Яңа проектлар һәм җанлы аралашу: «ШАЯН ТВ» белән Түбән Камада очрашу ничек узды

Чара җылы һәм күңелле мохиттә узды: укучыларга каналның яңа проектлары һәм киләчәккә планнары турында сөйләделәр. Моннан тыш, балаларга «ШАЯН ТВ» сайтының яңартылган версиясен тәкъдим иттеләр – анда хәзер тапшырулар карарга, яңалыклар укырга һәм соңгы яңартуларны күзәтеп барырга мөмкин.

Укучылар өчен интерактив программа әзерләнгән иде: балалар уеннарда актив катнаштылар, сорауларга җавап бирделәр һәм төрле биремнәр үтәделәр, үзләренең тапкырлыкларын күрсәттеләр.

Очрашу бик күңелле һәм истә калырлык итеп узды: укучылар кунаклар белән кызыксынып аралаштылар, сораулар бирделәр һәм үз хис-кичерешләре белән уртаклаштылар. Мондый чаралар «ШАЯН ТВ» белән якыннанрак танышырга һәм яраткан тапшыруларның ничек барлыкка килүен аңларга ярдәм итә.