Яңалыклар

Казанның 20 гимназиясендә «Балачак җыры» концерты узды!

Казанның 20 гимназиясендә «Балачак җыры» концерты узды!

Абдулла Алиш исемендәге 20 гимназиясендә гөрләп узды! Искәртеп узабыз, чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелә. Концертта катнашучы «Сәйлән» телевизион фестивале җиңүчеләре үзләренең искиткеч чыгышлары белән нәни тамашачыларыбызны сөендерделәр. Алар «Балачак җыры» бәйгесенең танылып өлгергән, балалар өчен җырларын башкардылар. Шулай ук балалар белән күрешергә «ШАЯН ТВ» балалар каналының яраткан геройлары – Шаян һәм Мияу да килде. Алар кунакларга чын бәйрәм рухы бүләк иттеләр. Моннан тыш, тамашачылар өчен кызыклы викториналар уздырылды, иң актив укучылар исә истәлекле бүләкләргә ия булдылар. Концерт барлык кунакларга да аралашу шатлыгы, шәп музыкаль номерлар һәм яхшы кәеф бүләк итте! Тамашачыларыбыз белән бергәләшеп вакытны бик күңелле үткәрдек! Алар һәр чыгышны яратып карадылар, «ШАЯН ТВ»ның яшь йолдызларын алкышлар белән озаттылар!

16.05.2023
Халыкара гаилә көне белән!

Халыкара гаилә көне белән!

Бүген 15 майда - табигатьнең иң гүзәл вакытында Халыкара гаилә көне билгеләп үтелә! Бу төшенчәләрне сатып алып булмый. Аларны югалтырга ярамый. Кеше тормышында гаиләдән дә мөһимрәк бернәрсә юк, шуны онытмагыз! Һәр гаиләне әлеге күркәм бәйрәм белән тәбрик итәбез! Гаиләләрегезгә тигезлек, тынычлык, сәламәтлек, һәм бәхет телибез. Өйләрегездә һәрвакыт үзара аңлашу, иминлек хөкем сөрсен. Гаиләләрегез бердәм булсын! Ә сез, яраткан тамашачыларыбыз - безнең гаилә! Кадерле ШАЯНнар, алга таба да «ШАЯН ТВ» белән бергә булыгыз.

15.05.2023
«Нильс маҗаралары» әйләнеп кайта!

«Нильс маҗаралары» әйләнеп кайта!

Нильс һәм аның канатлы дусты каз - Мартинның маҗаралары хакында мультсериал бүгеннән кабат эфирда! Яшь Нильс тыңлаусыз һәм кире малай булып үскән. Гном Нильска җәза бирергә уйлый, аны кечкенә кешегә әверелдерә. Әле алай гына да түгел, Нильс үзенә яңа гаҗәеп күнекмә ала: хәзер ул хайваннарны аңлый белә! Малай йорт казы Мартин белән дуслаша һәм алар малайны кечкенәгә әйләндергән гномны эзләргә китәләр. Нильс һәрвакыт каз өстенә утырып, очып йөри. Бүгенге көннән аның тормышы яңа борылыш ала, чөнки ул хәзер бик тиз һәм югары очарга сәләтле! Малайны Мартин белән мавыктыргыч маҗаралар көтә! «Нильс маҗаралары» мультсериалын эш көннәрендә 11:00 һәм 19:00 сәгатләрдә «ШАЯН ТВ» каналында карагыз!

15.05.2023
«Йорт иясе Плюх» мультсериалын карарга чакырабыз!

«Йорт иясе Плюх» мультсериалын карарга чакырабыз!

Йорт иясе Плюх белән таныштыгызмы әле? Алайса, «Йорт иясе Плюх» мультсериалын карарга чакырабыз! Барлык кечкенә туганнары кебек үк, Плюх та бик көлкеле, яхшы күңелле зат. Үзенең кечкенә буе аркасында ул һәрвакыт ниндидер кызыклы хәлләргә юлыга, хәер, алардан һәрвакыт чыгу юлын таба. Күз алдына китерегез, кечкенә кеше өчен көнбагыш ашау да проблема булырга мөмкин, чөнки явыз вентилятор аңа тынычлык бирми. Ә агачтан алма табу ничек кыен! Җимешләрне төрле җайланмалар ярдәмендә алырга туры килә. Синең каршыңдагы бал салынган зур гына банкадан чебеннең тәмләп бал ашавы да күңелне төшерә. Яңа лампа борып кую - шулай ук бик үк җиңел түгел. Ләкин сөйкемле йорт иясе беркайчан да күңелсезләнми, тормышка шатлана һәм үзенең маҗаралары белән «Йорт иясе Плюх» мультсериалын караучыларны шатландырырга ашыга! Ул сезне эш көннәрендә 13:55 һәм 21:55 сәгатьләрдә «ШАЯН ТВ» экраннары каршында көтә!

12.05.2023
Әкият илендә: «Ай белән кояш»!

Әкият илендә: «Ай белән кояш»!

Ай белән Кояш элек заманда гел бер җирдә генә тормакчы булганнар. Шуннан соң, бөтен кошларны җыеп, шул турыда җыелыш ясаганнар. Бөтен кошлар, боларның бер җирдә торуларына риза булып, шуңар кул куйганнар. Болар арасында бары бер генә кош кул куймыйча калган, ди. Ул булган Ярканат. Бүтән кошлар Ярканаттан сораганнар: — Бөтен кошлар кул куйганда, нилектән син генә кул куймадың? — дигәннәр. — Кулны мин, — дигән Ярканат, — шул сәбәпле куймадым, дигән: Кояш белән Ай бер җирдә генә торсалар, җил бер генә яктан исәр, агачлар кәкре булып үсәрләр, игеннәр дә Кояш төшкән җирдә генә үсәр, Кояш төшмәгән җирдә үсмәс, — дигән. Шуннан соң бүтән кошлар әйткәннәр: — Дөрес әйтә шул, Кояш төшмәгән җирдә иген үсми инде ул, — дигәннәр. Ай белән Кояшка икесенә дә, бер җирдә тормаска, әйләнеп йөрергә, дип карар чыгарганнар, ди. Шуннан соң Кояш әйткән Ярканатка: — Мин сине үземнең яктылыгымда йөртмәм, — дигән. Шунлыктан Ярканат көн яктысына чыгып йөри алмый икән. Аңа Ай сүз әйтмәгән, шуңа күрә ул Ай яктысында бик әйбәт йөри, ди. Ай белән Кояшның болай әйләнеп йөрүен бөтен кош-кортлар, бөтен халыклар бик дөрес дип кабул иткәннәр, ди. Шуннан соң игеннәр дә яхшы була башлаган, ди. Татар халык әкияте            

11.05.2023
«Галәм рейнджеры Роджер» «ШАЯН ТВ» экраннарында!

«Галәм рейнджеры Роджер» «ШАЯН ТВ» экраннарында!

«Галәм рейнджеры Роджер» кабат «ШАЯН ТВ» экраннарында! Планетаара маҗаралар яратучылар өчен мавыктыргыч мультсериал! Космик рейнджер Роджер - катлаулы хәлләргә эләккән дусларына һәрвакыт ярдәм итәргә әзер булучы кыю инопланетянин. Кечкенә инопланетянинны ерак һәм аңлаешсыз дөньяны - Җирне тикшерергә җибәрәләр. Үзенең «Дуслык» корабленнән Роджер көн саен безнең планетада барган хәлләрне күзәтә. Егет Җир өстеннән ярдәм кирәк булу сигналын алгач, проблеманы ачыкларга һәм бот-рейнджерлар отрядын җибәрергә тиеш. Роджер Җирдә тәрбияләнмәгәнгә күрә, ул вакыйгаларның үзенчәлекләрен һәрвакытта да аңлап бетерми, бу еш кына яңа күңелсезлекләргә китерә. Аның актив бот-рейнджерлары шулай ук еш кына өстәмә кыенлыклар тудыралар. Бәхеткә, барлык проблемалар да аның иҗади фикерләве һәм ярдәм итәргә омтылуы аркасында яхшы хәл ителә. Мультсериалны эш көннәрендә 09:10 һәм 17:10 сәгатьләрдә карагыз!

10.05.2023
ДӘРЕСТӘ ЯРДӘМ!

ДӘРЕСТӘ ЯРДӘМ!

Селәүсен - акыллы һәм үткен ерткыч. Әгәр кешеләр үзләре аңа куркыныч тудырмый икән, ул беркайчан да беренче булып аңа һөҗүм итми, ләкин аучыга каршы көрәштә селәүсен һәрвакыт җиңүче булып чыга. Акыл, тизлек, хәйләкәрлек һәм искитәрлек тиз реакция - менә шушы сүзләр белән аны тасвирлап була. * Селәүсен мәчеләрнең якын туганнары булып санала. * Аның зурлыгы якынча этнеке кебек. * Селәүсеннәрне мәчеләрдән колакларындагы пумалалары ярдәмендә аерырга була. * Әлеге җәнлекләрнең мехлары шулкадәр йомшак, куе ки, хәтта аны башка җәнлекләрнең йоннары белән конкурентлыгын бөтенләй уйлап торасы юк. * Йөргәндә яки йөгергәндә селәүсеннең арткы аяклары алгы аяк эзләре буенча чабалар. * Селәүсен - Җирдә яшәүче иң төньяк мәче, аларның кайберләре хәтта поляр якларда яшиләр. * Бу җан ияләре куе урманнарда тереклек итәләр. * Селәүсеннәр - бик шәп йөзәләр, алар шулай ук агачлар һәм кыялар буйлап җиңел үрмәлиләр. * Бер тәүлек эчендә селәүсен 30 километрга кадәр юл үтәргә сәләтле. * Аның сырлы тиресе җәнлеккә агачлар арасына кереп качарга һәм аңа һөҗүм итүчеләрдән яшеренергә булыша, чөнки хайванның мехы кояш нурларын хәтерләтә. * Селәүсеннәр корбаннарын аулаганда 4 метрга хәтле сикерергә мөмкин. Шул ук вакытта ул 80 метрга хәтле ераклыкта табышын эзәрлекләп бара ала, ә аннары арый һәм чигенә. * Селәүсеннәр төлкеләрне яратып бетермиләр, шуңа күрә аларга үз территорияләрендә ауга йөрергә ирек бирмиләр. * Селәүсеннәр кешеләрдән курыкмыйлар һәм аларга бик сирәк һөҗүм итәләр. * Кыргый табигатьтә әлеге җәнлекләр 15-20 яшькә кадәр яшиләр. * Селәүсеннәрнең ишетү сәләте бик яхшы, ул урманнан берничә чакрым ераклыктагы кешенең аяк тавышларын да ишетә ала.                                                        

10.05.2023
Prev. 1 ... 152 153 154 155 156 ... 387 Next
Главная Программа Видео Шортс Поиск