«Сәйлән» проектының икенче этабы!

          «ШАЯН ТВ» каналында «Сәйлән» телевизион-музыкаль проект үз эшен дәвам итә. Сентябрьдә аның икенче этабы башланды.           «Сәйлән» проектының максаты: татар халык, классик, эстрада җырларын башкаручы балаларны барлау; алар өчен иҗади үсеш мөмкинлеге булдыру. Үзенчәлеге исә, катнашучылар бары тик татар телендә генә җырларга тиеш иде. Конкурска 6-15 яшьлек балалардан 1000гә якын гариза кабул ителде. Шулар арасыннан «ШАЯН ТВ»ның сәнгать советы әгъзалары һәм урта, югары музыкаль белем бирү йортларының вокал укытучылары 30 катнашучыны чираттагы этапка сайлап алды. Аларның матур чыгышларына берничә атна дәвамында «ШАЯН ТВ» каналы сайтында тамашачылар тавыш бирде. Иң күп тавыш җыйган 16 баланы инде бүгеннән үк проектның җиңүчеләре дип атарга мөмкин, чөнки алар – телевизион этапка чыгучылар!           Катнашучылар үз осталыкларын төрле жанрдагы җырлар башкарып күрсәтәчәк.           Конкурста катнашучылар белән төрле остаханәләр уздыру да планлаштырыла. Алар вокал, бию, актерлык осталыгы, сәхнәдә үз-үзеңне тоту буенча мастер-классларда катнашачак, стилистлар белән очрашулар булачак. Бу проект яшь йолдызларга тагын да яктырак балкырга, гомумән, татар халкының моңлы киләчәген үстерергә ярдәм итәчәк.           Проектның ярымфиналында яшь җырчыларны мәртәбәле жюри сәйләннәр белән бәяләячәк. Шулай ук «ШАЯН ТВ» сайтындагы тавыш бирүгә нигезләнеп, тамашачы фикере дә исәпкә алыначак. Сәйләннәре күбрәк булган яшь җырчы проектның җиңүчесе дәрәҗәсенә ирешәчәк.           17-18 сентябрь көннәрендә проектның чираттагы сайлап алу туры узды. Яшь җырчыларның матур, дәртле чыгышларын, кемнәрнең алдагы турга узганын 6 октябрь көнне «ШАЯН ТВ» каналында карап белә алырсыз.

Чыршы, чыршы без сине...

...сагынып көттек ел буе, дип Яңа елда җырларбыз. Әлегә урамда – алтын көз! Агачлар сарылы-кызыллы күлмәкләрен киде, ә чыршы һәм наратлар, читтән көнләшеп кенә күзәтеп торгандай, яшел килеш кала бирә. Ә сез чыршының ни өчен һәрвакыт яшел икәнен беләсезме соң? Башка агачлардан аермалы буларак, чыршыны яфраклар урынына энәләр бизәп тора. Энәләр дә саргая һәм берәм-берәм генә коела икән. Яфраклар шикелле берьюлы түгел, ә акрынлап, сизелми генә, өч-дүрт ел эчендә чыршы барлык энәләрен алыштыра. Ләкин чыршыда энәләр бик күп, башка бер генә агачта да ул кадәр яфрак юк. Ылыслар дымны күп бүлеп чыгармый, шунлыктан кышкы салкыннарга да түзә. Өстәвенә, яуган карны тотып тора алуы ботакларының ныклыгын дәлилли. Бу агач та ашка үсемлекләр кебек үк үк йоклый икән, әмма кышын түгел, ә вакыт-вакыт кына. Яңа ел бәйрәмнәрендә чыршы безнең өйләрне бизәсә, урманны ул үзенең ел дәвапмында яшел торуы белән тагын да могҗизалы итә.

Жюри киңәшләре!

“Сәйлән” проектының икенче этабы башлана!

Бүген “ШАЯН ТВ” каналында “Сәйлән” проектының икенче этабы башлана! Киләсе этапка жюри кемнәрне сайлап алыр? Әлеге сорауга җавапны тиздән белерсез! Жюри әгъзалары: 1. Зәйнәб Фәрхетдинова 2. Илгиз Шәйхразиев 3. Иван Остроумов.

Карарга онытма!

Посмотреть эту публикацию в Instagram ⠀ ⭐️Дүрт кисәккә аерылып китә торган кубик-рубикмы?

Мобиль кушымта!

Техник сәбәпләр аркасында, «ШАЯН ТВ» мобиль кушымтасын google play кибетеннән вакытлыча йөкләп булмаячак! ⠀

Бу көннән курыкмагыз!

Җомга бүген! 13 сентябрь! Кемнәрдер аны гадәти көн итеп кабул итсә, икенче берәүләр бу датаны ишетүгә куркып кала. Андый курку параскеведекатриафобия дип атала. 13 саны ниндидер тылсымлы көчкә ия, дип саный белгечләр. АКШта хәтта күпчелек биек йортларның 13 каты юк икән, кунакханәләр дә 13 номерлы бүлмәдән баш тарткан. Борынгы майя кабиләләре 13 саны, киресенчә, бәхет китерә һәм бу көнне уңышлы, дип санаган. Испан телле илләрдә 13 датага туры килгән җомгадан түгел, ә сишәмбедән куркалар. Нидерландиянең имминиятләштерү үзәкләре мәгълүматларына караганда, җомга 13енә туры килгәндә, юл һәлакәтләре азрак була икән. Чөнки бу көнне кешеләр саграк йөри, ди. Ә безнең күңелләрдә бернинди дә шик була алмый! Җомга – изге көн! Аның нинди датага эләгүе мөһим түгел! Гомумән, без һәр көннең ничек узачагын бары тик үзебез генә хәл итәбез! Шуңа һәркөнне күңелегездә гел якты уйлар гына булсын!

insatagram да туры эфир!

Дуслар, 13 сентябрь 13:00 безнең инстаграм туры эфирында -  «ШАЯН ТВ» каналының алып баручысы, контент мөхәррире Рүзәл Әхмәдиев. Сезне кызыксындырган сорауларга җавап бирәбез, үзебездә булган яңалыклар белән бүлешәбез. Ә иң игътибарлы тамашачыларыбызны «ШАЯН ТВ» каналыннан истәлекле бүләкләр көтә!  Туры эфирда очрашканчы, дуслар!