Яңалыклар

«ШАЯН ТВ» каналы бер капчык бүләк уйната

«ШАЯН ТВ» каналы бер капчык бүләк уйната

«ШАЯН ТВ» каналы бер капчык бүләк уйната! Бәхетеңне сынап карарга ашык! Шартлары бик гади! Кер һәм катнаш! Бәйгенең кагыйдәләре белән танышу өчен сылтама буенча «ШАЯН ТВ»ның ВКонтакте төркеменә уз. Җиңүче 1 март көнне билгеле булачак!

22.02.2024
«ШАЯН ТВ» каналы «Балачак җыры» концертлар циклына старт бирә

«ШАЯН ТВ» каналы «Балачак җыры» концертлар циклына старт бирә

«ШАЯН ТВ» каналы «Балачак җыры» концертлар циклына старт бирә! Тагын да күбрәк өр-яңа балалар өчен җырлар, талантлы башкаручылар белән бергә сәфәргә чыга! Бүгенге концерт Казанның аерым фәннәрне тирәнтен өйрәнүле 171 мәктәбендә узды. Тамашачыларга бер көндә ике концерт куелды! Гадәттәгечә, тамашачыларыбыз бик җылы итеп каршы алдылар һәм кайнар алкышларга күмделәр. Концертны карарга башкаланың мәктәп-гимназия укучылары җыелды. «Сәйлән» фестивале йолдызлары исә «Балачак җыры» бәйгесенең популяр хитларын башкарып, тамашачыларның күңелен яуладылар. «ШАЯН ТВ» каналының төп геройлары да балаларны сөендерде: шаярдылар, көлделәр, фотога төштеләр, иң активларга бүләкләр өләштеләр. Бер сулышта узды әлеге бәйрәм! Күтәренке кәеф, шаяру-көлүләр белән югары үтте! Тамашачыларыбыз да канәгать калды! Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.

21.02.2024
«ШАЯН ТВ» каналы «Россия» Халыкара күргәзмә-форумында булып кайтты

«ШАЯН ТВ» каналы «Россия» Халыкара күргәзмә-форумында булып кайтты

«ШАЯН ТВ» каналы Мәскәүдә «Россия» Халыкара күргәзмә-форумында булып кайтты. Биредә ул Милли казанышлар форумы кысаларында узган Мәгариф көнендә катнашты. Көн дәвамында күргәзмә кунаклары өчен профильле дискуссияләр, остаханәләр һәм викториналар оештырылды. Чарада «ШАЯН ТВ» каналы Татарстан данын яклады! Каналның алып баручылары Татарстан Республикасы мәгариф системасының казанышлары мәйданчыгында «ШАЯН ТВ»ның татар телендәге белем бирү проектларын тәкъдим итте. Көн тәртибендә мәгариф өлкәсендәге төп нәтиҗәләр каралды.

20.02.2024
Балачак җыры бәйгесенең ЮБИЛЕЙ СЕЗОНЫНА старт бирелә!

Балачак җыры бәйгесенең ЮБИЛЕЙ СЕЗОНЫНА старт бирелә!

Балачак җыры бәйгесенең бишенче ЮБИЛЕЙ СЕЗОНЫНА старт бирелә! Бик тиздән нәкъ сезнең җырыгыз хит булачак! Без сездән өр-яңа шигырьләр, оригиналь көйләр көтәбез! Җиңүчеләр шәп бүләкләргә ия булачак: акчалата приз, җырның профессиональ аранжировкасы һәм клибы! Җырның текстын һәм көен shayanmuzik@mail.ru адресына юллагыз. Гаризалар 30 апрельгә кадәр кабул ителә! Тулырак мәгълүмат сылтама буенча.

19.02.2024
Илнат Фархуллин җырчы булмаса, кем булыр иде?

Илнат Фархуллин җырчы булмаса, кем булыр иде?

«ШАЯН ТВ»ның YouTube каналында чыгучы «Килде-китте ШОУ» тапшыруында Илнат Фархуллин җырчы булмаса, кем булуы хакында сөйләде. - Монда энергетика ягыннан карарга кирәк. Энергия кайсы юнәлешкә таба күбрәк үзен җайлаштыра алыр иде – бу шуннан тора. Иҗат һәм сәнгать кебек яратып эшли ала торган эшем була алыр идеме икән? Әлеге өлкә буенча Аллаһ Тәгаләдән аз гына булса да, сәләт бирелгән. Ул синең үзең өчен генә бирелмәгән, димәк, син әлеге талантны дөньяга кирәкле рәвештә җиткерә белергә тиешсең. Тамашачы, халык нинди дә булса энергия туплап, яхшы кәеф белән кайтып китә һәм әлеге энергетика аңа яшәргә көч бирә икән, мин дөрес юнәлештә дигән сүз. Мин бу әйберләрнең беразын гына булса да тамашачыга җиткерә алам икән, бик рәхмәтлемен. Концертларда халыкка бөтен булган көчемне бирергә тырышам. Яңа елга хәтле бик актив кына эшләдек. Себер, Урал, Башкортостан, Татарстанның кайбер районнарында гастрольләр белән булдык. Гыйнвар аенда бераз ял итеп алдык. Хәзер инде февраль, март, апрельдә Татарстан буйлап концертларыбыз башланды. Тулырак әңгәмәне «ШАЯН ТВ»ның YouTube каналында карагыз.

19.02.2024
Петя белән Бүре нәни дусларын әкият дөньясына чакыра

Петя белән Бүре нәни дусларын әкият дөньясына чакыра

«Петя белән Бүре маҗаралары» мультсериалы янәдән эфирга чыга! Мәктәп укучысы Петя һәм аның дусты Бүре тамашачыларны әкият дөньясына чакыра! Малай тылсымлы геройларга гадәти булмаган мәшәкатьләрен хәл итәргә ярдәм итә. Болар һәм тагын бик күп маҗараларны «Петя белән Бүре маҗаралары» мультсериалында карагыз! Дүшәмбедән алып, җомгага кадәр 12:45 һәм 20:45 сәгатьләрдә «ШАЯН ТВ» каналында!

16.02.2024
Prev. 1 ... 146 147 148 149 150 ... 425 Next
Главная Программа Видео Шортс Поиск