Яңалыклар

Көлке көлә килә!

Көлке көлә килә!

- Айнур, минем компьютерым эшләми. - Анда бер зур төймә бар, аңа басып карадыңмы? - Әйе, барыбер эшләми. - Розеткага тыкканмы? - Белмим, хәзер шырпы кабызам да карыйм. - Ә шырпы нигә? - Бездә утны сүндерделәр * *  * - Сара, синең авырлыгың күпме? - Күзлек белән йөз егерме килограмм. - Ә нишләп күзлек белән? - Күзлексез мин үлчәүдәге саннарны күрмим. * *  * Автомәктәптә имтихан бара: - Двигатель ничек эшли? - Үз сүзләрем белән мөмкинме? - Әлбәттә! - Вжжжж! Вжжжж! Вжжжж! * * * Хуҗаның улы, кое янында икмәк ашап утырганда, икмәген коега төшереп җибәргән дә кычкырып елый башлаган. Хуҗа өйдән: Нигә тавышланасың? – дип сорагач, улы аңа: Икмәгем коега төшеп китте, - дигән. Хуҗа йөгереп чыгып, коега иелеп караса, анда үзенең шәүләсен күргән дә: - Ап-ак сакаллы башың белән баланың икмәген тартып алырга оялмыйсыңмы? – дигән.      

10.11.2022
«Балачак җыры» концертлар циклы проекты дәвам итә!

«Балачак җыры» концертлар циклы проекты дәвам итә!

«ШАЯН ТВ» каналы сәләтле балалар катнашында «Балачак җыры» концертлар циклы проектын дәвам итә! Тагын да күбрәк өр-яңа матур җырлар, талантлы катнашучылар белән бергә сәфәргә чыкты! Бүген исә «Адымнар — белем һәм татулыкка юл» күп телле мәктәбендә берьюлы 2 концерт гөрләп узды! Чара Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырылды. Тамаша кылырга исә республикабызның мәктәп укучылары чакырылды. Бәйрәмгә берсеннән-берсе мөхтәрәм кунаклар килде. Хөрмәтле кунаклардан Россия кооперация университеты ректоры, Татарстан Республикасы Дәүләт Советы депутаты, «Мәрхәмәт-Милосердие» Татарстан Дәүләт Советы хатын-кыз депутатлары оешмасы рәисе Алсу Рөстәм кызы Нәбиева да бар иде. Шуны да әйтеп үтәргә кирәк, әлеге проект татар музыкасын, татар мәдәниятен популярлаштыруы, мөмкинлекләре чикләнгән балаларга ярдәм итүе белән иҗтимагый әһәмияткә ия. Концертта «Сәйлән» фестивале җиңүчеләре «Балачак җыры» бәйгесендә җиңгән дәртле җырларны яңгыраттылар. Тамашачылар шулай ук «Балачак җыры» һәм «Сәйлән» фестиваленең җыентыклары белән дә таныша алды. Концертны карарга килгән кунаклар өчен «ШАЯН ТВ» балалар каналының яраткан геройлары белән фотога төшү оештырылды. Шулай ук Казан кооператив институтының Дәрдемәнд исемендәге Татар мәдәнияте үзәге эшчәнлеге турында күргәзмә халкыбызның танылган шәхесләре белән таныштырды.    Концерт искиткеч күңелле үтте! Берсеннән-берсе матур клиплар, гаҗәеп эчтәлекле җырлар яңгырады, җанлы атмосфера хөкем сөрде!  

09.11.2022
«ШАЯН ТВ»да Чиләбе телевидениесе кунаклары!

«ШАЯН ТВ»да Чиләбе телевидениесе кунаклары!

Бүген «ШАЯН ТВ»да Чиләбенең «Өлкә телевидениесе» АҖ вәкилләре кунакта булды! Алар арасында хөрмәтле кунаклар Чиләбе өлкәсе Закон чыгару Җыелышы рәисе урынбасары, «ОБЛ-ТВ» АҖ генераль директоры Гербер Олег Викторович, Чиләбе өлкәсе Хөкүмәтенең матбугат хезмәте һәм мәгълүмат идарәсе башлыгы Хворостова Мария Николаевна, «ОБЛ-ТВ» АҖ телевидениесенең икътисад буенча директоры Хәбибуллин Амур Габидулла улы, «ОБЛ-ТВ» АҖ баш хисапчысы Савельева О.В. бар иде. Каналыбызның төп геройлары мөхтәрәм кунакларны күңелле итеп каршы алдылар, студиябез буйлап сәяхәткә чакырдылар. Биредә алар канал эшчәнлеге, «ШАЯН ТВ»ның берсеннән-берсе масштаблы проектлары, популяр тапшырулар, аның алып баручылары һәм катнашучылары белән якыннан таныштылар, аралашып алдылар. Тапшырулардан тыш, без кунакларыбызга үзебезнең социаль челтәрләребезнең популярлыгы, телевизион блогерлар мәктәбе турында да сөйләдек. Очрашуны музыкаль мизгелләр бизәде. «Батыр егетләр» ансамбле студия кунакларына шат җырларын бүләк иттеләр. «ШАЯН ТВ»ның дубляж студиясе каналның контентын баетуда зур роль башкара, шуңа күрә, кунакларыбыз әлеге мәйданчыкны да игътибарсыз калдырмадылар. Дубляж студиясендә дә эшнең иң кызган чагына туры килделәр. Алар бу мавыктыргыч процессны күзәтә алдылар. Дубляж студиясе җитәкчесе Роза Әдиятуллина кунакларыбызның сорауларына җавап бирде. Чиләбедән килгән хезмәттәшләребезне бик сөенеп кабул иттек. «ОБЛ-ТВ» рус телевидениесе булса да, аларның беренче татар балалар каналы эшчәнлеге белән танышырга теләк белдерүләре аеруча куанычлы.

08.11.2022
Супер Зак ярдәмгә ашыга!

Супер Зак ярдәмгә ашыга!

Зур һәм көчле әти-Аю, яхшы күңелле әни-Аю һәм сабыйлары — сөйкемле һәм кызыксынучан аю – Зак сезне һәрвакыт экраннар каршында көтә! Карап торышка бу гадәти гаилә, ә чынлыкта исә бу – супергеройлар гаиләсе. Аларның бик мөһим миссияләре бар. Шәһәрдә бәла-каза килеп чыгып, кемгә дә булса ярдәм кирәк булса, Супер Зак пәйда була! Ул файдалы ризыклардан көч алып, мәкерле доктор Лео белән көрәшә. Супер Зак сакта торганда, әлеге шәһәр һәрвакыт яклау астында! «Супер Зак» мультсериалын дүшәмбедән-җомгага кадәр 09:10 һәм 17:10 сәгатьләрдә «ШАЯН ТВ» каналында карагыз!

08.11.2022
«ШАЯН ТВ»ның Вконтакте челтәрендә бәйге бара!

«ШАЯН ТВ»ның Вконтакте челтәрендә бәйге бара!

Дуслар! «ШАЯН ТВ» каналы үзенең туган көненә бүләкләр марафоны игълан итте! Беренче бәйгене Вконтакте челтәрендә «Яндекс. Станция лайт» уйнатудан башлады! Шартлары бик гади! Кер һәм катнаш! Бәхетеңне сынап кара! Бәлки, нәкъ тә менә син җиңүче булырсың һәм шәп бүләк отарсың! Бәйгенең кагыйдәләре турында тулырак мәгълүмат сылтама буенча! Шулай ук ай буе безнең барлык социаль челтәрләрдә дә бәйгеләр узачак! Шуңа күрә, хәзер үк аларның барысына да языл һәм безнең белән бергә бул!  

08.11.2022
Тима белән Тома маҗараларын күзәтеп барасызмы?

Тима белән Тома маҗараларын күзәтеп барасызмы?

Бегемот Тима һәм фил Тома маҗараларын күзәтеп барасызмы? Көн саен әлеге мультсериал геройлары әйләнә-тирә дөнья турында шактый гына яңа мәгълүмат беләләр, гадәти булмаган серле кешеләр белән очрашалар. Әйе! Бу дөньяда барысы да мөмкин! Дуслар бик күп шаяралар, үзләренең фидакарьлекләре өчен көлкеле хәлләргә юлыгалар. Аларның бер сыйфатлары бар - геройлар рәсем ясарга яраталар. Тима белән Тома, һичшиксез, сезне дә бу эшкә өйрәтәчәкләр! Бу эштә аларга тылсымлы дөньяда яшәүче башка хайваннар - дуңгыз балалары, тычкан, йорт һәм кыр куяннары ярдәмгә киләчәк. Фил белән бегемот сезне игелекле һәм гадел булырга, беркайчан да комсызланмаска, беркемне дә рәнҗетмәскә, дусларның кадерен белергә һәм тормышка оптимизм белән карарга өйрәтәчәкләр. «Тима белән Тома» мультсериалын дүшәмбедән алып, җомгага кадәр «ШАЯН ТВ» каналында 13:35 һәм 21:35 сәгатьләрдә карагыз!

07.11.2022
«Сәйлән»: дүртенче финал!

«Сәйлән»: дүртенче финал!

Дуслар, көттегезме? Бүген «ШАЯН ТВ» каналының YouTube каналында «Сәйлән» проектының дүртенче финал чыгарылышы булачак! Иң грандиоз фестивальнең чираттагы тапшыруын карарга ашык! Яшь йолдызларыбызга үз бәяләрен Татарстанның атказанган артистлары Рөстәм Асаев, Айсылу Габдинова, Илүсә Хуҗина бирәчәкләр. Бүген исә катнашучыларыбыз «Балачак җыры» бәйгесендә җиңгән хитларны, шат җырларны башкарачаклар! 19:00! YOUTUBE КАНАЛ! РӘХИТ ИТЕГЕЗ! Шулай ук якшәмбе көнне «ШАЯН ТВ» каналында 11:30 һәм 17:00 сәгатьләрдә «Сәйлән» музыкаль фестиваленең яңа чыгарылышын карарга онытмагыз! Ялларны күңелле итеп, җырлап уздырыйк!

04.11.2022
Prev. 1 ... 224 225 226 227 228 ... 426 Next
Главная Программа Видео Шортс Поиск