Яңалыклар

«Балачак җыры» бәйгесенә гаризалар кабул итү тәмамланырга санаулы сәгатьләр калды!

Бүген «Балачак җыры» бәйгесенең 4 сезонына гаризалар кабул итү тәмамлана! Ашыгыгыз! Көн дәвамында гаризагызны җибәреп калырга өлгерегез! Бүләккә акчалата приз тапшырылачак, моннан тыш, җырның профессиональ аранжировкасы һәм клибына ия булачаксыз! Эшләрегезне, җырның текстын һәм көен [email protected] адресына җибәрегез. Бәйгенең шартлары буенча тулырак мәгълүмат сылтама буенча.

15.03.2023

«ШАЯН ТВ» каналы алып баручысы герой Дамир Йосыповтан интервью алды!

Кичә Россия Герое Дамир Йосыпов «На солнце, вдоль рядов кукурузы» фильмы премьерасында Казанда тамашачылар белән очрашты. Фильм аның язмышына бәйле төшерелгән. Премьерада Дамир Йосыпов фильмга мөнәсәбәте, аны төшерү мизгелләре турында сөйләде. Аны Татарстан халкы бик җылы кабул итте. «ШАЯН ТВ» каналының алып баручысы Рәдиф Габдрәкыйпов герой милләттәшебез Дамир Йосыповтан интервью алырга да өлгерде! Яшь алып баручыбыз белән горурланабыз! Афәрин, Рәдиф!

15.03.2023

Смешариклар белән танышабыз!

Дуслар, «ШАЯН ТВ» каналында баручы «Смешариклар» мультсериалын карап барасызмы? Геройлар белән дуслаштыгызмы инде? Юк икән, аларның кайберләре турында күбрәк белеп китик! * Нюша - мода яратучы кечкенә смешарик, характеры буенча ул чын холерик: бар нәрсәне дә бирелеп эшли, кыенлыклар алдында югалып калмый. Шул ук вакытта, көчле эмоцияләргә бирелә һәм кәефе дә кискен үзгәрергә мөмкин. * Керпе - бик кызыксынучан һәм күбрәк өйдә утырырга ярата. Ул техника, кактуслар һәм коллекцияләр белән мавыга. Дусларының үтенечләрен сирәк кенә кире кага, шуңа күрә, алар аркасында төрле маҗараларга очрый. * Крош - шат күңелле, хәрәкәтчән, беркайчан да төшенкелеккә бирелми торган, озын колаклы һәм кылый күзле, аксыл төстәге куян. Ул спорт белән шөгыльләнергә ярата, аеруча футбол белән. Һәрвакыт төрле маҗараларга юлыга. Аның иң якын дусты - керпе. * Бәрәш - шагыйрь-лирик, меланхолик. Еш кына кайгы турында шигырьләр яза, әмма шулай ук күңел ачарга һәм уйнарга да ярата. Аны рәнҗетү бик җиңел, шуңа күрә Бәрәш тирә-юньдәгеләрдән күп игътибар таләп итә. Беркем дә белмәгән бик күп яшерен белемнәргә һәм талантларга ия. * Пошаш – акыллы галим; сериал буенча ул астроном, әмма биология, химия, физиканы да яхшы белә, башка фәннәр белән дә кызыксына, хәтта Нобель премиясе дә ала. Фән кануннарына каршы килгән бар нәрсәне кире кага. Аның өендә, фән белән артык мавыгу аркасында, коточкыч тәртипсезлек. Ул бик җитди, китаплар укырга ярата, үз теорияләрен кайвакыт практикада кулланырга тырыша. Мультсериалны дүшәмбедән алып, җомгага кадәр 13:35 һәм 21:35 сәгатьләрдә «ШАЯН ТВ» каналында карагыз!

14.03.2023

«Балачак җыры» бәйгесенә гаризалар кабул итү тәмамлануга 2 көн калды!

Дуслар, «Балачак җыры» бәйгесенә гаризалар кабул итү бик тиздән тәмамланачак! Сезнең нибары 2 көн вакытыгыз бар! Тизрәк гаризагызны безгә юллагыз! Бүләкләр зурдан: акчалата приз, җырның профессиональ аранжировкасы һәм клибы! Эшләрегезне, җырның текстын һәм көен [email protected] адресына җибәрегез. Бәйгенең шартлары буенча тулырак мәгълүмат сылтама буенча. Гаризалар 15 мартка кадәр кабул ителә.

13.03.2023

Язның беренче хәбәрчеләре килде!

Язның беренче хәбәрчеләре кара каргалар да килде! Ур-ра! Чын-чынлап яз килә! Иң беренче яз кәефен кара каргалар алып килә! Чәүкәләр дә чыр-чу килеп, сөенеп каршы алды аларны! Табигать әкренләп уяна! 17 мартта кара каргалар элеккеге ояларына килсәләр, яз иртә килер, сулар тиз китеп бетәр, дигән халык сынамышы бар. Каргалар инде күренә дә башладылар. Бүген көн буранлап та тора. Ә карга бураннары белән яз килә, дигәннәр. Димәк, көннәрнең җылытуы да озак көттермәс! Салкын тышта, ә шулай да Күңелдә язгы хисләр, Йөрәк тибә язлар көтеп, Яз соңарса, ул нишләр? Март уртасы җитеп килә, Кыш һәм яз бил алыша, Күптән юлга чыкса да яз, Кыш һаман тарткалаша. Кара каргалар да килде, Яз нишләргә дә белми, Түбәләрдә боз соңгесе, Ә кыш һаман бирешми. Күчмә кошлар сагынгандыр Туып үскән якларын, Бар да көтә яз килгәнен Җыеп сабырлыкларын. Фәймә Зәйнуллина

13.03.2023

Распаковка!

Гигант баш мие распаковкасы! Безнең YouTube каналда!

13.03.2023

Күңелле яшелчәләр иленә чакырабыз!

Суыткыч киштәләрендә яшелчәләрне тын гына ята дип уйласагыз – ялгышасыз! Бер дә алай түгел! Әлбәттә, суыткыч ишеге ачык булганда, анда бернинди дә хәрәкәт була алмый. Ләкин ишекне ябу белән салкын йортта җыр, бию һәм акылга сыймаслык маҗараларга бай күңелле тормыш башлана. Иң актив яшелчәләрнең берсе - чөгендер. Әйе, әйе, биш чөгендер музыканты тынычлыкны белми һәм музыка астында яңадан-яңа күңел ачулар уйлап таба. Алар шау-шудан курыкмый гына түгел, ә яңа көйләр белән даими рәвештә экспериментлар ясыйлар. Чөгендерләр бернидән дә курыкмыйлар, хәтта киштәгә зур карбыз эләккәч тә, әлеге биш дус өчен бу чын шабаш ясарга сәбәп кенә. Әгәр бу шаян дуслар суыткычтан чыга алсалар, алар өйдән читтә дә маҗаралар таба беләләр. Нигә күтәрелгән камыр белән уйнамаска яки яшел виноградтан футбол тубы ясамаска? Бу яшелчәләр белән якыннанрак танышырга телисезме? Алайса сезне «Яшелчәләр илендә» мультсериалын карарга чакырабыз! Дүшәмбедән-җомгага кадәр 14:15 һәм 22:15 сәгатләрдә «ШАЯН ТВ» каналында карагыз!

10.03.2023

YouTube каналда - 13 000 язылучы!

Дуслар, безнең YouTube каналда язылучыларыбызның саны 13 000гә җитте! Безнең белән бергә булганыгыз өчен зур рәхмәт Сезгә! Иң кызыклы тапшырулар, гаҗәеп мультсериаллар, файдалы лайфхаклар – барысы да «ШАЯН ТВ»ның YouTube каналында! Шулай ук безнең YouTube каналда шәп бәйге турында да онытмагыз! Катнашып супер бүләк - «АКЫЛЛЫ СӘГАТЬ» иясе булыгыз! Тулырак мәгълүмат сылтама буенча. YouTube каналга язылыгыз! Бергә булыйк!

10.03.2023

1 ... 151 152 153 154 155 ... 376

Яңа сайт!