заманча авылда бик яхшы шартлар тудырылган. Конкурслар арасында осталар ял иткәндә, Авыл җирлегендә махсус зона хезмәт күрсәтәчәк. Анда көн саен күңел ачу программасы, төрле мастер-класслар һәм уеннар каралган. Чит ил кунакларын да, шәһәребез халкын да һәр җирдә чемпионатның төп талисманнары Алмаз исемле егет белән Алтын исемле кыз сәламләп тора. Алар фәннең, техниканың һәр өлкәсендә дә өлгер, WorldSkills компетентлыкларын үзләштергәндә дә авырлыкларны тиз хәл итәргә сәләтле. Алардагы күркәм сыйфатлар һәркемгә, шул исәптән, әле үсеп килүче буынга да күчәр, дип ышанып калабыз.

22.08.2019

«Карусель» каналы Казанда

"Карусель" балалар телеканалы 30 нчы август көнне Казанда Горький исемендәге үзәк мәдәният һәм ял паркында үтәчәк «Главные герои-2019» милли премиясен тәкъдим итә! ⠀ Бу премиядә "ШАЯН ТВ" да катнаша. Без килгән кунакларга, нәни дусларыбыз өчен шәп уеннар әзерләдек. Әйдәгез, программа белән танышыйк! ⠀ Башлана сәгать - 10:00. «ШАЯН ТВ» каналы "Шаян тәҗрибәләр" алып баручысы «ПРОФ_И»дан мастер-класс. ⠀ «ШАЯН ТВ» билгесен буя һәм бүләк ал! ⠀ «ШАЯН ТВ» каналыннан рәсем буяу. ⠀ Сәгать 11:00 - 15:00 кадәр Дәү әни, Мырау, Актәпи белән очрашу һәм фотосессия. Сәгать 11:00 - 15:00 кадәр аниматорлар белән интерактив уеннар. Шоу «Креон»⠀ Фокусчы һәм фокуслар! ⠀ 14:30 - 14:45 кадәр "ШАЯН ТВ" каналыннан концерт! ⠀

21.08.2019

1 ... 325 326 327 328 329 ... 375

Яңа сайт!