Яңалыклар

Кызлар көне белән!

Кызлар көне белән!

25 апрель - Халыкара кызлар көне. Әлеге бәйрәм кызларга күбрәк игътибар белдерү өчен менә дигән сәбәп булып тора! Кызлар көне - мәхәббәт, җылылык һәм кайгырту бәйрәме. Бу көнне әти-әниләр кызларына булган мәхәббәтне тагын бер кат күрсәтә ала. Юкка гына кызлы ана - бәхетле ана димиләр. Чөнки кызлар әниләренең гомер буена таянычы, ярдәмчесе булып тора.  Әлеге бәйрәм гаилә бәйрәмнәренең берсе булырга һәм гаилә әгъзаларының бер-берсенә карата мәхәббәтен ныгытырга тиеш. Барлык кызларны да бәйрәм белән!

25.04.2023
«ШАЯН ТВ» каналы «Шигърияткә сәяхәт» бәйгесендә!

«ШАЯН ТВ» каналы «Шигърияткә сәяхәт» бәйгесендә!

Бүген Татарстан халыкларының Дуслык йортында Роберт Миңнуллин исемендәге “Шигърияткә сәяхәт” Республика балалар бәйгесенең бүләкләү тантанасы узды. Биредә “ШАЯН ТВ” каналы да булып кайтты. Шаян белән Биби балаларны зур җиңүләре белән котлады!

24.04.2023
«Cәйлән» фестиваленә гаризалар кабул ителә!

«Cәйлән» фестиваленә гаризалар кабул ителә!

Дуслар, «Cәйлән» грандиоз музыкаль фестиваленең 5 сезонына гаризалар кабул ителә! Узган сезон җиңүчеләре инде йолдыз булып балкыйлар! Үзегезне сынап карагыз һәм «ШАЯН ТВ» йолдызы булыгыз! Җырыгызны яздырып, анкета тутырып, [email protected] адресына юллагыз! Гаризалар 2023 елның 2 июленә кадәр кабул ителә. Тулырак мәгълүмат сылтама буенча.  

24.04.2023
«Рамазан Фест»!

«Рамазан Фест»!

Бүген изге бәйрәм уңаеннан, Казанда «Рамазан Фест» фестивале узды. Чарада татар һөнәрләре һәм милли киемнәрдән торган күргәзмәләр оештырылды, мастер-класслар һәм төрле викториналар үткәрелде. Биредә «ШАЯН ТВ» каналы да катнашты. Каналның төп герое Шаян бәйрәмгә килгән кунакларны сәламләде, алар белән фотога төште, бүләкләр өләште һәм яхшы кәеф бүләк итте!    

21.04.2023
«Смарта һәм могжизалы букча» яңа һөнәрләргә өйрәтә!

«Смарта һәм могжизалы букча» яңа һөнәрләргә өйрәтә!

«Смарта һәм могжизалы букча» мультсериалының төп герое Смартаның могҗизалы сумкасында ниләр генә юк: навигатор һәм смартфоннан алып, инглиз теле сүзлегенә кадәр файдалы әйберләр табарга була. Аңа бу әйберләр дусларына ярдәм итү һәм яңа күнекмәләр өйрәнү өчен кирәк. Смарта үзенең тугры дусты, баллы ашарга яратучы Спотти белән бергә төрле кызыклы биремнәр уйлап таба, көлкеле җырлар җырлый, санамышлар ярдәмендә санарга өйрәнә, инглиз теле һәм юл кагыйдәләре белән таныша - гомумән, тормыштагы мөһим әйберләрне кызыклы һәм җиңел итеп өйрәнә. Сезне дә Смарта бик күп яңа һөнәрләргә өйрәтәчәк, чөнки мультсериал кабат эфир киңлекләренә чыга! Мультсериалны дүшәмбедән-җомгага кадәр 13:45 һәм 21:45 сәгатьләрдә «ШАЯН ТВ» каналында карагыз!  

20.04.2023
Шиһабетдин Мәрҗани исемендәге 2 нче татар гимназиясендә «Балачак җыры» концерты узды!

Шиһабетдин Мәрҗани исемендәге 2 нче татар гимназиясендә «Балачак җыры» концерты узды!

Бүген Шиһабетдин Мәрҗани исемендәге 2 нче татар гимназиясендә «ШАЯН ТВ» каналының «Балачак җыры» концерты узды. Концертта «Сәйлән» телевизион музыкаль фестивале җиңүчеләре «Балачак җыры» бәйгесендә җиңгән шат җырлар белән тамашачыларның күңелен күтәрделәр. Шулай ук балалар белән күрешергә «ШАЯН ТВ» балалар каналының яраткан геройлары – Шаян һәм Мияу да килде. Алар кунакларны каршы алдылар, уйнадылар, көлделәр һәм бәйрәм рухы бүләк иттеләр. Моннан тыш, кызыклы викториналар да уздырылды, иң активлар истәлекле бүләкләргә ия булдылар. Искәртеп узабыз, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла. Концерт барлык тамашачыларга да аралашу шатлыгы һәм яхшы кәеф бүләк итте! Алар һәр чыгышны яратып карадылар, «ШАЯН ТВ»ның яшь йолдызларының һәр чыгышын алкышлар белән озаттылар!

19.04.2023
«ШАЯН ТВ» каналы Муса Җәлил исемендәге Республика премиясенә лаек булды!

«ШАЯН ТВ» каналы Муса Җәлил исемендәге Республика премиясенә лаек булды!

Сөенечле яңалык! Тәүлек әйләнәсе татар телендә эшләүче «ШАЯН ТВ» беренче балалар каналы иң дәрәҗәле премияләрнең берсе - Муса Җәлил исемендәге Республика премиясе лауреаты исеменә лаек булды! Без бу вакыйганы түземсезлек белән көттек! Бүләкләү тантанасы бүген «Пирамида» концертлар залында «Созвездие - Йолдызлык» XXIII ачык республика телевизион яшьләр сәнгате фестиваленең гала концерты кысаларында узды. Әлеге премия 2 елга бер тапкыр Татарстанның интеллектуаль һәм рухи мирасын үстерү максатында, сәләтле яшьләрнең әдәбият, сәнгать, фән, мәгариф, эшмәкәрлек өлкәсендәге уңышларын бәяләү өчен бирелә. «Яңа Гасыр» телерадиокомпаниясе»нең бер өлеше булган «ШАЯН ТВ» каналы үсеп килүче буынны тәрбияләүдә, аңа милли рухта тәрбия бирүдә, татар теленә карата ихтирам һәм хөрмәт уятуда хезмәт итә. Журналистика һәм телевидение сәнгате өлкәсендә ирешкән уңышлары өчен, татар телен, халкыбызның әдәби мирасын популярлаштыруга зур өлеш кертеп, яшь буынны рухи һәм әхлакый яктан үстергәне өчен «ШАЯН ТВ» балалар каналы әлеге премиягә, һичшиксез, лаеклы! Бу - телеканал өчен зур нәтиҗә! Бу тамашачыларыбыз белән бергә – безнең уртак җиңүебез! «ШАЯН ТВ» каналының эшчәнлеген югары бәяләүләре өчен зур рәхмәтебезне белдерәбез! Алга таба да телебезнең бөтен матурлыгын халыкка җиткерү өчен бөтен көчебезне куярбыз һәм ялкынланып эшләвебезне дәвам итәрбез!  

19.04.2023
Prev. 1 ... 143 144 145 146 147 ... 375 Next
Главная Программа Видео Шортс Поиск