Яңалыклар

«Балачак җыры» бәйгесенең тавыш бирү этабы старт ала!

«Балачак җыры» бәйгесенең тавыш бирү этабы старт ала!

Дуслар, көттегезме? «ШАЯН ТВ» каналы «Балачак җыры» дип исемләнгән балалар җыры бәйгесе игълан иткән иде. Ниһаять, бәйгенең тавыш бирү этабы старт ала! 5 июльдән – 10 июльгә кадәр, интернет аша shayantv.ru сайтында тавыш бирергә мөмкин. Иң күп тавыш җыйган катнашучылар өченче турга үтәчәк! Моны бары сез хәл итәсез! Сылтама буенча узыгыз һәм үз тавышыгызны калдырыгыз!  

05.07.2023
Премьера: «Аһ, куян, эләксәңме?! Каникуллар»!

Премьера: «Аһ, куян, эләксәңме?! Каникуллар»!

Ярты гасыр элек Куян һәм Бүре барлык тамашачыларның иң яраткан геройлары булган! Легендалар әйләнеп кайта! «Аһ, куян, эләксәңме?! Каникуллар» мультсериалының премьерасы бүгеннән «ШАЯН ТВ» каналында! Ел әйләнәсе барлык уңайлыклары булган курортка рәхим итегез, анда һәркем күңеленә хуш килерлек шөгыль табачак. Актив ял итәргә яратучы Куянга каникуллар белән ләззәтләнергә Бүре тынгылык бирми, чөнки ул гел Куян тирәсендә бөтерелә. Агрессив карашлы Бүре белән тынычлык сөюче Куян арасында төрле аңлашылмаучанлыклар барлыкка килә: соклангыч Косули Улиның игътибары өчен көрәштән алып, велоузышларда төп приз өчен көндәшлеккә кадәр! Төрле трюклар һәм шаян маҗаралар балаларны да, өлкәннәрне дә битараф калдырмаячак! Мультсериалны эш көннәрендә 11:30 һәм 19:30 сәгатьләрдә «ШАЯН ТВ» каналында карагыз!  

04.07.2023
Иртәгә гаризалар кабул итү туктатыла!

Иртәгә гаризалар кабул итү туктатыла!

Иртәгә «Cәйлән» телевизион музыкаль фестиваленә гаризалар кабул итү тәмамланачак. Нибары 1 көн калды! Җырыгызны яздырып, анкета тутырып, seilen@shayantv.ru адресына юлларга ашыгыгыз! Гаризалар 2023 елның 2 июленә кадәр кабул ителә. Тулырак мәгълүмат сылтама буенча.

01.07.2023
Июльгә кердек!

Июльгә кердек!

Июль - җәйнең икенче ае. Ул елның иң эссе аеннан санала. Июльне «җиләк ае» дип йөртәләр. Икенче исеме – «яшенле ай». Чөнки эссе көн тиз арада яшен белән аралашырга мөмкин. Без сезнең белән табигатькә бәйле халык сынамышларын барлауны дәвам итәбез. Әлеге фаразлар сезгә алга таба табигатьтәге үзгәрешләренең нинди булачагын күзалларга ярдәм итәр. * Июль эссе булса, декабрь суык килә. * Әгәр июль иртәсендә томан суга таралса, яхшы һава торышы көт. Салават күпере кызарып, төньяктан көньякка таба сузылса - хәвеф билгесе. * Әгәр иртән чык булмаса, кичкә яңгыр явачак. * Июль иртәсендә җылы яңгыр явып китсә, көндез һава торышы яхшы булыр. * Әгәр июльдә билчән күп икән - суык кыш көтегез. Кузгалак күп булса, кыш җылы килер. * Үрмәкүч оясыннан чыгып, яңа ятьмә үрә икән, яхшы һава торышына. * Карлыгачлар очканда, канатлары белән суга тиеп алсалар - яңгырга. * Каргалар күктә очып уйнасалар - хәвефкә ишарә.

01.07.2023
«ТНВ» каналы яңа сериал төшерә!

«ТНВ» каналы яңа сериал төшерә!

«ТНВ» каналы һәм «Ватан 21 гасыр» кинокомпаниясе үзенең тамашачылары өчен өр-яңа «Юллар чатында» дип исемләнгән сериал төшерә башлады. Бүген төшерү процессында Татарстан Республикасы Дәүләт Советы Рәисе урынбасары, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Готыф улы Әхмәтов булды. Шулай ук хөрмәтле кунаклар арасында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Ринат улы Зарипов, Татарстан Республикасы Дәүләт Советының Бюджет, салымнар һәм финанс комитеты рәисе урынбасары Камил Әсгать улы Ногаев та бар иде. Алар актерлар составы белән очраштылар, төшерү үзенчәлекләре белән таныштылар һәм фильм турында 2 минутлык тизер карадылар. Сериалның концепциясе  «Татнефть» ягулык салу станциясен күптөрле язмышларның, кызыклы шәхесләрнең очрашу урынына, гел каядыр ашыгучы юлчыларның бераз тукталып фикер туплый торган тынычлык утравына әверелдерә.  Бирегә һәркем үз уйлары, проблемалары, дөньяга үзенең карашы һәм үз макстаы белән килә. Очраклы кешеләрнең бер ноктада кисешүе шунысы белән кызыклы да инде. Кыска гына вакыт эчендә АЗСта тулы бер гомер үтә: кешеләр кавышалар да, аерылышалар да, табышалар да, югалалар да. Бу вакыйгалар әлбәттә АЗС хезмәктәрләре каршында барган сәхнә кебек. Алар да үзләреннән ниндидер өлеш кертергә, бер дә таныш булмаган кешеләргә дә ярдәм итәргә торалар. Чөнки үзләренең дә гаиләләре бар һәм алар да шундый ук хисләргә бирелүчән гади адәм балалары. 20 серияле иҗат җимеше Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Татнефть» хәйрия фонды ярдәме белән гамәлгә ашырыла. Сериалның премьерасын тамашачылар «ТНВ-Татарстан» һәм «ТНВ-Планета» каналларында көзен карый алачак.    

30.06.2023
«Cәйлән» фестиваленә гаризалар кабул итү тәмамланырга берничә көн калды!

«Cәйлән» фестиваленә гаризалар кабул итү тәмамланырга берничә көн калды!

Дуслар, «Cәйлән» телевизион музыкаль фестиваленә гаризалар кабул итү тәмамланырга нибары берничә көн калды! 2 июльгә кадәр өлгерегез! Без сездән эшләрегезне көтәбез! Бәйге буенча тулырак мәгълүмат сылтама буенча!

29.06.2023
Prev. 1 ... 145 146 147 148 149 ... 386 Next
Главная Программа Видео Шортс Поиск