Яңалыклар

Эх, җиләкле җәйләре...

Җиләк көне белән! 18 июнь – бөтен дөньяда җәйнең иң тәмле, хуш исле һәм матур җимеше – ҖИЛӘК көне билгеләп үтелә. Кызыл, сусыл, баллы – ул кояш җылысын һәм каникуллар шатлыгын үзенә җыйган кебек. Беләсеңме, җиләк – ул гади генә десерт түгел. Аның составында күп кенә витаминнар бар, алар сәламәт булып үсәргә ярдәм итә. Элеккеләр клубника кәефне күтәрә һәм теләкләрне чынга ашырырга булыша дип ышанган. Бу көнне чын җиләкле бәйрәм итеп үткәрергә була! Мәсәлән, клубника үскән кыр рәсеме ясарга, әти-әни белән җиләктән пирог пешерергә, яки уен уйнап алырга: кем җиләк турында күбрәк сүз әйтә ала? Әгәр өегездә чын җиләк бар икән – авыз итеп кара! Ул иң тәмле кәнфиттән дә яхшырак. Җиләк көне җәй кебек күңелле һәм тәмле булсын!

18.06.2025

Казанда Сабантуйга автобуслар йөриячәк

Казанда милли бәйрәмнәрнең иң зурысы – Сабантуй якынлаша. Ул 21 июнь көнне булчак. Быел бәйрәм берничә мәйданчыкта уза, һәм анда барып җитү өчен махсус транспорт маршрутлары билгеләнде. Сезгә уңайлы булсын өчен, барлык мәгълүматны бергә тупладык. Березовая роща (Мирный бистәсе) Мирный бистәсендәге Березовая рощага шәһәрнең төрле нокталарыннан автобуслар йөри. Юл бәясе – гадәти шәһәр эченнән йөрү бәясе кебек. Түбәндәге тукталышлардан автобуслар хәрәкәт итәчәк: «Җиңү проспекты» метро станциясе 10-нчы микрорайон Филармония концерт залы (Павлюхин урамы) Глазунов урамы (Теплоконтроль тукталышы) Моннан тыш, «Казан-1» вокзалыннан электропоезд да йөриячәк. «Лебяжье» урман паркы Сабантуй «Лебяжье» урман паркында узачак очракта, анда бушлай автобуслар (шаттллар) йөриячәк. Алар «Ремплер торак массивы» тукталышыннан кузгалачак. Ориентир – Залесная урамындагы «Татнефть» ягулык салу станциясе. Дәрвишләр бистәсендәге Сабантуй Дәрвишләр бистәсенә барып җитү өчен дә махсус бушлай автобуслар каралган. Алар түбәндәге урыннардан кузгала: В. Б. Шнепп исемендәге Турбокомпрессор фәнни-тикшеренү институты янындагы парковка (Себер тракты, 40) «Мега» сәүдә үзәге парковкасы (Җиңү проспекты, 141) Юл хәрәкәтендәге вакытлыча үзгәрешләр 20 июньнән башлап, 21 июнь 17:00 сәгатькә кадәр «Урман шәһәрчеге» торак комплексы белән Фермское шоссе аралыгында беръяклы хәрәкәт оештырылачак. Шулай ук, Оренбург трактына таба Баталовлар туганнары урамында ике яклы хәрәкәт сакланачак. Барлык автобуслар һәм шаттллар иртәнге 8:00 сәгатьтән башлап бәйрәм тәмамланганчы һәм кунакларны чыгарып бетергәнче йөриячәк. Сабантуй – ул милли горурлык, традицияләрне саклау һәм бердәмлек бәйрәме. Юлга иртәрәк чыгыгыз, маршрутларны алдан планлаштырыгыз һәм бу матур бәйрәм рухын тулысынча тоярга язсын!

17.06.2025

ПРЕМЬЕРА – «Балалар һәм очучы җәнлекләр»

«ШАЯН ТВ»да яңа мультсериал «Балалар һәм очучы җәнлекләр»! Игезәкләр Оля һәм Коляга 5 яшь, ә бу яшьтәге балаларга дөньядагы бөтен нәрсә кызык! Алар тәҗрибәле остазлар – оча торган җәнлекләр ярдәмендә – әйләнә-тирә дөньяны өйрәнәләр. Төп геройларның иң катлаулы сорауларына да бик акыллы җавап бирәләр. Алар өлкәннәргә ярдәм итә һәм көндәлек күңелсез эшләрне мавыктыргыч маҗараларга әверелдерәләр! Дүшәмбе - җомга көннәре сәгать 8:10 / 16:10 «ШАЯН ТВ»да карамый калма!

16.06.2025

Казан Сабан туе – 2025

Казанда чын җәй Сабан туеннан башлана! Быел милли бәйрәм 21 июньдә өч мәйданчыкта үтәчәк: Мирный бистәсендә, Дербышкыларда һәм Лебяжье күле янында. Нәрсәләр көтә: көрәш, концертлар, мастер-класслар, милли ризыклар, фотозоналар, бәйгеләр, балалар мәйданчыклары һәм гаилә программалары, районнардан милли йортлар, халык уеннары һәм һөнәрләр Мирный 11 район үзәге, Салават һәм Филүс Каһиров чыгышы, балалар Сабан туе һәм татар киемнәре маркеты Лебяжье «Татарстан Батырлары» театраль тамашасы, эстрада йолдызлары (Ришат Тухватуллин, Гөлназ Асева, Илмира Нагимова һ.б.), «Сибур-Казаньоргсинтез» оештырган гаилә мәйданчыгы Дербышки «Яшьләр Сабан туе», Комсомол күлендә «Су Сабан туе», матурлык бәйгесе һәм сап-бордлар тамашасы, күренекле җырчылар (Венера Ганеева, Марат Яруллин һәм башкалар) Керү бушлай. Аш-суы, милли сувенирлар, осталар эшләнмәләре – барысы да булачак! Милли киемнәр киеп килегез – бәйрәм рухын көчәйтә! Сабан туе – бу гади бәйрәм генә түгел. Килегез – онытылмас хис-кичерешләр көтә!

16.06.2025

Әтиләр көне белән!

15 июнь – әтиләргә иң җылы, ихлас рәхмәт сүзләрен җиткерә торган бәйрәм! Әти – һәрвакыт янәшә, авыр чакта таяныч, уңышларга илтүче көч, тормышка өйрәтә торган зур терәк. Әтиләр – безнең горурлыгыбыз, акыллы киңәшчеләребез, балалар өчен иң зур үрнәк. Аларның мәхәббәте һәрвакыт йөрәгебездә, аларга булган хөрмәт – чиксез. Бәйрәм белән, кадерле әтиләр! Сезгә сәламәтлек, гаилә җылысы, балалар бәхете һәм күңел күтәренкелеге телибез! Шулай ук «Әти һәм мин» тапшыруының яңа чыгарылышын безнең ВКонтакте төркемендә карарга онытмагыз!

15.06.2025

Камка – иң сөйкемле бөҗәк

13 июнь – Камка көне, димәк, безнең бакчаларда очып йөрүче кечкенә, кызыл, таплы җан ияләрен искә алу көне! Алар шундый түгәрәк, төрле төсле, әйтерсең лә, табигать аларны күңел ачу өчен махсус яраткан! Камкалар – бакчада чын ярдәмчеләр. Алар матур гәүдәләре белән генә түгел, ә файдалы эшләре белән дә билгеле. Алар үсемлекләргә зыян китерүче бөҗәкләрне, бигрәк тә тәлгәшне яратып ашыйлар. Бер божья кортка үз гомерендә 5000гә кадәр тля ашарга мөмкин. Димәк, без аларны күрсәк, шатланырга кирәк – табигать үз эшен башкара. Кешеләр борынгы заманнардан ук бу бөҗәкне изге санаган. Аның тышкы кыяфәте гадәти түгел, шуңа күрә аны күкләрдән килгән дип уйлаганнар. Күп халыкларда ул бәхет, уңыш һәм теләкләрнең чынга ашуы билгесе булып тора. Кайберәүләр хәзер дә: камка кунса – теләк телә, ди. Камкаларның тәнендә ике таптан алып егерме дүрт тапка кадәр булырга мөмкин. Ә кайберләрендә бөтенләй тап юк. Таплар саны бөҗәкнең яшен түгел, нәселен күрсәтә. Бездә иң киң таралган төре – җиде таплы камка. Шулай итеп, иң бәләкәй җан ияләре дә зур эшләр башкара ала!

13.06.2025

Кадерле Дәү әти, юбилеегыз котлы булсын!

Кадерле Дәү әтиебез, Сезне 70 яшьлек гомер бәйрәмегез белән ихлас котлыйбыз! Сез – безнең күңел түрендә аерым урын алган, ихтирамга һәм мәхәббәткә лаеклы кеше. Күп еллар буе «Күчтәнәч» тапшыруын нурлы тавышың, юмарт елмаюың, күңелгә үтеп керә торган сүзләрең белән бизисең. Һәр тапшыруда синең җылылым һәм мәрхәмәт тоела. Зәйтүн абый, без сезне бик яратабыз! Сезнең ихласлык, гади булуыгыз, шаян сүзләрегез һәм киң күңелегез безгә һәрвакыт үрнәк. Сезгә нык сәламәтлек, күңел тынычлыгы, туганнар хөрмәте һәм тагын да озын иҗади гомер телибез. Һәр туган көн яна сөенечләр генә алып килсен! Туган көнең белән, безнең кадерле Зәйтүн абый!

13.06.2025

Россия – Туган илем!

Россия көне белән! Бүген – бик мөһим, зур бәйрәм. Ул безгә Ватан турында уйларга, аны яратырга, аның белән горурланырга мөмкинлек бирә. Бу көн илебезне, аның табигатен, телләрен, гореф-гадәтләрен, шәһәрләрен һәм авылларын искә төшерә. Бу бәйрәм йөрәктә яшәүче җылылык, тынычлык, татулык турында сөйли. Россия көне – дуслык, бердәмлек бәйрәме. Ул төрле кешеләрне, төрле телләрне, төрле йолаларны берләштерә. Һәркемнең уртак йорты, уртак иле бар – ул безнең Ватаныбыз. Мондый көннәрдә күңелдә якты хисләр уяна: кем булуыңа, кайда яшәргә туры килүенә карамастан, син зур, көчле илнең бер өлеше икәнен тоясың. Бу бәйрәм күңелгә көч өсти, киләчәккә ышаныч тудыра. Ул яхшылыкка, ярдәмчеллеккә, игътибарлы булырга өйрәтә. Илне ярату – ул тирә-ягыңны ярату, кешеләргә изгелек теләү, файдалы эшләр эшләү. Бәйрәмең белән, туган илебез!

12.06.2025

1 ... 11 12 13 14 15 ... 376

Яңа сайт!