Яңалыклар

Клава Кока гөбәдия турында нәрсә әйтте?
Популяр яңалыклар

Клава Кока гөбәдия турында нәрсә әйтте?

Популяр җырчы Клава Кока VK Fest фестивалендә яшь хәбәрчеләр белән аралашканда татар милли ашларының иң танылган ризыкларының берсе булган гөбәдияне әле дә татып карамавын әйткән. Артист сүзләренчә, ул Татарстан кухнясының кайбер ризыклары белән таныш инде, әмма гөбәдияне әлегә ашап карарга өлгермәгән. Гөбәдия татар милли кухнясының символларының берсе булып санала. Бу бәйрәм бәлеше гадәттә дөге, корт, йомырка, кипкән җиләк-җимешләр белән әзерләнә. Бәлки, фестивальдән соң Клава Кока да бу танылган татар ризыгы белән танышып өлгерер, ә интервью кадрларын безнең социаль челтәрләргә күрергә мөмкин!

09.06.2026
Казанда кояш һәм 24 градус җылы
Популяр яңалыклар

Казанда кояш һәм 24 градус җылы

Бүген, 9 июнь көнне, Казанда җылы һәм кояшлы һава торышы сакланачак. Иртән һава температурасы +21 °C тирәсе булса, көндез +24°C кадәр җылыначак. Яндекс Погода фаразы буенча явым-төшем көтелми, күк йөзе аз болытлы булачак. Җил төньяктан, секундына 3–4 метр тизлектә исәчәк. Мондый һава торышы саф һавада йөрү, уеннар һәм актив ял өчен бик уңайлы. Әмма көннең иң эссе вакытында баш киеме кияргә һәм су эчәргә онытмагыз. Барыгызга да күтәренке кәеф һәм матур җәйге көн телибез!

09.06.2026
Ришат Төхвәтуллин рус телендә альбом чыгарырга җыена
Популяр яңалыклар

Ришат Төхвәтуллин рус телендә альбом чыгарырга җыена

Татар эстрадасының популяр җырчысы Ришат Төхвәтуллин рус телендә яңа альбом чыгарырга ниятләвен белдерде. Бу хакта ул Казанда узган VK Fest фестивалендә сөйләгән. Әлеге проект аның өчен яңа тәҗрибә булачак. Рус телендәге альбом өстендә эшләү барышында ул башка жанрга мөрәҗәгать итәчәк, шулай ук яңа вокаль алымнар үзләштерергә туры киләчәк. «Бу минем өчен бөтенләй башка жанр, башка вокаль техника», — дип билгеләп үткән артист. Исегезгә төшерәбез, Ришат Төхвәтуллин быел Казанда узган VK Fest 2026 фестивалендә чыгыш ясады һәм тамашачылар белән иҗади планнары турында уртаклашты.

08.06.2026
Россия мәктәпләрендә гипоаллерген меню барлыкка килергә мөмкин
Популяр яңалыклар

Россия мәктәпләрендә гипоаллерген меню барлыкка килергә мөмкин

Яңа уку елына Россия мәктәпләрендә азык-төлек аллергиясе булган балалар өчен махсус гипоаллерген меню кертү планлаштырыла. Бу хакта Роспотребнадзор җитәкчесе Анна Попова хәбәр итте. Аның сүзләренчә, белгечләр хәзерге вакытта билгеле бер азык-төлек төрләрен куллана алмаган балалар өчен куркынычсыз һәм баланслы рацион әзерләү өстендә эшли. Яңа меню мәктәптә туклануны аллергияле балалар өчен уңайлырак һәм файдалырак итәргә тиеш. Роспотребнадзорда проектны яңа уку елы башланганчы тәмамларга ниятлиләр. Әгәр яңалык гамәлгә ашырылса, мәктәпләрдә балаларның сәламәтлек үзенчәлекләрен исәпкә алган туклану мөмкинлекләре киңәячәк.

08.06.2026
Югары уку йортларына кабул итү кампаниясе – 2026: абитуриентлар өчен нәрсә үзгәрде?
Популяр яңалыклар

Югары уку йортларына кабул итү кампаниясе – 2026: абитуриентлар өчен нәрсә үзгәрде?

Тиздән Россия вузларында кабул итү кампаниясе старт алачак. 2026 елда уку йортларына керү тәртибендә берничә мөһим яңалык барлыкка килде. Алар документлар тапшыру системасына да, максатчан укытуга да кагыла. Россия Федерациясе Фән һәм югары белем министрлыгы мәгълүматлары буенча, бакалавриат һәм специалитет программаларына документлар кабул итү 20 июньдә башлана. ЕГЭ нәтиҗәләре белән керүчеләр өчен документлар кабул итү, нигездә, 25 июльгә кадәр дәвам итәчәк. Аннан соң вузлар конкурс исемлекләрен бастырачак һәм студентларны кабул итү этабы башланачак. 2026 елгы кабул итү кампаниясенең төп даталары: • 20 июнь — документлар кабул итә башлау; • 25 июльгә кадәр — ЕГЭ нәтиҗәләре буенча керүчеләрдән документлар кабул итү; • 27 июль — конкурс исемлекләрен бастыру; • 3 август — өстенлекле категорияләр буенча кабул итү; • 7 август — төп кабул итү этабы. Документларны өч ысул белән тапшырырга мөмкин: • Дәүләт хезмәтләре порталындагы «Вузга онлайн керү» сервисы аша; • шәхсән кабул итү комиссиясенә мөрәҗәгать итеп; • почта аша. 2026 елда нинди үзгәрешләр бар? Төп яңалыкларның берсе — документларны онлайн тапшыру тәртибе белән бәйле. Хәзер вузлар үз сайтларындагы шәхси кабинетлар аша гаризалар кабул итми. Онлайн гаризалар өчен бердәм дәүләт сервисы кулланыла. Моннан тыш, 2026 елда Россия вузларында 620 меңнән артык бюджет урыны каралган. Максатчан укыту өчен исә 83 меңнән артык урын бүлеп бирелгән. Нәрсә үзгәрешсез калды? Кабул итүнең төп кагыйдәләре элеккечә саклана. Абитуриентлар, элеккеге кебек үк, берьюлы 5 вузга документ тапшыра ала һәм һәр вузда берничә белгечлек юнәлешен сайлый ала. Уку йортына кергәндә төп рольне ЕГЭ нәтиҗәләре уйный. Кайбер белгечлекләр өчен өстәмә иҗади яки һөнәри сынаулар да үткәрелергә мөмкин. Кабул итү кампаниясе — һәр чыгарылыш укучысы өчен мөһим этап. Шуңа күрә белгечләр алдан ук сайланган вузларның кабул итү кагыйдәләре белән танышырга һәм документлар тапшыруны соңгы көннәргә калдырырга киңәш итми.

08.06.2026
Клава Кока, Дора һәм Ян Топлес: яшь журналистларыбыз кемнәр белән аралашты?
Канал яңалыклары

Клава Кока, Дора һәм Ян Топлес: яшь журналистларыбыз кемнәр белән аралашты?

Клава Кока, FEDUK,  «Сироткин» төркеме, Лёша Игарзян, Ян Топлес, Арсений Попов, Дора, Ришат Төхвәтуллин — һәм башка артистлар.  Фестиваль дәвамында «ШАЯН ТВ» командасы вакыйгалар үзәгендә эшләде. Яшь журналистларыбыз йолдызлардан интервью алды, аларга кызыклы һәм көтелмәгән сораулар бирде, иҗат планнары, уңыш серләре һәм фестивальдән алган тәэсирләре турында сөйләште. Тиздән тамашачыларны күп кенә эксклюзив материаллар көтә: йолдызлар белән интервьюлар, фестиваль мәйданчыкларыннан репортажлар һәм танылган кунакларның иң кызыклы җаваплары. «ШАЯН ТВ» сайты һәм социаль челтәрләрендәге яңалыкларны күзәтеп барыгыз, һәм VK Fest 2026ның иң кызыклы мизгелләрен беренчеләрдән булып карагыз!

08.06.2026
Казандагы VK Fest 2026 ничек үтте
Популяр яңалыклар

Казандагы VK Fest 2026 ничек үтте

7 июнь көнне Казанда җәйнең иң зур фестивальләренең берсе — VK Fest 2026 узды. «Казан» Гаилә үзәге янында кунакларны популяр артистлар чыгышлары, блогерлар белән очрашулар, спорт активлыклары һәм дистәләгән тематик мәйданчыклар көтте. Сәхнәдә Татьяна Куртукова, Дора, Вики Шоу, «Сироткин» төркеме, Клава Кока, Feduk һәм Zivert җырлары яңгырады. Бәйрәмгә татар вайбын Ришат Төхвәтуллин чыгышы өстәде.  Фестивальдә ТНВ холдингы да катнашты. Холдинг кунаклар өчен бөтен гаиләгә исәпләнгән зур интерактив мәйданчык әзерләде. Көн дәвамында биредә уеннар, конкурслар, балалар һәм өлкәннәр өчен күңел ачу чаралары узды, фотозоналар эшләде, бәйрәм рухы бер минутка да сүрелмәде. VK Fest тагын бер тапкыр Казан халкын һәм шәһәр кунакларын берләштерде, ә ТНВ холдингы мәйданчыгы якты эмоцияләр, иҗат һәм күтәренке кәеф яратучылар өчен үзенә күрә җәлеп итү үзәгенә әверелде. Безнең мәйданчыкка килгән һәм бәйрәмне безнең белән бергә бүлешкән һәркемгә рәхмәт!

07.06.2026
Prev. 1 ... 11 12 13 14 15 ... 425 Next
Главная Программа Видео Шортс Поиск