Яңалыклар

Туган көн!

Туган көн!

«Союзмультфильм» га — 85 яшь! 1936 елның 10 июнендә "Союздетмультфильм" киностудиясе оеша. Беренче мультфильм исеме - "Африкада эссе".  1937 елда киностудиянең исеме "Союзмультфильм" дип үзгәртелә.Шул ук елны беренче төсле мультфильмнар төшерелә башлый. Бүгенге көндә дә студия үз популярлыгын югалтмый! «ШАЯН ТВ» каналы исә коллегаларын чын күңелдән юбилейлары белән котлый һәм иҗади уңышлар теләп кала!

10.06.2021
Бергә – күңеллерәк!

Бергә – күңеллерәк!

Бергә – күңеллерәк! Һәр эшнең дә үз вакыты була. Киләсе яртыеллыкка газета-журналларга язылуның да соңгы аена кердек. 7нче июньнән 17сенә кадәр, ягъни абунәчеләр ункөнлегендә «Көмеш кыңгырау» газетасына ташлама белән (479 сум 94 тиеннән) язылып калырга мөмкин. «Көмеш кыңгырау» - укучылар иҗатына киң мәйдан бирүче бердәнбер республика газетасы. Балалар бик яратып яза һәм укый торган сәхифәләр - «Яшьтәшемә биш сорау», «Афәрин», «Безнең кумирлар», «Үземә үзем психолог», «Кызларга малайларга». Безгә – сезнең кызыклы язмаларыгыздан, ә сезгә – «Көмеш кыңгырау»дан башка күңелсез булыр, кадерле дуслар! Әйдәгез, бергә калыйк!

09.06.2021
Бөтендөнья океаннар көне!

Бөтендөнья океаннар көне!

Планетада яшәүчеләр бүген су асты патшалыгы яшәүчеләрен хөрмәтлиләр һәм Бөтендөнья океаннар көнен билгеләп үтәләр. Дөнья океаны Җир өслегенең 3/4 өлешен били һәм көндәлек тормышның аерылгысыз өлеше булып тора. Океаннарны шулай ук тормыш чыганагы дип тә атыйлар, алар кеше сулышы өчен кирәкле кислородның 50% җитештерә. Бөтендөнья океаннар көне һәр кешегә океаннар әһәмиятен искәртеп торучы мөһим дата. Океаннар турында күбрәк беләсегез килсә, «ШАЯН география» тапшыруын карагыз!

08.06.2021
«Хәрәкәттә – бәрәкәт»

«Хәрәкәттә – бәрәкәт»

Туган телләр һәм халыклар бердәмлеге елы кысаларында Казан паркларында һәм скверларында татар телендә ачык хореография һәм спорт дәресләре сериясе башланып китә. Күз алдына китерегез, сез паркта: «Күзләрегезне йомыгыз, тирән итеп сулыш алыгыз, тынычланыгыз» – сезнең белән «Яшел фитнес» буенча профессиональ тренер шөгыльләнә, сез аны тыңлыйсыз һәм сезнең гәүдәгез ял итә... Яисә башка күренеш: сез үзегез кебек үк кызыксынучан дистәләгән кешеләр арасында паркта. Барыгыз бергә Идел буе халыкларының дәртле биюләрен өйрәнәсез: башкорт, татар, удмурт һәм башка халык биюләре. Казан шәһәре парклары матурланганнан матурлана бара. Алар башкала халкы һәм кунаклары өчен бергә җыелу урыны булып тора. Кызыклы һәм күпсанлы чараларның еш үткәрелүе казанлыларның, шулай ук чараларда катнашу өчен килүчеләрнең парк зоналарында күпләп җыелуының катализаторына әверелә. Монда алар ял итәләр, күңел ачалар, спорт белән шөгыльләнәләр. Казан паркларында кызыклы чаралар саны күбәя бара, ә бу үз чиратында паркка йөрүчеләр санын арттыра. Шулай, Казан шәһәре Башкарма комитеты Туган телләр һәм халыклар бердәмлеге елы кысаларында «Хәрәкәттә – бәрәкәт» проектын тәкъдим итә. Әлеге проект кысаларында халык биюләре, фламенко, «Яшел фитнес», стретчинг, зумба, импровизацияләнгән джем һәм башка бик күп спорт төрләре тәкъдим ителә. Иң мөһиме, бу проект вакытыгызны гаиләгез белән кызыклы һәм файдалы итеп саф һавада үткәрергә мөмкинлек бирәчәк һәм сезне үзара тагын да якынайтачак.  Дәресләр 3 июньнән алып сентябрьгә кадәр шәһәребезнең Түбән Кабан күле яр буенда, «Ак чәчәкләр» һәм Фучик урамындагы бульварларда, Горький исемендәге һәм «Черек күл» ял парклары һәм скверларында узачак. Сезне Нурбәк Батулла («Алтын битлек» (2018), Муса Җәлил исемендәге (2019) һәм «Тантана» (2021) премияләре лауреаты), Чулпан Закирова (Татарстан Республикасының халык артисты, «Казан» муниципаль бию ансамбленың сәнгать җитәкчесе), Алсу Мәгъсүмҗанова (Татарстан Республикасының Дәүләт җыр һәм бию ансамбле солисткасы һәм халыкара премияләр лауреаты) кебек төрле медиа шәхесләр һәм башка профессионаллар өйрәтәчәк. Ә беренче дәресне йога буенча тренер Ләйсән Бикмуллина белән бергә теле-радио алып баручы Айваз Садыров үткәрәчәк. Үз эшенең иң яхшы осталарыннан дәресләр алып калу мөмкинлеген кулыгыздан ычкындырмагыз! Бүгеннән үк «Яшел фитнес» өчен келәмнәр, биюләр өчен читекләр әзерләп куерга ашыгыгыз һәм паркларга чакыру көтегез. Тиздән без бөтен шәһәрне дәртле биюләргә күмәчәкбез!  Шулай итеп, беренче чара – мускулларны тарттыру өчен күнегүләргә сез бу пәнҗешәмбе, 19:00 сәгатьтә, Түбән Кабан күле яр буе мәйданчыгына, ягъни Камал театры янында урнашкан Палубага килә аласыз. Барыбызга да матур, сәламәт җәйләр! 

03.06.2021
Балалар елмаюы көне!

Балалар елмаюы көне!

Кичәге көнебез онытылмаслык мизгелләргә бай булды! «ШАЯН ТВ» студиясе территориясендә Сабантуй бәйрәме гөрләп узды! Чарада Татарстан Президенты каршындагы татар телен саклау һәм үстерү мәсьәләләре комиссиясе рәисе Марат Әхмәтов,Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе, Татарстан Республикасы Дәүләт Советында «Бердәм Россия» фракциясе әгъзасы Айрат Зарипов, "Яңа гасыр" телерадиокомпаниясенең Генераль директора Илшат Әминов катнашты. Мөхтәрәм кунаклар алып баручы балаларыбыз белән бәйрәм уеннарында катнаштылар, уртак җыр башкардылар, вакытны шәп үткәрделәр! Шул ук мизгелләрдә Казан Кирмәнендә Халыкара балаларны яклау көне хөрмәтенә барлык балалар өчен шәп программа әзерләнгән иде! Күңелле остаханәләр, аниматорлардан күңелле уеннар, каналыбыз геройлары белән фотосессия, аквагрим мәйданчыгы, флешмоб, бүләкләр - боларның барысы да балаларыбызның бәйрәм көнен онытылмаслык итте! Ә балалар елмаюы - безнең өчен төп нәтиҗә!

02.06.2021
Prev. 1 ... 224 225 226 227 228 ... 375 Next
Главная Программа Видео Шортс Поиск