Яңалыклар

WorldSkills Kazan 2019 га әзерлек

WorldSkills Kazan 2019 га әзерлек

Бүген "ШАЯН ТВ" каналы хезтмәткәрләре 22-27 августта Казанда үтәчәк WorldSkills Kazan 2019 чемпионатына аккретидация алды! Әлеге зур чарада дөьяның 60 иленнән 56 компетенция буенча осталар җыелачак. Бу чемпионат WorldSkills тарихында иң масштаблысы булыр, дип көтелә. Чарадагы иң соңгы яңалыкларны бергәләп күзәтик, дуслар! 

20.08.2019
«Калеб» тапшыруы туры эфирда

«Калеб» тапшыруы туры эфирда

Дуслар, 22 нче август иртәнге 9:40 безнең инстаграм туры эфирында «Калеб» тапшыруы алып баручысы Гөлчәчәк Шәйхетдинова булачак. "Калеб" тапшыруы сәнгатьтәге яңа буын татар яшьләре турында. Ул - яшьләрнең иҗаты һәм фикерләре чагыла торган мәйдан. "Калеб" сүзе "йөрәк", "рух" мәгънәсендә тәрҗемә ителә, шуңа күрә тапшыру йөрәк җылысы белән эшләнә. Аның төп үзенчәлеге - иркенлек, ирек, монда чикләр юк. Әлеге туры эфирда тапшыруга әзерлек, камера артында булган вакыйгалар һәм күп кенә кызыклы хәлләрне күрсәтербез, сезнең сорауларга җавап бирербез!

20.08.2019
Шаян һәм файдалы яллар!

Шаян һәм файдалы яллар!

Узган ялларда Казан үзәге чын мәгънәсендә кайнады! Камал театры мәйданына татарның каймагы “Печән базары” фестиваленә җыелды. Татар дизайны һәм шәһәр мәдәнияте фестивале WorldSkills Kazan 2019 чемпионатына кереш булды, дияргә мөмкин. Чөнки чарада татар халкының иң оста кыз һәм егетләре үзләренең оригиналь, йөрәк җылысын биреп, кулдан эшләнгән затлы әйберләрен тәкъдим итте. Хәтта бал, казылык, сыек майлар, сөт ризыклары һәм башка тәм-томнар да алырга мөмкин иде. Фестивальгә килүчеләр матди байлык кына түгел, ә рухи азык та алып кайтып китте. Чөнки чараның программасы гаҗәеп бай иде: төрле мастер-класслар, лекцияләр, батллар һәм башка төрле бик күп файдалы мәйданчыкларда ял итү мөмкинлеге тудырылды. Әлбәттә, “ШАЯН ТВ” каналы да читтә калмады. Фестивальгә әти-әниләре белән килгән балалар күңеленә безнең мәйданчык аеруча хуш килде. Нәни дуслар белән бергә төрле кул эшләре башкардык, гаҗәеп тәҗрибәләр эшләдек, слайм ясау буенча мастер-класс әти-әниләргә дә бик ошады. Чарадан без дә бик канәгать калдык, дуслар. Аралашу, якыннан танышу, фикер алышу безгә тагын да илһамланып эшләргә көч бирде. Чарадан барлык фотосүрәтләр

19.08.2019
Бер кура җиләгендә ничә орлык бар?

Бер кура җиләгендә ничә орлык бар?

Җәйне җиләк ашап каршы алабыз, җиләк ашап озатабыз. Рәхәт тә соң! Хәзер ел фасылы безне иң файдалы җиләкләрнең берсе – кура җиләге белән сыйлый! Үзе витаминнарга бай, үзе баллы, үзе сусыл, үзе салкын тиеп авырганда – менә дигән дару да әле! Кура җиләгеннән нәрсә генә ясамыйлар! Ләкин иң яратып ашый торганы, мөгаен, кайнатмадыр. Бүген исә сез аның белән тагын да тәмлебрәк чәй эчә аласыз, чөнки 16 август – кура җиләге кайнатмасы көне. Әлеге датаны юкка гына сайламаганнар, Рәсәйдә бу Малинник дип аталган һәм шушы җиләккә багышланган булган. Борынгыдан ук аны файдалы үзенчәлекләре өчен яратканнар, сәламәтлекне ныгыту, күз авыруларын дәвалау, теш чистарту өчен кулланганнар. Россия – кура җиләге үстерү буенча иң алдынгы ил. 1893 елда Женевада ясалма юл белән шәмәхә җиләк булдыралар. Аның кара, сары төслеләре дә бар. Карасын АКШта үстерәләр һәм ул иң файдалы дип санала. Барлыгы 200дән артык төре билгеле. Җиләкнең төшләре 22 % майдан тора, шуңа күрә аны косметологиядә кулланалар. Бер җиләктә уртача 100-120 төш булырга мөмкин. Кызык өчен санап карагыз әле! Башка җиләкләрне яшел вакытта өзеп алсаң, күпмедер вакыттан соң алар өлгерә. Ә менә кура җиләгенә бу сыйфат хас түгел, аны иртә өзсәң, ул яшел булып кала, кызармый.

16.08.2019
Өченчесе кем?

Өченчесе кем?

«Сәйлән» фестивале финалга якынлаша. Татар халкының иң моңлы җырларын киләчәккә тапшырачак яшь җырчыларны бәяләячәк жюри әгъзалары акрынлап билгеләнә. Икесенең кем икәнен беләбез! Алар: Россиянең «Көмеш тавыш» титулы иясе, татар һәм рус эстрадасының оригиналь җырчысы, «Голос» тапшыруы финалисты Эльмира Кәлимуллина һәм талантлы, танылган композитор Эльмир Низамов.⠀Өченчесе кем булыр икән? Озакламый белербез, дип уйлыйбыз!

16.08.2019
«ШАЯН һава торышы»

«ШАЯН һава торышы»

Быелгы җәй шаян булды, килешәсезме, дуслар? Менә генә коеп яңгыр ява, кояш чыгып шаяртып ала да, тагын болытлар арасына качып кына карап тора. Исегездә булса, инстаграмда  «ШАЯН һава торышы» дигән конкурс та оештырган идек. Катнашучыларның матур шигырь юлларына сөенеп, көннәр җылытып җибәрде.  Җәй көне балалар нишли инде? Әлбәттә, авылда әби-бабайда кунакта була, төрле лагерьларда ял итә, яңа уку елына көч туплый. Шуңа күрә җиңүчебез бүләген дә соңарып кына килеп алды. Бәйге нәтиҗәсе буенча, җиңүче итеп, Нәридә Нияз кызы Кашапова билгеләнде. Барлык катнашучыларга рәхмәт сүзләре җиткереп, Нәридәне җиңүе белән котлыйбыз! Мондый конкурслар белән сезне тагын сөендерербез, шуңа күрә яңалыкларны күзәтеп барыгыз!

15.08.2019
«ШАЯН ТВ» каналында яңа мультфильм

«ШАЯН ТВ» каналында яңа мультфильм

Кечкенә Сьюзи үзенең нәни дусларын бик ярата. Алар бергә уйныйлар, шаяралар. Ләкин бу кыз нәни хайваннарының чын супер геройлар икәнен күз алдына да китерми! Ә бит планетаның киләчәге нәкъ менә алар кулында! Нәни геройлар начарлыкны җиңә алырмы? «ШАЯН ТВ» да өр-яңа мавыктыргыч мультфильм «МиниФорс» дүшәмбедән - җомгага сәгать 9:55, 15:55, 21:55.

15.08.2019
Prev. 1 ... 326 327 328 329 330 ... 375 Next
Главная Программа Видео Шортс Поиск