«ШАЯН ТВ» сайтындагы иң файдалы мультсериалар

Уку күңелле булырга тиеш! 😊  «ШАЯН ТВ» сайтында балалар өчен яңа белемнәр алыр өчен, фикерләү сәләтен үстерергә һәм татар телен өйрәнергә ярдәм итүче мультсериаллар тупланган.

Смешарикларның кайсысы син? Кыска тест үт һәм җавапны бел

Һәр сорауга бер генә җавап сайла. Ахырда кайсы хәреф күбрәк җыелганын сана. 1. Буш вакытыңны ничек үткәрергә яратасың? А. Урамда уйныйм, сәяхәт итәм. Б. Китап укыйм, яңа нәрсәләр өйрәнәм. В. Рәсем ясыйм, музыка тыңлыйм яки иҗат итәм. Г. Дуслар белән очрашам. ⸻ 2. Мәктәптә бәйге игълан иттеләр. Син… А. Шунда ук катнашам. Б. Башта кагыйдәләрен укыйм. В. Иң кызыклы идея уйлап табам. Г. Дусларымны да чакырам. ⸻ 3. Кайсы бүләк күбрәк ошар иде? А. Велосипед яки самокат. Б. Телескоп, китап яки тәҗрибәләр җыелмасы. В. Буяулар яки иҗат өчен кирәк-яраклар. Г. Бәйрәмгә яки концертка билет. ⸻ 4. Сиңа нәрсә якынрак? А. Маҗаралар. Б. Белем. В. Иҗат. Г. Дуслык. ⸻ 5. Карар кабул иткәндә… А. Тиз эш итәм. Б. Башта яхшылап уйлыйм. В. Йөрәгем кушканча эшлим. Г. Дусларым белән киңәшләшәм. ⸻ 6. Кайсы суперсәләтне сайлар идең? А. Супертизлек. Б. Барлык сорауларга җавап белү. В. Башкаларга илһам бирү. Г. Һәркем белән тиз дуслашу. ⸻ 7. Сине ешрак ничек атыйлар? А. Батыр. Б. Акыллы. В. Хыялый. Г. Аралашучан. ⸻ 8. Синең өчен иң мөһиме нәрсә? А. Яңа маҗаралар. Б. Яңа белемнәр. В. Иҗат итү. Г. Гаилә һәм дуслар. ⸻

Россия Мәгариф министрлыгы: 9 сыйныфны тәмамлаучыларның укуын дәвам итү хокукы гарантияләнгән

Россия Мәгариф министрлыгы искәрткәнчә, төп гомуми белем турында аттестат алган һәр 9 сыйныф чыгарылыш укучысы белем алуын дәвам итәргә хокуклы. Мәктәпне тәмамлаганнан соң укучылар 10 сыйныфта укуны дәвам итә яки көллияткә укырга керә ала.

«Бернадетт» циклоны Татарстанга яңгырлар һәм салкынча һава алып килде

Татарстанга Атлантикадан килгән «Бернадетт» циклоны килеп җитте. Ул эссе һава торышын көчле яңгырлар, яшен һәм көчле җил белән алыштыра. Синоптиклар фаразлавынча, алдагы көннәрдә республикада кыска вакытлы, урыны белән көчле яңгырлар, яшен һәм җилнең секундына 17–22 метрга кадәр көчәюе көтелә. Һава температурасы +18…+25 градуска кадәр төшәчәк.  

Кечкенә казанлыларны «Кара күл» паркындагы иҗади пленэрга чакыралар

Кечкенә казанлыларны «Кара күл» паркындагы иҗади пленэрга чакыралар. 13 июльдә «Кара күл» паркында 6 яшьтән 18 яшькә кадәрге балалар һәм яшүсмерләр өчен ачык пленэр узачак. Катнашучылар дизайн мәктәбе укытучылары белән бергә Казан парклары турында риваятьләрдән һәм кызыклы вакыйгалардан илһамланып рәсемнәр ясаячак. Чара 17:00 сәгатьтә Җәйге йорт террасасында башлана. Барлык кирәкле рәсем ясау материалларын оештыручылар бирәчәк. Катнашу өчен алдан теркәлү кирәк.

Мәгариф министрлыгы балалар өчен гаджет куллану вакытын тәкъдим итте

Россия Мәгариф министрлыгы төрле яшьтәге балалар өчен цифрлы җайланмалардан куркынычсыз файдалану буенча тәкъдимнәр әзерләде. Документта экран каршында үткәрергә киңәш ителгән вакыт нормалары һәм ялны дөрес оештыру буенча киңәшләр урын алган. Бу хакта «Интерфакс» хәбәр итә.

Күңелле яллар өчен «чек лист»

Ял көннәрен ничек үткәрергә? Бу сорауга җавапны безнең редакция белә. Чек-листны үзеңә сакла һәм билгеләп бар. 

ТР Гидрометеорология үзәге мәгълүматлары буенча, һава торышының үзгәрүе көтә. Шимбә көнне республикада җылы җәйге һава торышы сакланса, якшәмбедән салкынчарак булачак, ә яңгырлар яву ихтималы артачак. 11 июль, шимбә көнне, төнлә һава температурасы +13…+18 градус булачак. Урыны белән кыска вакытлы яңгырлар көтелә. Көндез һава +23…+28 градуска кадәр җылыначак. 12 июль, якшәмбе көнне, аязучан болытлы һава торышы көтелә. Төнлә һава температурасы +13…+18 градус, көндез исә +20…+25 градус тәшкил итәчәк.