Яңалыклар

«Балачак җыры» яңа җырлар көтә!

«Балачак җыры» яңа җырлар көтә!

Күп санлы тамашачылар соравы буенча «Балачак җыры» бәйгесенә гаризалар кабул итү 15 мартка кадәр озайтылды! Сезнең әле вакытыгыз бар! Димәк, ашыгырга вакыт! Җырыгызны хит итәргә теләсәгез, ашыгыгыз! Тизрәк гариза юллагыз! Бүләкләр зурдан: акчалата приз, җырның профессиональ аранжировкасы һәм клибы! Җырның текстын һәм көен [email protected] адресына җибәрегез. Бәйгенең шартлары буенча тулырак мәгълүмат сылтама буенча.

09.03.2023
«Балачак җыры»на гаризалар кабул ителә!

«Балачак җыры»на гаризалар кабул ителә!

Дуслар, «Балачак җыры» бәйгесенә гаризалар кабул итү дәвам итә! Ләкин вакыт аз калды! Димәк, ашыгырга вакыт! Бәйгенең кагыйдәләре турында тулырак мәгълүмат һәм барлык сорауларга җавап безнең сайтта, «Бәйгеләр» сәхифәсендә! Гаризалар 15 мартка кадәр кабул ителә.

06.03.2023
«Тылсымлы фонарь»!

«Тылсымлы фонарь»!

«Тылсымлы фонарь» мультсериалының төп герое Митя - заманча гаджетлар ярата торган һәм даими рәвештә уеннар уйнаучы биш яшьлек малай. Аңа кайчандыр кешеләрнең компьютерларсыз һәм смартфоннарсыз яшәгәнен һәм бөтенләй башка приборлардан файдаланганын күз алдына да китерүе кыен. Үткәннәргә әйләнеп кайтырга малайга өлкән апасы Катя ярдәмгә килә. Бервакыт ул сәер әйбергә тап була һәм аны «тылсымлы фонарь» дип атый. Бу аның әти-әнисенең әкияти диапроекторы булып чыга. Әлеге җайланма ярдәмендә әкият тарихларын карарга мөмкин. Митя компьютер уеннарыннан аерылырга теләмәсә дә, Катя аны бик тиз күндерә. Һәр эпизодта геройлар яңа диафильм карыйлар. Серияләр исә бөек авторларның хикәяләренә нигезләнгән. Фильм барышында Катя сюжетны үзенчә җайлаштыра һәм яшь тамашачылар өчен катлаулы моментларны үзе аңлата! «Тылсымлы фонарь» мультсериалын дүшәмбедән-җомгага кадәр 13:40 һәм 21:40 сәгатьләрдә «ШАЯН ТВ» каналында карагыз!

06.03.2023
Әкият илендә: «Кәкре каенга терәткән»!

Әкият илендә: «Кәкре каенга терәткән»!

Борын заманда бер алдакчы кеше булган, ди, теләсә кемне алдалый ала икән, ди. Үзен бик акыллыга санап йөргән тагын бер бай кеше бар икән, ди. Шул кеше әйтә икән: — Мин шул Алдарга очрасам, аны һич тә алдатмас идем,— ди икән. Бервакыт бу кеше юл буйлап барганда, күрә: юл буенда әлеге Алдар бер кәкре каенны терәтеп тора, имеш. Бу аның янына барып сораган: — Я, дус, сине алдарга бик оста дип әйтәләр, мине дә алдый алырсыңмы икән, я алдап кара әле,— ди. Алдар әйткән: — Нигә сине алдый алмам икән? Бик тиз алдар идем дә, янымда алдар капчыгым юк шул, өйдә калды, —дигән. Бу кеше үзенең уяулыгына ышанып, Алдарга әйткән: — Бар, өеңнән капчыгыңны алып кил, мин монда көтеп торырмын,— дигән. Алдар аңа әйткән: — Өйгә бик кайтыр идем дә, менә бу каен аварга тора, китәргә ярамый бит,— дигән. Бу кеше бик үрсәләнеп: — Барсана, зинһар, капчыгыңны китерсәнә, син килгәнче, каенны үзем терәтеп торырмын,— дип, кәкре каенны терәп калган. Алдар шул китүдән кире әйләнеп килмәгән, ди, бу кеше әле дә булса кәкре каенны терәп тора, ди. Татар халык әкияте          

03.03.2023
«ШАЯН ТВ» каналында өр-яңа тапшыру!

«ШАЯН ТВ» каналында өр-яңа тапшыру!

«ШАЯН ТВ» каналында өр-яңа тапшыру! «Сәләт» Яшьләр оешмасының яңалыкларын, проектларын яктыртучы, талантлы яшьләр белән таныштыручы «Сәләт» дип исемләнгән тапшыру дөнья күрде! Әлеге тапшыруда сезне кызыклы шәхесләр, төрле чаралар һәм үзенчәлекле яңалыклар көтәчәк! Безнең белән Сәләт дулкынында бул!

02.03.2023
«Гордон – мәктәп автобусы» әйләнеп кайта!

«Гордон – мәктәп автобусы» әйләнеп кайта!

Яшь тамашачыларыбызны «Гордон – мәктәп автобусы» мультсериалын карарга чакырабыз! Ул кабат зәңгәр экраннарда. Зәңгәр автобусның күңелле маҗараларына кушылыгыз! Гордон - сөйкемле зәңгәр автобус, аңа бик мөһим миссия йөкләнгән. Эш шунда ки, ул җәмәгать транспорты гына түгел, ә «Кояшкай» балалар бакчасында эшләүче мәктәп автобусы да. Көн саен ул нәниләрне бакчага алып китә һәм аларны өйләренә алып кайта. Нәкъ менә әлеге автобуста балалар үзләренең тәрбиячеләре белән бергә төрле сәфәрләр кылалар һәм экскурсияләргә баралар. Еш кына яхшы күңелле Гордон коллектив эчендә булган төрле аңлашылмаучанлыкларны хәл итә һәм геройларга үенең акыллы киңәшләре белән ярдәмгә килә. Мультсериалны дүшәмбедән алып, җомгага кадәр «ШАЯН ТВ» каналында 11:00 һәм 19:00 сәгатьләрдә карагыз.

02.03.2023
Prev. 1 ... 152 153 154 155 156 ... 376 Next
Главная Программа Видео Шортс Поиск