«ШАЯН хәрефләр» үз эшен тәмамлый!

Дуслар, сайтта “Я” хәрефе барлыкка килде, ә димәк, «ШАЯН хәрефләр»нең барысы да җыелды, һәм әлеге рубрика үз эшен тәмамлый! Безнең белән булыгыз. Алда сезне бик күп кызыклы рубрикалар һәм проектлар көтә.    

Өр-яңа проект - «Әти һәм мин»!

Без сезнең өчен супер премьера әзерләдек!  «ШАЯН ТВ» каналында өр-яңа проект - «Әти һәм мин»!  •Балалар хәзер вакытны ничек үткәрергә ярата?  •Әтиләр нинди уеннар уйнап үскән?  •Һәм иң мөһиме: КАЙСЫ БУЫН УЕННАРЫ КЫЗЫГРАК?  Әлеге сорауларга җаваплар «Әти һәм мин» тапшыруында. Якшәмбе 17:00 сәгатьтә карагыз! 

Репортаж!

Посмотреть эту публикацию в Instagram Публикация от Детский канал "ШАЯН ТВ" (@shaiantv)

Халыкара хатын-кызлар көне белән!

Хөрмәтле гүзәл затлар! «ШАЯН ТВ» каналы Сезне язның тәүге бәйрәме – 8 Март Халыкара хатын кызлар көне белән тәбрик итә! Бу бәйрәм сезгә тормыш яме, яшәү көче өстәсен! Бәхетле булыгыз!

Халыкара балалар телевидениесе һәм радиосы көне!

«Alfiya Avzalova» китабы презентациясе!

Бүген иртәнге 9:00 сәгатьтә Халыкара “Бала-Сити” мәктәбендә инглиз телендә бастырылып чыккан «Alfiya Avzalova» дип исемләнгән китапның презентациясе узды! Әлеге чара Татарстан Республикасында игълан ителгән Туган телләр һәм Халыклар дуслыгы елы кысаларында үтте. Чараның кунаклары арасында Татарстан Республикасы Дәүләт Советы Рәисе урынбасары Марат Готыф улы Əхмәтов, Татарстан Республикасы Мәдәният Министры Ирада Хафизҗан Кызы Әюпова, Татарстан Республикасы Мәгариф Һәм Фән Министры Илсур Гәрәй Улы Хадиуллин булды. «ШАЯН ТВ» каналы исә «Бала-сити» белән һәрчак тыгыз элемтәдә тора, мәгариф үзәге нигезендә хәтта телевизион блогерлар мәктәбе дә эшләп килә! Биредә сәләтле балалар журналист һөнәрен үзләштерә һәм, тапшыруларда катнашып, алган күнекмәләрен шомарта! Бүгенге презентациядән дә балалар каналы читтә калмады: мәктәп фойесында махсус фотозона оештырылды, ә «ШАЯН тәҗрибәләр» тапшыруы алып баручысы Илназ Сибгатуллин кунаклар өчен кызыклы мастер-класс үткәрде!    

8 мартка бүләк от!

Посмотреть эту публикацию в Instagram Публикация от Детский канал "ШАЯН ТВ" (@shaiantv)

А.Р. Нурутдинов «ШАЯН ТВ»да!

Бүген «ТАТТЕЛЕКОМ» АҖ Генераль директоры А.Р.Нурутдинов «ШАЯН ТВ» каналына кунакка килде! “ТАТТЕЛЕКОМ” абонентлары безнең каналны инде ике ел карый. Бүген исә компания җитәкчесе контент булдыру барышын үзе килеп күрде. Яшь журналистлар мөхтәрәм кунагыбызга тапшыруларның ничек эшләнгәнен сөйләде. Сүз уңаеннан, «ШАЯН ТВ» каналында хәзер 20 дән артык программа эфирга чыга. Аларны алып бару гына түгел, бездә эшләүче малайлар һәм кызлар сюжет төшерергә дә, монтажларга да өйрәнә. Телевизион блогерлар мәктәбенә йөрүчеләрнең хезмәтенә Айрат Рәфкать улы да югары бәя бирде. Каналның контентын үстерүгә «ШАЯН ТВ»ның дубляж студиясе зур өлеш кертә.  Мөхтәрәм кунагыбыз әлеге мәйданчыкны да игътибарсыз калдырмады. Очрашу бик җылы үтте! «ШАЯН ТВ»га булган игътибары өчен, «ТАТТЕЛЕКОМ» АҖ генераль директоры А.Р.Нурутдиновка чиксез рәхмәтебезне белдерәбез!