Яңалыклар

«Шаярыр алдыннан да уйлагыз!»

Журналист белән блогерның аермасы нидән гыйбарәт? Бүген «ШАЯН ТВ» телевизион блогерлары Татарстан Журналистлары берлегендә Татарстан Журналистлар берлеге рәисе, ТР Дәүләт Советы депутаты, «Яңа гасыр» телерадиокомпаниясе генераль директоры Әминев Илшат Юныс улы белән узган очрашуда әлеге һәм башка күп кенә сорауларга җавап эзләде. Дөрестән дә, тормышыбызга актив булып килеп кергән блогер кем соң ул? Шул ук журналист түгелме? «Беләсезме, аерма зур түгел. Журналист та блогер була ала. Әгәр ул сәхифәсендә җәмгыять өчен мөһим сорауларга җавап эзли икән, бу бик яхшы. Ә үз тормышын гына күрсәтеп баручыларның эше күңел ачуга гына әйләнеп кала. Сез – киләчәктә зур шәхесләр буласы яшьләр. Бүген бу эшне башлыйсыз икән, хәзер үк шушылар хакында уйларга тиеш. Нәрсә язганыгызны алдан уйлагыз. Дөньяны яхшыга үзгәртергә тырышыгыз. Без дә үстек, ләкин хәзер сезнең бөтен тормыш социаль челтәрләрдә. Хәтта шаярыр алдыннан да уйлагыз», – дип башлады очрашуны Илшат Әминев. Аның сүзләренчә, социаль челтәрләрдә утыру – ул күпмедер дәрәҗәдә көрәш. Аноним рәвештә, кешегә пычрак атып утыручылар күп. «Без яшь чакта коймаларга, подъездларга начар сүзләр язалар иде. Ә хәзер коймалар чистарды, алар урынына социаль челтәрләр бар. Ләкин үзегезнең тирәгә яхшы кешеләр җыярга тырышыгыз. Начар кешеләрдән саклану өчен, эмоциональ дивар куя белү дә кирәк!» – дип өстәде. Яшь блогерлар Ютуб, тик-ток кебек социаль челтәрләр, хейтер һәм кибербуллинг, танылган блогерлар турында сорауларга җавап ишетте. Татар журналистикасын 10 елдан соң ничек күз алдына китерүе белән дә кызыксынды яшьләр. «Татар журналистикасы үзгәрә. Иң төп проблема: әдәби татар телендә сөйләшә, аеруча фикер йөртә торган белгечләр азая. Безнең максат шундый журналистларны үстерү. Хәзер иң кирәк белгечләр – ике телдә камил сөйләшә торганнар. Киләчәктә өч телдә дә. Татар, рус, инглиз телләрен яхшы белсәгез, бик әйбәт», – диде Илшат Әминев. 15 ел дәвамында «Семь дней» тапшыруын әзерләүче шәхес буларак, иң истә калган сюжетларның да тел белән бәйле булуын әйтте. Шулай ук Илшат Әминев «ШАЯН ТВ» Ютуб каналын да актив күзәтә. Очрашу вакытында ютуб каналында телевизион блогерларлар әзерләгән влогларны карадылар һәм фикер алыштылар. Профессиональ журналист, популяр алып баручы, медиа-холдинг җитәкчесе Илшат Әминев яшь коллегаларына төпле киңәшләр дә җиткерде: «Журналист һөнәри яктан оста – профессионал булырга тиеш. Үз эшен югары дәрәҗәдә башкарып, дөрес мәгълүмат бирү мөһим. Кешеләрне яраткан, аңлаган, ярдәм иткән журналист кына зур дәрәҗәләргә ирешә ала. Кызыксынучан булыгыз һәм күп белергә тырышыгыз!» Җанлы әңгәмәдән соң, Татарстан журналистикасы тарихы музее буенча экскурсия үткәрелде. Бу очрашудан «ШАЯН ТВ»ның телевизион блогерлары журналистика буенча юнәлеш алды. Мондый чаралар аларга киләчәктә һөнәр сайларга да ярдәм итәчәк.

28.02.2020

Һәр очрашу күңелле!

Безне кайсы мәктәпләрдә көтәсез? Языгыз әле, дуслар! Очрашыйк, танышыйк, аралашыйк. Дуслык җепләрен ныгытыйк. Бу атна дәвамында без бик күп җирләрдә булдык. Тамашачыларыбыз белән аралашып кайттык. Яр Чаллы шәһәренең 4 мәктәбендә, 2 гимназиясендә, Казанның 3 гимназиясендә булдык. Башкалабызның 20 гимназиясендә һәм 165 мәктәптә дә очрашулар бик күңелле узды. Каналыбыз тормышы белән барыгызны да якыннан таныштырырга без әзер!

28.02.2020

Без бар! Без күп! Без бергә!

«ШАЯН ТВ»ның Дмитровград шәһәрендә телевизион блогерлар филиалы бар! Әйе, әйе! Ул бүгеннән эшли башлады. Димитровград шәһәренең Габдулла Тукай исемендәге 22 номерлы бердәнбер татар мәктәбендә бик актив, татар җанлы балалар укый. Бүген әлеге мәктәп базасында I төбәкара «Гакыйль Сәгыйров» фәнни-гамәли укучылар конференциясе узды. Чарада каналыбызның башкарма директоры - баш мөхәррире Рамилә Сәхабетдинова да катнашты. Ул укучыларга бик зур бүләк ясап, «ТНВ»ның Ульян өлкәсе корпункты базасында яшь телевизион блогерлар филиалын ачу турында хәбәр итте. Алар үзләренең мәктәп тормышын, нинди очрашулар, бәйрәмнәр үткәрүен, шәһәр, өлкә күләмендәге балалар өчен уздырыла торган чараларны төшереп җибәрәчәк. «ШАЯН ТВ» каналы, чын мәгънәсендә, бөтен илгә сибелеп яшәүче татар балаларын берләштерә. Яшь телевизион блогерлар пунктын да «ТНВ» каналының корпункты булган һәр шәһәрдә ачу планлаштырыла. Безнең канал аша чит төбәкләрдә яшәүче татар балаларының тормышы белән танышып бару мөмкинлеге - барыбыз өчен дә зур шатлык!

27.02.2020

«Лео белән Тиг» татар телендә!

Лео – маҗаралар яратучы кыю леопард. Якын дусты юлбарыс баласы Тиг, аннан аермалы буларак, бик куркак. Ерткыч хайваннар нәселеннән булса да, куркыныч хәлләрдән качарга гына тырыша. Ләкин дусты Лео аркасында, алар төрле вакыйгаларга эләгә, бер-берсе белән ярыша, шулай ук нәни тамашачыларны үзенчәлекле игътибар таләп итә торган кыргый табигать белән таныштыра. 27 февральдән безнең каналда «Лео белән Тиг» мультфильмын татар телендә карагыз! .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

26.02.2020

«ШАЯН ТВ»да яңа бию проекты!

«ШАЯН ТВ»да өр-яңа проект! Татарстанның иң иҗади, талантлы һәм сәләтле биючеләре көч сынашачак! Яраткан төркемеңне финалда күрергә теләсәң, shayantv.ru сайтына кереп, алар өчен тавыш бир! Финалда 35 бию төркеме арасыннан иң күп тавыш җыйган 6 команда гына «Бию battle» кубогы өчен үзара көч сынашачак. Хореографик чыгышлар түбәндәге бию төрләре белән тәкъдим ителә: 1. Берничә биючедән торган чыгыш – миниатюра (биючеләр саны 6дан артмаска тиеш) 2. Тулы масштаблы чыгыш – ансамбль (биючеләр саны 20гә кадәр җитәргә мөмкин) 3. Алдан әзерләнмичә чыгыш ясау (һәр командадан ике биюче диджей тәкъдим иткән көйгә биеп ярыша) Бәйгедә эстарда биюе, стильләшкән халык биюе, хореографиянең заманча юнәлешләре буенча чыгышлар тәкъдим ителәчәк. Һәр тапшыру ахырында бер җиңүче билгеләнәчәк. Яңа проектның барлык чыгарылышларын «ШАЯН ТВ» телеканалыннан һәм «ШАЯН ТВ»ның ютуб каналыннан күзәтеп барырга онытма!

26.02.2020

Белен көненә тәмле рецепт!

Белен ашарга яратасызмы, дуслар? Үзе йомшак, челтәрле-челтәрле, телеңне йотарлык тәмле! Ә бүген халыкара белен көне икән бит?! Әниләрегездән сорагыз әле, сезне тәмле беленнәр белән сыйласыннар. Эшләрен бераз җиңеләйтү өчен, үзегез дә ярдәм итегез. Сөт, йомырка, тоз, шикәр салып болгата торыгыз. Тагын нәрсә саласы, дисезме? Менә бик җиңел әзерләнә торган белен рецепты сезгә! Сөт — 1 стакан; Он — 5 аш калагы; Тоз — 1/2 чәй калагы; Шикәр — 2 аш калагы; Йомырка — 2 шт; Үсемлек мае — 1 чәй калагы. Ашларыгыз тәмле булсын!

25.02.2020

«Союзмультфильм» мультфильмнары татар телендә!

Мәрхәмәтлелек һәм самими шаяру, стиль һәм югары сыйфат — безнең ил мультфильмнарының төп үзенчәлекләре! «ШАЯН ТВ»да дөнья мәдәниятендә зур танылу алган «Союзмультфильм» мультфильмнарын карагыз! Әти-әниләрегезгә дә әйтегез! Балачак мультфильмнарын татар телендә карау аеруча күңелле булыр! .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

24.02.2020

Ватанны саклаучылар көне котлы булсын!

Булачак ил сакчыларын 23 февраль белән котлыйбыз! Көчле булыгыз, куйган максатларыгызга ышанычлы адымнар белән атлагыз! Уңышларыгыз белән әти-әниләрегезне, укытучыларыгызны сөендерегез! Ышанычлы дуслар һәм чын илебез сакчылары булып үсегез! Әтиләрне, абый-бабайларны да бәйрәм белән котлыйбыз!

23.02.2020

1 ... 292 293 294 295 296 ... 375

Яңа сайт!