Яңалыклар

«ТАТАР СҮЗЕ» яңа мөмкинлекләр ача

«ТАТАР СҮЗЕ» бишенче Халыкара нәфис сүз телевизион бәйгесенә гаризалар кабул итү тәмамлануга нибары 4 көн калды! Катнашырга ашыгыгыз! Премиаль фонд - 2 000 000 сум! Быел «ТАТАР СҮЗЕ» берничә категория буенча үткәрелә: 7 яшькә кадәр булган катнашучылар, 8-13 яшькә кадәр, 14 яшьтән 17 яшькә кадәр, 18 һәм аннан өлкәнрәкләр өчен. Бәйгедә шулай ук профессионаллар, үз шигырен, әсәрен сөйләүчеләр, иҗади гаиләләр дә катнаша ала. Чыгышлар проза, шигърият һәм махсус номинациядә бәяләнәчәк. Мөмкинлекне кулыгыздан ычкындырмагыз! Үзегезгә туры килгән номинацияне сайлагыз һәм чыгышыгызны видеога төшереп, анкета белән бергә [email protected] рәсми почтасына юллагыз. Гаризалар 2024 елның 30 ноябренә кадәр кабул ителә. Тулырак мәгълүмат shayantv.ru һәм tnv.ru сайтларында. Шул уңайдан 27 ноябрь көнне PR һәм интернет юнәлеше буенча «ШАЯН ТВ» каналының башкарма директоры-баш мөхәррир урынбасары Адилә Биктимирова «Татарстан-Яңа Гасыр» каналында баручы «Манзара» тапшыруында кунакта булачак. Әңгәмә - «ТАТАР СҮЗЕ» бәйгесенең яңа мөмкинлекләре хакында булачак. Иртәнге 6:00 сәгатьтә «Татарстан-Яңа Гасыр» каналында карамый калмагыз!

26.11.2024

Чирләмәс өчен 3 эчемлек

Белгечләр көзге салкын тиюдән саклану һәм сәламәтлекне ныгыту өчен нинди эчемлекләр эчәргә кирәген әйтте. 1. Әлеге исемлектә лимон, имбир, сырганак, балан һәм бал белән чәй бар. Шулай ук кара карлыган белән дарчин (корица) компоты, фейхоа компоты да көзен салкын тиюдән сакланырга ярдәм итәр. 2. Мүк җиләгеннән ясалган эчемлек тә чирләмәскә ярдәм итәр. Әлеге эчемлеккә алма, әфлисун, дарчин (корица) һәм имбирь тамыры да өстәргә кушалар. Боларның бөтенесен бергә кушып кайнатып чыгарырга, 10 минут чамасы сүрән утта тотарга. 3. Нарат җиләгеннән ясалган эчемлек тә файдалы булачак. Моның өчен шикәр комыннан сироп ясарга кирәк. Сиропка дарчин, кардамон, дәфнә яфрагы (лавр), берничә түгәрәк борыч салырга һәм кайнатырга кирәк. Аннан нарат җиләген изәргә һәм бөтенесен бергә кайнатырга кирәк. Ахырдан исә лимон һәм бал салырга. Сәламәт булыгыз. Фото: Яндекс

25.11.2024

Кыш Бабай балалардан 8 меңгә якын хат алган

Быел Кыш Бабай Россиянең барлык почмакларыннан балалардан килгән 8 000гә якын хат алган. Шулай ук хатлар чит илләрдән: Германия, Австрия, Кытай һәм Япониядән дә юлланган. Кыш бабайның Яңа Кырлайдагы резиденциясе ел саен иң изге теләкләр язылган меңләгән хатлар җыю урынына әверелә. Шунысы игътибарга лаек, заманча технологияләр гасырында күп кенә балалар кулдан хат язуларын һәм үз открыткаларын җибәрүен дәвам итәләр. Быел Кыш бабайның резиденциясе 1 декабрьдә ачылачак. Теләге булган һәркем татар Кыш бабаеның әкияти йортына бара һәм аның белән аралаша алачак. Фото: Яндекс

25.11.2024

БӘЙГЕ! ИҢ АКТИВ МӘКТӘПКӘ - БҮЛӘК!

«ТАТАР СҮЗЕ» бишенче Халыкара нәфис сүз телевизион бәйгесенә гаризалар кабул итү тәмамлануга бик аз вакыт калып бара! Бәйгедә актив катнашып, иң күп гариза җибәрәгән мәктәпкә бүләк тапшырырга булдык! Катнашырга ашыгыгыз! Гаризалар 30 нчы ноябрьгә кадәр кабул ителә! Тулырак мәгълүмат сылтама буенча.

22.11.2024

Премьера: «Шугалак» җырына клип

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итә! «Шугалак» җырына төшерелгән клипның премьерасын рәхәтләнеп карагыз! Ленар Шәехов сүзләре, Миләүшә Хәйруллина көе Башкара: «Сәйлән» җыр телевизион фестивале катнашучысы Зәринә Хәбибуллина

22.11.2024

Бөтендөнья телевидение көне белән!

21 ноябрь - Бөтендөнья телевидение көне! Бүгенге тормышыбызны телевидениесез күз алдына да китереп булмый. Ул күп кеше өчен төп мәгълүмат чыганакларының берсе булып тора. Зәңгәр экраннар аша без иң кайнар яңалыкларны беләбез, җан азыгы алабыз. Мәгълүматны халыкка җиткергәндә телевидение хезмәткәрләреннән һөнәри осталык кына түгел, югары әхлакый сыйфатлар, кыюлык һәм сабырлык та сорала. Бүген «ШАЯН ТВ» хезмәткәрләре дә һөнәри бәйрәмнәрен билгеләп үтә дигән сүз! Хөрмәтле каналыбыз хезмәткәрләре! Сезне Бөтендөнья телевидение көне белән котлыйбыз! Кадрдагы һәм кадр артындагы барлык хезмәткәрләргә яңа идеяләр, иҗади проектлар, чиксез энергия һәм сәламәтлек телибез!

21.11.2024

«ШАЯН ТВ» текә смарт-сәгать уйната

Дуслар, ашыгыгыз! «ШАЯН ТВ» каналының ВКонтакте төркемендә шәп бәйге бара! Балалар өчен текә смарт-сәгать уйнатыла! Бәйгенең шартлары бик гади. Кер һәм катнаш! Кагыйдәләр белән танышу өчен сылтама буенча «ШАЯН ТВ»ның ВКонтакте төркеменә уз. Җиңүче 2 декабрь көнне билгеле булачак. Уңышлар телибез!

20.11.2024

Премьера: клип «Сәлам җыры»

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итә! «Сәлам җыры»на төшерелгән клипның премьерасын рәхәтләнеп карагыз! Гөлчәчәк Хаҗиева сүзләре, Гөлназ Җиһаншина көе Башкара: Казан балалар филармониясе ансамбле

20.11.2024

1 ... 45 46 47 48 49 ... 375

Яңа сайт!